老媽拌麵 (將軍澳中心) (已結業)

我個仔不嬲都鍾意食台灣嘅蔥油撈麵，老媽拌麵我每次去台灣都會買兩包返香港比佢食，估唔到屋企樓下竟然開咗老媽拌麵嘅餐廳，我一定要同小朋友去試下啦。望吓餐牌見到價錢都算合理，而且除咗麵之外仲有好多其他小食我同小朋友一於一人一碗蔥油嫩雞拌麵，見到蔥油份量都唔少，仲有少少XO醬提升味道，最正係有隻半山熟蛋，撈麵連埋蛋汁一齊，味道雙倍好味，雞肉並唔係好似雞絲咁樣，真係一塊塊大雞柳，全部材料撈埋一齊食，味道香濃，分量充足，我一個女人仔都食唔晒一碗。不過可能因為我貪心又叫咗幾樣小食所以先食唔晒個麵，不過小食實在太吸引我啦，有鴨舌，牛腱同埋滷水雞翼，全部都好入味，小朋友都食到停唔到口。食台灣野又點可以唔飲台式飲品，不過近排實在飲得太多珍珠奶茶，所以試吓凍仙草飲品，飲落感覺好似涼粉一樣，透心涼。小朋友就飲蘋果梳打，唔會太甜，大大杯，正！小朋友飲飽食醉，買埋單出門口佢已經話下星期要再嚟食，哈！

認識老媽拌麵是由於其乾拌麵在網上的人氣排名很高。老媽拌麵從超市的預先包裝拌麵到終於開其本港第一分店，其中的台灣關廟麵，強調古法手工精製，麵條以日光自然曬乾，無添加防腐劑。店舖除了有招牌拌麵外，尚有湯麵、台式飯、水餃、滷水食品、台式小食及飲品。冬瓜檸檬冬瓜檸檬以冬瓜磚為主要材料，再加上檸檬片，消暑解毒又清香。味道稍為偏甜，配台式食品很合。黑糖珍珠鮮奶茶黑糖珍珠鮮奶茶近年走紅，以黑糖熬煮珍珠，在杯邊再抹上黑糖，以鮮奶撞下，出現琥珀色的老虎紋，很是好看。奶茶以鮮奶而非奶精製作，甜味較輕但感覺更健康。滷牛展滷牛展雖然只有三大塊，但牛展厚身而且炆得腍滑入味，算是不錯。韭菜豬肉水餃雖然食店沒有醋汁蘸用，不過水餃依然鮮味多汁。葱油嫩雞拌麵葱油拌麵用上關廟細麵，拌入一小匙蔥油及深啡色的蔥，鹹鹹甜甜又帶滿滿的蔥香，就算沒有雞柳亦已經非常吸引。半只溏心蛋也很吸引，與日式拉麵的溏心蛋不同，此溏心蛋的蛋黃有點似鹹蛋黃未熟的顏色，味道好像更濃郁黏口。地獄麻辣牛拌麵波浪型的關廟麵刀削麵很有嚼勁，拌上麻香辣醬，花椒的香麻味很突出，辣度帶有後勁，與葱油拌麵相比又是另一番風味。