翱希冰室 (已結業)

天氣涼涼地食羊腩煲就最好不過， 以往通常都係會去大排檔食羊腩煲，今次就選擇冰室，因為佢有一個好特別嘅套餐, 就係一個人的快樂.獨獨羊腩煲🤣 仲有成雙成對二人套餐，人少少都可以食到羊腩煲😆佢個名真係攞你命三千🤪其實自己一個更開心 . 羊腩煲 $128一位用既羊腩煲唔好睇好佢似好細，係有好多羊腩，仲炆得好淋好入味😋配菜都好足料，有枝竹、馬蹄、冬菇、唐生菜🥬、響鈴😁呢個價錢仲包埋一個自私食白飯🍚，中湯及飲品☕️ 真係抵到嘔 ✨德國鐵板鹹豬手 $94第一次食鹹豬手係鐵板上😂真係好有創意味道又唔錯喎，又唔會死實，配菜又多仲包湯包餐飲，一舊水唔駛的確好抵食👍🏻整體以上兩款CP值都好高⬆️，值得回頭，不過如果羊腩煲有埋腐乳跟就最好喇😜

［太子］翱希冰室.龍蝦汁海鮮燴意粉食剩指數:10/100龍蝦忌廉汁好夠龍蝦味雖然佢唔貴個味都唔會好假海鮮就有一隻大蝦,兩隻青口仲有少少貝柱都唔會好腥意粉方面就偏軟身少少係傳統燴意粉既感覺.澳洲香草鐵板羊架食剩指數:10/100鐵板即時倒汁咋咋聲羊架有三大件肉質都ok唔會好乾9X有湯有野飲有3件羊都幾抵食伴碟有薯角,粟米,露筍薯角份量都幾多少少偏咸.環境方面呢間冰室坐得幾闊落播住既bgm都係好新既廣東歌~

空間少少五臟俱全中午食飯去到邊都多人 見到依間冰室好有feel喎 叫返個正正常常午餐食下先朋友仔嗌咖喱飯同埋其他牛尾飯我就帶咗個芝士蕃茄焗飯 唔係講笑芝士真係可以拉絲即叫即焗非常好味個咖喱汁一件就知非常濃郁香而不辣所以怕辣嘅朋友都可以食到仲有一個茄汁焗牛尾飯趁着白飯咁樣食真係成碟白飯都可以食得晒想要多個餐湯只係加$3杯奶茶見到就知好嘢啦所以最重要嘅係環境味道同埋牌子呢個咁方便嘅地方下次行開花園街或者睇開金魚都可以坐喺度休息一下 ❤️

餐牌下午茶都幾吸引，就黎完tea time即刻入座嗌tea。多四人座位，容納三十零人，人流多，差不多滿座。✨味道70分，環境70分，服務72分。.🔸朱古力棉花糖西多士配香蕉($40)⭐️推介⭐️下午茶先有，成個就好似甜品咁，西多上有朱古力醬同粒粒棉花糖，切開西多，中間都夾住好多朱古力醬，好吸引。旁邊仲配左香蕉，香蕉同朱古力不嬲味道都好夾。另外加左球雪糕(+$6)雲呢拿/朱古力味，加埋更正。.🔸雙層芝士豬柳漢堡扒炒蛋三文治($42)⭐️下午茶時段提供，14:30-18:00。底面多工烘得夠脆，中間夾住好厚既餡料，餡料炒蛋好厚，兩層芝士，兩層豬柳漢堡扒，沙律菜。大大啖先咬得哂，整體唔會好乾，中心juicy。.🔸澳洲香草鐵板羊架($98)晚餐時段提供，18:00後。羅宋湯(+$3)⭐️煲得夠，好濃郁，夠多料。秘製磨菇汁(+$4) 入面好多菇菌。鐵板未算超熱，倒完汁都有啲咋咋聲，但唔會彈出黎。薯角好香脆，羊架三大件啖啖肉。

📍露荀海鮮燴粉（$ 62）呢個係dinner set黎包飲品😈晚市黎講小編覺得唔算貴！意粉黎到賣相嚇左小編一跳cafe擺盤竟然系冰室出現🤩而且海鮮真心足料😍有海蝦、炒蝦、青口、魚🐟除左海蝦得1隻之外其他都有2-4舊海鮮全部都好新鮮 冇沙 冇腥味 調味夠👍🏻值得一提個炒蝦堅好食😆夾口‼️彈牙!‼️厚肉!‼️另外仲有露荀，小量蔬菜同小蕃茄夠Fresh值得推~~~ 📍咖哩碳燒豬頸肉配油酥餅（$ 58）hahaha小編好開心可以食到油酥餅😝叫咖哩既話+8可轉油酥餅～呢個餅點咖哩真心一流👌🏻連埋豬頸肉食更加有口感🤤豬頸肉望落唔多點知個碗好深一撈發現仲有勁多 total有10大舊左右如果油酥餅唔夠仲可以+ $ 8 reorder🤟🏻真心平靚正🌈📍棉花糖朱古力（$ 8）同事非常中意飲Chocolate所以見到就即叫〜講真佢唔算好濃朱古力味但落左棉花糖之後甜度味道就啱啱好✨如果唔係個日好熱小編相信熱飲會更正🔥📍白牛（$ 25）白牛有冇人唔知佢係乜？就係雪碧+雲呢拿雪糕haha🍦呢個懷舊配搭基本上係唔會伏🤣係有小小甜不過可接受！小編真係好耐冇飲過白牛啦😋因為唔係度度有大家有興趣可以try try 💥味道：8/

太子新開平靚正冰室，下午茶CP值極高，一入到去都係播ViuTV同埋最近Hit嘅廣東歌，首首都識咁，環境寬落好坐，吸引咗附近好多街坊嚟食，永無冷場！.🍫朱古力棉花糖西多士配香蕉 $40見到呢個配搭即刻吸引咗我呢個chocolate banana fans😋 呢個配搭係實冇輸，算係一款創意西多士料理！朱古力味未算好濃，但勝在夠多醬， 朱古力西多士我都係第一次食，估唔到幾夾👍 今次我哋+$6 加雲呢拿雪糕，雪糕係分杯另上， 用嚟點朱古力西多士夠哂邪惡😈. 🍞暗黑武士厚吐司 $33一開頭望menu都唔知係咩嚟， 原來係厚脆吐司配可可粉加煉奶組合， 同樣都係好夠邪惡， 吐司烘得好香脆，小朋友應該幾鍾意食😜

同爸爸喺附近辦事，順便嚟呢頭搵餐廳食個快飯～呢間翱希冰室，雖然門口搭咗個棚，但係入邊都係正常營業緊嘅～食物款式都唔少，仲幾有創意添，除咗一般冰室有嘅食物，另外仲有炒粉麵、咖喱、焗飯意粉等等菜式。價錢都係幾十蚊，性價比好高。蔥花炒蛋五香肉丁漢堡孜然薯條🍟$48非常有創意嘅一款茶餐，嫩滑嘅蔥花炒蛋+超大堆頭五香肉丁，夾左喺個漢堡入邊，重口味得來充滿香港特色，廚師仲要係漢堡包上面用沙律醬畫咗個星星添😛真係非常特別！配上孜然薯條，係我鍾意食嘅粗薯條，啱啱炸起熱辣辣～炭燒豬頸肉炒烏冬$52雖然係好簡單嘅炒嘢一碟，佢抵食夾大件得嚟又香口，充滿鑊氣！仲有奉送老火湯添，當日嘅老火湯係合掌瓜紅蘿蔔煲豬骨，飲落幾有家常嘅感覺～紅豆冰+$8去冰室就梗係要飲紅豆冰啦，紅豆冰帶有少少椰奶香味，紅豆煮得夠淋，好好飲啊！　

想寫呢一間餐廳嘅食情一路都搵唔到 原來係轉咗名字 但係入面嗰個安心出行都係叫做四季 茶軒 ， 記得個門面都好似仲係呢一個名... 不過唔緊要啦睇地址就係呢一間今日好開胃一個人食兩個飯 一個咖哩牛筋腩 一個白汁魚柳飯...首先講下咖哩牛筋腩飯 咖哩汁幾濃烈 牛筋炆得好林 高分作品白汁魚柳飯正正常常啦一個龍脷柳加白汁 好難出問題嘅同一般茶餐廳一樣都係嗰個凍菜蜜太過甜係咪香港人真係， 鍾意 咁甜呢環境都幾乾淨嘅卡位好大張 總括嚟講幾好