美心西餅 (已結業)

n 個星期前，在無心裝載的情況下，瞥見某茶餐廳有這種食法。想吃的時候，卻忘了在那…。(n-1) 個星期前，又在無心裝載的情況下，瞥見各大麵包舖的貨架上，突然出現這種食法…。是那店有先見之明，抑或榨菜肉絲當得時令？這間沒有焗爐的分店，有這賣相討好、開頂的甜包。「榨菜肉鬆包」的餡料當然是榨菜和肉鬆，但卻混上了cheesy 得很、horseradish sauce 得很的醬汁。對想食肉鬆的人而言，是完全失望的-- 完全吃不出肉鬆的口感、肉鬆的內涵…不過，偏鹹的餡料、輕薄的麵包配搭，還可以吧。

琴晚要考試匆匆忙忙黎等車前買d包包食記起美心出左輕怡家庭裝麵包左選右揀下要左糙米芝士包因為有coupon只要8蚊大大既一個包分為七八片外面包住一層白色粉末賣相都唔差咬開一啖覺得味道幾清有糙米加強左口感唔錯可惜係芝士粒太少如果多d會更正一個值得再食既包包但係我有d奇怪既然係輕怡包成份已經用左脫脂奶但點解車打芝士唔用埋脫脂或者低脂呢???姐姐好好人最初見佢架上無晒呢隻包問佢仲有冇雖然好多人好忙但仍然好有禮貌咁話拎俾我或者因為新鮮剛送到關係個包係特別軟熟好味

今日o係中環做野個人都病到無晒胃口但同事堅持叫我食藥前要食d野o係有限既西餅選擇中我揀左個椰撻諗住唔慌會差得去邊因為係用我至愛既曲奇皮做既點知?!一咬落去撻底係淋既?心入面即刻大打折扣幸好個餡都仍然唔錯唔太甜又唔會無味不過如果叮熱左個皮唔係淋既我諗會好食得多

之前0係度買0左粟米吞拿魚蕃茄飽,見個名咁長就試下啦~初時以為入面有蕃茄,原來蕃茄係0係包皮入面,即個麵包係蕃茄麵包.呢款包好好食呀!! 酸酸地好香蕃茄味,又夠鬆軟,唔錯~入面0既粟米同吞拿魚份量都恰到好處,下次會再試佢其他包!

之前食過蘿蔔臘腸包,覺得ok, 今次就試香蔥臘腸包.貴0左個幾,但味道則較好,臘腸大粒好多,香味都多好多,香蔥包蔥味夠,同臘腸0既配合都非常好,雖然都係冇咩餡,但呢款包就香口過蘿蔔臘腸好多呢~

金莓紅提方包出左好耐,但係我今次先第一次試。一袋四片既連皮方包,夠晒軟熟, 包心夾雜提子同紅莓,甜甜地,材料份量岩岩好,淨食都好味,唔錯!

剛剛食左個美心肉鬆忌廉蛋糕,吸引我買黎食係因為見到又肉鬆又蛋糕,好似又鹹又甜咁,好奇究竟味道會係點。蛋糕似雪芳蛋糕,不過有兩層,一層係普通蛋糕,另一層係朱古力蛋糕,中間係一層薄薄既忌廉同肉鬆,原本肉鬆份量只係好少,同d忌廉撈埋一齊,如果唔留意,都唔係好覺佢存在,個蛋糕好軟,幾好味!

哈!哈!又有平$2.0的贈券，見有芝士粒，所以就買了一包。一袋有一個幾大的飽，並己切成11片，有大有細。打開食見飽裡有幾多芝士粒，需然不是太有芝士味。但都幾好食，特別是面的燶芝士。整體來講個飽又軟，都值它原價的。

四片方飽，已經加價，仲由原價$3.6，一加加$0.4毫。加成10%，很過份呢。我諗美心會開始逐樣逐樣加，好等人不覺。各位購買時小心價錢了。

唔知從幾時開始, 飽飽款式真係好多choice, 食左成個week 都未試得晒, 菠蘿叉燒飽(舊野); 蕃茄tuna fish, 芝麻Tuna fish, 車打cheese , Mexico栗子, 薯蓉煙肉……..好多好多Yummy ~~

試過佢0既栗子之味,覺得麻麻地,雖然几大件,我會同媽咪一人一半咁食,但佢一年要12蚊,我覺得一般即佢係几用心機整0既,但佢咁多層,其實都唔太食得出d咩味,只知有d栗子同芒果味(但佢仲講到有杏仁同唔知咩味)但個皮好酥脆囉~另外,佢個芒果/楊莓雪果拿破崙就7.2一件,但我都係鐘意食普通拿破崙多d~

唔知個同事在那裡剪來贈券，可以用特價32蚊買拿破崙紅莓蛋糕一條，香橙、咖啡、朱古力三款味道任擇。係唔係平左就無從稽考，個蛋糕本身係幾好食的，不過就不能以食拿破崙餅的心態去食，皆因覺得佢似普通蛋糕多D。