翡翠拉麵小籠包

營業中

休息中

去試試剛剛裝修完的店，店面比以前看起來新穎清潔，不過服務態度依然跟以前一樣差，反而傳菜的姨姨禮貌更好。食物味道保持到，只是份量愈來愈少， 碗碟換成塑膠，茶味愈來愈淡...

打風前夕，下午嘅沙田市廣場都係超多人，臨睇戲前嚟呢度食嘢，因為人多，所以吧枱位都要住先 。 啲服務員好有禮貌。嚟到例牌都叫下煱貼同小籠包，真係好食喎，最欣賞係水準唔會時高時低！亦唔會玩花臣又金網又加蝦的不倫不類。腐皮卷，皮脆又唔會太油！醉雞、青瓜，好多度都差唔多！剁椒魚頭就唔係周圍都做得好，呢度唔錯！酸辣湯都唔錯！又係擴充二佰字嘅時候，呢間嘢呢市廣場轉位都幾次，差點忘記呢間嘢，佢又會失驚無神响你面前出現。

自從沙田無左翡翠拉麵小籠包之後，一直都好掛住佢既口水雞撈麵，知道沙田重新開返之後，一於去食下佢!星期六我同友人大概中午12點幾左右到門口，唔駛等位就可以入去坐bar枱位置食Lunch囉!之前係沙田食呢間野要排好耐隊架!我地坐既bar枱位置其實就係拉麵師傅整麵既地方!睇住佢地係到拉拉拉整整整，其實都幾忙碌。野食黎啦!口水雞撈麵，仍然都係咁辣，好好食，D雞都好滑，D麵掛哂D醬料，食落又麻又辣，D麵又夠爽!保持水準!水煮牛肉麵，初初食唔算好辣，但食左幾啖之後D味出哂黎，又麻又辣係正既!D牛肉都好滑!上海小籠包，D皮厚左少少，但D湯汁味道都唔錯既!不過不失啦!我地其實仲叫左酸辣湯同埋豆沙鍋餅既，不過就冇影低相!但兩者我同友人都覺得麻麻，所以就唔多講啦!總括黎講呢間餐廳唔一定要食小籠包既，佢其他野都好出色架!大家有機會都可以試下!

今日想食炸醬麵，於是決定去翡翠拉麵，因為係開門無耐，所以好快有位，不過用餐時間只有一小時零15分鐘，所以記得等人齊先好入喇。每次例牌都係叫炸醬麵、小籠包、鍋貼、紅油抄手同酸辣湯麵嘅。小籠包唔係好夠熱，不過依然係皮薄，裏面有湯，所以夾嘅時候要好小心，唔好整穿。鍋貼好大個，裏面好多肉好飽滿，加啲醋就好惹味。炸醬麵嘅醬好濃郁，係其他鋪頭食唔到既，所以每次想食炸醬麵嘅話，一定要你黎翡翠拉麵。紅油抄手皮薄，索晒啲辣油，所以食落辣辣地，好惹味。酸辣湯麵又酸又辣，好大碗，食完都好飽啦。

喜歡吃滬菜的，對連鎖品牌翡翠拉麵小籠包一定不感陌生，早前我就和家人來到最近我娘家的沙田分店吃晚飯。新店人頭湧湧，十分旺場，晚飯時段需要等位，新裝修後風格富有東方韻味之餘卻不老氣，座位之間更闊落，坐得舒服，不過因為這間分店樓底較矮，所以環境就相對嘈雜。沙田分店設有全港首創的全新開放式「拉麵吧」，讓賓客可近距離欣賞資深的拉麵師傅在現場即點即拉品牌最引以為傲的「蘭州手工拉麵」，盡顯製作手工拉麵的工藝及心思，細味其精髓。除此之外，近來推出不少夏日限定新菜式，為餐牌增添新鮮感。雞絲粉皮 $58這是我最喜歡的冷盤，每次吃上海菜都是必點的，清爽的雞絲青瓜粉皮拌上香滑的芝麻醬，是夏天消暑的佳品。透薄粉皮晶瑩剔透，點上滋味濃郁麻醬，口感滑溜溜，別有一番風味。香煎素鵝 $58切成一口一小件，以腐皮卷成一層又一層的外皮盡是金黃誘惑，酥香可口。裡面塞滿新鮮菇菌，以素鵝的香脆襯托出菇菌的清鮮，多重層次令人胃口大開。蘿蔔絲酥餅 $38只可惜炸得略欠火候，外型色澤未夠金黃，不過酥皮造工細緻，層次多而鬆化脆口。酥皮和白蘿蔔比例計算準確，不會太厚粉，一咬開盡是熱得盪口的蘿蔔絲餡料，帶有一絲絲口感，保留了白蘿蔔的纖維，鹹

朋友想食中式野，而翡翠終於回歸沙田，所以book咗枱食晚餐。雖然book咗枱，但都要等咗20分鐘先入得，不過食品水準高，當補返數啦。·👑 花雕醉雞（$72）雞肉好嫩滑、雞皮唔肥、好香紹興酒味，雞件排得好工整，味道同賣相都一流！·👑 上海小龍包（$38）皮薄餡靚、好多湯汁、好鮮味，趁熱食，正！😋·👑 鮮肉鍋貼（$42）個底煎得好香脆、同樣係好鮮味、好多汁，一口咬開，d汁多到漏出嚟，相當滋味！😍·👑 炸銀絲卷（$22）熱辣辣、銀絲卷外面脆脆地，點煉奶食，好味！🤤·👑 四川擔擔麵（$58）招牌擔擔麵，叫咗小辣，湯底好香濃，加埋花生醬，好惹味！·👑 豆沙鍋餅（$50）甜甜嘅豆沙餅，作為甜品一流！·🥢 擂沙湯丸（$39）唯一比較 “雷” 嘅菜式！唔知係咪因為唔夠熱，個皮過份煙韌，而餡嘅味道亦有d怪。

屋企人好鍾意食翡翠拉麵既炸醬麵，但自從新城市那個關左之後，去過石門的金陵湯麵、新城市既鼎泰豐、第一城的尚點，都食唔番咁濃既炸醬，原來近期在新城市三期二樓開番，所以一定要去食碗麵。炸醬麵係必叫，我個人鍾意食酸辣野，所以叫左碗酸辣麵，另加上海粗炒，當然唔少得小籠包、炸饅頭、鍋貼，但因為太肚餓，唔記得影相添😅炸醬麵既醬能保持一貫既濃度，酸辣麵酸辣味適中，上海粗炒係靠豉油味，好足味。整體每樣都好食，只係越多越貴😅

終於係沙田再見喇！新位置新裝修，但味道依舊，同時亦發現加入新款湯麪及菜式！雞絲粉皮上海小籠包花雕醉雞雲耳炒勝瓜紅燒獅子頭番茄魚湯海鮮拉麵 (同餐牌相片，相差甚遠，說好的海鮮呢？)店內樓底較矮，有焗促感！

前幾天與外子到新城市廣場第三期二樓的商務書局新店看看，買些旅遊書。書店設在這裏有些奇怪，因為其他店舖都是賣BB商品，林林總總，應有盡有，簡直是新爸爸媽媽的購物天堂。我們到處逛逛，看看那些cute cute精美可愛的BB衣服及用品，充滿樂趣。行到走廊盡頭，看到重新開張久違了的翡翠小籠包拉麵店，想起那些皮薄多汁、饀鮮味美的小籠包，食指大動，立即排隊攞籌，看號碼似乎不用等太久，那知兩人枱極少，等了近半小時，想放棄，接待小姐説剛有兩人吧枱，是否有人樂意坐，我們立即舉手回應，反正我們不準備豪吃。新店比舊店細，採中西合璧設計，規格簡樸大方，最欣賞牆上的書畫裝飾，但座位頗迫夾，樓底低，坐滿人時，人聲噪雜。我們坐在吧檯，有著數，可近距離欣賞師傅打麵拉麵煮麵，神乎其技，很有趣。至於食物，我們循例叫了小籠包、鍋貼、生煎包、擔擔麵及鎮江肴肉。款款倶佳，小籠包子依然皮薄饀鮮；擔擔麵依然醒神惹味，麵條彈牙有麥香味，人手拉出來的真的零舍不同。埋單兩百多元，價錢畧升，但也合理，今次輕食，下次再來豪吃！

Had lunch with family for the 3rd time, 1st time after they moved. Loved their decorations and the table space, not too crowded and the tables are relatively big. Had their spicy dan dan noodles and it has been my favourite for years. Loved the texture and mouth feel, a good kick with peanut and chilly, not too heavy but a nice feeling of being satisfied.Another new found favourite is the “hand pulled fried cake”. Crispy on the outside, chewy inside with a hint of onion. Great dipping in the dan

沙田新城市廣場不嬲都好多人, 午市晚市都周圍排哂隊, 今日都唔例外等左差唔多半個鐘先有位, 店內都好大, 位有好多, 不過有少少太逼變左有d嘈, 絕對唔適合傾計既地方唻得食上海野就首先整個醉雞, d雞入哂味, 好香口雞肉都好滑點少得小籠包, 唔叫依樣就會成餐差緊d野架啦, 小籠包包皮唔厚, 一咬就爆juice, 湯熱喇喇, 啖湯好甜, 好味！點止咁少野食, 點夠飽啵, 之後就叫左個擔擔面, 湯底幾燶, 面線唔糊,偏硬左少少, ok 啦不是價錢我就覺得有少少貴, 但味道質素係唔錯架

苦等一年，翡翠終於回歸沙田，試過沙田附近的上海菜館，應該沒有一間比得上， 一年過後，人羣依然同以前一樣多等候入座。室內方面，呢間多了bar 抬位及高椅坐位比較特别。可以坐在bar 枱看廚師拉麵，時常聽見啪啪聲，字畫裝飾也特別，可惜我看不懂那些草書。今天兩人選了：原味小籠包、皮薄，肉滑、肉汁鮮美涼拌海蜇、聽見隔離枱女士也忍不住讚我碟海蜇好靚，佢真係爽滑彈牙酸辣湯麵、比較辣，酸味不及辣味，吃了口水鼻涕都流埋嫩雞煨麵、麵有味，雞有雞味，湯好飲，呢間最好食豆沙鍋餅。D豆沙蓉好熱流曬出嚟。濶別一年，食物及服務也能保持水準，有 coupon 送，應該好快再幫襯。

新裝的確令人有耳目一新的感覺，舒適，而且增添了時尚感。侍應服務質素很好，亦常有笑容。食物水準都保持倒，美中不足的是雞絲粉皮的麻醬太「杰」，食完個口會「將」住，碗又留有厚厚嘅醬，希望食番以往的口感。

等左一年，翡翠拉麵小籠包終於回歸沙田，可以一解我雙思之苦。一行到門前，熟悉的面孔迎面而來，好有親切感，打開餐牌，我至愛的小籠包、拉麵😋😋😋⋯⋯突然有選擇困難症😅。今次同啲同事一齊食飯，選了小籠包、手抓餅、口水雞、賽螃蟹、脆鱔、素鵝、不是炒飯同上海炒年糕。食物依然那麼美味，價錢同之前好似都差唔多。今次食唔到擔擔麵，下次同老公來會去坐下佢個noodle bar, 面對面睇住師傅拉麵、煮麵，之後重親手奉上面前，我諗碗麵一定會更好食😬不得不提一下，新店比前闊落，亦靚左，Nice!