翠華餐廳 (已結業)

　　是日因工作關係到油麻地，一打聽到這附近有翠華，便老早想好了要吃甚麼了。早在幾年前，我每個星期六要到半山替一個男孩補習的時候，偶爾會到翠華吃午飯，第一次嚐到豬軟骨便一試難忘了，甚至覺得沒有其他餐廳能有如此好吃的豬軟骨。　　油麻地的翠華，環境格局和裝修和中環的兩間都差不多，或許因為不在巿區，人不是很多，很容易找到座位。　　我一看餐牌便毫不猶豫地點了豬軟骨魚豆腐撈烏冬配熱奶茶，$55(連加一)，其實不便宜啊，不過很久沒吃過，饒了自己吧。　　奶茶：幼滑甘香，香濃而不苦澀，而茶與奶的比例恰到好處，不愧是翠華的鎮點之寶。　　豬軟骨魚豆腐撈烏冬：烏冬是乾的，但烏冬的質感極為軟滑，雖然去了湯，但仍有點濕潤，不會太乾。豬軟骨炆得很軟腍，入口即化開，連骨都很容易咬碎，醬汁更是惹味，好像有點南乳的味道，鹹鹹香香的，撈烏冬一流；而魚腐則以另一隻碗分開上，放在湯裏，浮在湯上像是兩個乒乓球，我個人卻對魚腐沒有特別喜好，不過這個餐是如此的配搭，我反而欣賞那個魚湯，是真材實料，也值得一試。　　是日用餐後的結語是，翠華的奶茶和豬軟骨是從不讓我失望的啊。    

今晚放工去油麻地整CHEESE CAKE，上堂之前喺附近食嘢，由於我係翠華脆脆豬嘅忠實粉絲，所以食翠華係理所當然。鹿兒島風豬軟骨鮮蝦菠菜餃米線餐，跟熱好立克，＄46。先講豬軟骨，滷得很入味而且有筋有肉，最喜歡咬充滿膠質筋位，煮得非常非常腍，直頭係輕輕用牙一咬就化開，個人喜好豬軟骨煮得咁腍，好好味啊！至於鮮蝦菠菜餃真係不得了，一夾起先知佢足足有2吋咁長，一睇就知落足料，餃子皮夠薄，而且材料好新鮮，蝦仁食落爽口，配埋菠菜，真係好夾。通常食菠菜餃，都係茶樓蒸餃，原來菠菜湯餃仲好食！最搞笑係開頭落單時有個伙計以為我未落單就喺度玩IPAD，之後好有禮拜咁催促我落單，後來我同佢講我已經叫咗，莫非我個樣好小器？佢之後對我照顧有加，又驚我飲好立克唔夠甜遞糖包比我，上菜個時又講唔好意思，其實我真係唔MIND喎，哈哈  

翠華相信係人都食過,但心想一想呢種管理模式是十分成功.好多圖既MENU,比較乾淨既樓面,服務比較好,食物穩陣,呢個就係大集團生存之道眼看股價由招股價2.27到依家5蚊,睇住佢長大咁樣樣是但叫個海南雞飯一來到就知道是不正宗啦當然,佢係模仿星馬STYLE的,因為有黑醬油.老實講只要個酸辣汁和飯做得好食,雞都係無咩所謂.佢個飯雞油味不算濃,但起馬食得出有落.雞就不算滑,雞味也不突出,個酸辣汁就正常啦,無咩特色.你話佢D野難食就不是,好食又不算.湯就忘記了味道了.配菜夠酸和爽!其實我認為去翠華就是像去大家樂大快活一樣,希望唔好煩是但食點東西,通常也不會中伏!

翠華價格比茶餐廳貴少許，但至少食材頗新鮮，品質還是不錯，有保証的！說回早餐B - 炒蛋脆豬：蛋滑，牛油香豬仔脆。沙爹牛肉公仔麵：沙爹牛普通，公仔麵軟硬適中。熱奶茶濃但不夠滑，茶帶少澀。從前翠華總是LKF後的宵夜，或離港前最後港西！現在翠華進駐父母家附近，茶餐又多個選擇了！

又係busy Sunday, 趕去下一場之前先係油麻地醫肚，啱啱俾我發掘到個新飯堂，係正地鐵站隔離既翠華！點咗蝦球蝦籽撈麵，蝦好大隻好彈牙，仲有超多蝦籽~ my favourite!!!! 飲啖湯~ 個湯都好鮮味，正!! 近排乾燥，叫左杯桂花玉子蜜潤一潤。好香桂花味一上枱就聞到，仲有隻半熟玉子係杯入面載浮載沉，真係堅正!!! 飲完成個人滋潤曬，溫暖曬~~~ 下次一定要試埋其他兩款滋潤熱飲先得~!