美心大酒樓 (已結業)

一班朋友朝早去探人家既BB，主人家就提出一齊去飲茶，於是落到去等位以為大枱要等好耐，但因為美心分咗三種顏色既飛去輪籌，所以我地前後都係等咗5-10分鐘左右就有枱，真幸運！坐低之後，諗住都係慣常攞點心紙揀點心，點知睇睇吓唔對路咁少選擇既，哦~~~原來大部份既點心都係推車既，令我地懷念舊日跟爸爸媽媽出嚟飲茶時，見到推車點心有咩想食就大叫要哩樣要個樣，睇住推車嬸嬸熱辣辣放上枱，感覺好開心唷！有朋友好鍾意食海鮮，佢叫一籠海鮮鮮竹卷，原來係用龍蝦湯做湯底，佢地話好好味唷！南瓜帶子腸粉都唔錯0架！傳統既蝦餃燒賣都好新鮮呀！

未掛9號風前, 我地又約左朋友, 走左去藍灣飲下午茶~~雖然出面大風大雨, 但係都仲有好多點心選擇, 其中有幾樣都幾好味:南乳豬手, 幾入味同幾淋, 好味道 鮮蝦韮菜餃, d蝦都幾爽口, 配合埋韮菜, 好好味, 仲忍唔住叫多籠添! 馬拉糕就一般喇~ p.s. 因為是日颱風關係, 特價下午茶暫停供應.

同事生日，拉大隊去美心飲下午茶。閑日兩點座位也滿了大半，不少放暑假的小朋友跟家長來開餐。五個人，叫了約廿款點心：松子芋粒粿，芓頭又粉又香；奶皇包，近期雲雲至愛；馬拉糕還可以；淥菜心又林又甜；鵪鶉蛋燒賣只有半粒蛋，勝在懷舊又得意，和蝦餃同樣迫滿蝦仁；咖哩魚蛋及魷魚一般；鮮茄雞粒炒飯，少油零雞皮，健康之選。坐了足足兩個鐘，放輕鬆迎接繁忙的週四。

早陣子友人於股海中有所收穫揚言請小妹飲茶本人當然奉陪到底捨命陪君子!既然不需花費當然要食食平時少吃的點心!鵪鶉燒賣老實說一句本人除了在小食店吃燒賣外在酒樓幾乎是不會點燒賣原因是一籠有四隻之多媽媽不愛吃只有我一個吃的話有點兒空虛而且酒樓的燒賣永遠是大點價錢一個人吃一個大點點心實在不化算此乃本人第一次吃鵪鶉燒賣聽友人說是羊城特產...= =鵪鶉蛋安穩地放在燒賣之顛不想蛋與燒賣分開吃唯有一啖一整粒鵪鶉燒賣鵪鶉蛋的味道蓋過了燒賣的味道味道與小食店燒賣無異......帶子腸粉又是美心酒樓的拿手點心但本人很少點腸粉因為腸粉易飽而且澱粉質夠多作為一位廿歲的女性不想攝取太多澱粉質而弄至肥胖...而且價錢並不便宜既然價錢又貴...又怕肥為免勞民傷財還是不點為佳但今次不用付錢姑且破例一次腸粉依然既薄且滑加上原隻帶子及略帶甜味的南瓜味道實在很出色!要了兩碟貴價點心我也不好意思再點任何點心何況友人午飯時間快完只好結賬離座~謝謝友人的熱情款待!

08-4-08 (二)事前鎖定這裏為今天午餐的最佳地點，因為試過樓下某食肆很不好吃。我和大Ｔ在這裏開了茶，吃了些點心，預定時間叫了樟魚雞粒炒飯，又要了蒸飯和菜。樟魚雞粒炒飯送來不久，Ｔ就過來了。經過早上三小時的激戰，Ｔ胃口大開，把炒飯吃得幾乎見到煲底才記得拍照。這個飯又真的是出乎意外的好，首先因為是用煲盛載，保溫較好，遲來的Ｔ也能吃到熱騰騰的飯，另外材料也不錯，還用上不少瑤柱炒飯，最重要的是不油，是真的不油，飯又不會太乾，恰到好處，食落還很香。三人爭著吃炒飯(當然還是讓著Ｔ的)，把原先叫了的蒸飯(是為防炒飯太油而作後備的)冷落在一旁。因為Ｔ下午還有三小時的決戰，不能過飽，只再吃了菜和少許點心。這裏的點心也不錯，是用車仔推著賣的，款式也不少。還有員工的服務態度也很好，之前我問長問短，問炒飯大約要預幾多時間落單等，她們都很樂意解答。未試過飲茶要如此 “處心積慮”的，只希望經過補給的Ｔ，下午順順利利就好了。

再次黎呢到飲茶不過以後可能冇機會再黎因為屋企人要轉工o既關係..所以今次可能係最後幾次黎呢到...有d不捨tim...雖然呢到服務唔係好但始終黎過呢到咁多次唔多唔少都有d感情!今次黎到見煎堆o岩o岩炸好~隻隻都漲卜卜~賣相好~於是叫碟黎食下~皮夠薄~食落口唔會漿住個口而且仲有d餘溫~唔錯唔錯!!!唔知仲有冇機會再食到呢?

芋角呢個點心唔係好多酒樓有得食點心車o係眼前推過眼見車內有數碟漲卜卜的芋角還掂好耐冇食~肥都叫黎食下先啦!!!芋角真係好「蜂巢」鬆化的表層加上飽滿的內涵(芋蓉)食落口充滿芋頭味之餘又食到鬆化的表層!好好味!!!十分欣賞呢個點心~~!!不過唔可以食咁多...食得多肥死都有份呀!!!講還講...做還做一碟三件的芋角俾我食左兩大隻相信食左唔少卡路里落肚~~~!

我自認係一名蘿蔔糕擁躉一見到有蘿蔔糕就會試最愛o既係蒸蘿蔔糕而蒸蘿蔔糕中最愛o既係美心o既瑤柱蘿蔔糕!o係美心點心當中相信蒸蘿蔔糕必定我的首選無他可以replace~每次黎到都係食過先肯走~呢到o既蘿蔔糕簡直係極品成盤蘿蔔糕充滿蘿蔔絲粘米粉o既比例十分少所以每一啖都可以食到清甜o既蘿蔔絲加上瑤柱o既味道~嘩...好味到呢....係目前為止食過最好o既蘿蔔糕!!!!呢一個都係點解要去美心飲茶o既主要原因!不過唔鐘意清淡o既朋友就唔好食呢個點心...煎蘿蔔糕會o岩口味o的~

分別差唔多兩星期今日返學present完再黎呢到食lunch難得有興緻試下新野於是叫左個鮑魚白菜燒賣平時好少叫燒賣因為mama唔鐘意食但今日難得mama話冇所謂咁就叫黎試下啦大點..一籠四隻唔係咁好食鮑魚...個名好好聽事實上得一粒野放o係面食落口完全唔覺有鮑魚...味道普通...唔知係咪我唔識貨我覺得7仔d燒賣仲好味...!不過呢到o既服務態度有改進唔錯唔錯~~~希望佢可以keep住!!

美心集團最近水準持續下降o係呢間美心大酒樓就可以親身感受到!食物水平差服務態度差上菜速度慢唔知點解會變成咁定係抑或係呢間酒樓特別差?美心居然會變成咁...真係令人失望。

唔睇清楚，仲以為有人洗版...樓下「任飲任食」君，唔駛咁密出post吧...好耐冇呢間野飲，原因貴兼服務差，都係果句，俾幾多錢人工就會有乜野服務，只不過估唔到堂堂美心大集團，竟然進展到自助飲茶咁好服務o者...一入門口，就見三間點心車拍正o係路口，仲要係冇人睇果隻...之後坐底，家人就話呢度o係自助的，要乜自己出去叫同拎！？諗住家人講笑，點之等o左一陣，真係唔見有點心車經過，而且茶壺冇水，方圓百里都冇個侍應！？結局忍唔住，自己走出去門口點心車旁望了兩望，終於有個在廚房門口同其它同事打牙較o既阿姐走出o黎問你要乜！點知又係撞聾的，講三次才知道你要乜，shit...都算啦...收碟冇人...添水...阿北叫狗...越叫越走，基乎興到想自己走出去添水...到最後埋單，明明當時冇乜客(全場大概得十客左右)，都可以埋極都唔見人，等十分鐘，火都，問過部長張單去邊...又搞一大輪，結局埋單搞十幾分鐘，而家閒日都已經係咁，星期日未仲大鑊...其它細酒樓我都算，堂堂大集團搞成咁，真係唔得囉！

11點半到黎呢到飲茶一黎到梗係醫左肚先啦叫左上素粉果上檯o既唔係3隻晶瑩剔透o既粉果而係3條粉果乾屍睇佢地o既死相相信已經賣左成個朝早食到落口更加覺得不知所謂層皮已經乾到變硬哂...隻粉果略帶少少凍....唔掂!!!反而今日o既煎三色糕同三色腰豆糕水準好高!呢個值得讚下~另外要鬧o既係咖哩牛孖筋邊食邊鬧佢痴孖筋又係唔知賣左幾耐d孖筋已經林哂...完全冇咬口...其餘o既點心都係水平普通冇咩特別....

呢間酒樓, 我早茶, 10幾位, 50幾位都食過~早茶呢,佢他好傳統, 推D野比黎比你去叫不過佢地又唔出聲, 好多時, 係考係眼力.. 佢個魚雲好食~一位位架呢~ 就唔好去, 真係好難食, 我地大既擺過, 細既都擺過... 真係好一般... 一般都唔應該用美心個名.. 佢地有時忙到發你牌氣..唔係講笑~

以一位marketing o既學生黎講呢個係關乎到marketing mix o既問題4P...price要上升product方面梗係要做d功夫!!點??o係蛋撻面加少少燕窩!一變就升值幾倍~一碟四隻蛋撻仔...每隻上面加少少燕窩~就咁就變左做頂點...好野!食落口有咩唔同??一d都唔覺得有咩同但係心理上就覺得高級左...promote同place方面當然都要落d功夫!!咁o既點心又點可以放o係點心車到sell呢?梗係要搵個專人promote啦~每張檯都會行埋去問「食唔食燕窩蛋撻?o岩o岩出爐」就咁~行一圈後~只見到阿姐捧住個吉碟返廚房可見美心o既marketing mix係work的!!

出去食生麵十間有九間都有梘水味今日黎呢到食lunch見有北菰生麵叫左碗黎試下~$28一碗~估唔到呢到o既生麵一d梘水味都冇~好開心!終於搵到一間冇梘水味o既生麵!!!真係太好喇!!好欣賞!不過呢到下午茶冇左點心價錢高左...~