美心MX (已結業)

又黎到星期五，賴生同屈小姐要食個Early Dinner之後參加聚會，所以今晚又黎到美心MX!最近美心MX推出左泰式系列既晚餐，賴生就決定試一試究竟如何，而屈小姐照舊叫左佢至愛既焗豬扒飯1）很大唷焗豬扒飯：3.5⭐️明顯地，比上一次做特價$28個時多左料，重手左，一分錢一分貨論又成立啦！菠蘿係足足多左成倍，有成4粒！而蕃茄醬汁既味道亦出左同濃左⋯整體好味左，但係⋯唔知係咪多料得濟，今次反而覺得唔夠汁添！2）香辣肉碎煎蛋飯：3⭐️呢個唔係晚晚有嫁，咁岩今晚咁好彩有得食，賴生當然要試啦！足料既！絕對夠撈飯食，不過油左D，食完成個碟底都係油⋯同埋應該辣左少少，唔太岩唔食辣既人食⋯仲有，隻太陽蛋同賴生想像既唔同既⋯佢用左圓模黎煎，搞到蛋黃太熟，蛋白太厚，賴生想要就咁煎既一塊太陽蛋呀！#食焗豬是對的#原來有人食左好多晚雞😂😂食到怕怕#焗豬也是女人的浪漫

身處上環，要係30分鐘食個Dinner，又唔想食M記，有咩可以揀？美心MX係一個好既選擇，賴生今晚就帶埋屈小姐黎到永樂街美心MX食個Quick Dinner略略掃一個餐牌之後，我地就決定左叫Sir滑雞同咖哩牛肉啦！不過點解美心MX冇男人的浪漫既 - 鐵板餐既？1) Sir滑雞套餐：3.5⭐️Sir滑雞套餐包1碗油飯，1碗冬瓜湯同1份Sir滑雞連柚子醬椰菜絲沙律都算Ok多野既！油飯：正正常常啦冬瓜湯：超重味精⋯飲完勁口渴⋯Sir滑雞：好滑好滑好滑！配3個醬汁，1個係泰式辣醬，1個係薑蓉，1個係甜豉油！配泰式辣醬最滋味，甜豉油就係次選，而薑蓉就太油太咸lu，前2者都好正，不過我地始終鍾意辣辣地既泰式辣醬柚子醬椰菜絲：幾特別喎，爽口，甜得黎幾香2）咖哩牛肉飯：3.5⭐️至於咖哩，居然冇牛腩供應，得牛肉。雖然D牛肉都好淋，不過始終牛腩連筋好似正D，而且咖哩汁唔及「阿活咖哩」咁正，欠缺層次同香料味。唯一一點幾好既係：飯都好大碟，汁又夠撈。對於快餐店黎講，係咁上下啦，但比另外2間知名快餐店，同樣既食物質素都仲差少少。#狂風掃落葉#好彩都趕到#辛苦妳啦，食咁急#辛苦你啦，行咁急，行到成身汗