美心香港地 (已結業)

真的太失望了，這間餐廳真讓人無話好講！今日收左工打算銀座睇下有咩好食啦，見到間美心香港地，之前起天請瑞都食過，唔錯既，於是拎飛等位。入左去之後就見等埋我兩個妹一起食啦，分別叫左個40數幾蚊既飯，都可以既！重點食係佢地既服務態度真係令人好嬲！一個二個服務員都黑口黑面，好似有人欠佢地幾十萬未還咁樣！舉行叫野食，舉左10分鐘都無人理你，而且仲啊要唔多人囉！見到兩個服務員起到傾計都唔幫客落單，態度差到？！真係好嬲！這好啦，有個他人終於過黎啦，個樣又係好似我差佢幾十萬咁，黑晒口面，又啤住晒咁樣！小姐我係黎食野架，唔係問你借錢囉！洗唔洗啊！咁唔鍾意就唔好做啦！叫左個焗咩蜜桃芝士雞扒食飯，等左半個鐘都未到啊！好啦，唔緊要我等啦，黎左之後食左第一啖，另咸到真係無野好口，我都叫係重口味既人，平日都食得好咸，但呢個焗飯真係！咸都咩咁，睇睇碟焗飯？蜜桃都無一粒啊！仲叫咩蜜桃焗飯啊？貨不對板。食晒雞扒之後就立刻走人！以後都唔會黎架啦！真係差到無人有！

父親節同家人去過美心香港地食椒鹽豬排飯，當日覺得幾好味，於是今日同老公再去食除左叫番椒鹽豬排飯外，再叫左餐廳所謂必食推介: 麻辣涼瓜蝦球炒米等左成20分鐘仲未上菜已經唔多耐煩，碟炒米一黎到，我嚇呆了！！碟炒米唔係我地平時食嗰d星州炒米，d米粉散開哂嗰種，而係成個米粉餅底面煎燶，但最駭人係上面黏住好多黑色的鑊燶！！！我忍唔住叫侍應番黎問個究竟，最後侍應拎番入廚房，話師傅再炒過5分鐘後碟炒米出番黎，其實我同老公當時已經好懷疑根本係同一碟炒米，因為碟炒米依然係將米粉餅底面煎燶，我地心諗呢個叫“炒米”？？？？？諗住搵筷子夾散個米粉，但根本夾唔散，個煎過的米粉連埋d汁，一“pet”野咁，已經覺得好嘔心，食落口充滿油“益”味，加埋個口感，簡直無與倫比！！！ 呢碟必食推介叫“麻辣涼瓜蝦球炒米”但完全無辣味！！！ 坦白講，嗰4粒蝦球幾爽口，涼瓜還可喇，但d米粉我地真係食唔落爲左証實呢道麻辣涼瓜蝦球炒米係咪真係咁嘅樣，我地請教了該店莊經理，佢話呢道“炒米”係公司要求咁整，呢道“炒米”就係將米粉底面煎燶，唔似其他炒米將米粉炒散，仲話其他同事試過表示好好味，最後佢請師傅炒多次大家記住“麻辣涼瓜蝦球炒米”做法

屋企停水，唯有落街食飯。之前見佢既餐廳有兩面黃，所以特登黎試試。但原來得一個選擇雜菌肉絲兩面黃想食兩面黃得呢個選擇，肉絲都算多，夠嫩，菇就正常無咩特別，個汁我覺得應該再濃味啲，會更加襯脆卜卜既麵。個麵好好食，成個麵都好脆，唔會淨係得個邊脆。食完個麵好滿足，下次應該會再食。

美心香港地係貴價茶餐廳不嬲都知，但因為銀座除左佢都無邊間食早餐有人SERVE，唔駛自己拎野食。所以長期都有人排隊。成日話天水圍悲情，幾十蚊食個早餐都大把人排隊，都唔知悲在咩。拿左飛等叫NO.，等左十幾分鐘終於有位。好彩唔係坐出面，因為出面好熱同會俾排緊隊啲人望住你食野。近排轉左餐牌，終於唔駛魚柳拼豉油王炒麵。但好似少左選擇，無得淨係叫包，一定要跟粉/麵，仲無左糯米雞，多左好多麥皮餐。於是試下呢個新既餐。脆豬仔包、茄汁豆薯蓉、炒蛋、豬扒。脆豬仔包OK，但可以落多些少牛油。太少牛油所以變左乾啃咁。茄汁豆一般罐頭款式，薯蓉應該係自製，食落有一粒粒薯仔粒，幾爽口，但如果可以再滑啲會更好。炒蛋未止於乾哂無汁，但無大快活既滑蛋咁JUICY。重點豬扒黎喇，一上抬，大塊到呢。我仲以為自己叫左麥樂雞，呢個餐加埋野飲都三十幾蚊架，你嫌豬扒貴不如唔好整豬扒餐啦，咁既SIZE都叫豬扒，佩服職員既勇氣。我終於知道點解會咁細塊，原來係比你整豬扒包食既。細塊得黎，只係普通貨色，不過又未止於好難食既，唔抵既早餐囉。

今日去左西北一日遊，下午茶時間剛好在嘉湖銀座，就去左美心香港地食，因為第一次食，而且叫香港地，我估都起碼有一地水準，但係......入去環境清潔，光線充足，都幾舒服下，服務都幾好，但 d 侍應好忙。講返叫左 d 乜，香港地公司三文治，我覺得叫得公司三文治，都話哂代表間公司，應該係最好，但係今次有 d 失望。成份公司三文治係無味的，有芝士，番茄，蛋，沙律，火腿，最特別係有午餐肉。就係塊午餐肉，成個三文治味道變得好怪，味道好唔夾，真令人失望。個杯熱檸茶都係一般啦，都可以接受。

我其實幫襯了香港地好多次. 佢地D雲吞麵真的好正!!!! 我行過就想食一碗!!!! 每碗$28, 不是貴!!!! 琴日老公order咗個韓式石頭碢牛肉飯!!! 好好味!!! 白飯+紅糙米, 又多料!!! 有大豆芽, 泡菜, 都幾多牛肉片和蔬菜, 非常豐富!!! 加埋一隻太陽蛋和韓式拌飯醬, 熱騰騰又好鬼正!!! 其實佢地D早餐也不錯!!! 大家不防試下!

本來好鍾意去美心香港地食tea，因為有大件夾抵食的厚西多士，點知餐牌改左幾款食品，其中就係無左我想食的厚西多士，改左做流沙奶黃西多士，即係由原粒花生醬改為流沙奶黃，但係價錢就由＄24加到＄33，好貴！但都試下啦，店內賣晒廣告，d圖影到d奶黃流晒出來，還有字句提醒：新鮮炸起，小心燙口之類的字句。一上枱，發現比之前多了一小pat沙律。好心急，立即切開睇下有幾流沙，點知唔單止無流沙，奶黃又少又唔夠奶黃味，一點都唔香，食左幾啖，都唔覺自己食緊奶黃，d奶黃仲要唔夠熱，只係暖，真係超失望！價錢貴左，但質素差左！！！而那些沙律超難食，是罐頭雜果加幾粒蘋果，再加好多沙律醬，d醬多過d生果。只有杯奶茶叫保持到水準。我覺得以前的花生醬西多士好味好多囉！＄33一份下午茶真係太貴了。

即叫即做的厚切西多士，熱辣辣，香噴噴。西多士真係好厚，等於約四片普通方包咁厚，裏面有粒粒花生醬，加上上面的牛油，塗幾下，在熱辣辣的西多士上溶了，加埋唔係好甜的糖醬，味道超夾。食完西多士，飲杯又香又滑的熱奶茶，真係超正！最緊要杯奶茶夠熱，好好味～丹麥酥花生醬多士就一般啦，唔熱，好似在麵包上塗了花生醬就算，唔似焗過。

美心集團十分進取.旗下的食店什麼國家的菜都有.美心香港地是近年美心以茶餐廳經營的.行的路線是高價茶餐廳.有點似X華.天水圍新開的美心香港地都算大.門口有五至六張枱.我俾待應安排坐門口的位置...待應暫時也不夠.點菜找店員也要等....下午茶雞瀨,凍華田加3元共32元....雞瀨,雞當然是冰鮮雞.味道是欠決的.只可以講肉質滑,而瀨粉也一堆堆都不是條條分明.湯底也凍而鹹,凍華田.奶味重於華田味....天水圍店選擇較少,而價錢.茶餐竟比元朗貴4至5元.計本餐味道不是太差...但價錢.同效率都比元朗差.環境相同.同食物.同集團.我下次都選擇元朗

美心香港地的新店終於開張了!到達後有很多人在等位呢!星洲炒米($44)鑊氣十足,材料有叉燒、火腿、蝦等等,不會過辣,正!福建炒飯(約$54)福建炒飯同樣鑊氣十足!但醬汁做得不太濃較失色!材料有蝦、芥蘭頭、雞肉等等……!罐裝無糖可樂(+$6)不像元朗店一樣,沒有支裝可樂出售,不値!新開張的香港地比元朗店差,價錢較貴,以後都係去元朗店食!6.5/10分!