美心MX (已結業)

美心快餐的燒味向來是不錯的，尤其是又燒、切雞....午市賣的六寶飯，份量十足，大大碟，燒味也幾足料而且有埋杯汽水送，只是$28，幾抵食架其實，這間美心分店質素也不是太差，為甚麼的評分只有2.6那樣低呢？

在上世紀末長大的朋友，相信也聽過一人有一個夢想這首名曲，今天媽看到美心有冬瓜盅套餐，說也想試試，所以促成了今晚一人有一個大瓜的晚膳。我來時，它們也點好了自己吃的東西，一個要冬瓜盅配鐵板叉燒，另一個則點了冬瓜盅配籠仔古法蒸魚塊，而其實冬瓜盅餐也只有四款選擇，未被點選的就只有金盞菠蘿咕嚕肉及燒味雙拼，最後決定選了較特別的前者，一於一次過試勻這款套餐。一個套餐除了有冬瓜盅及小菜外，也配一碗白飯及一杯中式茶，茶是茶包貨，很明顯是香片來的，不過不失，喝過口茶後，也開始應付我的「大瓜」。這個冬瓜盅當然不能跟蓮香居的相提並論，但想不到也算認真，一打開瓜蓋，見到有夜香花浮面，再用匙羹舀，看到有豬肉、蟹肉、火鴨絲、草菇及冬菇等配料，每樣配料也煲至軟腍四散了，吃起來有在口中化開的感覺，而湯淡身，但勝在冇味精，而且熱騰騰的，在夏天喝也是很適當。先試一點魚塊，籠仔上盛着一片荷葉，然後荷葉上盛着魚塊，份量看起來不太多，而且還有節瓜墊底，魚塊相信是雪藏貨，但仍吃得出有腥味，而且魚肉梅梅的，差！抵讚的是整碟魚吃起來，是出奇的有荷葉味，而且節瓜吸飽了豉油及荷葉味，不錯。相反，金盞菠蘿咕嚕肉是很大碟的，足足有十多塊一口

美心MX出左下午茶便當都有一段時間，仲要更新下便當既內容。今次下午茶便當依然有薯條、椰汁糕、沙律。另外有咖喱角。而之前試過出迷你西多士、焗薯同熱狗。薯條係我幾鍾意食既扭紋薯條。而且好脆口，應該唔係炸左好耐。我之前食過係好淋而且好油既薯條。咖喱角雖然得兩舊，但都係好脆口同裡面既料都幾好食既。沙律呢個就普通，但沙律可以令個便當既野食多樣化小小。椰汁糕呢個甜品唔算太甜，唔錯架。紅豆冰紅豆既份量都算幾多既，杯飲品又唔算太甜。值得一提既係，三大快餐店得佢用紅豆杯，我覺得咁樣會好睇之餘。食裡面既紅豆會容易。呢個便當都算幾有新意既，而且食物都會定期更新下，讓食客唔會覺得餐牌"十年如一日"。

這間美心水準不太差，閒日食lunch唔會太多人，食物亦唔需要等好耐無論焗豬扒飯、肉醬意粉，雖未至於好味，但一點也不難吃的 我諗未至於好似樓下幾位板友所評價的那麼差吧？

黎左呢間食晚餐...試左香草茄汁大蝦意粉....係跟什菜酥皮湯....另外加$9.5要左一杯芝麻雪糕涼粉冰香草茄汁大蝦意粉茄汁可以再香濃dd...會更好個份量係....隻碟大料少...什菜酥皮湯酥皮覺得燶左點令到有點硬什菜湯...有點龍蝦湯的感覺幾好飲芝麻雪糕涼粉冰個味度有點怪唔係好鐘意

某一個星期日去這間美心分店吃晚飯，六點半都未到，已經人山人海，買票要排隊，取食物等了很久，還要周圍找位，食物又麻麻，水準比灣仔軒尼斯道分店差，下次寧願搭車出灣仔吃。

今日下午放假，所以行完街就來這裡買下午茶。今日試了個未食過的下午茶餐，就是扒蘑菇芝士火腿多士餐。用兩塊普遍麵包夾著幾多蘑菇片、火腿片和一塊芝士，之後放在很多油的爐上煎。麵面有少少濃，幾多油即是成手油。不過好在裡面的芝士又夠溶，其它料又幾好味，所以都食得過。如怕油淋淋，可以用紙巾包著食不要用刀切。另外杯熱咖啡只屬一般，可以接受。不過都算平，只需十二元。

假期的下午去這裡食了個雞籃餐($19.5)，雞腿和雞全翼不再是香茅味而是蜜糖雞翼。味道不是很甜，因為不是落太多蜜糖煮，所以不好味道，而且size 亦細了很多。薯條又淋又冇味，差，不過就有十幾二十條。中珍寶腸半條，ok哪。烚粟米，淋了少少，亦是冇味的，最衰現在連牛油都冇得送。細雪碧一杯，不過杯面有少少油漬，把鬼火。總之不會再食這間店，差。