老北京餛飩皇

營業中

休息中

水餃可能唔係香港人平時食開嘅嘢，但係對於肉肉獸黎講，真心推薦無論係外脆內嫩嘅煎餃，定係浸泡係鮮湯入面嘅湯餃，我都會講我要打二十個。但係恕我見識淺薄，搵到好食嘅，唔多。但係今次搵到一間會令我印象唔錯嘅，首先湯餃，佢個湯底清甜，飲完唔會口乾，餃子皮但係薄，肉餡都唔錯。煎餃都係完全符合我嘅要求。一個字，正。PS，女朋友話酸辣湯都好正

天氣突然轉涼，13度，原本想食火鍋，但係又唔想等咁耐，就走咗去旺角，老北京食下雲吞同埋飲下燉湯。烏雞燉湯夠味又足料，入口成個人暖晒，味精唔算濃，有少少人參味。牛腩半肥瘦，夠晒淋，又入味，仲跟半隻咸蛋有新意，搭多條菜夠健康，抵讚。羅白入味又無渣，正。馬蹄香菜小雲吞，湯底有少少胡椒，加上佢個手工麵，有啲似米線嘅口感都幾好食！韭菜鮮肉煎餃，食煎夠熱夠香口有啲咩我仍用舊舊又夠脆！埋單蝕到攬住個肚都唔洗兩舊水，超值又好味道，平民美食推介！

如果想快食就千其五好揀呢間嗌左個外賣等左20mins 原來需要多啲時間等但又五講聲 等得黎都食五到了因為真係無諗住要等甘耐好聲好氣問佢我趕時間可五可以轉其他比左錢無得轉架喎其實等得耐係收錢前係咪可以提一提需要比較長時間 啲呀姐真係極品一定五係食服務 但基本野都五講聲仲諗住叫我幾個鐘後得閒先拎👍🏻👍🏻

今日同朋友兩個人去食左個晏，入到去呀姐叫我哋坐，我咪坐左個打對嘅兩人位，跟住呀姐唔比我坐嗰個打對位，死要我哋坐張四人枱，要我同朋友打橫排坐，佢話個打對位要放外賣喎～～但後尾我見到嗰個位係有比其他人坐囉🤷🏽‍♀️到叫嘢食，叫左個酸辣韮菜餃面，完全唔係酸辣囉～似蒜辣囉～個餃子唔洗講啦，普通到唔普通，唉…..冇下次！

Lunch想食餃子 就想試下呢間我拎完外賣見到好似細細盒咁 原來都幾飽～叫左-韭菜鮮肉煎餃 5隻一打開油味都幾重 但食落去唔太油啲餡仲要幾多 皮都係煙韌既 唔爛我仲落埋辣椒油 又幾好食-蔥油拌麵唔重蔥味～但偏油但我撈左啲辣椒籽 會好啲下次可以配其他麵試下可能我兩樣都油埋單$50

二人行，旺角逛完街，肚餓啦，去那裏吃😀路過 「老北京錕鈍皇」，簡單裝潢，冷氣夠凍，涼浸浸😀 坐得舒服食飽飽，不錯吧，下次再來， ok有平宜下午茶喎，分別是 $38 及$53 特價套餐包小食及飲品小餛飩15粒 $38 （換 馬蹄香菜 加 $3）細細粒，容易食，皮薄 滑嘟嘟，少量生菜及紫菜，清淡好吃 😋 韮菜小餛飩 15粒小食： 老北京驢打滾， 問職員，乜嘢嚟㗎😀原來是糯米糍，煙韌，口感不錯，甜甜豆沙餡飲品： 酸梅湯、 新鮮豆漿 😊

今晚因為要上堂，所以成10點先食晚餐，朋友推介左油麻地餃子抵食之選！仲要唔使排隊，即時入執試下先兩個人叫左以下餃子🔆黑松露鮮肉煎餃 $60🔆薺菜鮮肉水餃 $46🔆凍&熱豆漿 $7@皮唔太厚，煎同湯餃都正常，加上湯底唔太濃，食完唔會有好口渴既感覺👍👍唯一麻麻既就係店內環境，如果想同朋友傾計坐得舒服就唔好揀呢到啦😂呢到適合快食既人士

今天於旺角試了這家北方麵點小餐廳的下午茶餐，味道不錯。她的下午茶餐均一價$38，有一客主食一客小食和一杯飲品。主食四選一，有放湯的小雲吞，可選原味、韭菜或薺菜的餡料；另一選擇是其招牌菜：韭菜煎餃；如果想吃得飽一點則可選酸辣炸醬湯麵或北京炸醬麵。小吃三選一，分別有涼拌雲耳、老北京驢打滾或脆皮炸小雲吞。飲品就可選酸梅湯、豆漿或汽水。我們倆選了韭菜小雲吞、招牌韭菜煎餃、老北京驢打滾及脆皮炸小雲吞，飲品則點了酸梅湯和豆漿。放湯的小雲吞很小巧，韭菜很香，一碗15粒，雲吞皮很滑。招牌韭菜煎餃一份6隻，煎得剛剛好不會太燶，餃皮煎到少少脆，不錯。脆皮炸小雲吞也不錯，雲吞的皮真炸得又薄又脆，而且不會太油膩。老北京驢打滾其實就像豆沙餡的炸煎堆仔，不過外皮沒有芝麻，好像是一些北方名點，個人覺得似小食只屬一般，不太吸引。酸梅湯和豆漿還可以，兩款都不太甜，不錯。

小妹今日wfh >3<做到7點幾突然間好想食水餃 T_T又廢時煮又懶得出去所以就諗住叫外賣 >﹏<望望下手機就見到呢間野價錢好平 食物都幾吸引 雲吞同水餃都差唔多姐 030不過主要係因為呢個禮拜食得太多貴野 T^T想求其食平平地就算所以就揀咗呢間啦小妹由細到大都妹中意食啲有花生醬既野 030例如奶醬多 擔擔麵 腸粉都會叫多花生醬所以我就叫咗個花生醬撈麵加一碗雲吞餐廳好快就接咗張單 >0<外送員亦都好快送到過黎碗雲吞送到果陣仲係熱到辣手花生醬係另上既 所唔會話外賣送到黎個麵會漿哂而醬都好濃味 一啲都唔稀 做得好好雲吞就比較普通肉味唔算好重皮都比較薄 好客易一夾就散但個湯底反而有驚喜係個紫菜湯 紫菜既份量都好多令到個湯味道好入味 好好飲而又飲唔出味精味 所以就當佢係冇落味精啦整體黎講就算好食既 下次會再幫襯 \0/

依間基本上係返工嘅午餐飯堂之選 一星期至少去一至兩次 點解小雲吞都可以由平平無奇嘅嘢食都可以煮得咁出色呢📣📣📣我每次必點嘅黑松露拼原味小雲吞20粒 雲吞皮係超薄又滑 再配埋本身自己熬製嘅湯底裏面有少少紫菜同埋蔥花 基本上咁大食嘅我20隻小雲吞當然唔夠飽啦 🤫🤭🥟🥟🥟佢嘅煎餃同樣地非常之出色 今次我叫咗蝦仁鮮肉煎餃 裏面啲蝦仁🍤係原隻大大粒嘅 蝦仁非常之爽口而且佢係即刻煎出嚟所以一上枱食熱辣辣好正 再配埋佢自家製既醬汁真係冇得頂👍🏻👍🏻👍🏻😻小食我今次叫咗海蜇頭 酸辣海帶絲 同埋手拍青瓜 佢啲小食全部都酸酸辣辣非常之開胃 最欣賞係佢個海帶絲 基本上每次去都係必點🫶🏻😋😋😋

上一次吃過小餛飩覺得不錯, 今次就試試拉皮, 拉皮跟平時吃的涼皮差不多, 今天openrice自取叫了一個套餐: R8: 酸辣拉皮 + 原味小餛飩, 另外還叫了一杯熱豆漿不過更為煙韌, 配料中有一點蒜蓉、花生、芫茜和青瓜絲, 酸酸辣辣, 開胃惹味小餛飩可浸底下的湯汁吃,的 但餛飩皮比上一次厚一點 , 收尾的地方更甚, 沒有上次好吃熱豆漿豆味香濃, 甜度剛剛好, 不錯

本身都好喜歡食餃子雲吞🥟， 見到有間老北京餛飩皇， 主打北方美食， 非常適合我口味🥰一於入去試下，地址位於旺角花園街3號鴻威大廈1座地下1號舖。晚餐🥢 ～ 蔥油拌麵$30、 北京炸醬麵$38、 原味大餛飩十隻$38、 韭菜煎肉煎餃五隻$31、 凍豆漿$7、酸梅湯$7。 ▫️蔥油拌麵🍝 ～ 蔥香撲鼻，麵條彈牙， 簡簡單單已經很好吃。    ▫️北京炸醬麵🍝 ～ 這裏的北京炸醬麵相比我食過的不太正宗， 炸醬肉和配料都比較少， 只是蔥油拌麵上加點肉碎。 ▫️原味大餛飩十隻🥟 ～ 十大粒脹卜卜的大餛飩， 餛飩皮很薄， 餡料肉汁豐富。 ▫️韭菜煎肉煎餃五🥟隻 ～ 煎至金黃色非常香口， 配上自家製醬汁， 味道更加豐富。 ▫️凍豆漿🥤 ～ $7一杯， 好抵飲。 ▫️酸梅湯🥤 ～ 酸酸地，味道夠濃。 老北京餛飩皇是一間價錢相宜又美味的小店😊。 🏷️溫馨提示～ 整個用餐體驗均屬個人分享意見， 只作參考😊。

本人超鍾意食餃子，搵嘢食嘅途中見到老北京餛飩皇個menu上面有超多種類嘅餃子，蒸同煎都有，所以就一於試一試佢🤩我地嗌左全家福蒸餃同煎餃，全家福餃子當中嘅口味有：黑松露、馬蹄芫茜、蝦仁、韭菜、薺菜、酸菜、粟米😆 有選擇困難嘅朋友可以直接嗌全家福！個人最鍾意嘅口味係粟米、蝦仁、黑松露，粒粒都爆汁。蒸嘅口感較佳，皮薄夠滑，煎都煎得好香口同酥脆，不過略為油左d。我地仲嗌左份酸辣大拉皮同花生醬拌麵，大拉皮超好味呀，口感好似啫喱咁，凍冰冰，搭配酸辣醬好好味，因為有少少淡，所以加左搭配餃子嘅醬汁，超好味😋花生醬拌麵可能因為擺太耐，麵痴埋一舊，所以影響左口感，味道ok，下次堂食再試下。

平時經過依間唔係幾顯眼餛飩鋪，同朋友一齊路過嘅時間都唔會入去食。今日得自己一個就入試一試。求求其其就叫咗一份炸醬涼皮，一份炸餛飩，同埋一份黑松露鮮肉煎餃，涼皮就冇乜驚喜，不過估唔到炸餛飩同埋個煎餃又幾好食。三樣嘢推介係個炸餛飩又抵食又夠卜卜脆。

一家實而不華的小館⋯其實食過幾次，每次都保持水準，直得一讚！今日叫咗個酸辣湯拉麵，啖湯真係好好味，酸同辣嘅比例剛剛好，麵質亦都好彈牙，淥麵功夫做得好好！其實之前試過幾個唔同麵，每次都有不同驚喜，正！另外一個菜肉云吞，由於只係清湯，一個濃一個淡，碼上比下去⋯