老掌櫃東北菜館 (利奧坊)

營業中

休息中

喺大角咀奧運站附近食lunch幫襯咗呢一間東北菜，開頭兩個人諗住叫兩個唔同嘅set lunch share，點知原來set lunch係冇包嘢飲嘅，而且都係一般嘅吃飯或者水餃麵，於是我哋把心一橫睇下呢度啲片皮鴨，發現原來$168有半隻，諗落好似好抵食，於是我哋就膽粗粗叫咗，因為根據經驗我哋都認為應該唔會好大隻，點知就出咗事，半隻都好多好大碟，於是我哋就食咗個非常豐富嘅lunch。佢呢度嘅填鴨比較瘦，如果鍾意肥膏嗰陣香味可能呢個會令你失望，不過我哋ok嘅，唔好食咁肥係好事。

喺大角咀區好多好嘢食，所以會encore嘅餐廳真係唔多，老掌櫃係其中一間我去完會再去同再去嘅餐廳，一個月起碼會去至少一次😃今次又推介朋友一齊嚟食，我哋又叫咗半隻北京填鴨，鴨肉真係好正，而且連埋啲配料食係勁香，而且個份量真心好多，兩個人都食唔晒，以百零蚊嚟講，性價比係超高😀 朋友食完都話又抵又好食，下次都想再黎😆跟住我哋叫咗個菜，湯汁好入味。另外嘢飲方面，居然有手打檸檬茶，唔使上上都可以飲到鍾意飲嘅嘢，真係開心推介大家過嚟試吓，人均$100左右已經食到好滿足😃😃

東北菜館♦️老掌櫃♦️又親民又大眾化價錢東北菜館韭菜豬肉餃子(10隻) $50王牌必食餃子，有多種品，皮薄適中，皮口感又滑， 餡料豐富。有好多口味選擇酸辣湯麵 $52夠曬大碗，味道好啱香港人，不會太辣和太鹹，湯和麵份量好多排骨擔擔麵 $58又係夠曬大碗， 湯底不會太稀， 花生醬味加重，味道帶點點麻辣。麵也足巳吃幾次，不會失望，也有不少老外專登嚟食👍直得推介環境裝修中式設計，坐位不太迫，但2位通常要搭枱📍大角咀嘉善街18號

😍😋朋友住係大角咀，最近介紹在附近的一間東北菜館，價錢夠平，質素又好，招牌北京填鴨夠2-3人食先$168，認真抵食🙌🏻老掌櫃東北菜館一向主打平價路線，一開業已經無加一、無切餅費、無開瓶費等多種優惠，難怪晚市坐無虛席😝⋄⋄====—====—====—====—✦ 鴨 ✦🦢北京填鴨（$168）🫓跟一份摩摩皮約20塊片皮鴨人氣度極高，幾乎每枱都點，而且又唔貴，叫左半隻，上枱嘅時候熱辣辣，份量很多，鴨子皮酥脆，肉質鮮嫩多汁，味道同埋片皮鴨嘅刀工都唔錯，有啲地方片到得塊皮以為就係好，擺碟亦都好精緻，配埋青瓜🥒、大蔥絲同埋片皮鴨醬一齊食，香氣四溢，風味十足，真係好正😋性價比極高👍🏻 建議大家訂位時最好要同時預訂，因為人氣食品好快就會賣曬😎⋄✦ 海河鮮 ✦🌶️🐟水煮厚切海鱸魚片（$138）除左片皮鴨外，仲見到好多人叫餃子、冷盤、小炒等，見到每樣野都大大碟，真係好吸引🤩水煮厚切海鱸魚片同樣大大份，魚片厚肉嫩滑，最重要係無骨完全可以放心食，入面除左有主角海鱸魚片外，仲有雲耳、萵荀、大豆芽同埋粉仔，索曬麻辣汁味道好開胃之餘又唔會太辣，岩曬一家大細一齊食😜 ⋄✦ 其他 ✦🫖茶位（$5/位）====—====

扁皮鴨肉質嫩滑，搭配醬料食落去真係好滿足但如果個皮可以再脆啲就更加正啦麻辣土豆絲同麻辣皮蛋都好入味，辣味適中，食落去非常過癮。孜然大葱肉片孜然香味十足，火侯掌握得好，但就有少少鹹，價錢嚟講都算抵食。整體性價比高，呢間值得推薦！不過，環境有啲逼，等位都有啲耐，想食嘅就要早啲攞位～

「老掌櫃」主打東北菜式，幾年前還只有一家店時已幫襯多次，今日已搖身一變擴張到三家分店。每次前來總是人氣爆場，今日也不例外。點了幾樣招牌菜—🍚北京填鴨每桌必點的招牌菜式，烤鴨外皮呈現誘人的焦糖色，油亮亮的很讓人心動。拿起一片麵皮，放上黃瓜與蒜，夾上一片烤鴨，最後沾上醬料包起來品嚐。鴨肉油脂適中，肉質軟嫩容易入口，與彈牙的麵皮，清爽的黃瓜與蒜結合，絕對是一大享受。🍚京式炸醬麵麵的份量勁多，適合多人以上一齊分享。麵條軟硬適中，伴著京醬與肉燥微微的鹹香，飽足度十足。🍚蝦仁炒蛋金黃的炒蛋口感十分綿密，調味適中不會太鹹或太淡。蝦仁口感很有彈性，第一次見到蝦仁比蛋多的版本，蝦仁控必試。總體而言，餐點物有所值，餐點份量大口味在水準之上。即使檯與檯桌距不大，在用餐時間還總是滿滿街坊來幫襯，人氣爆場。如果識食東北菜，一定要來嚐嚐。

每次經過大角咀都見到依間東北菜館大排長龍，中秋節嗰晚已經試過一次覺得好抵食😝定價平之餘仲不設加一‼️-🥢 老醋海蜇頭 $74海蜇頭份量好多又大舊，加埋青瓜，酸酸甜甜好開胃👍-🥢 砂窩雲吞雞 $148/半隻因為想飲雞湯，本身都驚隻雞會好乾好鞋😆點知好鬼滑仲要大大隻👍雲吞都有成8粒🤩雞湯有陣砂窩味(?)🤨好鬼正！係屋企係唔會整到依個味🤣一定要試😜-🥢 松鼠魚(龍利柳) $98都係個句，好大條‼️岩晒唔識食魚骨既朋友仔🤣成條魚啖啖肉，炸到外脆內軟😝酸酸甜甜好好味🥰-🥢 拔絲蘋果 $78上次黎賣晒，所以今次一坐底就即刻叫定先🤣一上菜店員拎咗碗凍水黎😆原來係要將個拔絲蘋果放入凍水先食，咁樣就會變脆口🤪因為第一次食手腳比較慢😂店員哥哥見到即刻過黎幫手過凍水，如果唔係就痴埋一舊🤣有得玩又好食🥰

在這間店食咗兩次，兩次都有美好回憶。入店見到［天道酬勤］四個大字已好有好感，兩次都預訂了北京填鴨，在這兩次有食過大蔥羊肉饀餅，又有食過呢邊的甜品，食過的東西會有回味感，顯出師傅用心制作。再約朋友一定會再食過。

性價比極高 北京填鴨人均$150 有北京填鴨、有菜有湯有麵 今時今日 咁抵係邊到搵？北京填鴨 半隻 $168經典招牌菜式！每次黎都必叫 鴨皮係帶一定份量既鴨肉 皮脆夠肉包鴨既 皮夠薄 最緊要配菜比到足🥰酸辣湯麵 $52 想飲酸辣湯 但無澱粉又唔飽 每次都會叫 份量大足曬料兩個人share都夠🫰🏻清炒萵荀 $78 叫埋個菜就完滿☺️粗絲萵荀 爽口唔咸 大角咀店搬左鋪後 暫時幾次都唔使Book位不過呢度冷氣比較大 包填鴨既皮 好快就吹凍 要趁熱快d食😝

長期有著長長人龍的東北菜館看看餐牌發現價錢都挺親民出品正常發揮 但份量很多不過真的太多人排隊了 建議先行訂座 ⍢北京填鴨（半隻） $168鴨肉嫩皮脆 蘸上鴨醬份外惹味餅皮選用摩摩皮 有約20塊可能太快凍所以入口略硬如果淋點口感會更好配上青瓜及大蔥一起吃 都很滿足涼拌海蜇皮 $70海蜇皮清爽可口 入口微辣配上滿滿莞茜 青瓜及蘿蔔絲大推這道前菜～酸辣湯麵 $52酸辣湯入口微辣 材料多點會更好不過麵條超多 適合分享吃⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐老掌櫃東北菜館📍大角咀嘉善街18號利奧坊地下G708-G709號舖

《本次為自費用餐食評》大角咀高質抵食東北菜館！餐廳以平價CP值高的片皮鴨聞名，鴨皮香脆鴨肉不鞋，配上一份摩摩皮，真係皮薄餡靚，重點係一份半隻鴨只是hkd$168，絕對抵食！此外，餐牌亦有各式各樣特色東北菜，尤其係鍋包肉，醋的酸味和甜味沾上炸肉片，酸酸甜甜而且香口。脆椒雞軟骨亦都係必嗌之選，雞軟骨酥脆而且有肉感，配料亦十足。整體而言，食物質素好，價錢便宜，絕對值得一試！-🔘 北京填鴨 (半隻) | hkd$168🔘 脆椒雞軟骨 | hkd$86🔘 鍋包肉 | hkd$96-🍽️ 食物 | Food: 4.5/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4.5/5📝 總結 | CP Value: 4.3/5-A foodie documentation of dining experience in restaurants based in Hong Kong 🇭🇰.

開咗屋企朋友House warming 朋友樓下就有呢一間老掌櫃東北菜同朋友嗌咗片皮鴨 魚香茄子煲片皮鴨$148 大大隻 味道不過不失 塊皮係偏大塊 都幾香口有油脂味魚香茄子煲係偏向廣東味，唔會話好辣最後再嗌埋呢個糍粑 做甜品軟糯適中 加埋黑糖醬五個人三個餸再加幾多飯都已經好飽不過可能我哋有三個女仔喺細食啲嘅

喺屋企附近近呢間老掌櫃東北菜館overall 都唔錯, 我哋叫咗個黃金蝦球,一個雞絲粉皮, 一個京蔥羊肉同埋兩碗白飯, 成餐飯都唔使$300已經有三個餸,我覺得都算抵食。不過嗰個雞絲粉皮稍嫌個醬多咗少少，下次可以少返啲就完美，個京蔥羊肉啲羊肉份量都算唔錯，如果辣返少少會好啲，不過如果自己唔係太食得辣，呢個係一個幾好嘅選擇。餐廳環境其實都算唔錯，不過二人枱嘅位同隔籬枱就距離近咗少少，唔係坐得特別舒服，但係如果落嚟食個快飯其實都冇乜挑剔。

今天晚上 ，我們去到大角咀老掌櫃東北菜館(利奧坊) 晚餐。這家餐廳，客人們絡繹不絕。 我們點了酸辣湯，香氣撲鼻而來，湯底濃郁，帶著微微的酸和辣，讓人忍不住想要再來一碗。炸銀絲卷外脆內嫩，令人一口接一口。雲吞麵，薄薄的雲吞包裹著嫩滑的肉餡，搭配滑順的麵條，湯頭清淡卻充滿鮮味。而涼拌海蜇，皮清爽可口，帶著一絲微辣，刺激著味蕾。清炒豆苗色澤鮮綠，清新爽口，讓人感受到家的溫暖。在這裡用餐， 我們有賓至如歸的感覺。每一位客人享受美味的同時，感受到親切的服務。每一道菜品都流露出廚師的用心，讓人不禁對這家餐廳讚不絕口。

今日朋友帶咗我去食一間超級抵食嘅片皮鴨，平絕全香港，所以平日夜晚都爆曬場✨因為比較抵食份量大，所以座位都比較多似茶餐廳🍽️💫片皮鴨半隻$168就食到包埋配料同醬料，份量大質素都ok，不過美中不足係溫度唔夠熱。🍆炒地三鮮茄子、薯仔、青椒，鑊氣夠，好惹味同好大份。🫓羊肉餅羊肉幾juicy唔會有蘇味。🌸高力豆沙而家唔係好多地方有高力豆沙，豆沙餡唔會太甜，出面個皮夠fluffy，甜品都做得好。🍴