翠華餐廳 (已結業)

曾幾何時，我幾乎每天光顧翠華。近年少了光顧，原因是貴夾份量縮皮加上炒蛋質素下降。今天因為趕時間便比多次機會試番。唔試尤至可，一試把幾🔥。先來一個午餐有🐷扒雞亦，再加一份瑞士雞亦，後加一個雲吞麵。首先，🐷扒上碟薄到只有約半厘米左右，總之未見過咁薄嘅豬扒，然後見到旁邊嘅所謂雞翼更加過分，原來只有半隻手指尾咁大嘅雞粒根本唔稱得上係雞亦。當你見到餐牌上寫着豬扒配雞翼你心裏面諗起碼都真係有一隻完整嘅雞翼。😓第二味係50幾蚊嘅瑞士雞翼，有五隻但係雞翼只係有D色水，一啲都唔入味又唔熟有血。第三味係豆膶雲吞發脹麵，雲吞超細粒所謂哈幾乎見唔到啲面完全冇味加一啲都唔爽口，簡直難食到唔識講。🤢我冇影相，唔想眼冤講完！

Hong Kong Milk tea is definitely one of the coolest Hong Kong drinks, you cannot possibly find the same taste elsewhere in the world, just like Thai tea from Thailand.The milk and tea was well balanced, and you could feel the intense tea flavor while tasting the smooth and silky mike at the same time. Words can’t explain how much I love HK style milk tea.

天氣熱，行商塲享受下涼意，人都醒神D。老朋友一向都懶做運動，挑選食物也不理熱量，奇怪的是依然身材瘦削。行完荃灣千色店，去餐廳醫醫肚仔。翠華就是我們選擇的落腳點。點了豬扒意粉，意粉沾上蒜粉和番茄汁，厚厚的豬扒伴小量西蘭花，味道整體上尚可，但似乎多肉少菜呢!加埋杯凍檸檬茶，傷身又傷胃。至於另一款雜菜炒菇飯，最欣賞菜多夠健康，可惜醬汁略為多了少許，雖然味道很好，但要揀選白飯來吃都頗費時間。熱騰騰的粟米忌廉湯，有雞肉，味道尚可。若然不是向減肥方面看，食物和飲品都OK架

食早餐首選梗係去翠華啦，每次去嘅水準都係一樣，一定唔會食到好參差嘅早餐，心情靚靚再去返工，為新嘅一天作好準備其實我最鍾意佢個鮑魚絲火腿通粉，湯底濃郁，通粉煮到剛剛好，唔會太林唔會太硬，啱晒我口味

到底幾多年無嚟過翠華食晚餐呢？諗落自大學畢業後已經無再嚟過了。當年五十幾蚊一個茶記晚餐已覺得好貴，窮撚學生都係啱食譚仔三十蚊埋單。估唔到幾年後重臨，譚仔兩餸仲係賣緊$39，翠華嘅晚餐已經叫價$79，貴到離地。好食？完全稱唔上，除咗招牌脆豬同奶茶幼滑，餐湯同意粉同一般茶記分別不大，個螢光汁極有港產風味，翠華札根本土果然緊貼傳統👍🏼如講環境可能比茶記好少少，但服務其實也不相上下，阿姐一副「快啲食完快啲躝」嘅咀面真係記憶猶新😊望住張單，心諗呢個價錢我下次都係去祟日食碗拉麵算🤭或者等我入了幾手翠華股票，可能到時會覺得抵食點吧😂

因為要食個快、輕便早餐，所以選擇菠蘿油（自己極少叫@茶餐廳）+熱咖啡餐$26! 1. 落單就已經發現啲伙記好似「扮」好忙、唔願落單咁，越嗌越走，話𨍭頭送完食物過來但行咗三、四轉都仲唔返嚟。。卒之有位普通話親善大使(有彩帶喺身上)行過來用廣東話同我落單！2. 嗰個四眼短髮女主管(？)喺門口取菠蘿包入舖就不停叫「菠蘿油」遊走枱與枱之間，行到水吧時普通話大使才指示係我叫，跟著我已經發現被人怒啤了！（其實落單有枱號，點解要好似推點心車@酒樓咁一路行一路叫咁好奇怪，更何況我已經舉咗手示意是我叫咗菠蘿油都要被人怒啤😟😟）3. 菠蘿油放在碟上，但不見牛油！朋友說可能已經放在包內(有其他茶餐廳係咁做法)，咁我就不以為意咁地開始食！食到一半時，發現完全冇食到牛油，就問另一位四眼侍應！我：牛油在那裡?侍應（驚訝兼惡）：未俾你咩？我：有就唔問你啦！我個菠蘿包都就食完，你係咪收錢收菠蘿包價錢，唔係菠蘿油？定係你換嗰個？侍應極冇禮貌大聲地說兼走咗去：你等等啦！4. 擰轉頭發現這位侍應正同嗰個短髮四眼主管（？）怒啤😡兼鬧緊我，話個菠蘿包都就食完先話要換過另一個！之後才死死氣咁走去攞一個所謂的「冰鎮」牛油放在枱面！

有早餐嘅morning就係good morning...八點幾去到翠華餐廳，餐廳已經就尼滿座。。。到九點幾仲要等位。。叫左個魚柳早餐，啲魚柳脆卜卜，熱辣辣，又夠大塊，推介雞蛋聲稱係無公害雞蛋。。。味道。。就係普通炒蛋嘅味道豬仔包已經搽好牛油，不過烘得over左小小，有啲苦屋企人叫左通粉，面。。。餐飲可以配橙汁。。煎蛋可以要求煎晒兩面價錢比普通茶餐廳貴小小，不過都還可接受。。星期日一家人尼食個早餐，都幾relax

今日老闆出完去做野，順便買包包請我地食，我就要了個吞拿魚包試下翠華這個吞拿魚包都只是$10，其實講價錢的話差唔多啦，貴小小但又唔似其他日式麵包店的天價，就講包裝，紙袋是兩層，可防油掉到周圍都係，你可說是不環保，亦可說是幾貼心打開個包裝袋，已經有一陣陣香甜麵包味，我同另一同事Share一個，發現入面料很足，絕對同空氣包係兩回事食過你就知

返夜收工落到荃灣半夜兩点見肚餓，經過翠華原來24小時營業的就走入去揾食，問問侍應咁夜有乜食，佢竟然答我已經有早餐咁就要叫個B餐喇，從未試過半夜食早餐叫咗唔夠5分鐘左右沙爹牛肉麵凍O茶已經送到（個送餐既男侍應好好禮貌）食啖麵先，麵質相當普通，太淋喇但唔係發水咁，感覺就好似個麵事先係用水浸住浸鬆，當有客入單時再係咁2煮一煮就放上碟，食落係熱嘅但唔似啱啱住好囉沙嗲牛肉味道正常而且夠淋，總結呢碟麵好油、麵淋、唔夠熱，慳功夫所致至於個豬仔包就一般般啦，又係微暖唔夠熱，蛋呢肯定係即整既夠熱，可惜又係同好多茶記一樣用蛋漿整嘅，完全冇蛋味，唔好食呢D咁既食物質素普通到唔普通，是但揾間有心機做既茶記都贏你啦，都唔知點解你會咁出名

海南鸡饭值得推荐，肉质嫩滑，搭配酱汁，关键还是无骨的哦。咖喱猪扒饭是我本人最爱，炸的酥香的猪扒，就着微辣的咖喱，咖喱熬制的不错。丝袜奶茶也是经典，自己酌量加糖.还吃过他们家的牛舌意面（具体的名字忘记了）

一個人去咗翠華食孤獨晚餐，一個人孤獨晚餐，但不能真的感到孤，所以味道太重要。人不算多，但都9成以上坐滿翠華不見有晚餐，所以只點了一個砵酒牛脷膾意粉，拎過嚟嘅時候我好開心，因為佢嘅意粉係乾身，有洋蔥，番茄汁，蘑菇同埋牛脷。牛脷唔係一片片，係一粒粒大大粒既形狀。意粉真係比較乾身，少少鹽。牛脷真係好好味，因為佢大大粒嘅厚切，口感好，好多汁，但不過今次係太鹹。

分量頗多的，鮑魚絲火腿絲通粉，多咗鮑魚嘅香味令到個通粉好食左好多，口感也增加，餐包夠軟熟，加上牛油很香，我選擇咗荷包蛋，煎得不錯有很多蛋黃醬流出，好立克亦都好好味。

今日放假約咗朋友一齊去食早餐 諗唔到去邊間餐廳食早餐 於是經過呢間翠華茶餐廳 雖然餐廳 環境好普通 但係服務就好好 我就點咗沙爹牛肉麵餐上餐速度快 方便 趕時間嘅朋友 至於味道方面 牛油豬仔就好鬆脆 炒蛋就好滑 個 沙爹牛肉麵牛肉好軟熟 而個麵煮得適中。 咖啡配合得好好

基本上早餐都是習慣在翠華食。好食既系片頭湯，每次必點，湯很鲜甜，鱼旦片彈牙爽口。奶油猪向来是主打，只是煉奶甜腻，吾系個個鍾意。有一款炒粉非常好吃，里面有好大塊的嫩嫩的牛肉還有雞蛋和蝦仁等等，回味無窮。

今早落黎屋企附近食早餐，睇到人多就進來了，我求其揀左個通心粉，通心粉煮得軟霖爽滑啱啱好，湯底係乳白色有好濃郁猪骨味道，通心粉全全吸收左湯汁味道，令到平平無奇通心粉更加有滋味。