翡翠茶餐廳(麵家) (已結業)

打過去唔到，琴晚去又冇開門想問係仲有做定係冇做了？之前食過佢個扒好大份，好食又抵食每日晚餐都吸引炸髀都唔錯另外上次見到蒸魚咁啱賣曬仲諗住依幾日過去食所以想問有冇人知佢係咁啱放假定冇再做了？…查看更多

本身同朋友睇完戲想搵地方醫肚，行經呢間茶記，見到門口寫住一人邊爐，之後入去叫左兩個佢地主打既沙嗲邊爐。以茶餐廳黎講，有得打邊爐已經好多元化。但最有誠意係佢既自炒沙嗲湯底，誠實到咁，完全昇華左湯底既層次感！除左邊爐，同行友人仲叫左個炸雞髀薯條。嘩頂，唔叫由至可，一食完全停唔到口，雞髀唔算多油，但脆口嫰滑，香料味又搭夠，完全令我諗起細個媽媽帶我補完習，獎勵我去食雞髀薯條既童年回憶⋯講起都想眼濕濕。之後發覺哥吃的不是炸髀，是情懷！動容既呢！…查看更多

約咗睇塔羅牌但未夠時間，又肚餓就諗住是但搵啲嘢食下，行過見到茶餐廳竟然有得一人一鍋打邊爐好吸引！又唔貴所以就入咗去試！老闆娘推介沙嗲鍋湯底！話係佢哋秘製足料咁就試下，另外我個fd就再嗌多個麻辣湯底！來都勁多嘢食，雞件勁嫩滑！正！！肥牛正常！牛丸有驚喜入面勁Juicy！可惜得一粒！豆腐好有豆味👍🏻最意外真係個沙嗲湯底！比起出面食嘅更濃郁更足料唔講少，完全唔使其他配料調味！已經非常好食！本身想追加佢其他配料，但已經好飽！唯有下次再試絕對有第二次返去再食😬不過掛住食唔記得影相但係真心推介…查看更多

路過見到人食，叫咗個沙嗲湯底😳問咗老細，話個湯底係自己炒，唔怪之得都真係好香！而且佢嘅配料份量勁多😳食埋個烏冬，飽住走👍🏻睇佢餐牌，仲有得另外逐樣加，價錢都真係唔貴，我後尾加多左金菇同埋菜，冇諗過$10俾勁多我！勁多食唔晒😂跟餐送冷熱飲，埋單 $100鬆啲，爽呀！…查看更多

是日放工出開去油麻地交文件比人，疫情關係都好耐冇外出用餐，難得出開黎，就諗住約埋老公係附近食埋飯先返去啦，就係openrice搵附近有咩食，搵到呢間茶餐廳，近近地，好！就試試它的威力😎選擇困難症既我，就選擇直接問個老闆有咩好食啦，佢推介乾炒牛河，好啦，唔諗咁多，就食佢啦！等左一陣就有得食，賣相都唔錯，一食入口，ok wo! 乾炒牛河有鑊氣，又夠味，啲牛肉又唔會柴口，大大碟，好味😋加埋杯凍飲先4x蚊，抵食呀！…查看更多

收工揸車路過油麻地，接埋老婆放工食餐快飯，點知老婆勁想食炒飯，大佬呀炒飯係要夠鍋氣又足料先掂，臨時臨急又唔熟路都幾頭痕，點知就俾佢OpenRice 搵到呢間小店，平時都甚少黎呢邊，就泊低架車，食餐晚飯先番歸。我叫左個五香肉丁炒飯，喂唔講得小喎，好食喎，夠肉丁料同埋好香，唔係求其炒，有落蛋花加菜粒，呀姐拎埋黎已經聞到陣肉丁辣味🤤即時肚餓🤤勁大碟！目測飯嘅份量都有2碗幾，所以一上枱就心諗，仆_啦，我地叫左2碟炒飯點食得哂😵老婆叫左碟蝦醬海鮮炒飯，未見到已經聞到！遠處已經飄陣蝦醬味，香噴噴🤤滿足哂！一上枱就係咁食，搞到唔記得影相😂但睇到粒粒飯都有上到色，埋單$100左右，掂呀😋…查看更多

見到寫明「特濃」蕃茄通粉，當然即刻試下啦😎一上枱首先聞到蕃茄味又真係香，要講下個湯底，有齊蕃茄、蘿蔔、薯仔粒等等都足料，唔怪之得造到夠濃夠香，好正～食到最後個湯仍然係咁濃，飲埋唔好哂🤪跟餐蒜容厚多士拼炒蛋 $38, 蒜蓉多士夠香夠脆口，食完好滿足！如果好似我咁鍾意蕃茄濃湯嘅人，一定要試吓🤪媽咪叫左份公司三文治 $36，見到多餡又咁大份，仲驚食唔哂, 不過好采，蛋同埋餐肉份量岩岩好，炒蛋係鹹牛肉炒蛋😋仲有芝士熔熔地咁，個包都係焗到脆脆嘅多士，好香口，媽咪話好好味，最後食得哂🥰…查看更多

跟某社交平台茶餐廳group推介，到來此店嘗試他們的沙嗲牛肉麵，又真的不錯！每人都會有自家的飲食習慣，小弟從少跟呀媽長大，漸漸飲食習慣都跟呀媽相似，就像吃沙嗲牛肉麵，小弟自小都配通粉加煎蛋吃，有人會覺得煎蛋浸湯不好吃，但小弟從小就這樣吃沙爹牛肉通，的確更好吃喔！煎蛋必定要是流心蛋，此店辦到👍🏻更是金黃色燶邊加分加分😆👍🏻👍🏻👍🏻 沙嗲牛肉入味，沒有筋，咬下肉質有口感👍🏻👍🏻通粉亦不會過淋👍🏻 回憶全襲來，$32 自選2餸麵餐，全碗吃完，抵食又好味👍🏻…查看更多

沙嗲牛跟出前一丁～杯奶茶岩我🤪～沙嗲牛造到掛汁，個汁夠味，餐價$32 再加 $3轉出前一丁，味道夠濃大大碗抵食一碗好食嘅沙嗲牛麵，汁要夠濃，要夠沙嗲味同埋花生味，食完先發現原來原麵底係大光麵！早知就唔轉出前一丁啦 lol  我呢d 土炮食港式茶餐廳，當然識食就食大光麵啦～呀妹叫摩羅西多士～口感好夾，我記得細細個呀媽帶我落茶記時食過，後來茶餐廳的變好大～所以好懷念西多士入面塗花生醬夾火腿真懷念～～～呀妹話杯奶茶太濃🧐我就岩岩好～其實多唔多人同我一樣反而鐘意濃茶味d呢？我就鐘意佢地呢種濃茶味再撞奶嘅港式奶茶呢～…查看更多

難得嚟油麻地買嘢，亦難得5:30可以慢慢食，叫咗個沙嗲牛肉潛艇！正！我對沙嗲牛好執着，一定要夠沙嗲味同埋花生味，但係又唔可以太甜，佢地隻沙嗲牛啱我👍🏻本身見到隻熱狗入邊，有落到牛油去烘，我仲好驚會太油膩，點知出奇地夾～沙嗲牛又好Juicy～隻熱狗面仲有芝麻粒粒～好香🤤唯一遺憾，唔記得叫杯凍檸茶少甜，因為我唔鍾意飲甜野，下次要記得少甜先!朋友食飽肚野，干炒牛河夠鑊氣，食落d油岩岩好，唔會成嘴油，夠蔥夠料，最後打包食唔哂添😂塊透明板貼左個笑哈哈😂個阿姐話，等人見到有塊板喺度～ 我就覺得係生活小趣味～提醒大家笑下啦😊…查看更多

位置係永安後面條街，果頭都好多食肆選擇，今日就黎左呢間餐廳。環境唔好要求高，叫做企企理理，應該話似快餐店式，附近麻雀館同餐廳酒樓嘅伙記都會黎食，所以都認真係好食抵食嘅一碗雲吞麵餃子麵都唔貴，湯麵一律$32，撈就$40，仲要下午茶2-6pm送野飲，邊度搵！？餃子麵得兩隻餃，但係唔係hea住搞，餡多又大隻，而且好少會比兩條菜你，通常都係灑少少蔥花就算數，呢間認真唔錯我就食咖喱牛腩飯，咖喱汁濃又多，係鹹左少少，牛腩有7-8舊算多，再加幾粒薯仔。牛腩好多半肥瘦雖然瘦位都係鞋少少，不過夠味，而白飯係好大碟，一定夠飽奶茶有水準，不過茶底可能爭少少，同埋我去個時間係4：30，所以輕微過左火，有微燶味佢仲有好多飯類架，好似大部分都係定價$45，仲要全日供應，咩星米，廈門米，黑椒豬扒炒意。咖喱腩就每日唔同，當日仲有好想食嘅梅菜扣肉要省錢而飽肚嘅話就搵佢啦！ …查看更多

飲宴還未開始有啲肚餓， 經過呢間麵店 ，想食少少嘢 ， 見到餐牌上有個叫做＂開揚面 ＂ 原來係 乾撈薑蔥麵 ， 出面面鋪未見過有呢樣嘢 ，諗住試下 ，點知一試愛上 ，麵質彈牙 （唔淋）； 用油爆香薑蔥後淋落鹼水面上， 非常好味 ，佢其實有一碗 湯畀我撈落去，但係我都覺得可不需要…查看更多

難食到極的一個午餐! 神推鬼咁呢嗰依間食午餐, 係因為睇佢門面好似有好幾項午餐嘅選擇。<豬扒餐肉腸仔飯> 飯又濕又爛、豬扒啲肉係霉嘅 (唔係醃肉粉嘅味道)、餐肉乾硬; 唯獨煎蛋ok正常啲。整體食唔落。<凍檸茶> 難飲。啲茶唔掂。冇法完成, 飲咗一半就放棄。咁就$47。另外亦叫咗 <雞扒煎蛋腸仔飯> 同樣, 飯、腸都衰到極點。腸仔有一陣噏味, 應該放咗好耐; 嘥我錢、嘥我時間。個雞扒係烚熟嘅。<熱奶茶> 難飲, 茶味怪。我估計係茶葉唔靚, 或者係已經受潮。咁樣就$45- - - 這是一間怎樣的食肆, 請你們自己衡量。…查看更多