美美餐廳 (已結業)

「 美美 」已經開業多年，係競爭激烈既天后區仍然迄立不倒，確係不易！大概全靠有一大班的士大佬同老街坊支持，價錢經濟實惠，味道ok 啦，不過不失，食得最多係蒸鯇魚飯，大大碟！咖哩雙扒飯都食唔少，快靚正！有時重有特惠餐，抵呀！簡直係天后區既平民飯堂！

11:00 左右食完個早餐見到出面落雨，又吾係多人係間餐廳到，咪想話食多個午餐先走囉(順便避下雨)，點知個早餐都未食完已經就想趕人走，大佬呀～杯嘢一半都未飲完，d嘢食又吾係咁好食，杯奶茶個茶膽無茶味得個苦字，但係又不停要收嘢要趕人走，建議各位就算無嘢食都吾好走去食，因為食到7成左右已經不停講d有骨說話要人走，仲要不停同其他客講: 嗰台(指住我坐緊嗰張枱) 走啦，要其他d客俾壓力我要我走！d客都吾介意等多陣，你又要趕人走，好旺呀！

是日，一早去了砲台山交收文件，而事後，當然是在附近的地方吃早餐的好時光。而沒有目的同目標的我，周圍看看有沒有什麼吸引的茶餐廳，而行行下，行到5X的巴士站前，已經沒目標了，就選了在車站附近的《美美餐廳》簡單，簡單。食麵是食早餐的重要項目，我點的早晨餐就有一個好可愛的豆豉鯪魚公仔麵，味道就是一貫的豆豉鯪魚味，而且非常之油膩，吃得不是太舒服。整個湯底的味道，亦被豆豉鯪魚的油霸佔了。配件，有多士，午餐肉同煎蛋，因為豆豉鯪魚麵好油，立即令午餐肉同煎蛋都讓我感覺到好油，而多士有點硬，我不太喜歡。奶茶，奶味不夠，苦澀味重，不是我杯茶。我既小總結，就是這一餐，唔啱我胃口。

今日行過天后搵食，見美美餐廳唔洗等位，入去試下先 ，午餐A~什果雞扒併石斑飯，$38包凍飲，仲送例湯。例湯足料，但味道偏甜，相信係太多蜜棗關係。什果雞扒併石斑飯，其實唔係咩什果，只係幾粒菠蘿，石斑面頭有一層薄薄嘅蛋漿，煎到恰到好處，唔會燶，非常唔錯。雞扒份量足又入味，yummy

很久沒有吃炸雞脾的機會了，今次在餐牌上看見便不作其它考慮，點選了炸雞脾蕃茄意粉。雖然需時，但不竟是即叫即炸，等一會也無妨。最喜愛的當然就是炸得夠脆的雞皮。沒有肥膩的感覺，而脆之餘一點都不會乾身，雞肉仍有一點肉汁，真的很好味。蕃茄醬的用料也不錯，有鮮蕃茄肉混在一起，帶一點酸令人更好胃口。

10月23日, 重陽節, 一早plan咗去行山~ 咁行山前當然要食個豐富早餐補充定足夠能量先啦! 最近屋企嘅早餐選擇一定係非美美莫屬, 所以今朝又嚟咗開餐喇!::: 沙嗲牛肉通粉 + 火腿煎蛋 + 牛油豬仔包 + 凍奶茶 ::: $22 + $2沙嗲牛肉通粉依舊大大兜! 通粉份量毫不吝嗇裝得滿滿, 湯底亦有足夠沙嗲味~沙嗲牛肉入味, 不過牛肉就嚡咗d… 早餐default嘅餐肉煎蛋其實可以改成其他腸仔或火腿煎蛋, 今次煎得唔油喇, 但係隻煎蛋就乾咗d, 蛋黃都煎到熟晒咁滯… 個牛油豬仔包就睇得出縮咗少少水, 牛油亦搽得馬馬虎虎, 好在都仲叫做脆口.凍奶茶要咗少甜少冰都做得到~ 茶味奶味都足~ 好飲!::: 五香肉丁麵 + 餐肉煎蛋 + 牛油豬仔包 + 凍檸茶 ::: $22 + $2肉丁麵用料都好足, 肉丁份量唔少, 仲加咗條菜, 公仔麵就有d硬硬地, 不過啱我~ 尚嫌肉丁辣油唔夠, 唔夠味一要加番d辣油吊味.餐肉要讚佢煎得都幾香幾脆, 不過細塊咗少少… 凍檸茶甜味夠, 多冰, 檸檬都多, 唔錯~附近d茶餐廳都已經加咗唔少價, 係美美依然照keep住舊價, 雖然我地都覺得水準係好似跌咗

9月8日, 星期六一早起咗身, 最好就係落街食個早餐~ 行過美美, 發覺佢地嘅早餐價錢平咗喎, 三文治餐仲有優惠添, 二話不說就去食個平咗嘅早餐啦~::: 餐蛋 + 沙爹牛肉麵 + 凍奶茶 ::: $22 + $2呢個茶餐廳必定有嘅配搭, 之前賣$24, 而家平咗$2, 但係水準依舊~ 雖然唔係話好高水準, 但係平咗之後都冇差咗已經係非常好~ 餐肉蛋都比較多油, 但係牛油豬仔包都幾脆~沙爹牛肉麵份量唔少, 牛肉都係嗰d乸到淋晒, 肉味冇乜不過都有d沙爹味補救番. 不過要叫d有味嘅湯底好似沙爹牛肉或者五香肉丁, 先至唔會清湯底.凍奶茶唔錯, 有奶味, 茶味都可以~::: 蛋牛治 + 凍奶茶 ::: $17三文治嘅白麵包就唔似係新鮮袈喇, 但係蛋牛餡料都算足料, 炒蛋唔會過老都仲有少少蛋汁~ 整體食落都算滿足!估唔到, 好少見一間茶餐廳會減價, 仲要唔係嗰d買多送多嗰d取巧野, 非常欣賞佢地嘅良心, 對佢地改觀咗, 成為呢區我最鐘意嘅一間茶記~

8月11日, 今日我地要食個豐富早餐為咗應付忙碌嘅一日! 近近地就喺屋企附近搵野食~ 美美係呢頭環境裝修比較摩登嘅茶餐廳, 見佢入面冷氣夠大坐得舒服兼有電視睇, 就入去開餐啦!::: 沙嗲牛肉奄列早餐配牛油豬仔包 + 凍檸茶 ::: $24 + $2今朝忽然口痕想食奄列~ 有別於一般嘅火腿腸仔, 呢份早餐奄列竟然係用沙嗲牛肉做餡料! 奄列嘅蛋煎得唔夠嫩, 蛋皮又乾咗d, 但係有入面惹味嘅沙嗲牛做餡, 兩者混和實在不錯~ 跟餐嘅牛油脆豬, 烘得夠脆, 不過咬落欠鬆化, 只係ok而已~凍檸茶夠晒冰凍~ 茶味不錯, 檸檬亦俾得慷慨~ 飲得過!::: 餐肉煎蛋 + 雞翼公仔麵 + 凍檸茶 ::: $24 + $2看賣相唔太討好, 餐肉只有薄薄嘅半塊, 非常孤寒… 煎蛋嘅黃並冇流心, 仲煎得有d乾… 雞翼公仔麵更甚, 只有一隻雞翼, 好似用咗條菜換走咗雞翼… 湯底好清, 冇乜味, 完全仲差過自己煮…美美算係好勤力嘅茶餐廳, 開得早收得夜! 平時見佢生意都唔少~ 環境摩登, 食物都行新式茶餐廳路線, 見佢早餐係跟脆豬而唔係牛油方包就知. 好在食物選擇多, 早餐特餐下午茶等供應時間都比較長~ 都幾

這是我們教會的飯堂之一, 繼綠野仙蹤結業 & 泰味屋搬遷後, 我們唯有吃多些美美! 小菜大碟過附近的茶餐廳, 味道全部都不錯, 有朋友話有味精, 但在茶餐廳吃飯我想也少不免. 咕嚕蝦斑球、金銀蛋燕菜是我們常吃的

餐廳美美 出奇味美來到食個lunch...叫左個蒜香牛柳粒焗飯嘩~~又出奇地好wor蒜香夠濃~~蒜香汁配制得 剛剛好~~焗的時間亦都掌握得準確非常牛柳粒又夠稔待應一送到尼....已經香味撲鼻而且成碟飯大得出奇配埋餐飲都只係三十二元又抵又好味怪不得都有唔少人排隊lu~~值得推薦