老北京餛飩皇

營業中

休息中

全家福水餃，超級好食😻同之前去北京旅遊食咖口味好相似，非常正宗，價錢合適👍🏻個人最中意海蜇頭，係香港食咖最爽脆又新鮮口感海蜇，其次就係烏雞燉雞湯，一大條靚人參好入味，蓮藕尖也非常香脆微辣，值得一提羊肉水餃，非常新鮮羊肉內餡，還有黑松露鮮肉煎餃，鮮香黑松露跟新鮮豬肉的配合實在默契！！！光襯好多次啦，會經常食啦希望可以生意爆火一直開落去啦，保持現時口感已經好好啦，希望讓更多食到正宗北京味道啦呀呀

溫完書來品嚐下呢間小店，雖說店面不大但驚喜十足。入到來就見到環境都算好乾淨，店員姐姐們都好熱情嘅招待，餐牌亦十分豐富，本次就試左呢度嘅排骨湯同蘿蔔牛腩飯。本以為都係正常味道，但蘿蔔牛腩飯真係畀足曬驚喜，一上到來，蘿蔔吸滿曬湯汁，夠淋而入味，牛腩肥瘦相間，有脂肪有精瘦肉，整體不肥膩又不柴，鹹蛋都非常吸引，相信品質把控都好嚴格。見我地係學生哥，老細主動話送我地一件小食，體驗左呢度嘅涼菜，蓮藕尖真係值得一試，泡椒風味十足嘅同時更爽口入味。總體而言真係充滿驚喜嘅一次體驗，平時都好少寫食評，但唔希望咁好嘅舖頭被埋沒！

未有機會過來食, 經過好多時都有班客😅今日心血來潮過來食吧😋見到個餐牌, 又雲吞又水餃又燉湯🤣d饀料又有好多款, 有d選擇困難症😆 不過又想試下d餃或雲吞, 但又想食少少澱粉不要太飽😜通常餃d皮會厚d, 見到有個餐幾抵, 要左酸辣粉皮配15只原味小雲吞, 先食酸辣粉皮, 唔係太多啱晒🤣少少辣味粉皮好滑唔會感覺好厚身食落好滯😜好味道😍之後來碗原味小雲吞, 飲啖湯先, 好清甜, 飲唔到好重味精😚食粒小雲吞, 個皮好薄好滑🥰👍少少肉餡, 細細只好易入口🤭加少少佢哋d醬汁, 似有少少蒜少少醋, 唔咸幾開胃😽, 碗雲吞有d紫菜同生菜, 就算15只都唔會覺得好滯好飽, 幾啱夏天唔想食太多🤗等我下次再試其他先😸

老北京餛飩皇，位於旺角花園街3號鴻威大廈1座地下1號舖。 餐廳以雲吞、水餃和麵食為主，點了魚片頭酸辣五穀米線$47、 韭菜鮮肉水餃$51、 豆漿$9。 🔸魚片頭酸辣五穀米線🍜 ～ 湯底偏辣， 但食唔出酸辣味，是辣椒油的味道， 五穀米線有幾隻顏色， 魚片頭味道正常。 🔸韭菜鮮肉水餃🥟 ～ 水餃的皮比較厚， 韭菜鮮肉正常發揮， 最美味是醬汁。 🔸豆漿🥛 ～ 豆漿味道香甜，豆味濃。 整體而言中規中矩，有興趣可以試下😉。 🏷️溫馨提示～ 整個用餐體驗均屬個人分享意見， 只作參考😊。

垃圾店鋪透過外賣平台叫外賣先係俾錯外賣車手然後聲稱會跟進重新送外賣殊不知只是空口講白話等待逾1小時，外賣仍未送抵於追問底下，才坦白剛call車手補飛無飯食已非事小，但等到一肚氣才是重點

嘢食OK，價錢親民。但係借廁所嘅食客好尷尬，道門關上之後原來是但一個人都可以喺出邊推到入黎，形同虛設。小女正在方便中突然一個阿姐推門入黎，轉咗做個男人撞入黎就真係大尷尬。超級無語！😓

我鍾意呢間老北京餃子嘅嘢食有種親切感餃子煎得香口之餘，仲有啲老火湯水可以飲呢度其實平時都唔會好難等位就算有人等都好快有得食🤪我就最推介黑松露鮮肉煎餃子最好係可以好靈活，咁俾你揀要5隻、8隻或者10隻今次我就揀咗五隻啦，因為之前一個人食八隻非常之飽👀👀🥹🥹而每次嚟都必定會叫呢一個涼拌皮蛋👍👍完全唔使擔心一個人會食唔晒😆因為實在太好味，唔想有人同你爭🤭🤭🤭🤭再配埋杯暖笠笠嘅熱豆漿都是80蚊！🤪🤪🤪🤪

老北京餛飩皇呢幾日天氣轉涼，想食啲熱辣辣/熱湯類野行過見到小餛飩就想試下外賣仲好抵添🤩 主食+小食+飲品都係$55！一於外賣試下💛 主食1- 原味小餛飩唔知係咪因為外賣，令到小餛飩痴埋一舊真啲失望！湯內有紫菜、蔥花、生菜，湯都幾清！💛主食2- 花生醬涼拌大拉皮+$5花生醬味好濃郁！入面仲有炒過既花生，幾惹味有口感拉皮好煙韌，不過食到尾就好漏💛小食1- 香茅雞翼熱辣辣有香茅味，不過不失💛小食2- 蔥油拌生菜味道淡啲，無食到蔥油味！💛飲品- 豆漿重豆味，唔錯！價錢：$115 （兩個人）⭐️⭐️⭐️評分：7.5/10⭐️⭐️⭐️📍老北京餛飩皇 (旺角)旺角花園街3號鴻威大廈1座地下1號舖

上次食完餃子，今次要繼續encore，買咗外賣餃子$50至$88不等嘅價錢，可以買到30粒小雲吞，或者15粒水餃，只係size同埋個皮嘅分別我兩個都試咗嚟買，但係原來小雲吞細好多！未煮未試，唔知羊肉好唔好味呢？😋😋仲有買咗個大嘅一字骨，上次食完好鍾意😝不過今次覺得甜咗少少 🤏一字骨雖然係骨位，但係都會有好多肉，唔似得坊間嗰啲冇乜肉嘅連骨位😆😆我諗大概有六至七九！成為$59外賣加一蚊！京蔥羊肉餃就$88有15隻，仲有買酸菜豬肉小雲吞， $50.30細細粒店員溝通用北方話，感覺好地道🤣🤣同埋佢哋好醒目，唔似普通飲食舖嘅阿姐

好肚餓，求其經過諗住買啲外賣返屋企，點知出乎意料好味唔怪得知一入舖頭都咁多人食緊下午茶時間！性價比亦都好高！呢度啲餃子真係好有不方味道，皮厚煙靭餡料地道選擇多！早知嗌個羊肉味嚟試吓，因為唔係長期有貼咗喺場，我睇唔到Menu有🤣蘿蔔牛腩普普通通，鍾意食肥牛腩嘅就啱啦！反而佢個糖醋一字骨整得超級出色，極力推介！本身諗住嗌俾個friend食，點知我自己都覺得好出色☺️☺️忍唔住食咗兩嚿!呢個麻麻哋，但係幾抵食，好似$25咋雲吞會更湯，之後睇返食評原來啲湯好清甜！下次一定要嚟試吓

酸菜鮮肉煎餃 $48/8隻大慨晚上9點多去，人數少坐得都幾舒服😌黎到餃子專門店就梗係食餃子啦！但本身驚食熱野，所以冇叫湯餃，見到餐牌上面有酸菜豬肉餃真係諗都唔洗諗，已經覺得好好食🤤因為本人超中意食酸菜🫢上菜時間唔算好快，應該係即叫即煎。熱嗱嗱外皮少脆，一樣好嗱口都要放左陣先食到🫣第一啖咬落去味道係唔錯既，冇話令我覺得好好食想再食既感覺，而且外皮偏厚，但個底煎到好香脆，餡料亦都夠多，算大隻。份量都算多，本身小烏胃食唔晒，正常呢個一人份量岩岩好。另外仲order 左杯酸梅湯，咁熱既天氣最岩飲啲又凍又酸既野🤣好解渴，同埋都算大杯。

呢間已經變咗我逢星期六lunch既飯堂，今次揀咗R8套餐，北京大拉皮(轉酸辣)+原味小雲吞(15隻) ($63)，再另外單點了冰鎮酸梅湯($8)，呢餐埋單$73。北京大拉皮(轉酸辣)係凍涼皮，涼皮爽滑幾有咬口，酸辣汁唔辣好開胃，如果單食呢碗唔夠飽，套餐仲有原味小雲吞(15隻)，小雲吞係豬肉餡，細細隻，湯幾好味，無味精，食完成碗都唔口渴。套餐無飲品，之前嚟呢度飲過酸梅湯覺得好正，今次照樣加$8要咗一杯，食完所有嘢之後勁飽，好味！

呢間餛飩店每到午飯時間就勁多人，成日都滿晒位，今日假期經過好彩有位，同朋友一齊食咗好多嘢食，超開心🥰炸醬涼拌大拉皮 ($42) 拉皮係標榜手工做，食落去好滑溜，厚薄啱啱好😚原本都會驚有啲油膩，但係佢食落唔算好重口味，有啲香菇、青瓜、肉碎同花生，輕鬆KO成份🍜呢度嘅餛飩都幾出名，所以嗌咗一份韮菜鮮肉小餛飩($37/15粒)，估唔到好滑溜，個皮係滑到好似跣入口咁，個口感好得意😍 韭菜都幾香，而且佢個湯底係大地魚湯，飲落去好清甜，唔會太油膩🤤除咗餛飩，呢到餃子都好出色，自己鍾意食煎餃多過就咁水餃，呢到嘅煎餃係煎三面，所以特別香口🥟 呢到水餃有7隻口味，貪心嘅我可以揀全家福 ($63/10)一次過食哂咁多種味，有咩味唔食仲可以同店員講轉做其他味🤣 不過水餃就冇送湯底～食勻咁多款最鍾意黑松露鮮肉餃同韭菜鮮肉肉餃，呢兩款好香👍🏻蝦仁鮮肉餃都唔錯，入面有原隻蝦，食落爽口🦐粟米紅蘿蔔鮮肉餃幾清爽🥕呢到仲有個店家秘製醬汁，比起平時嘅醋冇咁酸，但多咗一份蒜香，點餃子食一流💕呢到個燉湯都相當有驚喜，同朋友一人一盅，烏雞燉人參 ($45)同排骨燉蟲草花 ($42)都好出色，直情會見到原條人參係入面，飲落就知係

[ 老北京雲吞 | 旺角 ]My first stop on my scallion oil noodle hunt in HK because I became recently obsessed with these noodles and want to try every bowl in HK. I also realised that every restaurant does them differently and trying them all will help develop my perspective on this simple bowl of noodles. Since this dish originated from Shanghai, it was surprising to find it in this Beijing restaurant. But I guess every region in China has their own variation of it. —— —— 蔥油拌麵 $32 Their scallion oil nood

過年食得多肉肉，想食番清清地，所以就去左呢間餃子鋪啦環境幾好，簡簡單單，唔會好油淋淋咁既由於真係餓啦，叫左一個套餐，一個大雲吞，一份煎餃，真心咁樣叫真係貪心左，太飽啦個套餐我就簡左一個麻辣拉皮配原味15粒小雲吞，個拉皮好有彈性唔黏牙，易咬斷，酸酸辣辣咁好開胃丫，小雲吞超滑丫，真係一口一粒，都係咬開小小先再食，會（辣）嘴架（套餐$68）一份原味大雲吞，個人就唔推介佢啦，因為呢我想像中係小雲吞既放大板，（男朋友想食多d肉肉），但點知係水餃皮黎架，個人而言個皮略厚，唔夠滑身，如果我知唔係我ff既大雲吞，我會乖乖咁叫多個唔同味既小雲吞，不過值得一提既係個湯幾好飲唔味精，清甜的個煎餃就叫左韮菜餃，個人認為煎餃就係要食韮菜味，咁樣先夠煎口，個煎餃出子丫，皮脆唔厚，又唔會乾，保持到個肉汁，好好食丫整體黎講我會encore ar，又唔貴，但下次就唔叫大雲吞，同埋兩個人咁樣叫太多啦，下次叫少個大雲吞就岩岩好啦，埋單先$163，抵食丫