翔龍拉麵小籠包 (已結業)

昨晚去觀塘接老婆放工食飯，她話想食小籠包，便帶我去亞太中心既翔龍食，我地上到去唔使等就可以入坐，因為果時只係6點十分，時間還早呢！老婆指明想食小籠包緊係一定要叫啦，我地叫左5樣野，有小籠包，雞絲水晶粉皮，花雕醉豬手，生煎牛肉餅及擔擔麵。 小籠包 - 皮薄多汁，肉質幼嫩，yummy雞絲水晶粉皮 - 粉皮厚薄適中，好多青瓜絲同埋麻醬，好味花雕醉豬手 - 好香酒味，但豬手皮唔夠林，林番d會比較好生煎牛肉餅 - 都幾大塊，牛肉餡入面唔知加左d咩菜，酸酸地好怪，唔好食擔擔麵 - 麵都幾彈口，但味道略淡，普普通通

《翔龍拉麵小龍包》🔹口水雞🌶 $78🔹酸辣湯拉麵🌶 $58🔹上海菜飯 $18🔹茶介 每位$8-🔸口水雞黎講係極唔好味🤷🏻‍♀️大家唔好去試🔸酸辣湯拉麵又唔辣 好似落左好多醋嘅碗仔翅咁🔸係得個菜飯ok 但飯一定要單嗌有d貴 點解唔可以叫餸加飯-整體都幾差 野食麻麻 茶又唔會幫手加水 應該唔會再去食👋🏻👋🏻-byT: 2/10instagram: 90sfoodieshare

和先生放工去吃，叫了四季豆丶攬菜炒飯丶牛肉叉子！四季豆又乾丶又老，有楂的，炒飯又硬丶又乾丶又油，牛肉叉子的牛肉希少，個汁又甜又杰，但服務態度很好，落單後很快上菜！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

星期天瞓到12點才起床，兩餐當一餐食，lunch 平時飲茶食西餐多，今天想去食上海麵， 附近只有這間翔龍， 沒什麼選擇。餸樣影出來好吸引砂鍋雲吞雞 $178份量算多，分到三碗之餘，仍然有半煲湯剩，可以添加， 湯料半隻雞，肉質煲完湯唔夠腍，湯味一般，唔夠濃，雲吞豬肉太多，加多些菜，口感會冇咁實！生煎牛肉餅 $38餅 size 唔大，肉身薄，和清真牛肉餅冇得比，幸好夠熱，咬落肉汁滿口，算合格上海粗炒 $68雖然和相片有很大距離，但炒得夠味， 粗麵條有口感，可以接受。但服務質素就麻麻， 雲吞雞沒有和我們分，放低就走， 通常侍應都會幫我們分碗，況且當時顧客唔多，不是太忙，加茶水又找唔到人， 叫埋單都等了十多分鐘， 要問了幾次。服務質素有很大的改善空間。

之前同屋企人來過翔龍吃晚餐，覺得好食又唔貴。今日和弟弟及女朋友仔來個午餐小聚便選了再來翔龍，想不到居然和上次晚餐是完全差九丈遠的兩回事！！午餐可選套餐，$68有一麵一點心但沒有飲品，不算便宜。我們點了三個套餐，先介紹麵食。坦白説，麵質ok的，剛好熟沒有太生或糊掉，所以口感不錯。但出事的是湯底！擔擔面，湯底只有辣，一點也不香！鮮茄湯底，無乜味，不酸也不甜，淡茂茂的內裡的小雲呑還ok,不見特出，皮不厚但同樣內餡不多，普普通通。紅燒肉是3個中最好吃，不過同樣湯底淡茂茂。紅燒肉稔滑帶小許肥，但味道香濃。講完麵食就講點心。小籠包，係三款點心中最好味的。皮薄有彈性，而內裡的肉餡亦ok合格。小雲呑就同剛才麵食的一樣，我就不重覆了生煎包，全餐最差，差點忍不住講粗口有圖有真相，個皮又厚又硬到吖入面d肉仲要極重雪藏味，話係超市買返來的質量也絕不過份$68@套餐，無加一無額外費用，但咁既質素足以令我收返六月頭對你的好評

今日去個度食野，人好少，最多都係10枱人左右。落單時叫左個排骨擔擔麵，點知黎到無左個排骨。我同個送餐姐姐講，佢就去廚房了解，之後出黎話漏左，已經叫左整好快出。10分鐘左右個落單姐姐同一個貌似經理既人就過黎講話排骨要加錢，我話點解（後尾我諗佢既意思係價錢貴d要加返錢），佢話可能頭先落錯單，只係落左擔擔麵，之後全程都係話加錢，如果同意佢地就落返單，之後我就講，你地頭先10分鐘前個職員話加左，但衣家你又話要出單廚房先會做，個貌似經理既人就無理走左。又過多大約10分鐘，個排骨都未到，碗麵都就食曬，我再叫職員問，點知個落單姐姐最近但完全唔應，搵第二個應，第二個人就話我地係即叫即整，等等。講真，前前後後等都至少等左25分鐘左右最後，食完打算走，叫左埋單，聽住職員話幾多號埋單，但等下等下，大約過左7分鐘都無人黎只好自己行出去，點知出到去個職員問邊個位行出黎埋單，當時我又講，我等左超過7分鐘都無人黎。講真，我聽住佢地職員有講，但原來佢地又聽唔到。完

約咗朋友係觀塘食飯，好耐冇食過翔龍拉麵小龍包，所以同朋友去食。我們叫咗欖菜肉鬆四季豆，小籠包，上海粗炒，麻辣凍雞，煎鍋貼。欖菜肉鬆四季豆，冇以前咁好食，四季豆炒得太林，肉碎都幾好食。小籠包都Keep到水準，皮薄多汁，餡都算多，應該都係剛剛蒸好，所以係好食。上海粗炒都係冇以前咁好食，配料都算多，有椰菜，肉絲，冬菇絲，葱，啲麵係林林地。麻辣凍雞我第一次食，又麻又辣都幾刺激，啲雞凍凍地都幾滑，都算好食。煎鍋貼都幾好食，外脆內多汁，都幾大隻。佢杯茶係玄米茶，都幾好飲。其實真係有啲失望，以前係好好食嫁，而家真係差咗好多，希望下次去食有改善啦！

突然好想食小籠包，就想起此店， 因為記憶中佢哋嘅小籠包很不錯，我們點了招牌小籠包 、糖醋魚塊、上海粗炒、生煎牛肉包。小籠包維持水準，皮薄多汁好味，糖醋魚塊，可能醬汁太多，魚的外皮不脆口，上海粗炒略為油膩，生煎牛肉包內裏肉汁豐富，一口咬落充滿肉汁，牛味香濃，最後食甜品，高力豆沙保持水準好味。整體食物能維持水準。

同女朋友都好鐘意食上海野，個晚係觀塘接佢收工，忽然好想好想食小籠包，女朋友就話食呢間翔龍小籠包$35/4隻。先點招牌小籠包，多汁，肉都算甜，皮都算薄，過關😎另外叫左上海粗炒，同女朋友都覺得賣相好似好濃味，但食落就覺得唔夠味，叫左侍應拎左豆瓣醬加下味，個配菜好多切片冬菇，喜歡/不喜歡菇既朋友可以留意下。最後都加左個紅油抄手$48/8粒，呢個反而最好食，個汁好濃！我食到有小小藥膳味🙈另外都抵食，$48 有8粒，幾飽肚。

平時多數去apm食野，今日和友人去apm隔離的亞太中心搵食，呢度冇咁多人。搵黎搵去，最後，就揀咗翔龍拉麵小籠包。來到翔龍點能吾叫小籠包呢？叫咗翔龍小籠包＄38，一籠有四個，加多＄19有多兩個。共6個，夠我們三人每人兩個。小籠包皮薄，裡面好多汁，值得推價价。不過食時小心d 肉汁燙口。雞絲水晶粉皮＄58我嫌雞絲粉皮太多芝麻醬，一吃的時候，滿口醬。正是敗筆之處。菜肉雲吞拉麵＄58雲吞有6粒，都不小，而且細細粒易入口，可惜拉麵不夠彈牙，湯底略淡。紅油抄手＄52紅油抄手中規中矩，普普通通。

今次我和同事們既聚餐，味道不錯，同事預早book位，所以好快入到去，座位寬敞，很舒適 不過好彩係午膳時間試，本來想叫平日menu（非set lunch）上既上海粗炒，發現原來68蚊既Lunch套餐份量同散叫menu一樣，換句話說，晚上散叫既話，份量少而不抵食！最後我地叫左2個餐，另外散叫小籠包及羊肉叉子。整過用膳過程中，蕎麥茶幾好飲，份量比較少…如果午膳去既話，食68蚊Set Lunch餐抵過散嗌！最令我地失望既係Menu中既小籠包明明有六件，但侍應說實際上只有4件，違反商品說明條例，餐牌上沒有註明只有4件！真的很失望！

上星期和家人來這裡午餐，叫了黑椒牛肉炒麵、小籠包、胡椒餅及魚湯小雲吞，食物賣相吸引，味道不錯！餐廳環境乾淨，服務員很有禮貌，上菜速度快，果斷給予好評！以後必會再來！

下午茶時間，在觀塘找吃的～就來了OPC看看有否什麼好吃！最後選了這家吃上海菜的～因為可點些小食，不用吃太飽呢！但沒有下午茶特價之類的啊～冷盤選了四川口水雞小食點了菜肉水餃和鮮肉鍋貼最後就是黑椒牛粒炒飯四川口水雞，醬汁好稠好濃，辣得來帶點點麻面層還有炸蒜，醬汁混有芝麻惹味之餘又吃得過癮！菜肉水餃，有6隻水餃皮算薄，餡料份量足不過不失！鮮肉鍋貼，有4隻皮略厚，鍋貼底部煎得微焦帶脆勝在餡料濃味多汁～所以覺得挺好吃的！只是皮薄一點會更好！！黑椒牛粒炒飯，炒飯夠乾身黑椒味濃但沒什麼牛粒呢～～就是菜比較多～～所以感覺很一般！整體而言，不用等位的話，偶爾經過是可選擇來吃的～

同好姊妹約喺觀塘食飯，又想食小籠包，又想近啲地鐵站，於是揀左喺OPC嘅翔龍。前菜叫左雞絲粉皮`份量都唔少，味道ok啦，合格嘅。砂鍋咸肉津白湯`湯嘅味道唔太咸，都唔錯，不過津白同豆腐卜比較多，好似仲多過啲湯咁。就係想食小籠包，所以當然會叫呢個。味道幾好嘅，皮又唔太厚 （但係個人覺得鼎泰豐嘅好味啲喇）~胡椒餅`比想象中嘅好味，個皮脆脆地，幾香口，口感都唔錯，食完唔覺得好膩。擔擔麵`味道其實調得唔錯，可惜食物上得太快，幾乎係一次過上晒枱，結果個麵擺耐左陣，“索”晒啲湯咁，淋左甜品叫左酒釀丸子，如果唔要丸子可以要湯圓架。略嫌丸子大粒左啲咁囉。

又再一次黎到觀塘，友人突然想食上海野就上op search下附近有冇，點知就係apm隔離二話不說上去就食，好好彩都仲有張二人枱雖然就迫左d，不過傾下計都還可以既首先奉上茶一杯，我都唔知係咩茶但係都幾好味，最緊要夠熱！友人話又熱又肚餓，想叫左個冷盤先醉雞，夏天食真係正到痺肉又滑又嫩，酒味聞落就大，但食落就冇乜必食小籠包！熱辣辣好好食唔記得左咩面，好大碗架，最後都食唔哂另一個冷盤，筍唔記得乜，好爽口仲有個奶油津白同埋蒸饅頭都凍得比較快，所以相都冇影到Overall黎講質素都唔錯呢餐6樣野都係320，上海菜黎講都唔算貴架喇