翠華餐廳 (已結業)

今日午飯選擇嚟翠華餐廳，我求其揀咗個吉列豬扒咖喱飯同杯凍柠茶，今次呢個豬扒飯光睇賣相就吞晒口水喇，整塊豬扒被咖喱汁蓋起來，咬一啖外面脆脆的，肉质细嫩多汁，濃郁咖喱汁香辣辣，豬扒都保留住肉的香味，用来下飯都幾开胃唧。

今晚夜咗收工，一個人食飯，求其搵d嘢食，經過翠華，就入咗去， 叫咗個滑蛋鮮牛肉蕃茄湯飯, 睇落去幾健康，仲講明用有機米，就試吓啦。送到離，講真都幾大碟，不過濕濕地，酸酸地，應該幾開胃， 牛肉都幾好味，有肉味又吾會腍晒，蕃茄又多又新鮮，唔覺唔覺成碟飯比我食晒。跟住叫埋杯鹹檸檬柑桔蜜，好滋潤，不過就甜咗少少, 但都好好飲，夠晒潤喉。

Tsui Wah offers Hong Kong Western canteen fare at an above-average price. For anyone who's never been, that means they have put things like sandwiches, ramen, curries, fried rice, soups, and pasta all on the same menu. Like my favorite diners abroad, this Chung On Street location is open 24 hours so that visitors can load up on their favorite comfort foods whenever the cravings strike. Fat Friends, I'm going to tell you about the Malaysian Beef Brisket Curry. Sure, you've had it before, but this

我係翠華的常客，平均一星期都最少去食一次。但今次真係好失望，杯凍奶茶完全唔得，好淡，無茶味又唔夠奶，重難飲過飲水。拎返俾個女侍應，佢完全無表情，一面冷漠，跟住係換左一杯一模一樣的凍奶茶俾我，完全無改善！我同另一個男侍應投訴，之後換熱奶茶俾我，而且態度好好多！

11點有多在荃灣基本上不外乎銀龍翠華等24小時餐廳，雖然都不願吃此餐廳但實在沒選擇下，唯有照去馬 見到仲有晚餐雞扒飯都好點，散叫可能比餐還要貴。熱ＯＴ算係幾大杯，只係細過凍ＯＴ隻杯少少，不過比較澀。個湯夠濃及有少少辣，味道算係唔錯茶餐廳黎講。板燒汁甜甜地撈飯極好，雞扒都算幾滑同好厚身下，薄少少較好(個人覺得)，茶餐廳質素黎講算唔差不過價錢要70貴左少少。

從來都知，翠華的咖哩一向非常好味，但可能分店太多，質素難以有保證，今日來到荃灣工作，又試下這間翠華先！！！店内人太多，決定外賣吧！！取了外賣，一路行已聞到咖哩香味，口水不停在口内分泌……一打開，一如已往，濃濃的咖哩，林林的牛腩，再加薯仔，真是最隹拍檔，咖哩的辣味剛好，伴飯起碼能吃三碗，不消半小時已吃完全盒，好味抵食與否， 見仁見智，但希望能保持水準吧！！

翠華茶餐廳食物質素比一般的茶餐廳好,水準亦都好穩定,所以貴啲都有佢既原因嘅。不過佢有個冬陰功片頭豬軟骨米線就食到我上哂癮,豬軟骨好淋好入味,冬陰功湯夠酸夠辣,加埋魚片頭同大大隻蝦球,好足料。值得推介一下。

食完車仔麵後, 得五成飽, 轉過隔離買蜜汁叉燒包填肚子, 可惜麵粉過少, 不夠撐...就決定試下翠華脆豬以外的麵包, 印象中有賣麵包的翠華餐廳, 不多~晚上的眾安街被閃耀的翠華餐廳外牆所照亮墨西哥奶黃包 $7包面脆皮, 味帶奶蜜, 麵包鬆軟墜手, 奶黃餡的蛋黃味濃郁、牛奶味香甜, 奶黃餡質感滑如燉奶叉燒包 $9$9一個叉燒包不過味道偏鹹, 可能之前吃過蜜汁叉燒包, 所以對這個九蚊叉燒包不帶任何喜愛。 原因: 價錢貴但品質並沒有達到預期期望；麵包重量適中, 包質鬆軟又不會扁, 可惜叉燒餡汁偏鹹, 叉燒肉粒瘦削帶粗纖維, 基本上叉燒餡煮得不佳就稱不上為叉燒包。

早餐時間食客很多，待應較忙碌做到心情差可以理解，但都唔好發洩係客人身上呀! 舉手叫人落單，E位四眼TB粗魯呼喝"睇到" ，過一陣先走過黎寫單，我講左食咩野，佢聽唔到就喝我"聽唔到呀!"......好惡好冇禮貌。等左好耐都未有野黎，我再舉手叫待應跟下，最近既TB待應扮見唔到聽唔到我，另一個待應阿姐就話"E家好忙幫唔到你跟。"到我食完碟煎蛋餐包，咁arm TB待應上碟沙爹牛麵，咁我米順便比隻空碟佢，點知佢好大力咁扯走隻碟，明顯係到發緊P4.........唉! 食個早餐都要受氣，澳洲牛奶公司D哥哥待應好過翠華多多聲!

晚飯時間店外總是企滿等位客人，不過等得不算太久，可能人流量大。而我倆二人被安排坐近門口的位置 (4人卡位搭檯)坐下考慮了一會便落單了，侍應反應快。 ● 星洲炒米-- 炒得乾身，但略嫌不夠鑊氣，味道遍淡。● 冰鎮奶茶 (Milk Tea Champagne)-- 香檳形的樽，gimmick，味道與普通的凍奶茶沒兩樣，奶味還要過重了。● 奶油豬 <必吃>-- 最好吃的！又脆又暖！難怪是鎮店之寶！● 熱奶茶-- 跟冰鎮奶茶一樣，奶味過重，並不是我杯「奶茶」，但隻杯幾靚。● 魚蛋粉-- 忘記拍照，賣相我覺得很像連鎖快餐店出品，但魚蛋確實彈牙，有魚味。由於座位真的太迫、卡位張檯又小，放多兩碟食物都沒有位放飲品，故要用埋對面客人的位置，真的有點不好意思。所以我倆二人吃得頗急，希望盡快收走部份來滕出空位；最後，快快吃完便離開了。總括而言，這裡食品質素很一般，但收費那麼昂貴，我還是選擇其他比較好。

上星期，母親在早上十一點左右去翠華，準備與友人（共兩位）食早餐。由於母親的朋友未到，女侍應安排母親一張接近牆壁的檯。當時，餐廳只有四成顧客，母親當時也覺得奇怪，為什麼餐廳這麼少人，也要安排牆邊位置。當時，母親也即時問可不可以坐其他位置，女侍應用很快而非常呼氣的態度回覆，『四人檯嚟㗎，你一個人，坐嗰度啦！』由於，當時母親友人未到，聽到甘講便決定等朋友到達後，再入餐廳。大約十分鐘後，母親和友人再次入餐廳要求兩人檯，同一個女侍應再次安排最接近牆壁那張檯。當母親和友人再次要求另外一張檯時，女侍應再以極度呼氣態度回答，『無呀，兩人坐嗰邊呀！』當時，店內只有四成人，母親和友人確實不明白點解要甘樣安排坐位。最終，親屬也因為女侍應的服務態度欠佳，決定離開。這種服務態度實在幫老闆趕客。非繁忙時間也要顧客坐在牆邊確實費解,侍應服務態度絕對有改進空間！！

牛扒好難食, 咬唔入, 換過碟都係咬唔入, 店員服務很差, 特別那高瘦的女經理, 我們把那些咬唔入的牛扒吐出來,她竟然說我們可以是有意的, 態度非常差, 投訴又沒有回復, 無下次囉

在周圍都是茶餐廳的荃灣,吃來吃去,都是太興和翠華,能夠保持品質。不知道是翠華更改了全新menu,還是,這間分店,比較”新”,看過後,令我兩眼發亮!加入了不少西餐元素。所以立刻點,黑椒牛柳絲炒長通粉$53。何解實物同相差別咁大既!?份量小,不乾身,絕不像「炒」,不過翠華品質,不會差得去邊,越食越好食,黑椒味很惹味。好吃還好吃,但這個賣相,真是洗不掉茶餐廳風味囉!仲要賣$53,肉赤肉赤!晚餐$61,牛油豬仔包、華盛頓忌廉湯,無故轉了足料雜菜湯,更好啦!羅馬烤豬肩扒伴意式香草腸,豬肩扒很厚身,本身不太喜歡吃豬扒,因為好難做到入味,而且豬扒通常嚡口。香草腸的「香」草,香得像香水味。怪怪地。香檳奶茶+$6,只是以香檳造型出現,其實沒香檳成份。開頭飲,奶味重D,飲飲吓,茶味又ok返!

六月下旬‧晴約了舊同事來這裡傾談，都不要說，午市時候人客不少的。沒有什麼選擇，求求其要了個燒雞扒的午餐。雞扒大大件，都燒得皮焦香，汁多，下飯真一流。而飯也夠多，先不談味道，是夠飽的。連熱飲一杯，埋單五十多，不便宜。

翠華的餐廳門面堂皇得自問小弟穿穿爛爛的裝束實在矜不起進去，但門面擺放的麵包架室在太吸引，就買了個菠蘿油來試試～翠華真的脆得起！這種菠蘿包實在比得起絕大部份的麵包店造的來得好吃！皮既脆又甜，一塊塊剝下來嚼真的很好～不像麵包店那些皮是比較濕膩的，沒了那種口感。致於牛油也不用多說，就是各大茶餐廳都熱愛用的牌子啦。這個包才九元正，不平也不貴，下次路過都可以再食：Ｄ