美心小品

營業中

休息中

每次同親老公黍坑囗都必定要去食呢間餐廳，點解？因為呢間餐廳有老公最鍾意食嘅焗薯❤️。不過佢個焗薯確係值得一讚👍🏻！非常新鮮，每次上碟都係熱辣辣，而且軟淋淋、沙口，食咁多次未曾遇過生水薯仔。由於次次都係食吞拿魚沙律味，所以今次試咗新囗味，煙肉配酸忌廉味焗薯，一樣咁好食，煙肉味好濃，酸忌廉夠滑，不過我地一致認為吞拿魚沙律味更勝一籌。另外佢+$10可配辣薯條（可走辣），記得一定要配，因為個炸薯條好似即叫即炸甘新鮮，熱辣辣，好好味。

美心小品可以話係係將軍澳裏面我最鍾意嘅餐廳（沒有之一）基本上我過親黎坑口絕大部分時候都會黎依度食野，無論環境定係食物質素都令我非常滿意！美心小品雖然係美心品牌旗下嘅餐廳，但係佢係全港只此一間，所以質素控制得好好。依度係一間半自助餐廳，自己搵位，自己點餐，自己拎野飲。點完餐之後會俾個數字牌你，野食之後就會送過黎你個位度。環境方面，依度會放一啲藝術品係唔同嘅地方，燈光柔和，幾有文青feel。今次我地傍晚五點半黎到餐廳，避開最多人嘅時間，所以唔洗等位。由於我地都唔係好肚餓嘅關係，所以叫左啲無咁大份嘅野食，分別叫左扒火腿芝士、公司三文治、英式早餐，同埋香辣雞漢堡。依次係我第一次試依度嘅英式早餐，所以都幾期待。一送上黎嘅時候，都係係我預期之內，賣相唔錯，茄汁焗豆嘅份量唔會好似其他餐廳咁，得幾粒。事不宜遲，馬上試食！茄汁焗豆味道唔錯，但係只係暖暖地唔夠熱，坦白講有少少失望。但係食完煎番茄之後，我改觀左。番茄「索」曬煙肉嘅香味，煎得唔太熟，又唔太生。香腸煙肉火腿，無乜可能唔好食嘅炒蛋係炒得比較熟，但係合我心意，因為我鐘意食炒熟蛋。多士係有啲失敗嘅，因為唔係好夠熱，同埋好乾。可能係因為我放到最後先食啦

美心集團之一，小品cafe! 飲品相當出色，👍🏻檸檬茶有茶味！檸檬非常新鮮！最近飲筒轉用左支飲筒，有環保意識♻️值得一讚！炸薯條🍟！有辣有唔辣👍🏻任君選擇！本人揀咗唔辣！一啲都唔油膩！同埋係用真薯仔炸的！有埋薯皮！依個香草意大利糙米飯非常之清新！食過返尋味！糙米飯個口感非常有咬口！粒粒分明！佢個炸魚柳非常之新鮮唔似係雪藏魚柳！仲有一個蒜蓉包附送！亦都非常之好食！最後甜品時間，簡左呢個合桃蛋糕！

美心小品是品質保證由佢未裝修之前已經好鐘意食，裝修後新正啲，又有多啲蛋糕選擇，真係唔黎唔得！煙肉酸忌廉焗薯呢個焗薯夠哂味，又多芝士同酸忌廉，又夠飽肚，係不二之選。另外佢有個蛋沙律焗薯，嗰個相對淡味，冇咁好味。加17蚊飲凍朱古力，味道濃厚，又滑，應該用鮮奶沖，都係黎呢到必飲既野另外，仲食左黑醋雞漢堡同辣薯條，漢堡黎講，黑醋雞真係冇得輸，舊雞炸得好香脆，加埋黑醋汁酸酸甜甜，加埋青瓜絲味道好清新，呢個配撘又少見，真係超推介薯條有得揀辣同唔辣，揀辣惹味啲，正正常常，都好味，加10蚊好抵食！

今日同朋友係坑口行街行到攰想搵個地方坐下傾下計食下野咁岩經過美心小品，門口display d蛋糕幾吸引就去試下美心小品位於TKO Gateway既角落玻璃設計提升左空間感，透入自然光俾人一種好寫意、悠閒同清新既感覺cafe用左半自助既形式，食客要自已去收銀處order同拎野食Chocolate muffin ＋ 藍莓酥朱古力muffin唔夠濕潤，比較乾身，食到個口好乾但朱古力味香濃，仲有d朱古力粒，不過不失當日藍莓比較酸，丹麥麵包都算鬆軟入面有d藍莓醬，令個包冇咁乾香橙朱古力蛋糕＄28朱古力味香濃，蛋糕鬆軟唔太乾有淡淡橙香配埋cream同脆脆，食唔停口！整體環境舒適，推介香橙朱古力蛋糕，其他蛋糕唔試都ok

成日經過呢間都唔知係乜，有一次終於嘗試闖入，發現真係一間唔錯嘅Cafe。環境唔錯，但要自己搵位，揀好食物之後要出去點餐，點餐之後首先自己拎野飲，食物做好後就會有店員送餐。今次兩位食晚餐，主食叫咗西芹雞肉沙律焗薯+日式咖喱雞扒意粉，另外加配薯條，飲品叫咗凍奶茶+汽水。焗薯之前食過幾次，依舊清新可口，沙律醬汁係我估係芥末蛋黃醬，焗薯其實係烚薯，如果想食清淡其實呢個係個唔錯嘅選擇。咖喱雞扒意粉方面，咖喱汁很稀，另外有粒咖喱薯仔好似迷你薯仔切半個烚熟放入去，雞扒其實係炸雞幾件，味道就不過不失，另外意粉會有一條長嘅蒜蓉法包，蒜蓉香法包脆，味道唔錯。另外加配嘅薯條係重點之一，粗薯條再加香辣粉，感覺味道好似熱浪， 十分惹味。因為可能係周末，比較多人，差唔多食完已經有人企係後面等位，下次冇乜人可以繼續坐耐啲先走。

難得亞女生日！又有假放緊係食食食啦！原來呢間亞女未食過，地方雖然細D但環境好舒服架，我們還影相留念添，有些背景幾特別架，咁就又我介紹下食咩啦！煙肉沙樂美腸意粉蒜蓉包都好好味又夠長意粉硬度就最啱我喇再配合埋煙肉好味小品芝士牛肉漢堡唔好睇佢細細個呀！舊牛肉好厚架再配合薄薄煙燻過嘅肉加埋厚番茄真係好味和好飽跟薯條辣辣地最好點番茄醬味道就啱啱好Lemon Tea/White Coffee兩杯飲品都大大杯慢慢飲☕講下心事講下笑超正呢！

是日放假但係又懶得出去，於是係屋企附近商場隨意搵間餐廳食就算。經過美品小品見到有位於是就決定食呢間餐廳。佢新裝修後第一次黎，環境同裝修同之前都係行文青咖啡風格，但係間隔比以往闊落，座位亦都多左。餐廳依然採用自助方式點餐，客人需要係收銀處先付款點餐，自行找座位再等候店員送餐。點左黑松露忌廉什菌意粉，意粉軟硬度適中，黑松露充分帶出野菌鮮味，令成個意粉加分，如果忌廉汁濃d會更加好。跟餐加錢點左辣薯條，辣粉都幾多，幾惹味。

今次我選擇咗喺呢度食早餐，但係已經係中午3:30☺️😂🤣呵呵～同樣我都係選擇咗 松露汁野菌意粉❤️ 每次黎都淨係食佢。男朋友就試新野，咖喱雞扒意粉💛我好耐以前食過一次，嗰時仲未裝修嘅，其實未裝修之前仲有個雪櫃裝住啲好好食嘅蛋糕😭😩😫🍰🎂依家乜都冇啦☹️得返啲唔係放落雪櫃蛋糕，所以冇咁出色😭所以都唔會選擇食蛋糕，每次黎都淨係食意粉～一定要叫多汁啊🤭☝🏻如果唔係好乾好乾好乾～大家記住喇～😚😘

美心小品喺其中一條連接Tko gateway同東港城嘅天橋旁，好多時都會經過，每次經過都見到坐滿人，今日食晏時間晏咗啲，可以喺較少人嘅下午茶時間試吓。喺counter點餐後攞個牌你坐低，有職員送餐，但奇怪在飲品就自己拎，出飲品個位窄，如果旺嘅時候應該會塞滿人。呢度食物質素唔錯，仲有清新小佈置，座位唔闊但舒服，價錢又唔貴，最緊要係咖啡夠香，係邊食邊傾短聚嘅好地方。小清新擺設。各式蛋糕。忌廉汁野菌意粉，各款意粉同糙米飯都會配有蒜茸長法包，包好脆，忌廉汁多又香。意式牛肉豬肉腸意粉，好香嘅茄味，兩款意粉都好出色。魚柳香草飯，好濃嘅香草味，飯對我嚟講太硬。下午茶嘅脆炸魚柳漢堡，魚柳又脆又熱，包上嘅果仁同成個包好配。加$10配薯條，新鮮又好味。上面係開心果奶油紅茶蛋糕，開心果同紅茶味都好淡， 蛋糕較乾。下面係碧根果咖啡蛋糕，濃郁嘅咖啡味。咖啡真係幾香。

有時候晚餐不知道吃什麼，就會在附近商場隨意找家餐廳用餐，而其中一間就是美心集團旗下的「美心小品MAXIM'S AND YOU」。論環境和裝修，「美心小品」都屬於文青咖啡店風格，然而卻採用了自助方式營運，客人需要在收銀處先付款點餐並取得號碼牌，然後自行找座位等候店員送餐，這種方式容易讓人覺得和其裝修格調有種違和感。另外，在晚市繁忙時間要找座位的話其實有一定難度，所以最好是錯開尖峰時段來用餐，以免造成購餐後找不到座位的窘境。話說小妹見識淺薄，還真沒聽過沙樂美這個詞，後來向Google大神請教後才知道，原來沙美樂腸是將豬肉加入鹽和調味料做成的香腸，經常使用在沙律、披薩和意粉中。然而，這個意粉主要配料只有芝士和煙肉（如圖），醬汁類似卡邦尼，意粉偏硬身，缺點是吃不到有沙樂美腸，似乎將這個粉名字修改成煙肉卡邦尼意粉會比較適合。跟餐加點的薯條炸的熱辣辣，脆卜卜，非常惹味。薯條可以選擇原味不辣，但兩者比較之下個人比較推薦辣味薯條。試了好幾款食物，個人最喜歡這個糙米飯。醬汁和整個飯配搭之下像risotto，因為加入了糙米，所以口感會比較硬身。另外，每款飯和意粉都會附送蒜蓉包一條，但吃過好幾次蒜蓉包，麵包

聽到美心 往往都會連鎖店式嘅美心MX但近日坑口開左間美心小品 食西餐嘅見評價都唔錯 就走左去試.鮮茄汁雞肉糙米飯 ($58)雖然冇寫係意大利飯 但食落幾似 一黎茄醬將飯癡埋一齊 二黎糙米本身都比白飯硬 質感就更似😋😋雞肉幾嫩 醃得幾入味蒜蓉包雖然有啲唔襯飯/意粉 (每款都有送😂😂)但都幾好食 法包咬落去裡面好軟熟.朱古力咖啡 (跟餐+$15)ok嘅 無咩comment 一杯mocha要有嘅味道都齊😂😂.忌廉蛋汁煙肉莎樂美腸意粉 ($58)只可以話有忌廉 唔可以話有蛋汁有蛋汁個醬應該會傑身一啲 但佢偏稀偏淡 意粉喺忌廉裡面煮得唔夠時間 但意粉韌度幾好salami唔係salami 似煙肉多啲😂🥓.辣薯條 (跟餐+$10)薯條即叫即炸 幾辣手下🔥望落原本以為唔夠調味 食落都ok 食到有辣味嘅 但味粉可以再均勻啲

重要事情要講三次，尼間野真係好正好正好好正.上星期清水灣游完水，朋友介紹響TKO食完飯先走.間野座落響TKO Gateway.有小小難搵.餐廳主打意粉同埋burger焗薯.價錢好抵，burger 40左右，意粉60-80.而且出品都幾精緻，而且好好味.拍得住高級餐廳入面d 200左右既意粉.餐廳係同本地藝術家合作設計既，所以環境好有文青味.唔知點解冷氣超勁.我嗌左雞扒義大利飯配法包.朋友嗌左cream 意粉，都係會配條超crispy既法包，脆過薯片.😂而且唔會好似普通法包咁硬同韌. 好欣賞.因為係open kitchen.見到廚師係新鮮用焗爐整既.意粉好出色，係有小小硬硬地果種口感，我覺得尼種先係意粉最好既口感.因為唔係食公仔麵.我個義大利飯都好出色，好重🍅味.都係硬硬地，有鬼佬餐廳味，真係要比個like廚師.差d唔記得講距個薯條，加9蚊就有啦.超超超出色，夠粗身，外層脆內層軟，絕對係食過所有既餐廳，最好味味既薯條.一定要食呀😂唔食你走寶.

星期五夜晚7點幾去食都幾多人，要自己等位。買完野飲可以拎先，之後比個號碼等waiter送到枱面上。講下野食先，都係一般價錢，因為唔洗加一就抵啲！有burger, 焗薯, 飯, 意粉，因為好肚餓就叫左意粉。連意粉有個好長既法包! 不過法包就唔夠脆。嗌左咖哩意粉，個炸雞好滑好脆! 咖哩就唔夠香，但好濃味，有啲辣。煙肉意粉就不過不失，好香。仲有加10蚊既番茄湯，好似番茄溶咁，都夠味!同埋可能係cafe既款所以有啲枱櫈好矮，坐得唔係幾舒服。

最近先知原來美心𣄃下有72間食肆⋯有啲真係唔知呀。我好鍾意食既元氣都係美心架！咁大集團真係中西日式都有。今次去左美心集團既「美心小品」食晚飯。食物種類不太多，有意粉、飯、焗薯、漢堡包。之前食過意粉，覺得幾好食。今次試飯，飯得三款，我揀左魚柳香草汁糙米飯。糙米飯口感幾好，有咬口。香草汁都幾重手，個人認為油份過多，食到一半已不太想食。魚柳就只有一小塊，咬兩咬就食完⋯好彩仲有個蒜蓉包可以送飯，最後先可以食完碟飯。。。