翠華餐廳 (已結業)

呢兩日都o係中環上堂,今日晚餐和同班同學o黎o左呢度食.叫o左無骨海南雞飯.雞油飯雞油少,只有淡淡的油味,雖冇咁香,但亦無咁油咁肥.海南雞都算滑,但係好肥,D雞肥膏成厘米咁厚!!個湯都ok,不過好味精,飲完都幾口乾.另外試了"奶油豬",即奶油豬仔飽.個飽好脆好香口,配埋奶油好正,比奶油多更好!!不過要成$50食呢個海南雞飯就唔抵食啦,太貴啦!!另卡位檯面太細,上菜上到唔夠位擺!!

去間咁有名嘅茶餐廳食碗魚旦粉成三十幾蚊,味道不過如是,真係好唔抵.唔通一半價錢係食中環同名牌關係???

我都認同佢真係貴....不過佢d米線係唔錯ga wo....食過佢既魚湯米線...亦食過佢既冬蔭功湯米線....兩種湯底都好好味....另外豬軟骨都好好味.....如果多d套餐可以選擇就好啦.....

星六晚9:30的中環搵野食. 最後去了翠華.點了個海南雞飯. 有點失望.雞油飯味道很淡. 雞不滑. 反而碗湯就好好飲.冇飲品包..$46真係有點不值.朋友的魚旦米線反而好唔錯, 湯底仲係魚湯.拉上補下, 呢間翠華評分只是ok la.

雖然這個是早午晚餐\合拼的外帶，但食得開心。咖央多當然沒有即上檯的熱和脆，但相對一般外賣而言卻是快又脆；咖央色澤偏橙，一般咖央甜度，量也多- 可能是因夾住兩邊上的緣故。曾在同店堂食過相同物品，雖然是新整，但咖央薄得見底（少少transparent），又有一塊塊鹹蛋黃「脆脆」；雖然係「有料」既表現，但鍾意佢\今次又深又鮮色又爆醬既厚多。食外賣，唔一定灰機既。

七一跟朋交遊行過後，就近到翠華tea 一tea，星期天也有不少食客，但不難找到吉枱，這裹的下午茶索價平均三十多元一客，下午茶竟然包一個餐湯，份量不少看來是設計給中環late lunch 一族，但没有較平宜的選擇，看看菜牌粉麵也要二、三十元一個，炒賣的價錢更跟中區的酒樓差不多，動輒都要五十蚊以上，飲品全部都要十多二＋元，以茶記來說絕同宜。我們每人叫了一杯特飲，我的是鹹甘桔檸蜜($16)和奶醬多($8)，多士是用厚身多士烘製，相當大件，表面塗滿厚厚的一層醬，食味不錯。座位有點窄不算舒適，但在進口有擺放報章雜誌給食客閱覽；雖然伙記都穿整齊製服及結領帶，但服務就一般啦，各位如想試下這間中環高級茶記，一次咁多就夠啦，以同等價錢在附近可以找到更舒適的食肆！

今日又同同事黎呢到食lunch今次食左個"魚湯魚片魚旦豆腐米線"個名好鬼長好在都無令人失望= =+確係幾好食﹐果然係翠華推薦呢第一次食豆腐米線﹐原來好似豆腐皮咁架食落幾過癮魚湯清清地都唔錯﹐起碼無落味精之前俾個呢間野差既食評﹐今次加番分啦！

同同事黎開呢邊做野唔想食太貴﹐無乜選擇明知唔好食都係黎左翠華呢間野.......d 野食幾求其我地都點左是日什餐什扒飯加凍奶茶d 什扒.......硬到切唔入﹐一路切一路稔緊食左可能都會頂住個胃望下個同事﹐佢直情唔切.......佢話太難食﹐唔食算數杯凍奶茶......乜味都無......好有水味........都叫做俾左四十幾蚊吖~~~~~俾d 咁既野我食.....灰......

好一場世界杯揭幕戰，結果要在公司看開球禮，果真人算不如天算。搞掂公事後，拉了同事去蘭桂坊睇埋場波，結果全場入6球，相信大部份睇波的球迷都幾滿意。頭場睇完，啤酒又飲完，離第二場又有成個鐘，最好去食宵夜。落番擺\花街，見黃枝記、蛇竇同這裡都有開，最後來了這裡，因為食物的選擇多一點。要了XO醬海蝦球撈麵，賣相是出乎意料之外的有睇頭。5隻開邊大海蝦，舖在豆腐麵上邊，上面灑有蝦籽，還跟魚湯一碗~三更九夜仲可以此得睇頭的食物，幾令人感動的！蝦球吃落十分爽口，但沒有海蝦的鮮甜，都收貨；蝦籽係陳列品，不太吃得到其味道；豆腐麵撈了豉油熟油，加入了XO醬，口感也不錯；魚湯奶白色，淡淡的不算很鮮甜，但就一定沒有味精。連凍飲一杯，埋單50蚊。平時食就算貴，夜麻麻有得食又算幾抵，起碼行番上去飲杯啤酒，都係咁上下價錢。由是日開始，世界杯仲有整整一個月，睇怕都有唔少機會幫襯這裡。

．．不過係中環黎講算係咁啦，我同auntie都叫左是日午餐，海鮮燴石斑，我要天使面，aunt要薯菜，紅湯。好快ｄ野就黎啦，個面好細，一兜仔，不餉成碟野好大，兩一塊石斑，而aunt個個薯菜就有兩舊，佢什左一舊我。個塊石斑真係好好味，ｄ汁同ｄ海鮮plus青瓜好夾，雖然飽，但都照食．．．．．最後真係食唔落，又太多人，eventually go~~如果唔係太多人，都想坐多陣～～

同事搖鈴外賣翠華的豬扒包，打開紙袋香味撲鼻，令人急不及待大啖咬: 連骨的豬扒不算太油膩，肉質香脆; 芝麻麵包鬆軟，塗上少許牛油和沙律醬，加上大大片的青瓜和蕃茄，非常滿足的下午茶。

我同一班朋友復活節的時候去了這店食野，我地一行十人一入去備安排坐在２樓的長枱．好奇怪當我們想點食物的時候，是沒有人理會我們的．最後我們點了焗朱扒反，焗火腿雞ｃ以等食品到好快到．而且味道幾好．

幾日前與老友去荃灣分店食，佢o地粒粒花生醬厚多士非常唔錯。所以o尋日去長州前都要o黎中環呢度食個中午才起行。哎呀!原來呢間D厚多士冇得留邊o架，而且粒粒花生醬又唔夠多。另外再食油豬仔包，雖然大大個，但烘得唔夠脆，個皮仲有點韌。老公食了長熱狗，真係幾長，不過size唔算大，熱狗腸就幾脆，不過個包就麻麻地。最唔抵就係杯奶茶，加大要16蚊，不過只係比普通size多少少。

午飯時間的翠華人頭湧湧，食客都懂得「速戰速決」，未坐下已經想好要點什麼吃，香港人特色呢!今天點了黑椒牛仔柳配天使麵加餐飲($43@): 牛仔柳微微煎過，不算香但肉質軟腍，沾黑椒汁味道匹配; 伴菜有小蕃茄和白蘿蔔，白蘿蔔可以清清味蕾，令下一口牛柳更美味; 天使麵的份量比較少，難怪鄰座的學生哥同樣點黑椒牛仔柳，不過他要配飯。(PS 學生哥吃剩所有伴碟蔬菜，我想: 怎麼可以不吃菜? 小心身體呀…)

有個同事陪我食...食左個吉列豬扒湯烏冬...好食喎..又唔太多....一炸出黎就有得食啦仲飲左個潤喉既杏仁霜...好重淡奶味....好creamy...再去食先