翠華餐廳 (已結業)

在公司附近, 開左間翠華, 一直都知道呢間餐廳既食物都比較貴, 我有好多朋友都話, 皆因名星效應, 不過, 一向新屎坑的我, 明知間餐廳貴, 但都好想試下!! 早幾日, 返工前去買杯奶茶, $14/杯, 諗住會好正啦, 點知都係不外如是! 我勁鐘意飲奶茶, 所以, 邊間既奶茶夠唔夠水準, 都瞞不過我個口, 哈哈, 而翠華既奶茶, 真係比唔上大X樂既奶茶!! 隔左幾日之後, 我又想試下個熱狗, 見佢個外賣紙寫住法蘭西特長熱狗, 諗住會好長, 之後拎番公司打開一睇, 嘩 點解唔係成隻過, 而係切開分開左? 咁點可以叫做特長熱狗?? 特長熱狗既意思係乜?? 咁既熱狗look, 我已經有d不滿, 之後一拎起上手, 好麻煩, 好似散開晒咁樣, 而且佢地個包, 係一開為二, 然後中間放條腸, 其他配菜, 然後用長牙簽"吉"住, 唉, 一路食, 一肚火, 當取出支牙簽, 全部都散晒, 火都黎埋 真係覺得買呢隻熱狗係side錢, 仲要收到咁貴, side錢side錢side錢!!! 依家旺角茶餐廳既競爭咁大, 如果食物實數咁差, 點樣留客?? 翠華, 我都唔會再幫襯你勒!!!

翠華係旺角一開，當然立即成為大家既新寵兒。之前都有諗過點解翠華係MK無分店，估唔到講完一陣就真係即刻開左.....。是日下午去到，嘩，多人到癲!!! 好多係附近返工既SALES通常都係過左lunch time先有得放飯，所以兩點幾成間野都爆滿~~~ 我地兩個人都要同人搭檯，好彩佢就算唔係卡位都幾舒服。餐牌都無咩大分別，首先要了一個下午茶餐，有三款選擇，我們要了魚蛋片頭河。份量應該比平日的小一點，不算很大碗。魚蛋和片頭都是一般，有魚味但不夠彈牙。河粉唔算滑，而且有時會「痴」埋一舊.... 最正係湯底，好香同好濃既魚味，忍唔住飲多兩啖，但除左湯底之外就真係無咩可取。另外叫了一個常餐，有喇沙米線，加牛油豬仔和煎雙蛋。牛油豬仔無朗豪坊澳門翠苑咁好食，佢個包唔夠脆，牛油又唔多一D都唔香，非常一般般。煎雙蛋反而好好味，煎得剛剛好，加D鹽同胡椒一齊食就正啦。喇沙米線都OK，幾辣，湯底有少少似青咖哩既味道，有少少椰汁香，就咁睇湯底都幾多辣油下。D材料如蝦，魚腐等都OK，無咩大問題。由於佢D食物份量幾細，所以最後我們再叫了一個奶油豬。不過結果都係麻麻地，個包一D都唔脆，好軟同好淋，煉奶同牛油份量爭左少

當持續了數年的「二次珍珠奶茶大戰」仍然鬥得如火如荼之際, 和港式奶茶掛勾的茶餐廳組別亦已蠢蠢欲動, 誓要在旺角區這個兵家必爭之地分「奶茶」的一杯羹。一直以來, 旺角區的茶餐廳行業以銀龍獨大, 分別在人流最暢旺的西洋菜街和通菜街中央位置設店, 兩店只隔著一條亞皆老街, 可盡吸亞皆老街南北兩邊的人流, 現時普通一個特餐 (沙嗲牛肉麵 + 煎蛋 + 多士 + 咖啡或茶) 索價已高達四十大元, 但仍然其門如市, 策略可算非常成功。至於本港的茶餐廳大哥翠華, 就算已經分別在尖沙咀(一店)﹑中環 (三店)﹑銅鑼灣 (三店)這幾個人流最旺的地區設有多家分店, 亦多年來從沒踏足過旺角區, 要數最接近的分店, 則只有步行達十五分鐘的油麻地北海街分店。其實早於三月份, 路經朗豪坊的時候已發現對面旺角文華這家翠華的開業預告, 當時的圍板已註明「將於四月份正式開幕」, 無奈等了整個四月也未見這裡開業, 最後到了差不多五月中的今天, 才看見一貫「翠華式」的閃燈在門口舞動著, 遠遠便吸引了途人的注意。可能是剛開業的關係, 早上八時左右, 餐廳亦只有半滿, 和那邊廂常滿的銀龍相比, 暫時還是天淵之別。裝修亦是一貫的