老川皇

營業中

休息中

完全中伏。。真係未食過咁難食嘅啤酒鴨。2個人叫左個水煮生魚片同啤酒鴨。水煮魚都仲過得去，但係個啤酒鴨就真係唔得，淨係食左面頭個啲萵筍之後其他完全冇郁過咁滯，難食到頂唔順😵😵

第二次食這間，小菜基本上沒什麼問題。水煮桂花魚很滑，但不知為什麼明明湯？！頭是很惹味，但魚肉感覺很原味但整體是好吃的！前菜的萵筍絲和泡椒雞腎很好吃！弓泡椒雞腎被直接吃完沒拍照酸酸辣辣，泡椒都被我吃光，不過我覺得會有人認為太咸而乾鍋肥腸我認為味道還好的，只是太油膩，我不喜歡而已之後就看到有串燒就想試試，在大陸吃串燒真的很惹味，不過完全沒想到可以這樣伏！根本就是油浸娃娃菜，茄子伏到不能想像！這次點菜沒之前好吃！可能點小炒會好一點！上次食宮保雞丁是好吃的！

今次尼到老川皇食辣野，係我最愛💕!哩餐就嗌左個四川冷麵，火爆腰花尼試下。首先就尼左個四川冷麵，我就嗌左小辣食落就五係幾辣。 食得辣既人可以直接上中辣大辣。雖則佢五係好辣，但就好好食，加左辣椒油，乾蒜，乾辣椒等等尼撈。價錢相當平民 廿幾蚊但就大大碟。跟住輪到火爆腰花，腰花係豬既腎臟，正常出面整得五夠味既話会有陣臊味，所以我都係懷住試下既心去嗌尼食。尼講下佢環境方面，餐廳乾乾淨淨。到左78點食飯時間就愈尼愈多人，啲侍應依舊好態度咁應你要求，啲野食都好快到。 到既時候香噴噴的!好惹味!食落辣味岩岩好，啲香料岩岩好癖到陣臊味。加上佢連埋我最鐘意既o荀同荀一齊炒。啲味好正!老川皇 地址 旺角登打士街32號歐美廣場1樓

星期五晚七點幾去到好旺場，本身已經book 左八點，不過都係要等十五分鐘先入到去，如果要食記得book位。等緊既期間已經見到啲水煮魚同串燒好吸引，兩個人佢比左張四個人既圓枱我地，都坐得幾舒服。串燒我地叫左燒茄子燒青椒同韭菜，串燒同其他食物都有得選擇辣度，我地選左微辣，茄子有蒜容同埋大陸最鐘意落既孜然粉，好彩佢又唔算落得好多，食落好香口。茄子28蚊每樣九蚊 份量同味道都唔錯除左串燒，我地仲叫左水煮魚，本身見到我多辣椒都驚佢好辣，食到第二舊有少少麻既感覺，仲係又唔算好辣，因為我好驚個啲死辣既味，入面仲佩左芽菜！魚都幾滑，但係食要小心啲因為都有骨。兩個人食呢個結果要打包一半走！我地仲嗌左個涼面，啲汁既味有小小似譚仔個隻辣汁味，咁樣撈面法唔會唔好食，而家咁熱食涼面最岩！而家係wechat share 呢間餐廳仲會送尖椒皮蛋或者粉皮，我地今次選左皮蛋，呢個連埋啲醬一齊食都幾辣下，但係佢個醬又幾特價唔係平時食開個種味，皮蛋隻色唔係黑色個隻，係無咁深色既。我地仲叫埋泡椒鳳爪，本身睇樣好似平平無奇，食落都幾有咬口同幾辣。全餐最唔抵既就係可樂，盛惠15蚊，記得買定支水入去，下次想試下佢既胡椒豬肚雞煲！呢

飲品方面我們叫了木瓜珍珠奶茶和蜂蜜檸檬柚子。木瓜珍珠奶茶方面表現十分出彩而且給人感覺非常特別，木瓜和奶茶的味道沒有任何一方喧賓奪主，反而是相輔相成，兩方的味道都十分重同時甜度恰到好處，加上用料好，珍珠十分彈牙可口，讓人回味無窮；但蜂蜜檸檬柚子就蜂蜜的甜度太低被檸檬掩蓋，使苦味變成主味。食物方面我們叫了四川涼面，炸雞軟骨和水晶肘子，四川涼面給人一種清新的感覺，有一點點的咸味卻不會給人感覺油膩，口感方面就非常有咬感，而且給人感覺十分開胃。而水晶肘子方面則咸味十分重，肥瘦適中入口即溶，十分適合配飯吃，但不建議在沒配飯的情況吃。而最後的炸雞軟骨炸得十分脆口，同時外脆內軟，咸味適中，份量十足，百分推薦！

朋友話突然好想食辣野，就帶佢去食呢間川菜啦今日係星期三，平日夜晚都坐滿哂人，睇黎食物應該唔錯，幾受人歡迎~淨睇餐牌已經覺得辣😂川菜館黎講，價錢算幾抵，而且食物既款式都幾多。Follow wechat 同share 到朋友圈仲有小食送，我同朋友當然唔放過呢個機會啦😝我地揀左份尖椒皮蛋涼拌茄子，茄子腍，容易咬，而且吸哂d汁，我地叫左bb辣，即使茄子好索汁，我地都食得到，個汁幾開胃呢個就係利用wechat送既尖椒皮蛋，雖然係送，一樣同平時個d咁大份，採用既係黃金皮蛋，幾爽口彈牙，蛋黃味香，個汁同茄子個汁一樣，放落皮蛋一樣夾四川涼麵，個人好中意食拌麵，所以我幾中意呢個，d辣汁濃度剛好，仲有花生提升口感同香味，不俗辣子雞，呢個好好食，望落好辣，但一樣係bb辣既辣度，雞炸得香脆，仲食到少少麻味，同朋友都好中意川式回鍋肉，份量都唔少，肉切得好薄，所以好易咬開，回鍋肉半肥瘦，幾好食，送白飯係一個好好既選擇食辣野點少得叫飲品，我地就叫左杯芒果奶昔，都幾足料，芒果味幾濃，飲得出係新鮮芒果。呢餐食左咁多野，埋單三百都唔洗，同朋友食得好滿足😋

老川皇° 蔡瀾曾經講過 越好食嘅嘢就越唔健康 但係我偏偏就鍾意食冇計 我總覺得人生於世上要享受為先 因為燒烤好好食！！！《蒜泥白肉》。 呢度嘅蒜泥白肉爆多蒜 😍唔似某啲食肆咁搵啲蒜蓉兜一圈就上菜 面頭全部都係蒜蓉 中間就係白肉 下面有啲青瓜 我嗌咗小辣但係都幾辣下😖 整體嚟講都幾足料《燒鯖魚》。 好大條! 食嘅時候已經拆咗骨 魚皮燒得夠脆 但係裏面又留住到肉汁 魚裏面加咗啲好似香草嘅香料 呢個必食推介👍👍《燒茄子》。 第二個必食推介 食好多肉嘅時候會覺得膩 佢就好似牛雜裏面嘅白蘿蔔咁 軟嫩爽口 可以中和返唔舒服嘅感覺 但係我唔會食d皮 好油😩《燒生蠔》《燒鮑魚》。 上面加咗啲蒜蓉 帶有甜味嘅蠔吸咗蒜蓉嘅味夠灑juicy 但係燒烤之後縮水縮得好細隻😢😢 至於鮑魚 佢煮得一啲都唔硬 彈牙夠曬口感😋《牛舌》《金菇肥牛》《雞肉腸》《牛肉》。 佢燒之前畀我哋揀要啲咩配料 蒜泥白肉太辣嘅關係我哋嗌咗蜜糖 說好的蜜糖呢？？ 😬😬😬真係食唔出蜜糖味😂 牛舌唔會太靭 雖然金菇肥牛金菇唔會太多 不過食起嚟會比較方便 雞肉腸好似係招牌料理 冇乜特別🐱

今日放學經過歐美廣場，男朋友就講起e到有間幾好食嘅川菜餐廳。老川皇裝修有啲似茶餐廳，入面都坐到爆曬，門口有唔小人等緊位。等左半個鐘左右終於到我地。餐廳都幾多野食，上至雞煲邊爐，下至小菜燒烤都有得選擇，好岩一大班朋友一齊吹水飲啤酒。樣樣菜都有微辣、中辣同特辣可以揀，岩曬食辣嘅我。四川涼面。微辣睇落都幾多下，可以兩個人share叫多小小野食。面底偏稔身，有油嘅關係令佢食落唔會一patpat。辣椒油同調味唔會拎左面嘅味道，隱約食到有小小胡椒味。口水雞。中辣口水雞雞皮好滑，雞肉都好鮮嫩，除左有芝麻、花生、蔥同辣椒粒之外但有啲生蒜，好野味。中辣都唔算太辣，下次可以考慮下特辣！蟹黃豆腐。一上枱已經有好香嘅味，豆腐切到四四方方細細粒，唔會太碎得黎又易食。食到好新鮮嘅蟹糕味，仲有小小起沙，又唔會搶到豆腐嘅豆味，送飯一流。鐵板茄子。微辣茄子開邊切半再𠝹幾刀，再釀啲肉入去炸完再蒸。茄子肉好軟身加埋炸到脆口嘅肉口感好豐富，連茄子皮都好易咬開，成個餸都好入味。

一入到去感覺舒適，間店尚算寬敞，而且有Wi-Fi供應。個侍應建議食峨嵋鱔絲同埋鮮花椒煮田雞或水煮田雞，但係見到川菜竟然有燒烤所以就嗌嚟試吓食。鍾意食蒜蓉嘅朋友值得一試佢嘅燒烤：燒秋刀魚冇得輸條魚肚裏面洒左啲香草應該孜然，份量啱啱好好吸引，好香魚皮又好脆。一開始見到菜單上邊有生蠔，諗住點來試吓，點知俾咗隻燒烤左嘅蠔。我不過一食落去裏邊仲係好juicy仲有好多蒜蓉添除咗燒烤之外，蒜泥白肉超多蒜💕唔係灑一圏就算係鋪到成個面都係。今次嗌咗小辣但係都覺得好辣。鍾意食辣嘅朋友一定會鍾意食呢間 老川皇四川小菜王。 因為真係好辣，所以記得記得要自己帶水-過咗六點水要＄10一位。最後再嗌埋個尖椒皮蛋。佢哋唔係用黑皮蛋個蛋白晶瑩剔透超級吸引。

又開始好掛住四川菜，又麻又辣嘅感覺又刺激又興奮，上次食過「老川皇」味道不錯，一於再同老公回味多次。最喜愛店內空間大又好濶落，而且環境光猛潔淨。餐牌選擇款式多，有小菜，小食，串燒，麻辣鍋等等，午餐仲有多款套餐優惠，價錢相宜。口水雞餐又香又麻嘅口水雞汁，醬汁完全滲透入鮮嫩嘅雞肉入面，麻香撲鼻，越夜越停唔到口，配搭白飯簡直一絕。水煮牛肉餐水煮鍋內紅油顏色鮮豔，麻辣粒，辣椒佈滿面層，內裏有新鮮嫩滑牛肉，肉質爽嫩，還有大量芽菜，芽菜吸收咗麻辣湯汁，更鮮甜更惹味。夫妻肺片肺片，牛肚每件都切成薄片，沾上麻辣醬汁，又麻又辣，好刺激，又夠爽口。涼拌牛肚牛肚切得不算太厚身，口感爽脆彈牙，配上四川麻辣醬汁，令人食唔停口。食物保持水準，而且味道沒有退步，已經完全變成我們心目中既四川菜飯堂。

是日約左朋友太子食晚飯，下午我地就去左 旺角朗豪坊行街。你砵蘭街附近揾食，見到有間樓上川菜貌似唔錯又幾抵食！餐廳叫「老川皇」，位於旺角歐美廣場2樓。地方大而且有卡位，坐得絕對舒適。午餐有好多套餐選擇，價錢都非常實惠。我們總共點了酸辣粉、口水雞套餐、干煸四季豆及一個蒜泥白肉+兩杯飲品。干煸四季豆略乾，但勝在炒得惹味！蒜泥白肉用上生蒜，味道較辣。豬腩肉厚薄適中，而且非常入味，好好送飯！酸辣粉係清淡版，跟街邊紅油油滿滿的版本有點不一樣。不嗜辣的朋友應該會喜歡這個版本！微酸微辣挺開胃。口水雞係我最喜愛的一道菜，調味恰到好處雞肉又嫩滑。加上芫茜更香上加香。環境，價錢及食物上都令我十分滿意，畢竟在旺角$220可以食咁多野好划算！

星期四老婆心血來潮想做辣妹，咁我就成全佢啦！唔想去太遠，又要帶住呀仔，所以近近地搵左旺角呢間，訂左6:45，兩大一細！上到去半滿，湘菜味四溢，地方企理。點左個乾鍋肥腸，水煮牛，熗炒土豆絲，燒茄子，担担面，仲另外送左個尖椒皮蛋（要响wechat share就有）。先上皮旦，免費的，不能強求，7.5分。再黎肥腸，幾好，份量大，唔算辣，7.5分。再黎水煮牛，牛肉有啲老，量多，芽菜底，味道幾好。土豆絲有驚喜，好香，口感正，但唔辣，可能因為我只係叫左小辣，8分。担担面，唔掂，4分。唯一要彈就係上菜速度慢，好多時見佢等埋幾碟同樣菜色一齊出，希望可改善。

好耐冇見過班朋友啦 收工之後一於就約佢地去打邊爐 咁啱喺附近行過又見到有間嘅川菜館 咁就一於試下啦一入到店舖，店舖都夠哂大，晚市都好多人，我同朋友都唔食得辣，近排喉嚨痛，但係又想打邊爐喎，好好彩呢間餐廳，有唔辣嘅湯底揀，所以我哋就叫咗個原味雞湯底，再加埋叫咗一啲嘢打邊爐嘅餸菜 原味雞湯底湯底有淡淡嘅雞味，d餸菜烚完之後食落去都帶有鮮味，不過食得耐有少少偏咸。 值得一讚嘅係，侍應見到我哋個湯就嚟冇曬，都有幫我哋加番啲湯落火鍋度，服務唔錯生菜都好翠綠，好新鮮，又幫我地切埋個碇佢，洗得好乾淨，無泥味炸魚皮炸魚皮值得一讚，炸得好乾身，唔會好油膩，而且無油益味，就咁食當薯片食都幾正，不過見喉嚨痛就擺落火鍋烚一烚先食，就算有少少冧我覺得都唔錯福州魚蛋睇落細細粒，但食落都幾彈牙，無乜雪藏味瑤柱鮮蝦滑手打蝦滑啖啖肉，食落去好有口感彈牙，刮出黎d蝦滑一舊舊再擺落火鍋，都唔會有散開既情況出現，質感厚實

🔥🔥四川野好選擇 6pm前仲抵😍油麻地歐美廣場2 樓既老川皇 之前食過晚餐 覺得幾好食 川菜幾香幾好味 ! 😃除左晚餐外 佢6點前仲有d二人至四人set好抵食🔥😍🍴三人餐🍴 166蚊 6點前供應 水煮魚1 份🐟 , 送青菜🌱🌿一份 同 蒜泥白肉 🐖.黃老吉 半價8 蚊各類啤酒大慨20 蚊枝🍴水煮魚🍴🐟🌶大大煲 用電磁爐煲住 熱辣辣 湯底有爽口芽菜 辣椒 麻子 香味好夠 魚肉鮮甜但比較多骨 😆😆蒜泥白肉🐖🔥一味凍食既川菜，蒜泥白肉間間整法唔同 , 呢味用左蒜 葱 辣椒整成醬鋪面 🌶🌿 下面既肥肉🐷 多脂肪 但因為薄切 所以食落唔肥膩 盡吸醬汁😆加上青瓜碎做底 帶點清新既感覺 唔錯😋另外仲點左少食🍴凉拌萵笋絲 🍴30 蚊凍食既萵筍絲🌱🌿切得好幼細😃 筍絲食係食佢個爽口口感， 再加上少少辣椒調味 已經幾好食 ! 😍P.s 老川皇食物係唔錯 但如果要食好辣就唔啱， 但勝在夠香 夠入味 價錢經濟！

平時同朋友食飯真係好少食川菜，今次難得去試下點知又遇著喉嚨唔舒服，係一眾辣的吸引嘅菜入面只好選左唔辣嘅豬肚雞煲，估唔到味道一d都唔輸蝕！上到去就見到等位人潮，先發現原來川菜咁受香港人歡迎環境似普通茶樓，熱鬧但都坐得舒服。小菜吸引，但最後揀左唔辣嘅豬肚雞邊爐料價錢合理，選擇都算多豬肚同鮮雞嘅份量超多，最正係竹笙都冇偷工減料！本身湯底睇落較清淡，食落原來好夠味！而且唔係加大量味精嘅湯，係熬出黎嘅濃郁，加左雞就更鮮味！食材方面豬肚幾爽口，鮮雞好嫩滑，最鍾意係竹笙，好爽口加上吸哂湯嘅精華，正凍豆腐質感幾特別，我係第一次試但熱愛川菜嘅朋友話好有地道feel。凍豆腐要煮耐d，吸哂湯汁好味，不過比起辣食係冇咁惹味。貴妃菌平時少食，覺得做邊爐料唔錯，比較清新亦唔會有好重嘅菇味，可以一試。今次好可惜冇叫到辣野，但豬肚雞煲味道確實有驚喜，份量大到我地兩個人勁食都食唔哂，好彩店員貼心咁幫手打包，又食又拎感覺好抵