美心西餅 (香港站)

營業中

休息中

前幾日食左佢個冰皮月餅(豆蓉+士多啤梨醬). 個士多啤梨醬酸酸地, 好冶味. size的的式式, 食完唔會滯!

新出左家庭裝粟米包，同東海堂既粟米包（長條型）唔同，佢係厚切成一片片，中間有d粟米粒. 味道一般, 可能因為落左bread improver,包身口感較'鞋',唔及東海堂既咁軟熟, 而且東海堂隻粟米包面有d白色(cornmeal)粉,同粟米味好夾,好味好多!　又買左芒果吉士包,墨西哥皮加清香吉士餡,仍然好味!上兩星期老闆生日同事買左個蛋糕慶祝,有鮮果，蜜糖mousse蛋糕及果仁脆做底，個樣靚又好好味！呢款蛋糕好似有個名，但太長唔記得！幾欣賞美心成日出新野，有新鮮感得黎又有一定質素，抵讚！今次評分for粟米包only

近排試左幾多包，排名分先後：1. 南瓜火腿包:南瓜產品多是甜的，呢個咸的南瓜包包卻意外地幾好味，南瓜蓉又香又滑（味道有d似薯　　蓉？），但好似唔多覺有火腿2. 芒果吉士包: 呢個有d其貌不揚,但原來有幾好味,幾香芒果味吉士又唔會太甜,仲幾墜手添,不過當然唔好期望會見到芒果肉啦3. 蕃茄吞拿魚包: 只係外皮既蕃茄包加吞拿魚餡,都係原裝正版好味d4. 蕃茄車打芝士包: 包內既車打芝士都唔少,但味道麻麻,而且隻芝士味同個蕃茄包味唔夾,唔掂5. 墨西哥栗子黑芝麻包:個墨西哥皮好難食,皮、包、餡樣樣都甜,漏到死,好唔掂. 以前個墨西哥包好好多6. 意大利蕃茄芝士包: 呢個包仔只係面頭有d香草同芝士碎,又又鞋又韌,難吃

尋日美心新出左"滋心意"系列($7.2@). 見到有件"香芋椰子",個樣幾靚,媽咪又鍾意食香芋味o既dessert,就買左件孝敬媽咪. 其實佢係一件double layers(芋頭+椰子)o既mousse cake. 媽咪話唔係好食到椰子味. 佢覺得件蛋糕最好o既地方就係唔太甜,幾好食.當然,係囡囡買o既喎,即使件cake係普通料媽咪都覺得寧舍好食啦,哈哈!