翠華餐廳 (已結業)

假日間中會與老伴到中環「食宴」，已經多次光顧翠華，我特別喜歡翠華的豬扒飽，豬仔飽很脆，豬扒唔會好實，加上酸瓜和菜，不至於太膩。今日再次光顧，我依然點了豬扒飽加奶茶，兩者偕保持水準。老伴因身體抱恙，食慾不振，幸好老伴喜歡吃翠華的湯米，才願意點一碗片頭豬軟骨冬蔭功湯米改用普通魚湯底；不過送到的湯米並不是魚湯底，似乎仍是冬蔭功湯。老伴淺嚐不覺棘，也沒要求更換。總括來說，翠華是一家環境較佳的「茶餐廳」，食物配答甚具心思，味道亦合我和老伴的口味。只是今天要求更換湯底失手，有點失望。

20050916 11pmlate dinner. 跟友人A小姐放工即仆去看演場會. 飯也來不及吃.看完從會展飛的到蘭桂坊, 食完飯去飲o野. 蘭桂坊翠華係我地指定地之一.肚餓, 二話不說即order o黎share-* 海蝦球XO醬撈豆腐麵線- 新產品豆腐麵線, 爽身, 本身就無味所以要落XO 醬撈, 但係個碟底有湯, 整淡晒的XO 醬. 麻麻地. 海蝦球超讚!! 有大隻又爽! 不過$38碗好貴!* 紫菜魚蛋河(加腩汁) - 朋友指定order, 水準以上. * 熱雪梨茶x 2 - 每年秋冬必飲. 不過今次呢杯就甜o左o的. 另外要了杯滾水沖淡佢.坐二樓要面壁位置, 十分自修室feel. 好唔舒服.兩碗麵+兩杯飲品, total $99. 你都咪話唔貴.

下午茶太飽, 10時才食晚飯. 叫一碗魚片頭米線, 加一碟魚湯娃娃菜. 食魚湯菜真係好, 個口冇咁寡.PS. 而家翠華轉左個新o既中、英文餐牌, d英文名"正路"哂, 冇左果d"Tri-mushroom"lu~~

豬軟骨撈出前一丁(約$35): 豬軟骨好焾、好入味, 加埋出前一丁真係幾好食~

去過咁多間翠華，覺得呢間啲服務最差，啲侍應成日都係好趕好趕咁，就算聽到都當聽唔到。話"等等"得係就唔會返轉頭。係中環茶餐廳咁既價錢叫好貴架啦，成日都要迫人坐埋一張細枱。我通常來都係因為呢到方便，但係次次都要受氣，一次都係去bravo或canteen算。

20050813 2.15am跟朋友去完一個CD launching party, 吃宵夜. 4人.* 魚片頭豬軟骨冬蔭公米線($28) x 2 - 朋友A 小姐未黎都時已不停嚷著要吃這個, 見佢咁興緻渤渤, 我也要了一個, 果然係掂!! 湯不會太辣, 魚片頭跟米線這個組合也很夾. 真係正, 半夜食明知肥爆他忍不住整碗幹掉!* 凍檸茶x 1夜媽媽都超多人, 同埋勁嘈.

價錢－比較貴；種類－除早‧午‧晚餐就無其他；速度－此頂服務都算快捷；好吃－就一般呀...David Sundy13/07/2005

十點零o黎食晚飯. 全場爆, 坐o係廚房出面/ 出菜位, 好多侍應o係我地隔o黎行o黎行去, 一時為出菜混亂而爭拗, 一時搭晒膊頭有講有笑, 不斷聽到有人問侯其他人o既父母祖宗...無論點, 除左個啤酒o黎得幾慢之外, 服務效律o係唔錯o既.兩罐啤酒, 一個好立克, 一個炒貴刁, 一個炸雞翼.炒貴刁味道除左辣辣地外好似淡左d d, 但炒得唔肥膩, 貴刁(河粉?) 入口幾爽.炸雞翼, 熱辣辣, 冇微微滲血唔熟o既肉, 薯條都唔錯.好立克, 奶味頗重(但我唔o係order "鮮奶好立克"堝)埋單成一百五十蚊, 老實講, 唔平.

有時候放工想早些食飯﹐就會過來這裡吃碗魚蛋粉加碟油菜。呢間的魚蛋粉湯底比較腥﹐因為說是沙魚湯底﹐但係如果叫麵就冇咁覺﹐唔知點解。魚蛋是比不上天后的德昌﹐但亦近似那種口感﹐較為軟身但就比德昌鹹了一點點。油菜幾時都咁靚﹐不論菜心或者通菜﹐而且蠔油或腐乳一定係用個細碟另上﹐係其他雲吞麵鋪做唔到的。服務都算幾好﹐員工有效率﹐不過一定要避開中午的繁忙時間﹐否則後果自負(講笑~)。

我去過呢間茶餐廳好多次，D食物水準唔錯，而且好多次去度都見到明星。據我所知(朋友曾經係果度員工)，佢O地係要揀選D靚材料入貨，所以好新鮮。海南雞飯好正呀！不過佐敦分店的海南雞飯好唔掂。

今日約o左o係中環返工的中學同學食lunch。lunch 時間的翠華真係迫爆! 我第一次食翠華, 唔知有咩好食。見到枱上的推介, 叫o左個冬陰功豬軟骨魚腐米線。d豬軟骨好鬆化, 好入味! 翠華真係名不虛傳。

o黎食晚飯, 叫左蝦球撈麵, 海鮮烏冬, 同炸雞翼. 撈麵比想像中細碟, 但d蝦球好大隻同好爽, 又有油菜拌碟, 外國朋友o係咁話好抵食! 我o既烏冬o既料真o係幾多, 又o係一隻蝦球, 一隻肥大帶子, 青口, 魚柳, 魷魚, 同唔少菜! d 湯好鮮甜. 炸雞翼得四隻, 但好大隻, 仲有一堆chips 拌碟, 食完都好飽. 加兩個啤酒, 埋單百五蚊, ok 啦! 服務亦ok, 環境都唔錯, 光猛, 又唔侷促.

三時午餐, 兩度轉場後, 空肚所飲的白酒及啤酒終於在十二時產生作用, 肚餓到癲! 翠華是永恆的中環蒲人救星, 一碗魚湯米線, 救了我一命! 可能因為太肚餓, 好似比之前任何一次食都好味!

估唔到sunday午市係中環翠華都咁多人, 係上次個壞印象影響之下, 今次再去翠華, 叫了一個店內勁推介的片頭米線$23, 同埋另一推介京川蝦球炒雙麵黃$56加杯熱奶茶片頭米線個d米線就認真麻麻, 好鬼淰, 一d都唔夾口, 個魚湯好味精, 魚米家個d好過佢, 但片頭就唔錯, 味道濃同埋唔會好硬皮, 不過最好比兩條菜食下就好啦!京川蝦球炒雙麵黃, 都唔知點解叫雙麵黃, 但係個賣相認真好吸引, 有成六隻好大隻的蝦球, 真係好大隻架, 用鐵板上, 個d脆麵都好正, 個味就一d京川feel都無啦, 因為京川應該係辣架, 但係佢只係生炒骨個酸汁而已, 有d怪, 但都好好味, 不過同個名有出入囉service都ok, 不過係蘭桂呢頭, 翠華都算係經濟好食嘅選擇.

唔記得幾時同男朋友食晚飯．．坐左係卡位，叫埋野食既時候（黎左個沙律了）食食下．．．聽到後面有個女人大聲話：”好大隻爬行動物喎～～”我個心離一離．．同男朋友你眼望我眼＝＝”心諗．．．唔係四腳蛇,老鼠下嘛？個女人又叫了一聲：”哇！走緊！”跟住就有個果度d 伙記拎住個鐵夾(好似係吃自助餐時夾野食那種)一直追捕隻動物,但遲遲都未捉到...嚇到我"第"起對腳唔敢郁,又唔敢望落去地下...我男朋友就好奇望下地下啦,點知比佢睇到有隻老x經過我地底,嚇到佢x_x果個伙記仲要係我地底捉左隻老x...個伙記行開左之後...我同男朋友~嚇到唔想食走人~但d野食都黎左,唯有硬住頭皮極速咁食完即走...(無奈)以後都唔再黎...!!不過講真,以佢係茶餐廳黎講...唔係太抵食囉!(貴)