老厝邊

營業中

休息中

今晚又黎到荃灣覓食，行過呢一間老厝邊見到原來係食台灣　菜的餐廳，就走入去食啦。叫左眷村牛肉麵$70入面有三大塊牛肉，仲有一舊炆到好入味的白蘿蔔，湯底揀左紅燒湯底，好濃郁，唔係辣的，麵幼身得黎又算彈牙，係香港好少食食到有質素的紅燒牛肉麵，呢個掂。😍😍嫩雞沙茶麵$56雞塊都有五塊，真係好嫩，麵係油麵，麵質彈牙爽口，配埋個沙茶湯一流👍👍👍香炸花枝丸$34每粒花枝丸切開一半去炸，用左椒鹽簡單調味，又香口又彈牙。珍珠鐵觀音奶茶$26珍珠煙靭，個茶味幾香，有鐵觀音嘅回甘味。蜂蜜檸檬愛玉$24酸酸甜甜好適合夏天飲。又飲又食兩個人先係$210，呢個到性價比真係幾高。

最近好想食台灣菜，經過荃灣西見到呢間台灣菜就入去試下～餐廳嘅設計好有台灣嘅特色，而且有上下2層，雖然好似好多位，但都滿曬座！🍽️塔香鹹酥雞 $40台灣菜必食嘅鹹酥雞，外脆內滑嘅鹹酥雞，食落去好脆口，一啲都唔乾，入面好Juicy得黎又夠嫩滑！仲要係即叫即炸，上菜時仲係好熱，非常惹味！🍽️超濃芋泥蛋餅 $44蛋餅餡料好豐富，滿滿嘅芋泥加埋肉鬆，再點埋個醬，咸咸甜甜咁，夠曬開胃🍽️酥炸排骨滷肉大碗公 $62大碗公份量夠曬大，2個人share 食都夠～排骨炸得金黃鬆脆，肉夠嫩又有肉汁，配埋滷肉飯，好好送飯，而且真係啖啖都係肉！🍽️半筋半肉麵 $78呢碗招牌嘅牛肉麵份量十足，湯底濃得黎又唔會太鹹，牛肉同牛筋嘅份量岩岩好，牛肉仲炆得好淋又入味，入口即溶，至於牛筋食落去仲啖啖骨膠原～除左牛肉牛筋，仲有白蘿蔔同菜，全部配料都索曬湯嘅味道！真係一碗正宗台灣牛肉麵！🍽️鐵觀音奶茶 $27鐵觀音茶味都好出，再額外加仙草，成杯飲杯增加層次感，而且夠曬消暑🍽️珍珠黑糖鮮奶 $28珍珠好有彈性夠曬嚼勁，每一粒都包住有黑糖味，加上香濃嘅鮮奶的，真係滿滿嘅幸福感~

老厝邊是一間位於荃灣的小餐廳，環境親切，服務親切。🥰佢地既香蔥牛肉起司蛋餅$45，口感香脆，起司溶化在口中，好多芝士😍 蔥份量都好多，讓人回味無窮。半筋半肉麵（蔥油乾拌）$78，麵條Q彈有嚼勁，蔥油的香氣搭配著鹹香的肉片，簡直是絕配。牛筋好淋 牛展可以再淋啲 兩個都入曬味😗大腸麵線（大）$45，滑嫩的麵線搭配著大腸，加埋蒜同醋 每我胃口大開 😌最後再來一杯綿綿芋頭鮮奶$32，奶香濃郁，芋頭的香甜味道恰到好處。🤩總的來說，老厝邊的菜色豐富，味道地道，價格實惠，是一個值得一試的小飯店。

同媽咪去街市買餸，買完之後見個天已經黑晒，於是決定食埋先返屋企，咁啱就見到呢間食台灣菜嘅餐廳🍽️🤤半筋半肉麵🍜筋肉入口即化，鮮嫩多汁，吸收咗湯汁嘅精華。湯喝落去回甘醇厚，溫潤入喉，散發出濃郁嘅肉香，麵條嘅口感非常好，煮至恰當的軟硬程度，不會過軟亦都不會過硬，食起來有嚼勁。三絲麻醬涼麵口感滑順、清涼可口，三絲麻醬香氣淡淡地飄散出來，不會過於濃郁，配埋青瓜感覺好清爽，雞胸肉唔會煮到好鞋，夾埋火腿一齊食層次豐富，非常適合夏天食。塔香鹽酥雞🍗炸到金黃香脆，香噴噴熱辣辣，外脆內軟，每逢食台灣菜必食之選。百香芒芒冰🥭真材實料，食到一啖啖芒果果肉，見到有粒粒百香果果核，甜>酸，感覺好fresh。

1. 半筋半肉面（蔥油乾拌）$78份量算足，3條筋3塊肉，但都是建議牛肉湯做底為佳，唔夠入味肉質太老，不易入口，較為可取是蘿蔔 開頭以為蔥油拌麵係炒香咗嘅蔥結果唔係，生蔥嚟嘅，較清淡，所以建議揀返湯2🌟2. 台式蒜片香腸 $38份量偏少，蒜片勁正，但台灣腸唔夠正宗，唔似正式台灣腸3🌟3. 起絲肉鬆蛋餅 $40一條切開，總數六件，二個人食還算可以接受，食落算ok,芝士味較清淡，個皮係軟身2🌟4. 滷肉飯（小）$36不過不失3🌟

今日同男朋友黎左間都幾出名既台灣店 😎 試下係咪真係咁好食～大腸麵線（大）$45好大碗 自從去完台灣食阿宗麵線，之後就愛上左麵線，呢度同阿宗係唔同感覺，阿宗有辣椒醬，呢到冇，係食原汁原味😂 大腸同麵線唔差既 好食台式蒜片香腸$48台灣腸要夾埋蒜頭一齊食 食落去會更惹味🤤 面頭有小許黑椒 眷村牛肚麵 $66牛肚份量好夠 大大件 份量十足，麵正常，湯底十分濃郁 有小許藥材味牛肚炆得腍滑，唔會好un.野飲 我個杯係綿密芋頭牛奶 🥛好淡…. 唔好飲 芋頭味不足 好似只係飲緊奶咁 唔夠料既感覺 野飲扣分男朋友個杯 唔記得係咩 都唔好飲野飲方面唔推介，食物係ok 亦都唔貴👍🏻

經過見到唔洗排隊，即刻入去試試～❤️香酥炸排骨便當 排骨炸得金黃香脆，外皮又酥脆，咬開肉嫩又有肉汁，仲有瓜類小菜同埋香辣椰菜花，份量十足🧡半筋半肉麵 紅燒湯底濃郁但唔辣，筋道十足嘅牛筋加上軟嫩嘅牛肉，口感層次豐富。麵質同平時食既台灣麵唔同，口感彈牙，有d 似拉麵既質地💛麥香奶茶加仙草 奶茶香滑而加麥香味突出，加埋仙草口感特別豐富💚檸檬紅茶 酸酸甜甜嘅檸檬味同紅茶嘅香氣非常匹配，茶底夠香仲有少少澀，飲落清新爽口，解渴又提神

好想食台灣野呀，飛台北前都要食返轉😂🛎 $78 半筋半肉麵呢碗牛腩牛筋麵簡直是一絕!湯頭醇厚濃郁～飽滿牛腩塊軟嫩入口😋牛筋更係肥而不膩、彈牙爽脆😆麵條Q彈有勁，完美吸附住湯汁！加上一絲蔥花點綴～成手碗麵飄散出陣陣迷人香氣呢🛎 $54 雞絲麻醬涼麵呢碗雞絲麻醬涼麵真係令人垂涎三尺😆麵條Q彈有勁~配搭上濃郁醇厚嘅麻醬簡直絕配!雞肉鮮嫩多汁，加埋脆爽嘅青瓜絲，為整個盤面帶來層次感🫶🏻作為一道消暑又開胃嘅夏日涼麵,實在係太完美啦💋真係忍唔住要一口接一口！停唔低筷子😛🛎 $24+3 鐵觀音奶茶+愛玉呢杯鐵觀音奶茶真係好出色!茶韻濃郁😋入口綿滑豐厚👍🏻仲帶有一絲自然清香😍奶味恰到好處，唔會蓋過了茶味🍵二者和諧融合～有得揀微糖！咁熱嘅天氣飲真係充滿正能量！！！🛎 $34 炸甜不辣

星期一與同事外出覓食，想吃的車仔麵碰巧停電休息，唯有轉移陣地，來個台式風味：/⭐️眷村紅燒牛筋牛肉麵 $78牛肉麵湯正常發揮，麵質卻似泡軟了的公仔麵😂牛筋和厚切牛𦟌肉的份量都很多，而且很軟淋入味👌🏻⭐️超濃芋泥蛋餅$44沒有比較沒有傷害！早前吃過了台蔡的蛋餅，這間的餅皮相對失色，比較油膩軟淋的一塊厚蛋餅皮😥不過，內餡的軟綿芋泥麵算足料的。/⭐️蜂蜜綠茶 跟餐 $12清清甜甜，正常味道/試過知道咩料，如果想食牛肉麵我都係比較鍾意段純貞，蛋餅就台蔡😝

雞扒滷肉飯要講到台灣最出名嘅一定係滷肉飯，呢度當然有，仲要可以有多飯呢個option😍配送係雞肉，香嫩非常，即使係雞胸肉嘅部份，完全唔鞋，入口即溶嘅口感，滷肉唔會太濃味，肉亦都唔會太肥，口感一流半筋半肉牛肉麵牛肉麵亦都係台灣獨有嘅！！！必須要讚佢嘅牛筋同牛腱都係勁淋同好入味，麵質口感爽彈，充滿着濃濃嘅肉味，鍾意食辣仲可以叫店員俾辣椒醬👍🏻👍🏻超濃芋泥蛋餅呢個一定係必食推介，呢間餐廳有好多唔同款嘅蛋餅，各有特色，而呢個芋泥係超濃厚嘅口感，配合埋蛋+肉鬆，成個口感係無敵好味！！！

晚上嚟左呢間荃灣西嘅台灣菜餐廳。餐廳細細間，有上下兩層，Menu選擇有飯麵，小食同飲品。飲品叫左茉莉奶綠加仙草同蜂蜜鐵觀音，蜂蜜鐵觀音茶底係淡淡嘅鐵觀音嘅茶香，茉莉奶綠嘅茉莉茶香幾清香。食物叫左三杯雞扒便當同半牛筋半牛肉麵，半筋半肉麵叫左紅燒湯底，湯底幾清，唔會食到成口油，牛筋牛肉份量都幾多，牛筋牛肉都炆得幾軟幾入味。三杯雞扒便當有兩大塊雞扒，會配啲小菜，有炒辣豆角、翠肉瓜、豆芽。整體來講，食物味道正常，價錢幾抵食。

老厝邊係荃灣一間主打台灣風味嘅餐廳，上次食過正宗紅糟排骨飯，今次黎試下✨️招牌半筋半肉牛肉麵呢碗牛肉麵份量十足，麵條爽滑彈牙，湯底濃郁香甜。牛肉牛筋的份量都好足。牛肉炆得腍滑，入口即化；牛筋有三大條，啖啖骨膠原。湯底顏色深但味道清甜唔會過鹹。碗底仲有蘿蔔、雪菜同小白菜，增加咗口感同層次感，真係一碗正宗台灣牛肉麵。✨️食完濃郁嘅牛肉麵，再嚟杯仙草凍鮮奶真係啱晒。仙草凍滑溜，帶有淡淡草本香氣，同鮮奶嘅濃郁奶香完美結合，微甜而不膩，清爽解渴。餐廳裝潢簡約溫馨，充滿台灣風情，環境同服務亦都好舒適，絕對值得再訪。

Weekday Dinner 眷村牛肉麵 $70選擇了惹味濃郁的紅燒湯底，牛腱及蘿蔔入味腍身，幼身麵條掛湯。滷肉飯（小） $36滷肉與飯的比例剛剛好，每一啖都有香濃的滷肉醬汁，吃到最後不會只剩下白飯。起司肉鬆蛋餅 $40蛋餅味道出色，餅皮鬆軟又有彈性，中間是滿滿的肉鬆與芝士，很推薦。珍珠黑糖鮮奶 $28黑糖獨特的香氣加上鮮奶及煙韌珍珠，是不敗的組合。凍椰果蜂蜜檸檬 $24滋潤蜂蜜配味道清新的檸檬，配上凍椰果增加口感，夏天透心涼之選。餐廳有上下兩層，有充滿台灣特色的裝修，價錢親民，味道又不錯，晚上有不少捧場客，是方便快捷的晚餐選擇。

最近都好鍾意食台灣嘢，今次嚟到荃灣試咗間裝修幾特別，有兩層嘅台灣餐廳。「起司肉鬆蛋餅」 $40🍽️：煎得恰到好處，滿滿芝士包住香口肉鬆。好味😋「眷村牛肚麵」$66🍽️：我揀咗紅燒湯底，幾惹味，牛肚同蘿蔔都炆得幾腍，面底同出面食嘅牛肉麵有啲唔同，麵幾特別。「古早味滷排骨便當」 $70🍽️：排骨炸得好香脆，肉質唔會過韌。「珍珠麥香奶茶」 $26 「珍珠鐵觀音奶茶」 $26🍽️：呢度揀嘅甜度同冰量係真係會做足比你，呢個幾欣賞！👍🏻

上個星期五收工同男朋友約喺荃灣食飯，路過大壩街見到有間餐廳個名好特別，原來係一間古早風味的台式餐廳。入到店內感受到復古的親切台灣風情，餐廳有兩層樓，座位企理有致🥄滷肉飯（$45）滷汁帶住肥瘦相間的腩肉，混合古早味醬油的香氣，同飯粒完美融合🍜滷肉乾拌麵（$45）麵條Q彈有咬勁，沾住滷肉碎粒同滷汁，味道層次豐富。芽菜的加入增添清新🍖炸大雞排（$42）大大塊雞扒外酥內嫩，炸粉夠薄，表面金黃酥脆，肉質飽滿多汁🧄台式蒜片香腸（$32）香腸表皮微焦，咬落Q彈有咬感。夾住蒜片一齊入口，香氣濃郁之餘有少少辛辣，完美融合台灣在地風味🧃古早味冬瓜茶（$18）茶色清澈剔透，帶有淡淡甘甜回甘。清涼解渴，係炎夏日最佳消暑飲品🍋凍蜂蜜檸檬愛玉（$24）愛玉軟糯滑嫩，蜂蜜同檸檬酸甜平衡，清新爽口