影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
喺荃灣廣場睇完戲，行過對面街揀咗依間台灣餐廳試一試，份量都算足，價錢平，但係味道真係好一般😢仲要嘢飲冇得跟餐，散買嘅價錢都唔平～🌼鹽酥雞滷肉便當鹽酥雞唔夠酥脆，而且有啲鞋，滷肉中規中矩，啲配菜幾特別，同出面食到嘅唔同，酸酸甜甜，我個人係幾鍾意，但成個飯整體來講味道就真係一般，啲配搭溝埋一齊唔係幾夾🌼好呷炸物拼盤好想食甜不辣就嗌咗，佢真係俾得幾多，食極都仲有😝不過炸得比較乾身，而且好似落得比較多調味粉，所以食多幾嚿會覺得鹹
繼續閱讀
這間台灣野的整體表現令人感到有亮點，菜品相當有特色。肉燥雞扒飯的豬扒分量充足，肉質鮮嫩，外皮炸得剛剛好，帶出層次豐富的口感；芝士肉鬆蛋餅香氣撲鼻，芝士濃郁而不膩，搭配肉鬆的鹹香，兩者相得益彰。至於牛肉麵，湯底味道稍嫌偏淡，但牛肉軟嫩入味，麵條口感彈牙，算是一道穩妥的選擇。在飲品方面，仙草鮮奶的清新順口讓人印象深刻，但熟成奶茶甜度稍過，略顯搶味。整體而言，這家餐廳的菜式值得一試，特別是一些經典的台式風味，但仍有進一步提升的空間。
繼續閱讀
今日一家人去荃灣參加活動！順便出去醫肚😌經過見刊有間台式食品店！價錢好抵食而且食物款式選擇都算幾附多，所以試試😀玉米起司蛋餅囡囡都鐘意食，香口多芝士大腸線麵正正常常，份量較細，不太食得飽😅九層塔手抓餅比較普通，最初以為內裡夾有餡料，有點乾身滷肉乾拌麵比較淡味，麵的份量少，不過肉的份量都Ok花雕醉雞十分淡味，好少酒味，如果鍾意食重口味的人會覺得不盡興😅味道一般，但沒有令人一吃難忘的感覺，不過勝在價錢親民👍🏻
繼續閱讀
荃灣廣場附近呢一間台灣餐廳，性價比相當唔錯，而家晚市唔使加一又有質素嘅餐廳，真係唔容易搵。餐廳裝修有懷舊台灣vibe，座位坐得舒服，餐牌好多選擇，諗到嘅台灣傳統美食都搵到，而且餐廳乾淨企理，食得放心又開心招牌三寶台灣麵牛腩同牛筋都好淋，好入味，而且份量好多，個台灣麵質感好好， 好好味芋泥芝士蛋餅咬開蛋餅，裏面有好多芋泥同芝士，而且唔算太甜，比例非常之好👍🏼👍🏼雞扒便當雞扒好厚身，而且冇雪味，旁邊鋪咗好多粟米、滷肉，份量好多，又好食又抵食
繼續閱讀
做完瑜伽，就喺附近行逛，突然間覺得好肚餓，好想食鹹嘅嘢，所以就去食台灣麵。喺OpenRice見到呢間台灣麵好似好多人食，姑且試一下。顧盼四周，呢間舖頭兩層高，幾特別，有個男人爬住一碗炸雞扒飯再加一碟蛋餅，其實我都好想食炸雞扒，但又怕天氣唔好好易病，所以掙扎之下，就叫咗個三寶牛肉麵，貪佢乜都有，有牛肚、牛筋、牛腱肉，又可以試吓佢個麵底同埋湯頭。原本只係想叫一碗麵，但見到嗰個男人食蛋餅食到津津有味，所以我都叫咗一碟。不一會兒，牛肉麵就到了。聞落去好香，又有我最鍾意食嘅白蘿蔔，湯頭也不太鹹不太甜，但可惜麵底過淋，我始終鍾意食比較硬的麵⋯⋯在吃他的牛腱，淋是淋的，但我覺得醬汁未有入味；再試他的牛，十分軟濡，可惜也不入味；再試他的牛肚，幾淋，但係同樣地，唔夠入味⋯⋯蛋餅一到，驚為天人！原來呢間舖頭最好食嘅，不是牛肉麵，而係蛋餅！餅皮充滿蔥油香，配上特製的醬汁，非常可口，而內面的薯餅剛好將芝士溶化，非常好食，再配上薄薄的一層煎蛋，非常非常非常好吃！如果10分滿分，呢個蛋餅有10分！一煎好就拎咗俾我食，真係好好食🤤可惜我一個人食唔哂，所以就打包，將一半嘅蛋餅拎走。蛋餅真係好好食，但係牛肉麵真係差咗啲，所以我都食唔晒⋯⋯希望下次佢唔好咁淋啦啲麵。相信我下一次做完瑜伽，都會再食，但就會試佢嗰個大大塊雞扒（因為見到嗰個男人食大大塊雞扒飯，真係食得津津有味）🥹
繼續閱讀