老掌櫃東北菜館 (利奧坊)

營業中

休息中

去大角咀食東北菜🥘 原來都幾岩口味。🌟白菜燉豆腐🌟燉煲份量好充足，豆腐大大件，岩哂鍾意食豆腐晚我地😃🌟鮮蝦魚肉餃子🌟材料簡簡單單，每隻餃子都有1隻完整蝦仔，配埋魚蓉同菜粒，清得黎好香甜😙🌟香椿炒蛋🌟香椿菜第一次食，原來營養價值好高架🥬 食落有啲似欖菜咁 🌟拔絲蘋果🌟呢個好盞鬼，有得玩。拎上枱就要將俾糖漿包住哂既蘋果立即分開，再拖幾秒落清水拎番起，食落去就唔會癡牙仲好脆卜卜添❗可以一試。

✨ 老掌櫃東北菜館主打東北菜餚嘅「老掌櫃」，門口掛咗兩個大紅燈籠🏮，雖然店內以簡單裝修為主，但天花掛有不少有中國特色嘅掛燈，充滿著北方情懷。☺️🌮 北京填鴨（半隻） $168基本上每枱都必嗌嘅片皮鴨‼️半隻鴨但份量足料，鋪滿一大個碟面🥰而且鴨肉比例較多，鴨皮香脆肉嫩，肉味香濃而且油份足夠😋每一塊鴨肉都連埋鴨皮，唔會皮肉分離，食感上一次過可以食曬兩種質地，配埋大蔥絲、青瓜🥒、甜麵醬，口感豐富👍🏻🍜 四川擔擔麵 $48超濃濃郁嘅花生味撲鼻而來🤤麵條上仲有唔少蔥花同肉碎，麵條食落幼滑爽口，口感層次豐富，風味十足☺️🥢 川式回鍋肉 $86 一上枱見到好多青椒🫑、紅椒🌶️、香蔥就知十分足料，上枱個陣仲冒緊煙♨️鑊氣夠曬強勁。食落豬肉片肥而不膩，鹹鮮微辣，送飯一流👍🏻.⭐整體︰8.0/10⭐食物︰8.0/10⭐環境︰7.5/10⭐價錢︰9.0/10

呢間東北菜館，冇太多多餘嘅裝修，勝在款式特別，唔係出面食見到嘅菜式，而且價錢實惠，超抵食！今次專登星期一晚過嚟，估唔到都已經差唔多滿座！菜式勁多選擇，整體價錢又平又大碟，除咗餃子、麵食之外，竟然有片皮鴨🤩，仲有多款地道嘅東北小菜，一次過可以試到超多款式！------------------------------🦆◖北京填鴨（半隻）◗ $168性價比之選，$200唔使有半隻片皮鴨，跟咗12片餅皮，鴨皮偏厚，冇乜薄脆嘅口感，但鴨肉做得幾好，充滿着鴨油嘅香，肉質唔會乾柴～自己動手張片皮鴨放上餅皮，再加青瓜同蔥條，最後落少少京醬，片皮鴨鹹鹹香香，好食！🐖◖東北醬骨架◗ $98佢呢個骨架真係成條豬肋骨咁上，勁大塊！肋骨塗上秘製醬汁，好香煮得好腍，啱晒鍾意lun骨嘅人！🐟◖豆腐粉條燒帶魚◗ $98帶魚香煎過嚟，充滿鹹香嘅鮮味，魚肉嫩滑，加入豆腐同粉條落個湯到煮，大大煲，但略嫌佢湯汁味道唔太夠，食物都偏淡味～🌟 Encore指數：8.9/10

跟同事Lunch Time分別叫左2個套餐，跟餐追加一份小食東北酸菜餃子由於肉餡已經有基本醃味，再加上酸菜味道令餃子略嫌偏咸。不過餃子皮煙韌，肉汁飽滿，整體上還都是可以蕃茄雞蛋常湯麵湯底夠熱夠清，麵質爽口彈牙，配料相當豐富，有雲耳，蕃茄，雞蛋，腩肉，份量十足。再加埋芫荽同蔥，雖然材料簡單但味道卻意想不到，性價比高四喜烤麩除左烤麩，仲有筍，木耳同冬菇，味道有驚喜，因為汁底似薑醋味，配搭非常。但可惜放雪櫃時間長了，不是室溫，影響了口感！

大角咀老掌櫃東北菜館區內非常馳名，最近搬咗去利奧坊，舖頭變大左可容納多些食客。食物分量充足， 全部大大份酸菜魚這店必點，同出面有點不同，有好多新鮮魚片， 味道並不太酸辣，沒有太麻感覺，反而啱我口味， 都好大煲倆個人食十分夠酸辣湯麵酸酸辣辣，麯條好粗身，索了酸辣湯更滋味餃子🥟素三鮮 （白菜仔、甘荀、木耳、冬菇）這樣才能食出餃子鮮，鮮甜多汁，而且素菜非常健康之選，餃子皮薄不太厚銀絲卷傳統東北上海菜，現在不是太多餐廳做，炸得非常香脆，上碟時仲係熱辣辣，沾上練奶食，頓時童年回憶返咗嚟高力豆沙即叫即炸，脹卜卜，內有少許紅豆，不太甜，甜品作為這餐作結

朋友黎開奧海城 收工順便去食好嘢見到呢間老掌櫃價錢唔貴 又幾多人幫襯 一於試吓先重點係片皮鴨 睇見都好想食呀北京填鴨（半隻） $168呢度半隻好足料 有好多片 而且一d都唔肥個皮脆卜卜 好高質呀而且肉又多 真係大件夾抵食黃金蝦球 $108呢個一咬落去原來係已經去左殼口落去蝦肉都幾新鮮唔使剝殼唔洗浪費左d咸蛋黃而且啖啖都有咸蛋味表面炸脆左 好好食又惹味紅油抄手（10隻） $48$48大大碟，紅油唔係剩係得辣油 有醬油味仲有蒜蓉調味肉餡有有量豬肉 唔肥但有豬肉香 有質素呢間東北菜比預期中有驚喜 而且價錢唔貴份量又多 唔怪得咁多人幫襯啦🥰老掌櫃東北菜館 (利奧坊) (大角咀)大角咀嘉善街18號利奧坊.凱岸地下G708-G709號

呢間嘢嚟咗幾次，搬咗舖位之後第二次來！記得以前喺舊舖味道都唔錯，自從轉左新鋪好似麻麻哋🤭今次再來試多少少唔同菜式👋今次我哋OpenRice睇晒攻略再慢慢點！味道各樣都有啲令人失望！片平鴨已經凍晒，鴨又唔香，個皮又硬！有啲失望…上次嚟食會冇咁乾…個人覺得宮保雞丁偏甜口味，羊排都係烤到比較乾身…比較正常嘅就係炒茄子，已經算好食….小雞炖蘑菇味道還可以，都幾大份高力豆沙都幾飽幾大件，建議可以2個人share一個，豆沙餡超爆😍酸辣湯就係酸辣湯…冇咩特別🤣🤣松子魚就係龍利柳，再加平時甜酸嘅醬汁，冇骨食落都方便！炒飯不過不失☺️整體來講今次有啲跌鏡，唔知換左廚師定其他原因..之前味道唔錯，今次對佢期望太大，失望都有啲大🥹期待落差希望佢可以變返以前舊鋪咁，果陣的味道好食好多🤣記得當年排晒隊，而家都唔洗排隊就食得了😅😅😅#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評

10隻白菜豬肉餃$48京式炸醬麵$48半隻北京填鴨$1682件高力豆沙$26好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：最近幾日有事要去大角嘴。老公又喜歡吃北京填鴨，所以想起以前光顧過的這間東北菜館。搬到新舖，是第一次來，仍能保持以往的質素👍🏻2人點了半隻填鴨、10隻餃子🥟、1碗麵🍜及甜品。餃子🥟上桌時熱得仍在冒着煙。咬下去，有好多鮮味肉汁。雖然餃子皮不算好薄，但給我一種comfort food 的感覺。炸醬加上蔬菜絲平衡了油膩感。麵質算是挺身，不糊口。北京填鴨外皮酥脆鬆化，肉質嫩滑，沒有肥膏，亦沒有鴨羶味。麼麼皮夠透薄。卷著薄片鴨肉、甜醬、青瓜、京蔥絲吃，非常美味😋最重要是價錢不貴。已經打算再帶其他家人來吃填鴨☺️高力豆沙好大個，脹卜卜，跟我我拳頭👊差不多大。咬下去，熱熱的，又軟綿綿。總括而言，食物量多抵食又好味，怪不得平日也座無虛席。

今晚叫埋個friend 落大角咀嘅老掌櫃食晚飯。我之前都係聽過人哋推介過，自己就未嚟過嘅，原來晚市都幾爆，睇嚟如果下次人多點都要訂咗位先好嚟。我哋嗌咗片皮鴨，係好食嘅，兼且對得起個價錢有餘，但係個二食彩椒炒鴨件就可能我哋黑仔啦，似炒鴨骨多啲。排骨擔擔麵都冇咩特別嘅地方，不過不失。反而嗌咗碟皮蛋就出色好多，個樣又靚仔食落又好味。叫多個炒菜清清地，白飯就免嘞。隊兩支大啤，吹吓水聚吓舊，的確唔錯。有下次嘅

朋友話搵到間勁抵食的北京填鴨，咁就一齊去見識下究竟有幾抵食啦🤣餐廳真係好旺場，好彩我哋早坐低，因為七點半就已經滿座，講緊平日喎～黃金蝦球 $108蝦肉口感結實彈牙，炸皮酥脆，仲蘸滿鹹蛋黃醬，食落香口又惹味，呢道菜好有驚喜。紅油抄手（10隻） $48紅油抄手隻隻都好大隻好飽滿，餡料份量好足，食落少少辣，仲有好濃的醬汁味😋北京填鴨（半隻） $168無諗過百六蚊可以食到咁大份北京填鴨，的確幾抵食！鴨肉每片都好大塊，聞落好香，鴨皮仲有少少脆，食落好有油香。佢個甜麵醬特別濃味，蘸少少已經好夠味，蔥有少少辣辣哋，餅皮夠薄，全部都好好食🥰想講下佢的上菜速度，真係勁快手，呢頭手機scan QR code落完單，同朋友講咗幾句廢話就不停上菜，轉個頭就上哂三道菜，真係好欣賞呢間餐廳的速度😆老掌櫃東北菜館 (利奧坊) (大角咀)大角咀嘉善街18號利奧坊.凱岸地下G708-G709號舖*上述文章只供參考及以當時價格為準

老掌櫃東北菜館位於大角咀嘉善街18號利奧坊凱岸地下G708-G709號舖老掌櫃東北菜館係大角咀福澤街營業6年左右晚市時間人山人海餐廳係以東北菜馳名我們兩個女生叫左餃子$48 10隻，雞絲粉皮$68，擔擔麵$48＜豬排$58＞，回鍋肉$86甜點有豆沙鍋餅$52，高力豆沙$13＜1個＞［2個起］餃子叫左韮菜餡同我們一般唔同沒有湯要湯加$5餃子皮比較厚餡多多汁味道濃味一點👍擔擔麵必食麻醬花生碎好多👍👍麵質彈牙👍回鍋肉超惹味👍腩肉肥瘦分明👍豆乾好味👍荀美味👍雞絲粉皮粉皮滑👍麻醬香👍雞肉嫰👍高力豆沙即叫即製微甜👍超軟👍空氣感👍豆沙窩餅豆沙多煎到夠乾身

大角咀嘅老掌櫃係扁皮鴨關注中長期人氣餐廳，今晚終於來食到，滿心期待，係香港少見的東北菜館。餐廳長期爆滿，人頭湧湧，難得今晚等咗10幾分鐘就有位。點都要試吓佢招牌🦆北京填鴨（半隻），$168上碟時已經排到勁靚😍估唔到份量勁多。最緊要外皮香脆，油脂位唔多，配上青瓜、京蔥、醬料，連埋個薄餅皮一齊食，口感豐富。不過就要趁熱好快脆食，因為由於冇個爐保溫，塊皮好快會凍，凍咗會影響口感。仲叫咗酥炸排骨擔擔麵，擔擔麵充滿花生香，帶有微辣，排骨另上，夠香脆。不過佢個面嘅份量真係好大碗件，見台台都食唔晒🤣所以大家一定要留肚。仲有個鹹蛋豆角都好正，送飯會好惹味，如果再多啲鹹蛋香會更入味。🫘懷舊甜品高力豆沙即叫即製，熱辣辣，外層灑上砂糖，蛋白皮好香，口感綿滑。

夜媽媽寫食評真係辛苦🤣回味緊嗰晚去食片皮鴨有晚經過見到依間東北菜餐廳坐滿晒客咁熱鬧 就睇下餐牌原來有片皮鴨食 又幾抵食喎 就去試下$168蚊就有半隻鴨 加12餑餑皮大大碟勁抵食 鴨皮都有小小脆 鴨肉位置比較多餑餑皮都算煙韌 加埋甜麵醬 青瓜 京蔥 食落比較清爽🤤 諗起都流口水排骨擔擔麵 份量完勝 大份到我地真係食唔晒🤭 味道幾濃郁 酸辣土豆絲 都幾辣下🤭不過酸辣酸辣好惹味 土豆絲夠爽脆抵食之選 下次約一大班人黎食 可以試多幾款菜式🤤當晚真係好多人 我地要坐門口位置比較熱 加上食辣野真係出晒汗 🙈不過都好彩有部風機吹下💛

🦆北京填鴨（半隻）外皮香脆，油脂位唔多，配上青瓜、京蔥、醬料，夾上薄餅食，如果餅皮軟返啲，會更好食🥟茴香豬肉餃子（10隻）脹卜卜餃子，皮薄餡料多，咬落去好香茴香味，肉質彈牙，🐑🍜羊肉常湯麵大大碗羊肉麪，湯底濃，較杰身，麵條腍滑幼細，容易掛湯，羊肉片冇羊羶味，配菜有椰菜絲同芫荽🥢🫘高力豆沙即叫即製，熱辣辣高力豆沙，外層灑上砂糖，蛋白皮好香，裡面有香濃豆沙，口感綿滑📍老掌櫃東北菜館（大角咀）大角咀嘉善街18號利奧坊·凱岸地下

北京填鴨（半隻）肉的比率比皮比較多，同時都有純鴨皮，半隻份量已經足以2-3人分享。外皮香脆，油脂適中，鴨肉色澤紅潤且肉嫩，帶點半肥瘦，肥而不膩。薄餅皮偏硬跟乾身，配上鴨肉跟醬料青瓜葱絲剛剛好。紅油炒手（10隻）雲吞很大粒，豬肉份量很多且鮮嫩，雲吞皮加上紅油非常滑溜。辣度偏向微辣，加上白芝麻，口感都頗豐富。四季豆土豆燉排骨份量超級大，不用100蚊，CP值很高。配料有很多，有排骨、土豆、紅蘿蔔、四季豆及粉絲，湯汁顏色看似來會很濃味，但吃起來味道適中，不會過鹹或是太淡。排骨土豆吸收湯汁，送飯一流。小編後來有外帶回家，因為份量真的很多，然後第二天更加入味😋。酸梅汁甜了一點，但酸酸甜甜的確很開胃解膩。高力豆沙飯後甜品必叫，即叫即整，上面曬滿了白糖，因為新鮮炸，熱騰騰，所以白糖味不是很明顯，口感反而多了層次感，裡面蛋味很香，紅豆蓉份量都很多，混合起來香氣都吸引。老掌櫃東北菜館 (利奧坊)大角咀嘉善街18號利奧坊.凱岸地下G708-G709號舖#大角咀美食 #大角咀 #北京填鴨 #老掌櫃 #東北菜館 #紅油抄手 #燉菜 #高力豆沙 #foodie #foodiehk #hkfoodie