老地方

想食炒飯，第一時間諗到嘅係老地方記得佢D炒飯係用個鍋載著，好得意，所以印象深刻但有時候懶得堂食，佢外賣嘅質素都唔錯46蚊有炒飯有野飲，係一般午餐價錢。至於炒飯唔會話因為外賣就好濕，只係油有D多，食完要飲返多D水佢個炒飯都好足料架，有菠蘿，豬肉鬆，豬頸肉，蟹柳，雞蛋，提子乾同菜可能因為佢有菠蘿同提子乾，個飯食落甜甜地，加上豬肉鬆同雞蛋，成個飯非常香不過如果豬肉鬆再落多D就更好，因為好好味，略嫌唔夠外賣都依然好味，相信堂食會更好支持…查看更多

得冬季先有既打邊爐，無論湯底定d料都滿分!!!!🤤🤤🤤🤤🤤最中意食沙嗲湯底配豬頸肉。每年天氣一涼就成日打去問有得打邊爐未😂😂😂😂😂😂可唔可以改全年有…查看更多

今日同幾個fd去呢間小店食✨✨一入到去裝修都幾靚地方都幾大，坐位幾寬闊幾舒服👍🏻👍🏻同朋友gathering 就perfect💋價錢好大眾化，每碟都係幾十蚊食物都幾多款式，有西餐，泰國菜，甜品，台灣野飲品幾好飲，好特別我嗌左個特大飲品，成隻手咁高！影相一流ah😆😆😆我嗌左青蘋果綠茶，小食拼盤同埋招牌炒金邊粉全部都好出色呀，一定再黎第二次員工非常好態度👍🏻👍🏻👍🏻👍🏻👍🏻…查看更多

平日午餐都會來食老地方，食物冇咩大問題，但是上嘢嘅速度慢到接受唔到。落咗個泡菜炒飯，等足30分鐘，味道其實OK，泡菜爽脆，入面仲有生菜蟹棒雞肉同炒蛋，只是我記得以前是有豬頸肉的現在已經不知所蹤😂。只是試問平日一個鐘嘅午餐時間，等餐就要等半個鐘，食嘅時間真係好緊逼。最激氣就係見到後來嘅人都已經有嘢食，催一催阿姐得到答復：好多野炒窩妳等多陣。但係後來些人食咁嘅都係炒飯窩。。。以後午餐時間唔會再來，唔想因為食飯阻住番工，唔趕時間嘅朋友試一試倒也未嘗不可…查看更多

總括： 區內很經濟，選擇多，總有一款揀得落～加分位： 中學時已經同同學食佢~多配搭，又有野食配送，最重要係佢每日都會有一款小食大特賣中選原因：趕趕地時間外出工作要先食個Lunch，見坐滿人，先望Menu，價錢算平，坐低左再慢慢睇．兼食完出面有出九龍區巴士，快靚正～服務： 一般落單，速度偏慢少少．食物： 味道偏淡，份量中等，呢個價錢同佢質量成正比的～飲品： 天氣凍，叫杯熱菊蜜飲下比較淡啦，但好夠熱，唔會要求太多，所以可接受～環境：由於太多人，我坐門外加枱位置，該位置無乜人出入，鋪頭又唔會吹人趕客，我對面個男食客都睇住片慢食～係略嫌張枱仔細小小啦～室內都可以～佢又唔係茶記果Ｄ卡位～ Causal吹下水都可以～…查看更多

去完大埔醫院探病，就行返落去大埔中心搵食，醒起之前嚟過一間又平又好味嘅餐廳就介紹老公嚟食。一入去就見到每周特價餐牌，就叫咗個滷水豬腸，只是＄15 ,熱辣辣，有冧又好味。菠蘿炒飯嘅味道不錯，夠足料，仲有啲星洲炒米呀嘅味道。番茄豬扒飯唔使＄40都好大碗，豬扒都幾大塊，煎得好香，又夠冧，番茄汁都香濃。飲品方面，有雪糕嘅朱古力，見到都流晒口水，好吸引，荔枝乳酸係用一支益力多黎整架，味道調得好正，我會推介！環境裝修得非常可愛，有人手畫嘅牆畫，令人有家嘅感覺，只是冇耳背嘅座位，坐得冇咁舒服。…查看更多

偶爾和朋友來這裡吃晚飯的話，多會選擇喇沙湯檬今次和親戚來吃下午茶，有人選了喇沙湯檬於是我就點奶醬厚多士啊～～！！奶醬厚多士，即點即製上桌時暖呼呼的，多士好鬆化！！雖然用的不是粗粒花生醬，但花生醬仍鋪滿多士面層好香花生醬味！正！煉奶不會落太多，但仍略略帶甜味～奶醬比例調較得宜！加杯凍檸茶，才不過25元左右，抵食下午茶之選！親戚亦說我推介的喇沙湯檬好吃喇沙充滿著椰香味，又帶點辣，夠滋味～檬粉吸收喇沙湯汁，他們幾乎喝光整碗湯呢！他們說凍奶茶亦沖得夠香～就只是這裡的環境較為舊一些～座位稍狹迫啊！…查看更多

今日晚上同女朋友仲喺大埔未返屋企，係返屋企前就特登去咗一間係大埔開咗好耐嘅餐廳(老地方)到叫外賣返屋企食。住大埔既人一定知道呢間野，因為係大埔都幾出名，而且重開左好多年。今次點了招牌炒飯同馬拉盞炒飯細 Size 外賣，等左大約十分鐘左右就攞得。打開兩盒飯，雖然係細 Size 同個賣相唔係咁靚仔，但每盒都有幾多飯，一個男仔既正常份量。招牌炒飯就炒得唔係好夠味，有點可惜。而馬拉盞炒飯就炒得非常惹味之剩辣度都適中。:):)…查看更多

厄立不到的老店，喺大埔已經好多年係好多學生聚腳嘅好地方！ 最出名就係沙嗲豬頸肉飯啦！咁多年價錢都十分合理，絕對唔係啲連鎖餐廳求奇比一兩塊豬頸肉你！！！ 除咗沙嗲豬頸肉飯，喇沙麵同番茄豬頸肉飯，都係好好嘅選擇，料足價錢平，絕對係物有所值！ 最鍾意就係飯有分大碗同細碗，細碗就啱女士啦！店員嘅服務態度都好好！唯一美中不足係間鋪比較細，坐嘅位置好逼夾，希望老闆可以改善下坐位！！！今時今日有良心嘅食肆好難搵到啦！ …查看更多

去到大埔如果你想食個2人餐有菜有肉又飯又小菜又餐肉唔過$200你可以考慮「老地方」～ 有set a或b選擇！個人比較愛set a!集合粵式泰式台式風味！樣樣都大大碟！有鑊仔菠蘿泰式炒飯！鹹香炒通菜！台式芥末蜜糖雞翼！越式酸辣鳳爪！4大碟！每樣都好夠鑊氣但唔油淋淋！味道唔會太鹹太淡！雖然位置上比較迫，但係服務上周到！做開街坊生意！價錢上都好親民～ 兩個男人食都一定夠飽！唯獨不足係餐飲上選擇唔多，特飲要加嘅價錢都比較貴～ 但認真講＄200樓下有咁多野選擇又大碟又味道好～ 就避免雞蛋裏挑骨頭！😊…查看更多

今晚在大埔中心行街街，亞仔話肚餓，不如在外吃晚飯，他提議去老地方吃。亞仔也說曾經幫趁過此店，所以他再度叫回上次覺得好食的招牌炒飯，內有豬頸肉，肉碎和太陽蛋，他說今次比上次失水準，雖然飯混有醬油一起炒但味道欠佳。另外我叫了泡菜炒飯，同時也有豬頸肉，和當然的泡菜啦，但兩者都不對辦，所謂豬頸肉就是很乾，好像是普通不新鮮的豬肉，泡菜就沒有味，不酸不辣，份量又少！…查看更多

大埔中心地下嗰層都開咗啲細細間嘅茶餐廳，老地方茶餐廳環境細小，多人嘅時候會坐得有啲窄。內部裝潢同啲佈置都比較懷舊feel用大黑板寫上招牌菜式之後我地叫左個老地方鑊仔炒飯用嗰鑊仔裝住，好得意。炒飯好夠鑊氣，而且粒粒分明，唔會黏埋一舊。炒飯入面亦都有好多材料，例如蟹柳粒、生菜、肉碎。不過講到尾都只係一兜炒飯，size亦有分大細，大炒飯嘅價錢就要$62，冇飲品，而且份量亦唔算好多。普通茶餐廳四十蚊嘅炒飯應該都多過呢度亦都叫左一碟生菜$16生菜幾爽口嘅，不過價錢略貴，而且份量都係少。不過老地方茶餐廳嘅賣點應該係比較乾淨新式嘅茶餐廳，所以都有唔少人去食架！…查看更多

呢一日出大埔揾朋友攞啲野，係佢屋企樓下醫肚先，個商場仔有幾間食店，續間睇過，對老地方最感興趣。家庭式小店一間，食物都幾有特色，原本想試下喇沙湯麵，但係見有下午茶幾抵食叫左個炸肉醬撈米粉超級多醬既撈米，味道偏甜，同深水埗某間人氣茶記既炸醬味道接近一樣，不過果間既肉係條狀，比較有質感，呢度係肉碎，入口就散啲，撈埋米粉食，都幾好味一邊食米粉見到阿姐包春卷，入面有芝士，好吸引，所以都叫份細既黎食下，個皮炸得好香脆，入面既肉係煎窩貼既餡，豬肉入味，帶有薑既香味，另外仲有溶片裝芝士，好香好好食…查看更多

我仲記得依度係要自己落單架，見過有食客以為侍應們唔招乎係度發爛渣﹗又見過食客以為無人理佢，招乎不周，黑口黑面走人。琴晚預備 BBQ 醃肉醃到零晨四點先瞓，依家十二點就要落到大埔買餸喇，時間緊迫，怕唔夠時間啊！我手字 ok 麻？都寫得好整齊又骨子，見得下人架。老地方已經轉左自助落單，即係要自己寫單交比侍應，哈哈﹗當然如果您強烈要求，侍應們都會幫您寫既。女友仲有成個鐘先收工，想餓死我咩！唯有食住等。只係剩返細小的二人枱，點夠位放食物呀，只好坐住先，有大枱即轉，每次坐得唔舒服我都會非常暴躁呢！兩個人食三個菜、兩個小食加一個烏冬唔係好多啫，但張枱勁細點放呀，我又火﹗黑面侍應阿姐求期掉係枱道就走左去，等我地自己諗掂去！唔係咁既服務態度麻？可惡！馬拉盞炒通菜，炒得味道非常濃郁，但點解辣辣地既，蝦醬變左馬拉盞啦！仲要我自己寫單寫明蝦醬，咁都錯！我由細到大都唔鍾意蝦醬的，討厭過咸過嗆既味道，不過近年開始接受，可能年紀大左口味有點改變。乾蔥頭加炸蒜蓉再加馬拉盞，味道好重好濃，不過真係好香口，撈飯應該好好味又較易接受。水通菜都鮮爽多汁，最愛水通，千其唔好比乾硬旱通我呢。不過我食菜其實係想清清地架乍﹗咪轉左師傅啊？以前清炒又得、蒜蓉又得，依家相比之下差左好多喎。蒜蓉炒菜芯，食完重口味通菜當然要 keep 住啦。菜芯同樣調得有過之而無不及，真係實在落味太重味喇，依家晚飯時間唔係諗住我地要黎送酒掛？而且依度無酒賣呢﹗雖則唔係話難食，係好香口惹味，炒得爽嫩多汁又唔老，鑊氣撲面而來，乾蔥頭、豉油、炸蒜，我真係寧願用普通蒜蓉加鹽已經夠好食啦。香蒜炒金菇，試新菜。點解會係一半金菇一半芽菜架？完全無表示過係金菇炒芽菜喎，有點被騙既感覺，我不太食芽菜的。芽菜味好嗆，水份勁多，完全蓋過金菇味道，喧賓奪主。仲要炒到有點幾燶，賣相一點都不討好。只食到豉油、芽菜腥味及燶味，我同女友都每人試左幾啖，要放棄唔食，浪費都無辦法。阿紅妹幫我收左去啦，唔想眼冤。蜜糖炸雞翼，只不過係用大量勁希又水既蜜糖水淋面，蜜糖淡而無味，幾乎食唔到。有別於其他食肆用薄薄一層蜜糖平均地、黏黏的包住整隻雞翼。好普通又炸到乾爭爭既雞中翼，no good ﹗細去骨白雲鳳爪大辣，味道只可以話係甜酸鳳爪乍，甜味強烈，十足泰式雞醬囉。辣都唔辣下，只不過係微微微辣，酸度又唔夠，溫度又唔夠凍，質感滿意既，夠爽脆彈彈的甜鳳爪，都好味過上次少少啦。麻辣滑牛火鍋烏冬，次次都食冬陰功，有點悶！咖喱又取消左，唯有試試麻辣，我地已有必死既覺悟，有心理準備會麻麻地，無期望既平常心。麻辣滑牛火鍋烏冬，新嘗試總有點戰戰兢兢，雖然一早做好心理準備啫。飲啖湯底味道一般，不香不辣不麻，帶點微微微辣夾雜點點香料味道，一次無妨，都係冬陰功或咖哩最好味﹗白蘿蔔、豆腐、芋絲、鮮菇、豆腐卜、龍蝦丸、滑牛、唐生菜、金菇、烏冬，其實我覺得健康又抵食架﹗仲有喇沙湯底未試，女友話以後試新野唔好預佢，好！咁您食自己啦！普通平價即食烏冬，所以要好留意烚既時間，太耐會溶到變麵粉架﹗雖然平價烏冬但都可以煮得好味架，質感滑溜有咬口，索左微量麻辣湯，都滿意。不過麻辣湯底太淡，要加蒜香豉油先得，即係剛才炒菜芯剩返既汁囉，即時惹味又好食百倍呀！太陽蛋炸雞扒出前一丁，太陽蛋加豉油？幾新奇喎，哈哈，多謝。賣相整齊有調理，美觀吸引有 heart，讚。有豉油同生菜送埋，生菜爽嫩充滿水份，咬到索索聲，帶埋湯汁食，美味。炸雞扒跟小食併盤既炸雞扒一模一樣，好咸喎！炸到乾硬鞋呢，有隔夜翻炸之厭。麵就煮得好好，爽夾滑又熱辣辣，掛起甜湯倒落肚，正！…查看更多

路過見有位就是但啦，最緊要快唔洗等。都有好幾個月無黎幫襯喇，每次只為熱辣辣明爐車仔麵之麻，我覺得無咩分別。平靚正，快夾爽，簡單好味，飽肚扺食 ﹗ 坐低左一段時間都人理，左望右望、上望下望，有點想離開既衝動，幸好侍應阿姐發現到我，終於走過黎招乎我喇，仲幫我落埋單添，thank you ﹗之後發現原來依家轉左自助落單，即係要自己寫單再交比職員喎，都幾搞笑喎 ﹗聞所未聞，Good idea ﹗減省人手，其實同車仔麵、酒樓點心剔 order 紙同樣道理，但依家係要續隻字手寫囉。見大部份食客都唔知道要自己寫單，有些食客等得唔耐煩，無侍應招呼落單，黑面氣憤地離開 ﹗老地方全新 menu 除保留原有佳餚外，還加左好多新菜色添，而且設計精美，美淪美渙。乾乾淨淨，揭多幾頁都唔會抗拒啦。新 menu 比以前企理好多，顏色又鮮豔、乾淨而且包裝精美，真係唔食都睇多兩眼啦。凍檸樂，突然好想飲，剛做完運動好頸渴呀，飲冰凍汽水就特別爽啦，一次半次唔會肥既 ﹗倒下可樂，聽到冰粒跳舞既聲音，豪氣地大啖一啜，凍到打冷震 ﹗爽爆 ﹗大去骨白雲鳳爪大辣，食完先知可以 order 細碟。都唔知侍應阿姐有無落錯單，我要大辣但只係微辣乍喎，而且又唔夠酸又唔夠凍涼，涼拌唔凍都唔叫涼拌啦 ﹗鳳爪皮肉均爽脆，不酸不辣又唔入味，仲要溫度跟室溫差不多，味道及香氣即時大打節扣。泰式小食併盤，大部份為炸及香茅堅熱氣囉，幾乎每次必食，只因無選擇又唔比散叫。香茅雞扒，有驚喜喎 ﹗雞扒最好食，皮脆肉嫩，醃得入味剛剛好，濃郁而不過份，炸得香口，肉汁澎湃夠水潤，好味道。肉汁餵飽每顆味蕾，香口惹味，香茅味道突出而不過份，女友同我一樣咁喜歡，拍晒手掌。香茅豬扒、炸雞中翼有點失色。香茅豬扒雞中翼一樣偏咸，炸得過火，又乾又鞋，口感乾硬，味道麻麻地，免強入得口，不過乾硬鞋無得救。碳燒豬頸肉，遠近馳名招牌豬頸肉，堅稱自家續塊碳燒 ﹗香甜味美保持高水準，軟棉爽口又多汁。滲著微量肉汁，好味道。醃得入味帶碳燒香，口感嚥韌，鬆軟中帶點趙口及肉汁，皮香肉嫩啖啖肉，大滿足 ﹗真係好味架喎，無搵笨。招牌豬頸肉真係好好食呢，醃得入味無過咸過嗆，吃得到原汁原味，泛著微微肉汁不太乾，質地腍得黎又不失趙口。依個併盤跟泰式雞醬唔係好夾，可以試試魚露、青檸醬、青瓜汁，較清淡點會更好，成盤炸野已經好油膩啊，滯滯感覺濃厚 ﹗上次女友大讚雞扒好味道 ﹗今次專登黎要添食，但見 menu 無得單叫雞扒，唯有叫併盤囉。點解唔比單叫呢？蒜蓉炒通菜，黎老地方必食炒菜，真係有鑊氣又鮮爽多汁，撈埋炸蒜蓉同乾蔥頭一齊炒，非常濃郁又香口 ﹗其實我本身想食得清淡少少，清炒時菜都幾好食架 ﹗發覺依度個廚師好鍾意用炸蒜調味，不論湯粉麵、炒飯炒麵、炒菜炸物，都落唔小炸蓉，似乎用得太濫喇。蒜蓉炒白菜，鮮爽多汁，靚菜有濃厚菜甜味，用金銀蒜及乾蔥頭炒得非常香口又夠鑊氣，手功了得 ﹗一定要大束大束地食先食出精髓，好好食呢 ﹗老地方招牌炒菜無得輸，香氣傳千里，高質時蔬發出天然菜甜味，爽嫩多汁，撈上炸蒜乾蔥更添風味 ﹗而且師傅炒功出眾，時間掌握得游刃有餘，堅好味 ﹗記住趁熱食先食到極致美味 ﹗蒜蓉炒菜芯，有鑊氣又好味又濃郁、菜芯爽脆多汁香甜味美 ﹗不過味道極濃縮，好快已有點膩滯感覺，蔬菜都係清清地好。女友又要遲半個鐘，我已經勁好肚餓，唯有自己食住菜芯先啦。本來想食清點，叫清炒架，但上次食過麻麻地又炒到燶晒，都係穩陣食蒜蓉算。用炸蒜加乾蔥炒，非常惹味濃郁香口，搭上菜芯清甜多汁充滿大量水份味道剛剛好，好味道 ﹗完全消滅，一條都無剩，食晒 ﹗冬陰功滑牛火鍋烏冬，以前將所有配料連烏冬放晒係隻鑊度直接送到，一鑊熟。依家轉左用細煲仔，為左慳位？個煲容量應該放到三個烏冬滿滿的。另外將肉、菜、金菇、烏冬分開用碗上。可能唔想因為食客食得慢，怕食物過熟過腍或過硬掛。依家可以比食客自己撰擇食咩先，依個改動都幾好，good ﹗味道、質數都跟以前一模一樣，但價錢加左十幾蚊，份量仲好似少左添。另類明火車仔麵，多年黎都得到我全力支持 ﹗快狠準、平靚正、好食飽肚、充滿力量 ﹗煲仔細細，但火更細，終於等到佢滾起喇 ﹗將所有豆卜、蘿蔔、竽絲、鮮菇、金菇、滑牛倒晒落去一鑊熟，每樣配料都索湯力出眾，好食好食。最底係烏冬，跟住成棵生菜，最上面金菇同鮮牛肉，永遠不鞋不韌唔會老既牛肉，因為醃得都幾利害，腍劈劈滑潺潺，味道中規中矩，不過浸上冬陰功湯即時好味左，酸酸辣辣好開胃。滑牛醃過乸過，質地腍得不自然，唯一好處係烚極都唔會變韌變硬囉，索左冬陰功湯既牛肉片好好味呢。生菜、金菇、鮮菇、蘿蔔、豆腐卜、芋絲配上又酸又辣既冬陰功湯，好食到唔停得口 ﹗菜多肉少又健康，生菜金菇爽甜、鮮菇滑滑彈彈又充滿水份。蘿蔔煮透盡索冬陰功湯，一咬爆汁。係龍蝦丸削了一點，好鬼粉。烏冬要一滾即食，廉價烏冬溶點低，所以要非常留意時間，好易腍到夾唔到架，唔能夠烚太耐架，滾起無耐就要即刻食，連酸辣冬功陰湯一齊掃入口，超正 ﹗我經驗老到，好少會失手既，不過今次唔覺意煮耐左添，溶左少少，有點粉口啊 ﹗大力少少夾都爛，口感腍劈劈，sorry sorry。每條烏冬已經吸盡所有配料精華、香辣冬陰功，浸得完全透徹，每口恰似飲湯一樣，好好味 ﹗冬陰功肥牛火鍋烏冬，次次都係酸辣冬陰功，好鬼悶呢 ﹗好想食咖喱湯底，多年前食過咖哩係比冬陰功更辣架 ﹗但居然取消左？非常失望，點解要取消美味咖哩湯底喎，您地都係用咖哩膽開之麻，咖哩飯、撈丁麵都會用到啦。普通平價肥牛，烚完吸收左冬陰功既精華又幾好味喎，無想像中那麼肥，部份脂肪已灼走左，而且脂肪位十分爽脆呢。雖然瘦肉有點鞋鞋地，不過肉味都幾濃架喎，滿意。上次試左滑牛，醃得太利害，乸到腍劈劈。今次試肥牛啦，我最初想要咖喱湯底架，覺得佢應該比冬陰功更辣，但女友堅持冬陰功呢，無所謂。以前係用鑊載晒湯及生料送到，開火一鑊熟架，依家轉左用細煲，生料分開上，要續少續少烚黎食呢。有菜、菇、豆腐、芋絲、豆腐卜，全部都係索汁索湯高手，每一啖都充滿濃郁酸辣冬陰功湯，好味啊 ﹗依個火鍋健康得黎又非常好食，六十蚊左右價錢黎講，抵食 ﹗烏冬雖然係平價貨色，烚得恰當再加上酸辣冬陰功湯都可以好好食架。烏冬滑嘟嘟又有點咬口難得幾滑架喎，大滾將烏冬烚開就差不多食得架喇，再烚就會溶到夾唔到。冬陰功湯已集齊肉味菜味菇味，味道十分豐富香甜，湧著烏冬一齊倒晒落肚，非常美味。先烚晒生料餚個靚湯底，最後才解決個烏冬。椰菜？比生菜我好過啦。肥牛、什菇、什丸一鑊熟，肥牛雖偏瘦，幸好味濃有嚼勁。其他配料均屬大路平平，志在為湯底添味。酸辣冬陰湯加入牛肉味、什菜味、什菇味，令都味道更多恣多采，讓烏冬索滿湯汁齊齊倒入口，香濃味美加上烏冬滑溜非常，好味到震 ﹗全部食得乾乾淨淨，湯都無得剩。…查看更多