美心西餅 (天水圍站)

營業中

休息中

經過西鐵站見到有個「雀巢美祿味恐龍麥芽朱古力蛋糕」，一於買返屋企試下，係由美心西餅聯乘雀巢美祿一齊推出架！香濃麥芽朱古力配上鬆軟蛋糕，再灑上滿滿朱古力粉，我就覺得麻麻地！啲cream唔知係咪雪耐左呢？覺得都好硬，個海綿蛋糕都係偏硬，不過咁平嚟講我都無得要求太高，但覺得如果可以再新鮮啲就會好味啲。覺得個蛋糕如果可以做到分層，個口感會好好多。因為而家係上面忌廉，下面係海棉蛋糕，食食下會覺得好口乾，要飲一大杯水先解到口渴個感覺呢。🍮不過值得一讚係，店員同我講，佢地呢個蛋糕，喺包裝方面特別揀選咗植物纖維同埋可循環再造嘅物料製成，齊齊為環保出一分力，仲配有專用木匙羹！。我覺得買嚟氹下小朋友都可以嘅，不過如果求好好食，就唔岩你啦～

用app買好似有88折定9折，唔太記得🙈外形勁靚，大部分女仔應該都會鐘意既粉紅色而且好多層，口感非常之好，有脆脆係入面，唔會太甜！士多啤梨好新鮮、個cream唔漏好fresh! 推薦呢個

情人節希望家人甜甜蜜蜜除咗送花緊係要買個蛋糕🎂咁先夠😎，要讚一下呢間美心店員落力推介，原本諗住返屋內樓下先買，但佢賣力推薦，誠意滿滿最終忍唔住幫襯咗佢初時以為白朱古力一定好甜，但原來都唔係喎！中間應該係Red berry 嘅少少酸味更加中和咗好多甜，小小一個心意蛋糕為家人帶出甜蜜滋味

揀美心西餅店的最便宜西餅⁄(⁄ ⁄ ⁄ω⁄ ⁄ ⁄)⁄之前有朋友結婚，所以送了2張美心西餅的餅卡給我。一直未有時間去美心西餅拎西餅或蛋糕。今日有時間，所以去了美心西餅店，用結婚的餅卡換普通西餅。o(*////▽////*)q因為每張餅卡都有一定的面額，我又不想加錢或者補錢 ，所以今次我主要叫了一些最普通的西餅，請同事們食。將美心西餅當食下午茶，再加一杯熱奶茶，已經夠飽啦。☆*:.｡. o(≧▽≦)o .｡.:*☆

同屋企人慶祝生日，一收工就喺港鐵站美心揀返個生日蛋糕🎂~😊原本打算買伯爵茶蛋糕🎂（之前食過一次幾好食），點知收工去到已經無晒。唯有揀其他款啦，但好多蛋糕款式，花多眼亂，有選擇困難症嘅我都揀咗好耐🙈~雜果又好似好普通，芒果又怕會好酸。於是最後決定揀蜜瓜味蛋糕~😋😋最後買咗‘透綠蜜瓜法國杏仁脆蛋糕’~蜜瓜好鮮甜，配埋蜜瓜味嘅啫喱，仲有杏仁脆脆，口感好豐富！😋😋而且甜而不膩，食多幾件都唔覺漏~連屋企人個個都讚好味~