美心MX (天晴商場) (已結業)

餐廳位於天晴邨天晴商場臨街店鋪，說起是商場不如講是小商鋪，旁邊只有一個711萬寧同小點的惠康超市。晚間來就餐的大部分是附近的街坊，面積很大有鄰窗的沙發座位，服務很好不需要自己端，會有專人送到落座的位置。香港連鎖快餐店之一，餐牌都有很明顯的標示和圖片，選擇種類多樣，不過推薦米飯類套餐同雞扒叉燒等肉類套餐，份量足價格平。

美心mx既豬扒飯真係好正！炒飯底加厚切豬排，肉汁多，茄汁加焗熔左既芝士撈埋啲炒飯度，真係好好味架！堂食仲會好貼心俾多隻碟你，等你可以將塊豬扒放喺碟上切，又可以食到炒飯，又可以食到豬扒，正！可惜野飲要另計⋯⋯如果可以加杯紅豆冰就正啦！

週末睇戲前先吃早餐，飲茶飲到悶，轉轉食西茶行來行去，見到美心mx的餐單幾吸引，住咁耐第一次試，美心mx早餐，平時路過有離地感!今次入去發現價錢不太貴，正常價，點了雪菜肉絲米，大大碗份量十足，也有很多肉絲，蛋叫了炒蛋 幾滑，量也多，腸，方包啊華田還有杯盤，很貼心右環保，見到隔離食珍雞，好似好好食，下次再試試其他早餐先

又是晚上不想煮飯，去美心買了晚餐吃，因為之前皮膚出現問題，需要嚴逼自己戒口，所以其實沒太多選擇見到美心又出特價早、午、茶、晚四時段的特價餐，所以我就點了只需30元的福建炒飯，還有熱飲，價錢來說算平的。番到家裡，沖完靚涼就開飯囉！一打開，感覺份量細了點，假鮑片有3片，餸來說份量算多，只是醬汁可以再多一點炒飯算香口，冬菇、翠玉瓜、肉、蘿蔔都煮得林身，醬汁味道不會偏鹹偏淡，炒飯裡面的蛋絲亦算多，炒飯乾身，算炒得不錯跟餐的我點了杯熱華田，華田我選擇不落糖，未至於冇味，個人口味喜歡不太甜其實只是覺得這世道越來越不容易，30元在不同地方不同區，可以吃到的都不太相同，只是或者我用這30在美心買回來的寄予了太多的期望

在天晴邨沒有太多選擇，要快吃快走，應該就只有美心這個選擇。下午茶時段，二人位，等了一會才有點了公司三文治和鐵板雞件炒麵兩者分別不用30元而且包一杯飲品，價錢算是便宜可惜的是，公司三文治足足等了20分鐘才有（堂食）論時間，對於快餐廳來說，太慢了吧！不過味道是可以的，包皮脆口，蛋，青瓜也叫足料，再加上脆薯條，確是不錯！不過，鐵板雞件炒麵的味道超級鹹 (不論是雞件和麵)就算飲完一杯水也感到非常口渴儘管賣相好和等待時間短，仍然不值推介

我一直很怕在大時大節出外用餐，一來價錢較貴，二來餐廳往往容易因太忙碌而出錯，之前的平安夜我和baka都在海外度過，今年回歸香港，原本預約了OUTBACK吃聖誕大餐，最後我還是怕太多人而選擇回家附近吃！在平安夜，我和baka簡簡單單的到美心MX打邊爐，過個非傳統的慶祝大餐～我們各點了一客火鍋，我選了芝士竹輪鍋（＄５３），湯底是清菜湯，配豚肉及烏冬；而baka則選了什錦海鮮鍋（＄５９），湯底為醬油湯，配雞肉及珍珠飯。另外還加配了水餃（＄２２），飲品方面則是百事可樂。比起成行成市的任食火鍋，果然還是一人前的火鍋較划算且份量恰當。火鍋中盛有大量蔬菜，包括例牌的粟米、冬菇、娃娃菜、金菇等，重點的芝士竹輪卻只有一件而已，附有醬油及和風芝麻醬。還有以保鮮紙包著的水餃和肉類。在清菜湯下，湯底當然十分清淡，旅行前夕還是小心飲食為妙！食材質素一般，尤其粟米不算清甜，芝士竹輪的芝士味完全不足，就像普通的獅子狗般…如果以賣點來說算在水準以下，不過當普通火鍋來說是正常水準，不用任食都十分夠飽，加上食客不多，我們可以悠閒地吃這頓聖誕大餐～雖然這頓聖誕大餐沒有火雞、沒有浪漫情調的佈置，但只要可以與珍惜的人一起度過，

以前很常到家附近的美心ＭＸ吃下午茶，但隨著進入大學、踏入社會，已減少光顧這間快餐店，是日難得吃下午茶。我點了公司三文治（＄２７）。下午茶的選擇不太合心，所以點了最穩陣的公司三文治，配薯條和一杯飲品。 三文治可分為兩層，沙律菜和火腿蛋，多士烘得香脆，整體不過不失。但略嫌薯條的份量偏少。而baka則點了經典下午茶配搭，可以自由搭配款式食品，他點了撈麵、咖哩魚蛋和碗仔翅。撈麵是極為普通的印尼撈麵，魚蛋和碗仔翅皆是普通貨色，份量來說是絕對不夠吃，baka都後悔了點這個餐。

有兩星期沒有吃過港式食物，今天終於再嚐奶茶的味道了！今天早上跟家人到附近的美心MX吃早餐，即使是平日的早上，食客還真不少。我很快決定了吃屬健康之選的雜菇番茄麵，配熱飲奶茶。我平時到美心吃早餐都喜歡點選有營系列，貪它比較健康且特別。份量跟其他麵餐相約，有大量雜菇和雜豆，湯底較清，淺紅色的番茄麵看上去像紅蘿蔔絲，不太吃到番茄的味道，整體一般。爸爸則點了牛扒配煎雙蛋及多士，配熱奶茶，牛扒比想像中大件。不知是我太久沒來美心用餐還是新設，現在才發現這裡有免費的無線網絡雖然方便，但既然來用餐當然是希望跟同行的家人和朋友好好交流呢！相信我也用不著了～

開年飯於美心訂了盆菜,食左20年盆菜未試過甘驚嚇,一眼見已打個突,扮相顏色絕對唔掂似擺放多日之隔夜餸,全家人面色鐵青之時局住先夾,盆菜有西闌花已搞野,一夾如仙女散花一粒粒跌在桌上更叫人感動,盆中湯水滿瀉已先倒去一大碗,大佬我不是叫盆菜湯,精彩還在後面,毫豉碎粒,堅實肉丸,起渣支竹,石頭芋頭,豆腐口感豬手,全家人面色及思想少見地團結,知道要壯烈犧牲這個盆菜,不用考慮,用筷子向下用力一翻,全家男丁一齊粗口四起,底部除了大白菜什麼都没有,盆菜靈魂豬皮呢,豬肉呢,一舊都無,美心品牌被這盆菜打沉至盡,各位朋友這篇食評我有任何吹水保我輸馬一世,美心。。。。。。感謝你賜我一個充滿怒火的開年飯。

星期天師傅成日都無所事事, 喺個竇度攤度下午五點幾, 終於頂唔順決定落街行一陣, 順便食少少野, 但由於天氣真的十分火熱, 於是師傅就揀左呢一間近近地嘅快餐店作為下午茶!入到去食店已經唔多人, 師傅睇下有咩想食啦, 但睇左幾次師傅都唔知食咩好, 皆因花多眼亂, 加上食物款式唔算係師傅最想食, 所以有少少猶豫; 最後師傅揀左碗仔翅拼燒賣, 餐飲就係冰凍汽水, 再另加一碗叉燒紅腸米粉!買完飛再去捧餐, 雖知師傅一向唔鍾意捧餐, 幸好呢個時間冇咩人, 所以感覺未算太差; 坐底後即刻開餐, 先試下碗仔翅, 碗仔翅湯底唔算杰, 味道唔濃, 雖然唔會有翅, 但粉絲份量令人滿意, 而肉絲亦不太乾身, 所以唔韌, 整體不俗; 至於燒賣就真係冇咩特別, 唯一令師傅欣賞就係燒賣唔韌唔膠, 仲有少少魚肉香, 可以啦! 叉燒紅腸米粉湯底夠清, 冇味精, 而叉燒同紅腸份量不少, 叉燒半肥瘦, 又香又鬆, 縱使浸喺湯裡亦唔韌, 不錯; 至於紅腸夠腍唔乾身, 都幾好味呀! 總括黎講食物水準合格, 環境地方清潔, 服務令人滿意, 下午茶黎講價錢唔貴, 埋單唔使三十蚊, 都幾抵食! 雖然師傅唔鍾意捧餐, 但偶然一次亦不

去天晴村惠康買野，見天氣咁熱，入去坐下叫個下午茶餐食下先。豉油雞脾+紅豆冰。$18。豉油雞脾幾入味，有D部份有D"鞋"口，叫左ok。紅豆冰，冇味冇道。紅豆叫做淋，但冇特別。講下環境，有D位有卡位坐，有D位仲有電視睇的，裝修好新。泠氣好足。TOILET很細很迫。

今晚我和細仔到天睛美心晚膳,柯打石頭撈飯$42及牛扒雞翼鐵板餐$42,石頭撈飯一般,但我唔會再食,而鐵板餐就差勁,牛扒煎完再炸,炸到乾晒身好似食牛肉乾,另雞翼又細隻,