美心西餅 (已結業)

公司租客送咗幾年美心糭券比我哋，今年環境咁差都有送 👍👍但今年隻糭好難食，糯米一啲都唔香，冬菇連蒂都無切走，乾瑤柱完全無味，咸蛋王乾巴巴無味，食完隻糭感覺淨係得二個字 － 無味！美心生意近排差咗可能有啲客觀因素，但其實佢哋無留意自己食物質數都每況愈下都趕客呢？麵包價錢比一般小店貴不在話下，最慘係食空氣，食咗都唔填肚！講真百多完買隻乜味都無嘅糭，真心好彩係客人送的，如果仲要我比錢買真係會嬲嬲囉 🤭🤭🤭

美心出左夏日限定既 芒果熱情果慕絲蛋糕同荔枝玫瑰彩虹蛋糕💓芒果熱情果慕絲蛋糕🎂包括多種夏日水果，果味清香甘甜，配合酸酸甜甜嘅芒果熱情果薄荷茶流心，冰涼薄荷令人食落去真係透心涼，係大家嘅消暑恩物💓我自己就比較鍾意荔枝玫瑰彩虹蛋糕🎂唔單止因爲佢係我最愛既白色，同粉紅色💓荔枝玫瑰彩虹蛋糕，採用荔枝製作成寒天💓，清甜美味夾層嘅士多啤梨荔枝玫瑰果醬，配合Pink Pink嘅彩虹忌廉蛋糕，入口香軟，外型吸引又好食。

媽媽生日但買我中意食的 (呢個女真係孝順😂)🙈🙈🙈終於食到一直想試既彩虹蛋糕喇😂 想試呢個彩虹蛋糕好耐, 無奈嘅事一直搵唔到機會買呢個蛋糕, 而當有機會想去食嘅時候佢就沒有再出售了。可能因為好食嘅關係吧! 最近竟然推出返, 有呢個機會當然唔可以錯過啦彩虹蛋糕 $168粉系啲蛋糕真係很少有, 啲顏色真係好靚! 女生真係不可抗拒呢種顏色誘惑😝😝😝除咗出邊係彩色繽紛之外, 入面都係層層不同色嫁!有生果係中間, 味道都唔錯嫁又唔會好甜, 整體味道都不錯😋👍🏻 回購率好高

3.9澳洲牛奶卷🐄 $78乳牛牛奶卷切完林GG到雙手攞都差d攞唔到🙌🏻牛奶卷濕度適中，入口creamy而且食到濃濃既牛奶香味，啖啖3.9牛乳真係香滑無比，食多幾舊都可以😍👍🏻

購買這個蛋糕的機遇是很巧合, 當丈夫與我在為晚上聚會的生日蛋糕張羅時, 恰巧收到群組內壽星女與朋友的一段玩笑對話, 字裏行間加上碰巧我們走到美心西餅時, 一眼遇見 --- 是這個了!  當晚, 當壽星女打開蛋糕盒時, 在場男女朋友加上壽星女的表情, 由驚訝轉為歡樂, 那種真情流露絕非虛假, 那一刻真是珍貴, 我想應該要多謝Hello Kitty小姐吧!反過來說, 到要把Kitty蛋糕切開分享時, 哎呀 ... 這種痛~海綿蛋糕內藏有很酸的芒果肉, 基本上滿心歡喜地收到一件蛋糕, 看一看, 腦袋當然會告訴味蕾:「唔......好香甜多汁喎~」怎知道吃了一啖:「酸嘅! 」, 內心一定會在臭罵 唯有轉去吃其他部份, 可幸是海綿蛋糕鬆軟, 但有一點兒乾, 至於雲尼拿慕絲是綿綿, 質感細緻似棉花糖, 雲尼拿味道不重。哈哈, 有機會見証A小姐由小女孩轉變為大人, 這是我的榮幸。

早係一個星期就訂咗嘅父親節蛋糕，三個人食問咗好多間都冇得買半磅嘅蛋糕。終於決定係美心買，因為今年嘅父親節係我6年尼終於係香港嘅一次，所以決定同爺爺同爹哋一齊慶祝。去到美心，依邊小啲人所以可以慢慢㨂。我問咗好咗問題，啲姐姐都好好心答我，最後決定訂個半磅「踢出彩虹」。問佢地可唔可以寫牌，佢地都好好心機解釋話因為父親節太忙，所以冇得寫牌。攞咗之後，佢會送上面嘅裝飾俾客人自由設計，但我驚整得唔靚，就叫咗姐姐幫手放上去。佢地好有心思，放得好靚嫁。另外佢地都附上一塊父親節紙牌，番到去我就自己插埋上去，即刻同爺爺同爹哋影張相。踢出彩虹我本來都唔明點解有彩虹係嗰名到，但一切開竟然係一個彩虹蛋糕。每一層都有新鮮水果做餡，令到味道唔會太甜，食每一層都有驚喜。有上至下嘅味道包括士多啤梨，橙醬，芒果，奇異果等等。雖然出面一大層cream，但係份量唔會太多，味道都幾啱老人家食嫁！我爺爺食得好開心。但係唯一唔好食嘅係上面嗰足球，啲姐姐話係朱古力，以為空心。一咬好硬，點知係實心，好甜唔好食。成個蛋糕整體唔錯，可以一試。

見到有Green Tea Lamington...好開心...即刻買黎試....點知後悔不已....同STARBUCKS完全兩回事.....無綠茶味...入面又唔掂....唔講都唔知食緊Green Tea Lamington...絕對可一不可再....浪費金錢

個人比較鍾意食冰皮月餅,因為似甜品,而且無傳統月餅的肥膩; 不過偏偏就好少買,因為覺得貴,加上屋企已經有好多唔同種類月餅,有排都食唔晒...本來今年都無打算買冰皮,但有日經過美心西餅,發現兩個裝一包的冰皮月餅特價一百蚊五包,即廿蚊包喎,就掃五包返屋企.第一個失望係口味選擇原本好多,但查實並非款款有齊,我估大舖應該較齊全呱?! 仲諗住要芒果脆脆,點知都無... 最後揀了芒果栗子,宇時金治,黑芝麻娃娃,蛋黃綠豆蓉&藍莓芝士.芒果栗子,外層芒果皮內層栗子蓉,味道分明,好食! 黑芝麻娃娃和藍莓芝士則夠香; 前者有豐富黑芝麻味,後者有濃郁藍莓cheesecake味道,不過中間個餡太少啦... 蛋黃綠豆蓉就最'穩陣',最有'保證'!至於個宇時金治係令人失望... 其實味道唔錯,可惜衰在個皮唔熟. 未食前篤一篤個皮明顯地較其他冰皮硬,咬落更加有少少麵粉的感覺,個冰皮根本就未熟!斷估應該(希望)係批次的問題,不過美心屬大集團,QC太求其,實在不可原諒.

第二次食天使蛋糕....感覺比第一次差o左....蛋糕無以前咁鬆軟.......似清蛋糕咁....cream 亦失色o左.....同埋以前中間夾o左d 焦糖碎.....口感好好多ga.....一定唔會再有第三次!!!!!!!!!!!

bf生日,o係美心買左個lemon cheese cake, 有匯豐card有9折, $117~好好食,唔太甜,cheese味濃,個餅底又脆,比起以前好似好食左好多咁~~正!

攞西餅必選朱古力Tart ，有香濃朱古力味，個餅底做得唔錯，值得一試！不過我好懷念美心芝士Tart ，好正架，可惜唔出啦，希望有機會再出返，一定會再買黎食！

五穀健康包，係一個圓形大包切件，個包混有五榖，好有口感同埋咬感。係健康得黎又好食的包，值得推介！

個名好似叫做雪花和風紅豆包。一大條，都幾長下架！面頭有糖霜，所以有雪花之稱。個包一食就停唔到，但都頗甜，食完會幾漏，同埋好飽。一餐食半條已經好夠！仲有栗子味，不過未試過！不過可似紅豆搶手D，好多時都賣晒！

呢度d蘿蔔糕真係麻麻,都唔明點解咁多人買,好少料,蘿蔔少,連粉都少,煎完都好淋,成伍十幾蚊一底,真係唔低食.(最好食係華麗園既椰汁年糕,不過好貴,成陸十蚊一小盒,size好似象棋咁細盒,真係一分錢一分貨)

呢個蛋糕好好食~佢底下果浸係蛋糕底,之後有一層揚枝甘露mousse~不錯,好似食緊碗好芒果既揚枝甘露咁~面頭d芒果好酸,應該係要match返下面蛋糕既甜,帶左d芒果味出黎.總括黎講食得過~