影片
之前忘記說，除了一入企正門口比較涼，店內其餘地方根本無冷氣，亦無風扇吹到，坐著就如焗桑拿般，唔好話食住野，分分鐘中暑。普通菜式唔得，更無理由讓我浪費金錢博試貴價食物。
繼續閱讀
身為土瓜灣街坊平時唔係食果間出名Cafe 、餃子店就係小食部⋯再唔係就去紅磡食🤦🏻♀️不過呢排見到漢堡對面開咁間「群姐鴿王車仔麵」又裝修又好似幾新派茶仔咁 就入咗去嚐鮮店員介紹我食龍蝦車仔麵、即炸脆鴿、茶膳脆鴿⋯最後我叫咗個藥膳乳鴿+碗車仔麵試個藥膳乳鴿又幾好味😋乳鴿皮好爽脆 然後肉質彈牙 加埋啖啖都好香嘅藥膳同酒香味最後仲打包多隻孝敬吓老媽子🤣🤣🤣👍🏻👍🏻👍🏻👍🏻anyways 支持小店
繼續閱讀
今日行經土瓜灣見到呢間新開嘅車仔麵舖，俾佢鋪入邊嘅”鴿王”霓虹燈招牌吸引咗入去，一試先知佢唔係普通嘅車仔麵咁簡單!坐低後到見到好多人台面都有個龍蝦殼，我同老公都忍唔住決定豪一豪叫咗個$178二人龍蝦餐試一試。你點都古唔到，$178 套餐竟然有咁多野食⋯-2包紙包飲品-油菜一碟-餐前醒胃小食-一隻紅燒大乳鴿-大大隻龍蝦海鮮麵喇沙湯底x 2碗（如果你嫌唔夠豐富，重可on top追加車仔麵餸添）由於佢個醒胃小食好好食，我臨走前喺收銀附近見到原來佢可以買走所以忍唔住買咗兩甖甜酸青瓜蘿蔔返屋企慢慢嘆。大大甖都係$28 㽇好低食重點係老闆娘話係自己親手醃製絕非大陸貨。讚👍🏻最後埋單每人都係around $100又有乳鴿又有龍蝦食真係好抵，下次一定會再幫襯。
繼續閱讀