老川皇

營業中

休息中

如果要用一個詞去形容油麻地，L 覺得用「臥虎藏龍」就最適合不過啦！因為眾多餐廳裏頭都藏着不少廚藝優秀的大師傅。早兩日就約咗朋友來試吓這間老川皇，裝修沒有什麼特別，有點像茶餐廳，但每張枱坐滿人，非常熱鬧。水煮魚片，紅當當的，顏色使人不敢觸碰，裏邊有魚片、海量辣椒和芽菜。夾一片魚片，肉質嫩滑，帶着一點麻辣，而芽菜吸收了湯汁，辣得很惹味。手抓餅，大大塊，而且口感酥脆，又香軟，不會太過油，三兩下手就食晒啦！另外亦點了一些串燒，有韭菜、娃娃菜、粟米，食起來有孜然的香味，且帶少辣。如果有外國朋友來香港旅遊，也會帶他們來試下這種傳統、特別的風味。

自從搬左出来旺角之後，出街食飯嘅次數真係倍增😅可能因為真係方便到暈，一落街四圍都係餐廰，各式各樣都有，選擇非常多，同舊居嗰邊真係無得比。尋晚弟婦話想食酸菜魚，佢本来去開一間連鎖嘅川菜館，不過我話想試吓新野，最方便當然係上openrice搜吓啦😊見倒“老川皇”嘅評價都唔錯，就决定去試吓！我地一行3人，未够7點，餐廳已經8成滿，今時今曰嘅香港，响旺角呢d競爭咁大、選擇咁多嘅地區来講，生意都真係算唔錯啦！因為真係想試佢出品質素，所以除左酸菜魚，我地一共點左6樣野👇尖椒皮蛋： ok口水雞 ：一般干鍋大腸：ok 辣子鷄 : 酸菜魚（桂魚）：條魚好新鮮，不過略嫌唔够酸辣。干鍋花菜: 除左尖椒皮蛋要小辣，其餘我地都order左中辣，不過辣度都係一般，嗜辣嘅朋友一定要order大辣😉7點幾已全場爆滿，氣氛好热闹，外面仲有好多人等紧位添，最後埋單連两杯凍檸七合計$680，尚算實恵，可以encore😀。

又黎試試朋友介紹川菜，朋友同我一樣鐘愛麻辣菜式，今次就揾咗間係旺角既餐館黎食！未到7點已經好多人，近乎全場滿座，一行入店就有好香既孜然同麻辣味！未食都覺得口水直流！本身仲想叫個蒜蓉多士，可惜剛剛缺貨！燒茄子聽講係招牌菜，滿滿既蒜蓉，$28抵！蒜泥多到鋪到連肉都見唔到！雖然多蒜，但口味唔會過鹹，分量都頗多！孜然羊肉超夠鑊氣！羊肉炒得好乾身！味道好濃！好適合重口味人士！飲品係鮮榨，我就揀咗蘋果雪梨～好好味勁滋潤！仲有擔擔麵，不過花生味唔算太重，口味略淡。紅薯粉相較濃味！仲有榨菜等等～整體Cp值高，分量大碟～

隔左一段時間無去旺角食野，今日放早去左旺角行陣時，見到登打士街見到「老川皇」，聽就聽過好耐，但未食過。咁啱老公想食熱同辣野，就建議來食。首先入場有位姐姐帶我地搭LIFT上一樓，應該係大啲。一來入場已經聞到好香川菜必既麻香味。我地坐卡位。落單可以慢慢見MENU。餐牌都好多野㨂。我地就叫左鮮花椒水煮魚-小辣。個魚來到啲湯好香，熱辣辣就飲左湯先，帶鮮甜香辣味。重點啲魚非常嫩滑，剛剛好。值得一試。火爆腰花，夠火喉。師父呢個帶濕潤既爆腰花＋萵筍都幾惹味。（BTW我識叫腰花因為有朋友曾介紹我食素腰花而學識呢個餸，食親辣野都想食一碟。）辣子雞是鋪頭招牌之一，好香口。有肉食唔會只見辣子XD，送飯食一流。鐵板肥腸-我老公一見到就話想叫，黎到熱辣辣，腸係夠肥又入味。夾埋配菜一齊食可以兩個層次。難得有串燒食，都叫左幾款試下燒得好唔好食：羊肩肉、豬頸肉、魷魚鬚。傳統孜然味調味燒烤式，好入味下喎又，所以串燒黎到叫左支啤酒飲。嘆左﹗哈哈我覺得食到我中心正宗川味既餐館，老川皇可算是其中一間了。滿足滿意。

距離公司一街之隔的老川皇係我同TEAMMATE常常的午餐之選，貪呢到坐得闊落又多野揀黎食，單點又得套餐又得~ 今次我同2個同事就揀左單點喇！一如以往叫左個水煮牛先！大大盤有牛肉、芽菜~~ 叫左小辣但芽菜真係非一般的辣 >< 反而牛肉無咁吸味就幾易入口WOR!!! 食水煮野一定要有飯撈，咁先夠過癮嘛！另外叫左泡椒鳳爪，我覺得呢個辣過水煮D牛，好刺激，但雞腳有D硬同難咬開，如果可以煮淋少少就好正！廿零蚊幾抵食！之後清清地叫左個清少萵荀絲，WA! 好好味啊~~ 幾清淡中和返D重口味，炒得幾爽，但係油偏多~~今次肚皮又係滿載而歸啊！！！

中意食川菜嘅我又出動，今次食老川皇叫左個水煮生魚片，侍應話生魚片少d骨，大大盤都只係$16x，抵食呀，魚片又大塊又滑另外仲叫左個例牌口水雞，夠麻又夠辣，作為一個冷盤十分開胃，例牌size夠兩三個人食架喇仲叫左個剁椒娃娃菜，娃娃菜咁煮法都真係第一次食，呢個菜有驚喜呀，因為除咗有辣味之外，菜本身已經煮到索哂嘅高湯嘅味因為第一次食呢間，唔知佢嘅辣到如何，所以只係叫咗小辣，不過我覺得下次可以挑戰中辣，相信會更好味

又到旺角覓食時間😌成日返工食lunch都係食米線 今次轉下口味食川菜😛-🐷蒜泥白肉餐 $50多蒜多汁慎入🤯睇到張圖就知啲蒜係多到幾誇張🤣本人極重口味所以啱哂我呀😌啲肉片大大片入哂味中間仲有青瓜絲🥒夾住一齊食又重蒜味又refreshing 正-🐟酸菜魚餐 $58其實我未試過食酸菜魚係平過$90但依度係$58 仲連埋飯🤯俾嘅魚嘅份量一啲都唔吝嗇魚肉亦都夠滑但如果再多啲酸菜就好啦🤣-🥜涼拌小食 $36佢有多款小食揀 全部都係大大份個人最推介土豆絲夠爽口又辣辣地 好惹味👍🏻皮蛋就略嫌唔夠入味🤔海帶都係辣辣地 感覺健康😂

星期二同老婆去開旺角買d野，去開砵蘭街搵食。老婆想食下辣野，見到間老川皇咁多人就入去食。點知爆晒場無位，店員就叫我地去對面1樓，於是就過左對面嘅旗艦店去到樓下有個服務員就帶我地去停車場果邊搭lift上樓，去到時7:00個場坐左1/3人，仲可以隨便坐揀位坐低睇下有乜招牌先小菜全部有得揀大中小辣，叫好餸後再叫左支啤酒，等左四個字到小菜就開始黎了爆炒腰花，腰花份量絕對十足，味道夠足又有鑊氣👍即刻要叫個白飯再黎個鐵板大腸，d腸超多不過叫左中辣唔係好夠辣，再辣d會更野味之後就上鮮椒小煮魚，魚肉好鮮，另外由於鮮椒，湯水都可以飲到餸飯再黎個辣子雞，雞件預先炸過再放辣椒爆炒起鍋，可惜同上邊一樣，味道好夠熱，中辣都係未夠辣。最後串燒黎到，整體都好近似肉地串燒款式，孜然味極重，個人覺得魷魚鬚比較好食我地兩個人叫得比較多，埋單合計$548，如果想旺角搵間舒服坐嘅大排檔呢間絕對適合，野食夠熱大大份，而且開到半夜，夜左都有得食。佢地仲有火鍋可以食。另外，雖然我地7:00到唔係好多人，但其實7:30開始已經坐滿場要等叫位，所以夠老字號多人食最後，佢辣度整體跟香港人，如果想要辣d絕對要叫高一級

朋友們無辣不歡，我都喜歡辣，不是太辣都可以，今晚陪他們辣個夠本宮保雞丁 雞丁原來好細粒，炒得乾身又入味，雖然好多辣椒乾粒，但辣度不高，反而多了花椒香味，更惹味萵筍炒蠟肉萵筍切大片與辣椒乾爆炒，呢個辣好多喎，蠟肉鹹香惹味，竟然咁辣，辣得過癮川式回鍋肉回鍋肉炒到有焦香，啖啖肉充滿油香，配搭辣椒炒，辣椒油香而不辣，辣而有油花香，呢個一定要送飯清炒萵筍絲萵荀本身生食都好爽口，但係炒下會有油香，脆脆甜甜解下辣唔錯

又食辣野！三不五時又想食水煮魚，今次食生魚片($162/斤)，可選辣度，兩個人食夠晒！基本上枱枱都有叫，咁唔叫唔得啦！片片肥美得黎又滑，加埋芽菜！😍洗乜翻大陸先有得食正水煮魚！如果有得加埋薯粉就無得彈！另外叫左有骨辣子雞，男友覺得有骨個味香啲，細細粒切到好似雞軟骨咁炸！好香口！唔覺唔覺會食左好多粒😱🤤建議朋友仔可以叫無骨辣子雞，始終有骨會有啲碎骨仔好利，無骨就食得更安心又放心！😍 送飯無得頂！

水煮魚片($132)揀左最平既$132/斤魚片，魚片唔算多，魚味好少，大部分魚片都有幼長既魚骨，食得無咁暢快。魚片可能煮得太腍定其他原因，一夾就散。同埋尼間水煮魚既配料只有芽菜，係無薯粉，扣左少少分。至於小辣辣度就適中。魚片一夾就散，又有幼長既魚骨，配菜又冇薯粉，真係幾失望，相信唔會再幫襯尼間既水煮魚。可能係因為之前睇食評話1斤魚片都好多，就有少少落差，或者要揀再貴價既魚先好食D?(個人口味: 2.9+ 3.1/10)干鍋黃骨魚($92) 第一眼望落幾吸引，但食落發現，配料洋蔥青椒好多，但魚身得6件左右，超少，又細件。反而有2個魚頭、3條魚尾，失望。但其實落單既時候，我地係叫黃鱔，應該係侍應記錯左。(個人口味: 2.9+2.8/10)貴妃蚌($28)&大元貝($38)貴妃蚌幾爽。大元貝燒得太耐太乾身，蒜蓉味太重，掩蓋左元貝味，麻麻地。(個人口味: 3.1/5) 貴妃蚌 (個人口味: 3.2/5) 大元貝另外叫左白飯($10)同汽水($17)。雖然唔會再叫尼間既水煮魚，但之後有機會想再試下尼間既干鍋黃鱔，同埋串燒，睇下會唔會彌補返今次既失望。

食川菜，緊係要火一火，刺激下。今餐全部菜式都叫左「中辣」🌶🌶🔥酸菜肥腸好香呀！食落真係好好味，豬腸唔韌，好易咬開！酸菜酸度同辣度適中，岩岩好，雖然唔係冷盤前菜，但作為第一道小菜都非常開胃。辣子雞 成碟都係紅色既🌶 d雞粒好入味，比想像中無咁辣😝 不過雞粒砌得比較細，要係d紅紅辣椒搵佢地，有d似尋寶🙃鐵板水晶粉又有大推菜式，好好食！依道菜係全晚最辣既，除左辣味，仲有香香既蒜蓉味🥰 記得要襯熱食哦，唔係d水晶粉好易會痴埋一堆，餐廳亦好細心，加咗少少蛋漿喺鐵板底，咁d水晶粉就唔會過熱而痴底喇除左川式小菜，仲有重慶串燒！點左茄子同韭菜串，茄子超好味，鋪滿晒蒜蓉，軟綿綿，一絲絲咁夾黎食，正啊👍第一次食燒韭菜，燒左變得甜左，咁多條，好抵食配埋韓國燒酒桃味就完美😋😋

與友人放工，一個港島上班、一個九龍，當然是約在最就腳的旺角，避開人潮找了一間在旺區邊上的麻辣小館，早有聽聞朋友吃過讚不絕口，找來雖近中秋但仍30度的晚上來啤酒 + 辣野 想不到小店的坐位寬敞，二人設有卡位，入門時陣陣麻辣香氣撲鼻，一看有打邊爐的，有小菜的，簡直一間店滿足兩個願望。今天只有2個人，就先試一下它的小菜吧，我相信小菜整得好難度比邊爐鍋底高，就來個開門見山，見真章吧 — 共點了四道菜 : 兔子首推最喜歡的燒茄子，總不能不點吧? 果然是喜出望外，它的茄子不是街外常見的種類，而是超可愛的圓茄，底部又圓又肥美，實在是一見傾心呢（心心眼）一口吃下孜然粉 + 蔥花 + “爆”汁茄子，幸福感滿滿! 再試干鍋肥腸，一看視覺是對的，辣椒、蘿蔔、洋蔥、蒜，最重要是看到腸很肥!!!!!!!! 這個遷就朋友，試了中辣，果然是一上桌就香味撲鼻，一試回味!肥腸夾著配料來吃就是爽，再加上一口冷啤酒，prefect ! 蔥爆牛肉，牛肉份量不少，簡直是慷慨的情度，牛肉食落嫩口，朋友最喜歡多蔥少牛夾著吃，爽脆的京葱成功吊出牛肉香，令人胃口大開。 蒜泥白肉，上桌時舖滿蒜泥，令人垂涎三尺，馬上起筷竟被友人叫停

星期一晚上同事介紹了一間正宗的川菜，廚師及食材都是四川出產。餐廳位於一樓，在樓梯底有位呀姨熱情招待，帶我們到旁邊Lift上餐廳。服務非常親切餐廳環境乾淨燈光明亮，裝修設計上並沒有特別⋯⋯由於當天到達時間6時半左右，還有很多位～侍應安排了我倆到旁邊卡位入座坐位寬敞，每個座位都有按鈴方便落單朋友推介了幾款小食，另外點了串燒送啤酒，紅油豬耳很好食，很有口感，Q彈～涼伴木耳，清清地很開胃牛舌，魷魚，雞翼雞翼不推介因爲味道很一般串燒送酒OK，不要要求太多川菜而言都要叫返傳統菜式水煮魚及炒四季豆魚很滑，但要小心有碎骨朋友食不到辣為了遷就他只好叫小小辣整體而言都不錯，而且很多客人都有點水煮魚呢，不會有錯的了XD辣炒四季頭很有鍋氣，很喜歡，如果可以更辣就好了

難得途經旺角，記得附近這家地道川菜館甚有名氣，所以就跟朋友來試看看。晚上八點，餐廳已經滿座，還有幾組客人在排號等候，當中不少中國內地的食客，看來的確受歡迎。大約十分鐘左右就能被安排入座，餐廳裡面座位很多，通通都坐滿，環境非常熱鬧。除了小菜火鍋外，餐廳還有供應重慶風味燒烤，約三五好友來宵夜喝啤酒也不錯。【干鍋田雞】干鍋麻辣鮮香的味道讓人垂涎欲滴，不僅色香味俱全，田雞肉也十分的鮮嫩。在青椒和洋蔥的襯托下，味道算不上太辣，反而多添了一份清新的香味，就算抵不上辣味的食客也可以一試。【水煮魚】水煮魚顏色鮮亮，鋪上一層亮澤的紅油，看起來已經很吸睛。滾油將辣椒中的香氣帶出，但吃下去油而不膩，麻麻辣辣，非常過癮。大魚的魚片肉厚之餘肉質嫩滑，沒有半點腥味。唯獨魚片魚骨較多，食用時要倍加小心。【尖椒雞腎】尖椒非常新鮮，裡面的辣椒籽大部分都經已去掉，所以能在保留青椒香味的同時，也能讓辣椒的嗆辣減少，味道較溫和。薄片雞腎炒香後亦不乾不硬，反而很爽口。