58
20
12
港鐵將軍澳站 B2 出口 繼續閱讀
所有分店 (2)
電話號碼
26310030
營業時間
今日營業
12:00 - 22:00
星期一至日
12:00 - 22:00
*截單時間: 21:30
付款方式
AlipayHK 支付寶 現金
其他資料
當面支付
食評 (101)
等級4 2019-09-18
306 瀏覽
台灣香腸 將軍澳新開的老媽拌麵原來是全球10大泡面第一,店舖主打兩款麵條-刀削麵和幼麵,選用了天然曬乾的台南關廟麵,也許新開關係餐牌上有部分食物沒能提供門面裝修比較簡單,也有台式風味和牛炸醬拌麵 $78 選用了關廟刀削麵,麵質煙韌好有咬口川味紅燒半筋半肉牛肉麵 $78 選用了關廟幼麵,煙韌彈牙牛筋是有咬口的一款並不是入口即溶的有2條牛筋,2片牛𦟌滷雞翼 $42 看似沒有什麼色水的雞翼但已經夠灑入味台灣香腸 $32 肥瘦均勻的香腸,不會感到油膩老媽黑糖珍珠鮮奶茶 $33老媽黑糖珍珠鮮奶 $33雖然配上黑糖但不太甜,孕婦的我也可以飲呢建議飲品有熱的選擇味道 賣相衞生 服務 抵食 推介 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-11
264 瀏覽
老婆之前係荃灣好鐘意食嘅老媽拌麵進駐左將軍澳, 不過之前星期六, 日去都因為多人排隊所以冇食。今日趁我地兩個都放早, 一收工就趕黎趁人未多食返餐。😁我地6點已經到餐廳, 客人未多, 餐廳裝修以白色, 木色為主, 座位亦夠寬闊, 用餐環境唔錯。除左招牌關廟麵之外, 小食同飲品款式都幾多, 我地點左兩碗麵, 兩客小食share食, 應該好夠飽。😙滷牛腱 $42牛腱滷得非常軟腍, 而且好入味, 口感彈牙, 有4件。👍酥炸甜不辣 $32甜不辣外層酥脆, 餡料煙韌, 沾上甜酸汁, 非常惹味。😋和牛炸醬拌麵 $78川味三寶牛肉麵 $82三寶牛肉都材料豐富, 牛腱, 牛肚加上牛筋, 湯底味道濃郁, 配關廟細麵, 感覺清爽。黑糖珍珠鮮奶茶 $33老媽拌麵的黑糖珍珠鮮奶茶唔會太甜, 珍珠比一般的硬身, 不過都係富有黑糖香味, 味道唔錯。黑糖珍珠鮮奶 $33埋單每人$165, 價錢合理餐牌 繼續閱讀
(以上食評乃用戶個人意見 , 並不代表OpenRice之觀點。)
星期六唔煮飯,近近地又去隔離地鐵站的商場《將軍澳中心》開餐。兩個月前在一間台灣小店食過台式(自選餸料配搭)車仔麵,當時已經留意到另外有一間台灣麵食專門店「老媽拌麵」正在裝修中,早陣子終於開幕,見到人龍唔算太長,決定排隊幫襯。裝修風格與商場內的另一間台灣小店非常類似,都是以簡約、清淡顏色為主調。不過,「老媽拌麵」就有較為明顯的台灣特色,尤其是店舖門口牆壁上的粗糙風格彩色漫畫,就很有台灣風味。原因簡單,「老媽拌麵」真正源自台灣,是全台灣數一數二的即食拌麵品牌,由於大受歡迎,甚至開了幾間實體店門市,賣每日新鮮炮製、現場即煮的關廟麵條。香港將軍澳分店是品牌首間海外分店!牆上寫了幾句中文話語,細味下甚有意思,有點文青風味。碰巧獲安排的座位對正廚房出餐位置,見到大大個「關廟」二字;高位吊櫃下懸掛了一個個小木牌,寫了多款不同口味的特色小吃及麵款 ⋯⋯ 但原來大部份暫時沒有供應,要以餐牌為準!估計「老媽拌麵」剛剛開業,需要一段時間適應運作,可能稍後會增加菜式。餐牌只有寥寥數頁,用小木板襯底,可能想更加耐用吧?頭兩頁的拌麵及湯麵系列已經並非款式齊全,部份用貼紙遮蓋了;去到第三頁的滷水小吃系列,更差不多有一半出品都用貼紙遮蓋起來!最想吃的滷水牛筋、滷水牛肚、麻辣鴨血全部都沒有得食,很失望。「老媽拌麵」主打關廟麵。關廟麵源自台南市,古法製麵過程強調純天然,完成麵糰搓壓過程後,再將折好的麵糰放在竹篩上,於戶外陽光下曝曬至少2、3天(期間要多次翻面)。曬好的麵因為完全乾燥,在不添加防腐劑的情況也能於乾燥環境中長期保存;麵條有彈性、Q彈有嚼勁、耐煮的特性。有點懷疑,到了今時今日講求大量生產的市場需求,是否還可以保持完全手工製作?「老媽拌麵」有關廟刀削麵或關廟細麵兩款麵可供選擇,台灣廚師亦特別到香港店監察品質。地獄麻辣牛肉拌麵($72)揀了關廟刀削麵,材料有一條粟米芯、半隻台式滷水蛋及十片八片薄牛肉片;單睇表面完全唔覺得是任何地獄麻辣口味。試食一片牛肉,有淡淡麻油、花椒及及鹹香味,肉質軟滑、有牛味。台式滷水蛋味道稍淡,滷水香味可以再濃一點的話會更加好食。刀削麵外型有點奇怪。闊身、但中間有一條坑紋,兩側邊緣又有啲不規則的彎彎曲曲,就算麵條本身也是鬈鬈曲曲。質感彈牙、Q彈有嚼勁,比一般台灣牛肉麵條更加有嚼勁、有韌性,但又不是廣東全蛋麵條的爽韌口感。總之很有特色,喜歡有咬口、有嚼勁麵條的人應該會鍾意刀削麵。食過拌麵就知道醬汁湯汁全部聚在碗底。將碗底的麻辣醬汁與麵條撈勻之後,味道即刻變得截然不同。川味麻辣醬汁加入了花椒、八角、辣椒等香辛料熬製,味道香辣,為淡而無味的麵條添加了濃郁麻辣及鹹香;麻辣程度未至於係地獄級數,但卻容易被大部份客人接受。清燉牛肉湯麵($72)揀了另外一款關廟細麵。同關廟刀削麵係同一種麵條,只不過切得幼身。彈性、嚼勁稍為及不上刀削麵。牛肉牛骨清湯頭夠清澈、唔肥膩,有清淡牛味,但未夠濃郁,勝在沒有味精。牛肉採用金錢𦟌部位,雖然已經炆煮至軟身,但仍然保留了少許爽身、彈牙質感。由於金錢𦟌本身有很多筋膜,較適合用來滷水,因為有一份爽口結實質感;如果配合台灣牛肉麵,始終及不上牛腱肉心的軟滑。雖然沒有最想吃的台式滷水小食,但就有幾款手工水餃,揀了韭菜豬肉水餃($42)。水餃皮呈淡綠色,應該加了蔬菜汁液搓製水餃皮。水餃表面略為乾身、亦沒有浸在上湯內上菜;一口咬落去,裏面充滿湯汁及水份,亦有點燙口,非常標準的台式或北方水餃風味。餡料充滿豬肉鮮甜、韭菜獨特香味、肉汁豐溢,蘸一點黑醋,好食。「老媽拌麵」餐牌內的食品款式選擇已經唔算多,還要很多本來應該有的台灣滷水小食,現階段暫時都沒有供應。牛肉湯麵的牛肉(採用了金錢𦟌)唔算好食;麻辣拌麵就相當出色。如果下次再幫襯的話,要試一下滷水小吃。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-06
32 瀏覽
朋友啱啱去完旅行梗要聚下,特意揀左非繁忙時間黎食~~咁先可以慢慢食慢慢傾😊~~咁因為朋友帶住小朋友,侍應都好快咁拎埋BB櫈俾我地~~點完餐傾左陣就有得食喇~~~我地點左:澎湖花枝丸、麻辣豆腐、葱油嫩雞拌麵、美人雞湯麵、洛神花茶同埋黑糖珍珠鮮奶茶🤤下午茶時間好似點得有d多,但對於有人陪先食野既我黎講又唔算多😆愉快地過左一個滿足的下午澎湖花枝丸:新鮮炸熱既花枝丸,脹卜卜既外型好吸引~~食落口都彈牙,配埋甜醬好夾~~麻辣豆腐:冇叫辣麵就點個麻辣豆腐過下口癮~~豆腐吸收左麻辣汁同鹵水汁既精華,入口只有少少麻辣味,唔算太辣,開胃之選!美人雞湯麵:友人特別就小朋友而點既麵~~濃濃的雞湯,小朋友超鍾意飲❤️幼麵條易夾但又唔會好淋~~呢款麵好啱小朋友食呢~~~葱油嫩雞拌麵:超香濃既葱油味😋未食入口都已經索到陣味~~佢有炸左既葱油,仲有新鮮既葱蓉,2者加埋一齊又好夾~但要快點撈埋,擺左一陣個麵癡住左,食到有點累贅😂洛神花茶:酸酸甜甜,朋友話唔係好甜,但好開胃黑糖珍珠鮮奶茶:黑糖味香甜,但又冇過甜,配埋茶味香濃啱啱好~~珍珠QQ好有咬口,不知不覺成杯珍珠就俾我食哂🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-27
60 瀏覽
將軍澳中心開咗好多嘢食除咗我最鍾意食嘅泰國餐廳之外原來佢哋隔離都有一間台灣嘢食叫做老媽拌麵好似係台灣都幾出名㗎喎佢哋嘅拌麵都可以自己帶走。叫咗一個滷水鴨舌鴨舌喺香港比較有得少啲食加上鴨舌嘅做功比較困難數量又唔多所以呢估唔到喺將軍澳中心都可以試到。另外都叫咗呢個綠色嘅水餃佢哋好得意綠色嘅應該都算係手工水餃水餃入邊包左豬肉餡不過呢嫌個皮厚左少少如果播返啲就好啲啦。另外都叫咗個雞肉刀削麵雞湯清清淡淡都幾好。 另外都叫咗個滷水牛肚牛肚爽口,滷水味都幾重。 繼續閱讀
(以上食評乃用戶個人意見 , 並不代表OpenRice之觀點。)