影片
更多
2003-08-06
26 瀏覽
美心食左幾年，覺得食物都不錯，但食埋今次就以後都不來了。週末同屋企人來食晚飯，八個人，叫了一條東星斑、迷你冬瓜盅、芝麻雞、幾個小菜同壽包。東星斑兩斤幾，廚房功夫到家，蒸得唔錯，剛剛熟，咁大條魚肉質都蒸得幾嫩滑，可惜的是條魚味道略帶腥，應該是養魚，不過而家係休魚期，都唔要求得咁多；冬瓜盅雖說是迷你，但都夠八人一人兩碗幾三碗，味道幾好；芝麻雞真係有芝麻在面，雞不太肥，但肉質都叫嫩滑，唔錯；小菜有一貫水準；壽包幾大個，但皮不夠鬆軟，食落好似蓮蓉包，唔係咁好食。埋單千三蚊，以蒸條魚來說唔算太貴。要提一提係呢度的服務，以為大集團有保證，但其實真係唔係好得。原本我們想吃一個特價的八人?，訂位果陣話有，但來到就話已做完，明明係同一日，果位阿姐仲猛話我聽錯；食完第一碗冬瓜盅後擺左好耐都無人來幫我們添第二碗，結果要自己動手，最離譜係有個侍應見你自己郁手都完全無反應，眼見四周都坐唔滿，可見侍應的服務熱誠相當之低；最後問有沒有糖水送，答案是平日就有，週末就沒有，要食就收番五蚊一碗，席內有老人家想食我們就叫了，雖然價錢唔貴連加一只44蚊，但想不到一文不值、又街頭巷尾都送的糖水，呢度竟然要收番五蚊，大集團旗下酒
週末同屋企人來食晚飯，八個人，叫了一條東星斑、迷你冬瓜盅、芝麻雞、幾個小菜同壽包。
東星斑兩斤幾，廚房功夫到家，蒸得唔錯，剛剛熟，咁大條魚肉質都蒸得幾嫩滑，可惜的是條魚味道略帶腥，應該是養魚，不過而家係休魚期，都唔要求得咁多；冬瓜盅雖說是迷你，但都夠八人一人兩碗幾三碗，味道幾好；芝麻雞真係有芝麻在面，雞不太肥，但肉質都叫嫩滑，唔錯；小菜有一貫水準；壽包幾大個，但皮不夠鬆軟，食落好似蓮蓉包，唔係咁好食。
埋單千三蚊，以蒸條魚來說唔算太貴。
要提一提係呢度的服務，以為大集團有保證，但其實真係唔係好得。原本我們想吃一個特價的八人?，訂位果陣話有，但來到就話已做完，明明係同一日，果位阿姐仲猛話我聽錯；食完第一碗冬瓜盅後擺左好耐都無人來幫我們添第二碗，結果要自己動手，最離譜係有個侍應見你自己郁手都完全無反應，眼見四周都坐唔滿，可見侍應的服務熱誠相當之低；最後問有沒有糖水送，答案是平日就有，週末就沒有，要食就收番五蚊一碗，席內有老人家想食我們就叫了，雖然價錢唔貴連加一只44蚊，但想不到一文不值、又街頭巷尾都送的糖水，呢度竟然要收番五蚊，大集團旗下酒樓的氣度連小酒家都不如。
不知道果幾碗糖水成本多少，但就係為了呢四十幾蚊，而我一毫子貼士也沒有俾，出得去食飯都好少有咁做過。再者我們以後都不去美心酒樓了，話到尾周圍又不是沒有得選擇。可能這裡平日實在太受歡迎，佢地實在唔想serve咁多人，正所謂多我一個唔多，所以會盡我能力範圍叫人不來美心的了。
張貼