翡翠拉麵小籠包

營業中

休息中

翡翠拉麵小籠包下午茶嘅時間係去到5:30,去到門口已經5:25,門口姐姐好Nice叫我哋快啲坐低先，睇咗Menu唔啱食先再走啲下午茶餐都幾抵大概係40幾蚊至60幾蚊，麵餐就貴少少應該都係$50~6x.我就揀咗個冇粉麵嘅餐，有兩粒燒賣加兩隻孜然全雞翼，嘢飲方面就要左一個熱豆漿。食物一上枱就覺得份量好細，即管試試啦，粒燒賣食咗又覺得好驚喜喎，幾好味，有啲肉汁又唔會好乾。至於雞翼就係一般炸雞翼，雖然係孜然味，但係味道唔濃，略嫌有啲淡添，直頭想落少少鹽。不過總括而言都OK嘅味道都唔錯

當日去到見到有匯豐信用卡客戶優惠，$3xx有六様嘢食，諗住樣樣好細碟，再加其他嘢，點知食完呢個餐都好飽，酸辣湯好味，不過麵較淋，鎮江排骨酸度甜度都適中，小籠包皮較厚，個人覺得可以再薄一些，賽螃蟹蛋白做得夠仔細，又蟹嘅像真度，酸菜魚用咗脆肉鯇，肉質爽脆，重要唔係得幾舊，一碗都好多👍🏻，成個餐裏面唯一一樣係唔好食嘅，係酒糟桂花丸子，酒味有啲似威士忌溝水，冇桂花味，反而食到有一浸好似廁所，香精嘅香味，小丸子冇問題夠煙韌，不過頂唔順佢啲怪味，食咗兩啖冇食

今次我哋叫咗個2️⃣人餐，再散叫一啲小食，食得好飽好滿足 😋推薦程度：⭐️⭐️⭐️⭐️松茸小籠包 $50個人覺得冇乜特別🤔，好似係多咗少少菇味🍄但係係好食嘅小籠包😄🌸桂花酒釀丸子🍶🍡有淡淡嘅酒味🍶，亦都食得出桂花味🌸丸子煙韌彈牙，整體唔會好甜唔錯😚上海粗炒🍥唔知點解唔使2分鐘就上枱😳炒得好上色👍🏻亦都好夠肉，調味方面啱啱好鎮江排骨🐷排骨酸酸甜甜，食落好開胃😋不過瘦肉偏多，肉質有啲鞋😕

沙田新城市一田裝修咁耐，終於去左搵食🤣以為6點鐘過到去無咩人，點知一樣有人係門口等，一等就成個鐘，7點先入座😂係等位嘅途中已經諗定左食咩，一坐低就落到單喇😆1️⃣上海小籠包（四隻）💲43相信呢個係食上海野必點嘅菜式😋，即叫即整，所以熱辣辣咁樣上枱係基本嘢！小籠包最緊要多汁☺️❤️讚，不過都要提一提，食時要小心彈汁同「辣口」!2️⃣鮮肉鍋貼（四隻） 💲48一樣係即叫即整，但真係等咗好好耐係真既，賣相可以同皮底夠脆搭救返😛3️⃣雪菜蝦仁炒飯 💲98飯底唔夠乾身即時扣左少少分，味道亦很涼，加多少少調味相信味道會好好多！4️⃣鱔糊炒拉麵 💲105成餐飯最期待既一味😆 賣相吸引味道恰到好處！鱔就好香味，讚👍🏻

好耐冇食過翡翠拉麵小籠包，一田裝修之後第一次幫襯，比起之前好食咗好多，估計係換咗廚師，今日叫咗一碟賽螃蟹，一碟糖醋排骨，一碟京蔥炒牛肉，一碟紅油炒手，一碗酸辣擔擔麵，同埋酒釀丸子做甜品，兩個人食到捧住肚走

今天在翡翠拉麵店買了一個簡單的自選一人餐，省時飽肚。五香牛肉湯拉麵的牛肉一點也不韌，既腍又有甜味，口感又有咬口。今天吃的上海麵屬幼麵，放在清湯來吃，一點也不會肥膩，味道較為淡口，感覺健康。上海麵的麵質浸在湯內也不會過腍，吃起來還是彈牙。在自選一人餐內，我選的是點心，揀選的是鮮肉鍋貼。因今日吃的是外賣午餐，所以鍋貼吃的時候雖然已不是外脆內軟，比堂食遜色，但仍是我喜歡吃的鮮肉餡料，底部微煎過嚟，口感仍可以。整體來説，我對這簡單外賣午餐尚算滿意。

今日去沙田新城市廣場 一田百貨看看有什麼減價而合用的東西，人頭湧湧，逛了一陣，忽然間非常肚餓，便趕快、立即去找東西醫下個肚。見到「翡翠拉麵小籠包」有時令菜式，蟹粉系列，於是入去試試。蟹粉小籠包 一籠有四隻，頂端還放有少少蟹膏，變得金黃色，顏色好漂亮。小籠包肉味很鮮甜再加上蟹粉的香，真的很不錯。其實用大閘蟹蒸熟後拆出來的蟹肉和蟹膏而造成的小籠包真係一道功夫菜。吃了兩個時令茶式 薺菜肉絲炒年糕 和桂花糖蓮藕，薺菜是野菜的珍品，清香鮮美，含多種氨基酸，吃法也很多，今日就加上肉絲炒年糕，感覺清爽，在雪白的年粒上加上點點綠，增加食慾。雪菜毛豆百頁，百頁是豆製品，營養豐富，百頁絲爽口加上毛豆雪菜，簡單而美味。桂花糖蓮藕 就一般，好像冇什麼味道。

朋友食素菜，嚟到沙田，見到呢間餐廳有素食Menu，就揀咗嚟你度食飯😋本身睇Menu嘅相嘅時候見到有素食擔擔面，可惜去到坐低發現Menu已經改咗，已經冇咗素食擔擔麵lu招牌擔擔麵招牌擔擔麵一拎到黎好有花生香，麵嘅口感軟硬度啱啱好，但係湯底唔知點解有少少酸，同我食過嘅擔擔麵比起，呢個湯底比較稀，肉碎亦比得好少，麵條份量唔多，如果係男仔食嘅話未必夠飽瑤柱賽螃蟹賽螃蟹嘅蛋白炒得好滑，鹹淡適中，但瑤柱就得面頭嗰少少瑤柱粒，食唔到瑤柱嘅咸香味值得一讚嘅，係一位男店長嘅服務態度非常之好👍🏻

今天午餐外賣翡翠拉麵小籠包店的菜肉雲吞拉麵，湯底另上不會把拉麵浸得太軟，但湯底味道卻比較淡而溫熱度亦未能保持，未能引起食慾。前菜蒜蓉小青瓜爽脆。拉麵明顯是人手拉的因為麵條粗幼不一，雲吞皮略厚菜肉饀可做松化些，咬口一般。總结：堂食可能比外賣好吃些。

今天在一田百貨買完東西，已過十二時。途經翡翠拉麵店，便帶了兩個外賣「自選一人餐」回家作午飯。這店的自選一人餐已包括了一個前菜或點心和一款小菜（配白飯一個）。不喜歡吃飯的話，便可選擇手工拉麵。～京蔥爆牛肉牛肉帶點肥，吃起來不會乾。惹味京蔥吸收了牛肉和醬汁的精華，非常好吃。～糖醋魚柳 魚柳外皮還有點脆，內裏魚肉也算軟滑而且一點也沒有腥味。酸酸甜甜的糖醋汁好味醒胃，掛在魚柳上是絕配，令人不期然頓感白飯還是可添加多一些。～上海小籠包一人份量的小籠包沒有欺場，皮薄餡靚，沾上醋來吃更惹味。～鮮肉鍋貼鍋貼煎得恰到好處，雖然不及堂食吃，但味道還是保留著。

今日星期日的午餐叫了foodpanda外賣，喺沙田新城市廣場三期翡翠拉麵小籠包點了炸銀絲卷$25、上海炒年糕$92、小籠包$45、薑汁湯圓$38，八折，另外送貨費$20，總共$180，最好食係只有兩粒好大粒嘅芝麻薑汁湯圓，但係嚟到我度已經凍咗咁滯，銀絲卷是凍的！取餐時間是11:46，我收到餐的時間是12:20，可能送遞員要去幾個地方送遞，年糕是最熱的。除咗湯圓之外，其他的我喜歡麗豪酒店龍門客棧多啲！也可能包裝太環保！年糕的包裝是膠所以保溫效果好很多。

想食上海野的話，我覺得呢間都算平兼夾好味。首先講下距嘅招牌四川擔擔拉麵。我個人覺得平平無奇，冇乜突出。如果攞距做招牌菜嘅話，我覺得有啲輸蝕。普通嘅手撕口水雞冷麵，反而令我有驚喜。雞肉好夠料。小辣都偏辣了，怕辣的朋友可能頂唔順。瑤柱蟹肉小籠包入邊好多汁。最後一味，鮮肉鍋貼，入邊竟然都好多湯汁，一啲都唔乾，呢樣菜，我都覺得可以推薦下。叫左四樣嘢，加埋茶位費埋單250蚊有找，個人覺得可以帶爸爸媽媽嚟再食過。不過，飯市期間勁多人排隊摞位，同埋距上菜偏慢，一份麵都要等半個鐘。所以最好避開食飯高峰時間。

星期日和女兒經過「翡翠拉麵小籠包」。女兒被兒童餐吸引著，估不到傳統上海菜竟然會有兒童餐！兒童餐真的很可愛，而且跟餐的「木須肉炒麵」幾惹味！除兒童餐，我們另點了匯豐信用咭優惠的二人餐，份量三人吃都足夠！雞絲粉皮：雞絲太少，被青瓜味蓋過，普普通通！小籠包：皮不夠薄，但湯汁豐富，味道濃郁賽螃蟹：味道太淡，適合小朋友！欖菜肉碎四季豆：最好味的菜式！雖然肉碎有少許過咸，但很有鑊氣，好香好入味！雞火炒飯：炒得幾乾身，飯的軟硬度亦合口味！整體來說，餐廳質素和味道較轉舖位前佳。

同朋友行完山，終點就係沙田新城市廣場，其實有好多選擇，但係我哋都想食小籠包，同埋擔擔麵，所以就去咗呢間翡翠拉麵小籠包。其實我食一個擔擔麵，就算冇任何餸菜，我都已經好滿足。但係我朋友想食多元化一啲，健康一啲，所以我哋叫咗小籠包，甜酸排骨，皮蛋蛋白炒菜。小籠包當然唔錯，所以先係招牌菜。甜酸排骨幾好味，濃度適中。蛋白炒菜亦都唔錯，可以幫助長度暢通。我哋被安排坐咗喺廚師嗰個位置，可以睇住廚師拉擔擔面，總算係食晚飯期間，亦有一啲娛樂。

今天跟個女來這家餐廳吃午餐，兩個人點了四道菜。小籠包不過不失，皮薄餡靚，湯汁飽滿。酸辣麵份量夠多，還可以要求餐廳幫忙剪面，走蔥。酸辣湯配料算多，酸辣度適中。老乾媽野菌炒牛肉，賣相不錯，可是個人覺得偏油偏鹹，不夠啦。可取的是牛肉很嫩，份量也算多。配飯吃應該會更好。最後的蘿蔔千層酥有驚喜，外相比平時的要大，酥皮很鬆脆，裡面包了細細的蘿蔔絲，還有湯汁，簡直是驚豔。值得再試。這裡的服務也不錯，可以約朋友來這裡一聚。