美美茶餐廳 (已結業)

第一次寫食評,估唔到要俾劣評,見到雜誌介紹任飲任食&有COUPON有8折昨日決定去試,點知$88 8折價錢換來極差既服務昨日有演唱會,所以8:00PM先開始有得食,我地已經8:00PM前已到門口等入去,個 WAITER仲叫我地寫定野食野飲先(咁呢樣冇問題)點知過左20MIN先入到去,入到去已經即時俾單佢地入,點知飲野個度已出問題,叫左枝可樂&凍朱古力,杯朱古力居然漏左單(咁都得),跟住叫左小食(炸南瓜,春卷,咖哩角)呢D咁基本既小食正常即叫即有,都要20MIN 先有(仲要吹佢先有),D燒烤野食仲衰,30MIN先上到台(人地仲遲過我地都已經有得燒)我地火都O黎埋同個WAITER理論,點知個WAITER仲話剛剛轉埸嘛要執掂D台先(呢個係你地既問題,冇理由要我地等,D生野食有幾難執俾D客,更何況係得6-7台人食,如果係星期六,日咁唔駛做LA,好LA講番食,D野有D明明話有點知DEL晒(炒粉麵飯冇晒)得番D湯粉叫左個白汁意粉好似撈湯粉之前又話有送牛扒&牛仔骨,點知原來要收錢(加$1-2 1件)D青口&羊架都要收錢(以$88任食已經唔算平要加錢食)係我地對面佢地有點以上既野食D其他野食仲靚D,反

開show前去醫肚先對面好多人呀最後就過左來呢間喇嗌左個蕃茄肥牛烏冬一睇賣相就知令左野喇一舊蕃茄都無見到紅色既湯又無蕃茄味都算喇d烏冬都唔知咩烏冬來既食過咁多次最難食既烏冬仲要成42蚊真係好搵笨呀

因為有一張 "美美茶餐廳" 8 折 COUPON. 所以就同男友去食我去到門口已經煙霧迷漫. 由於限時 2 小時. 所以那那聲開始我地叫咗..雞翼, 牛丸, 墨魚丸, 火雞腎, 雞肉香腸, 紅腸, 雞肉, 魷魚, 午餐肉, 牛仔粒, 牛助條, 八爪魚丸等等另叫了黑椒汁及沙爹醬整體的食物真係唔錯. 醃得好入味. 而且又夠辣. 不過就好大煙. 如果大家唔怕的話. 真係要去試一試呀 另每一送, 份 "牛仔骨" 及 "香草牛扒", 男友話好正好好味...

ALAN演唱會一定人多, 我地去返上次果間美美, 但上網一睇, 咁多差評語, 我有D怕, 但DFIREND又忍唔住頭20位7折, 又去多次, 一行8人, 如果D野唔掂我諗間舖一定死硬, 因有個FRIEND係好煩, 一發火就係人都怕怕, 我地叫左美美焗豬扒飯, 麻辣烏冬, 白汁芝士焗龍利飯, 炸雞比飯, 仲有一個常餐, 仲D有唔記得左, D野飯又唔差呵, 可能換左廚房, 因為D焗飯唔同上一次, 今次有水準,豬扒好多汁, 唔乾, 烏冬好麻,好辣, 我試左一D, 但我唔食得辣, DFRIEND話好食, 仲有一個超大塊既吉列豬扒,(有相為証),配咖哩汁一流, 塊豬扒大過我隻手掌, 這個我一定會番食, 最後老細收錢時話呢幾個月換左妳多個廚房, 而家呢兩個最"似人", 哈哈, 9月仲有驚喜, 又唔講係咩, 懶伸秘, 總括服務幾好, D伙計幾醒, 開心的一餐飯, OK

椰香焗飯五分鐘到手， 真係無焗過， 飯爛， 汁難食紅豆冰水汪汪， 得糖水無奶。番茄牛烏冬，上台時成舊茄糕未散， 烏冬硬柴柴可樂無氣。。。。。

去紅館睇演唱會, 就近近地係附近的國際都會食野,見到有間門口話持有即日演唱會門票就有7折,入到去發覺選擇唔多,叫左一個焗肉醬意粉, 一個焗葡國雞飯,一杯凍檸水, 一杯朱古力黑白珍珠奶茶兩個焗野我懷疑根本無焗過,因為根本一d都唔燶, 唔乾身...焗葡國雞飯d飯全部都好爛...一pat pat 痴埋曬,我真係第一次食焗飯...d飯可以咁爛...真係好難食...個意粉都唔好食...一d蕃茄味都冇...味道有d似美x快餐店若干年前兒童餐裡面d意粉咁...嗰杯甚麼黑白珍珠奶茶...d珍珠林到咩咁....質地好差....就我觀察...每一枱叫左黑白珍珠奶ge客人...都係飲唔曬的...難飲程度可想而知....杯凍檸水算係咁多order之中最正常ge一樣兩個焗野未計加野飲同七折原價竟然要成四十幾蚊...咁ge真係點平都唔會再番黎

禽日同班FR去睇MR.,想食辣野, 我有名辣妹,同個FR行先,去到商場都唔知食咩,仲要等其他人, 行下行下, 入左去呢個美美,點解, 原來演唱會日子, 頭20位7折, 嘩, 梗係入啦, 我點左個叫麻辣冬冬, 好正, 好麻好辣,即係麻辣日式豚肉烏冬, D烏冬幾軟, 唔硬,唔怕硬胃, 仲有個黑白珍珠奶茶, 原來白珍珠係西米同者喱, 都幾好,幾有創意, 正, 人都係50元但我早到有7折, 哈哈, 三十幾元就OK, 下次睇陳亦迅一定早D, 我一定定要頭20位7折, 哈哈, 我以經叫左個FR一早去等位啦, 哈哈哈哈

星期三中午放飯, 行到POLY天橋,見到有人派優惠紙, 我八八掛掛攞左一張, 一睇, 原來係都會商場的美美, 呢間野我都聽D同事講左好耐, 有讚有彈, 個一我一個人咪是但去試下囉。去到, 都好爆, 一個人都要等三張枱, 10分鐘後入坐, 叫左個干炒豬扒冬冬, 見個名咁搞野咪試下問咩來, 原來係炒烏冬, 都幾有新意……個名, 咪試下啦, 加多杯香竽黑白珍珠, 又係搞野…個名, 上菜時都唔差, 烏冬幾彈牙,唔咸, 個黑白珍珠原來係加左D白色的好似係西米但又唔多似, 一時間到而家都諗唔起似咩, 但又好好食, 彈牙, 唔甜, 整體都唔差, 可一試, 下星期試下個籠仔荷葉飯再話比大家知

剛從大陸回來下午兩點幾,紅磡落車, 有D肚餓,係都會商場行左個圈,最後入左美美,美美真係尾尾, 係最尾個間, 有電視, 又有環境, 雖然叫茶餐廰, 但環境好過茶餐廳, 點左個焗豬扒飯,都幾大碟,豬扒幾香, 幾滑, 飯用炒飯底冇偷雞, 下午茶時間都幾旺, 原來我係最後一個ORDER 焗飯,老細話2:30後停焗飯,下午6:30先再開,佢話節省電費咁話, 是但啦, 大家吹下水,佢話咩咪咩囉,哈哈。食品不過不失,OK, 下次上大陸都會再來,貪佢夠方便, 好service

今日上都會寫字樓見客, 好耐冇來, 原來開左間茶記, 心諗,之前幾間都做半年就摺, 呢間睇怕......., 見未夠時間,食個下午茶先, 當到此一遊, 叫左個豬扒飽同奶茶,奶茶唔錯,好滑, 個豬扒飽來到, 一咬, 好趣, 豬扒即煎, 幾好, 個下午茶有驚喜, 唯一唔好就係電視播左成個下午卡通片, 又有新聞睇, 老細, 快D裝高清啦, 多D野睇,下次再試個個咩"籠仔荷葉飯", 老細話演唱會時一晚賣六七十個, 都唔知係唔係, 不過我都會試,