美式熱狗專門店 (已結業)

經過開觀塘，想食下hot dog! 聽同事講話幾好的！叫了個C餐：original cheese hot dog + garlic fries + drink ($39) （好似加了價！）-OK 啦。其實吃不出cheese的味道。可能多人(lunch time) 關係，個包冇乜點焗過！（or 焗的 時間不夠耐）有點失望，因爲同事講到好好味咁！仲有，點解條腸仔咁細條既？（長度不及個包包）-呢個好好味，好脆！不過又其實唔覺佢有garlic味既？drink 係汽水。我12:30pm到去到都不用等有位，不過一到1pm就坐滿喇！同埋超多人叫外賣，又得2個姐姐仔做野所以建議最好before 12:30pm前好去食 otherwise, 可能要等好耐！以觀塘黎講，我覺得$39絕對唔係平，又冇得坐得舒服D... 最重要係D食物都係一般，所以應該唔會再試了！

同男朋友路過東廣場就入去兜個round因為平時都好少行到去果頭修到去發現其實都有幾多食肆嫁wor由於我好耐冇食hotdog所以就尼左呢到試下啦我地去到既時候呢到都冇人可能因為已經差唔多5點啦呢到既hotdog有6款我地揀左一個最原始既款尼食就係A餐啦我唔係好記得佢叫咩名啦我地叫左個set就可以配小食同野飲其實佢既小食有幾款如果唔要小食就可能揀沙律最後我地揀左蒜香薯條等左5分鐘到d野食就尼啦都幾快手呀不過因為得我地一台客先講薯條個質感就係m記果d唔同呢到既薯條食落去係真係覺得有用好多薯仔去整同平時係m記食果唔同既男朋友話覺得有d似薯皇既feel不過話明蒜香薯條我唸住就應該好香但出尼個味道就差咁d下次試下其他小食先hotdog就真係一流啦平時食開既hotdog,通常都唔係先烘一烘個包但呢到就會啦咁樣就令到個包脆脆地好有口感而且非常鬆軟腸仔好有肉汁,配合埋d醬同洋蔥帶出既味道好fresh值得一試!

三個星期前第一次到呢間熱狗店食午餐(以前都有聽過just hot dog 的大名,但對我而言實在不太就腳)11:00到步,午餐時間末到當然唔駛等,典型的美式餐廳裝修,座位不太多,但感覺舒服.熱狗套餐－熱狗有六個選擇－店東推介〝香辣熱狗〞正好是我首選！熱狗是卽叫卽製的,等了六分鍾左右便送到我的面前,隨卽聞到一陣烤麵包的香味,包身不會太熱,而且攞上手可感覺表皮很脆,但裏面軟綿綿.一啖咬咗落去,的醬汁係我嘴角〝咇〞番出來(我冇專登打開個熱狗睇吓條腸有幾長)其實食野求好味啫,唔好食比成呎長您都冇用啦！我尤其喜歡的醬汁,不過我一路食一路抹嘴(實在太多醬汁)唔知有冇嚇親人呢!!熱狗好唔好食--腸當然重要啦!我選的是香辣味肉腸,皮脆!肉味香濃和肉汁配合得很好.套餐還可選一款小食(有大概七八款選擇),我點了西蘭花芝士球,芝士味很濃,但也沒有完全蓋過西蘭花的味度,雖然是炸的但不覺油膩.我加了幾蚊將飲品轉了特飲(青瓜益力多),入口很清新.....這個真的很不錯!成日出街食飯實在飲厭啲咖啡奶茶.以呢個價錢其實都算幾抵食,我係街邊〝乜茶〞飲杯凍飲都22蚊啦,......

近日是不停的試這廣場的店子, 這天就輪到這熱狗店. 店子有5家分店, 但計成業街就有兩家. 是日不想吃薯條, 就單叫個熱狗好了.美國風味熱狗 $24: 7分, 甚麼是美國風味腸, 想想, 好像從前在那邊的日子也不多吃腸仔, 真不知道美國風的腸仔有甚麼不同, 不過是日吃到的幾有肉香, 加上鮮洋蔥粒, 香草同埋芥末, 簡單而美味. 個包即做的, 烘得幾脆, 夠香口, 美中不足的是熱度不夠.$24一客, 價位還算合理. 熱狗有6個選擇, 下次來就試另外一款了.

用團購買了兩張現金卷,就快到期,所以同媽咪來這附近,就叫她陪我來食.因為還早吧!12:00am左右,只有兩個食客在用餐.當我走去收銀枱想點餐,那位男店員態度並不太熱情,問他問題時好像不太想回答,或許是個人性格吧!我們在等候時,媽咪見到食物窗口放了兩個包,但這時竟然沒有人在,媽咪話應該是我們的,於是我自己上前去取,正當我要拿走的時候,入面有位男店員見狀,即時話幫我,隨即好快走了出來幫忙令我對此店的服務有少少保留.我們要了兩個套餐原味熱狗~~這個給媽咪的,問她味道如何,她話個包唔熱,我吃了一口,覺得太酸了,可能蕃茄汁的關係吧香甜燒烤熱狗~~麵包的確唔夠熱,熱狗腸只是微暖,而且感覺不到有燒烤味道,同原味差不多,不過配醬汁風味泡菜汁及天然芥末,味道清新好多三角薯餅~~即炸夠熱夠脆,唔錯西蘭花芝士球~~食到少少西蘭花味,芝士夠濃郁,味道幾好焦糖咖啡~~太甜了後來叫男店員幫我們加水,當我話甜過頭,他回應說焦糖是這樣甜的,這我知道,但我心想落糖的比例可以調較的棒子咖啡~~棒子味並不太突出,但都好香濃本來想同媽咪嘆番杯咖啡,結果令她失望,不過她話以後可以在家自己弄熱狗食,那就拭目以待

這間食店是同事們的飯堂之一，搬了新店後終於不用花時間等電梯，更方便了。今次叫了原味熱狗、洋蔥圈及凍朱古力咖啡。外賣回到公司，熱狗包還是微暖，少少脆。熱狗腸雖然不及熱狗包的長度，但物價飛漲的今日，這套餐的份量還是令人滿意的。其實吃一個熱狗已經差不多飽了，之前試過叫薯條，份量太多，根本吃不完，所以後來都叫其他小食免浪費。唯一要改善的是凍朱古力咖啡的咖啡味不夠，好想唱某廣告歌，「如果太多朱古力味，咖啡味冇訂企」。用了團購劵，此套餐半價，多謝團購網及此食店。

之前找到的地址是成業工業大廈, 但那兒的店已搬來這兒到達此店, 店員都沒有怎的招呼, 但其他手持銀包, 在附近工作的上班一族甫到達, 那名似乎是店主的女士便上前查問幾多位, 對不同人士的服務迥然不同.我和小豬兒仔一同前往, 小豬兒先去買餐, 我就等位, 幸而有3位不一會兒便離座.我點了A熱狗, 名為美國風味熱狗, 因其圖示似乎較少洋荵, 而小豬兒則點了B熱狗, 惹味香辣熱狗.熱狗配小食及飲料, 僅$35, 比M的貴價set差不多, 挺划算吧但熱狗送到, 我嚇倒了, 因為宣傳單張的熱狗腸, 突出了1吋左右, 但現實, 熱狗的兩端, 兩吋均空無一物, 莫論熱狗腸, 或是蕃茄醬, 絕對沒有.幸好, 有醬的位置, 挺好, 包, 脆脆的, 熱狗腸, 脆皮, 肉味濃香, 配以醬料挺不錯的A熱狗, 美國風味熱狗, 用的是白色腸,B熱狗, 惹味香辣熱狗. 用的是紅色腸,但不知分別為何, 因小豬兒的是辣的, 我沒試.小食更見滋味,小豬兒的煙肉薯仔沙律, 其實就是兩個薯仔球, 上面灑了些煙肉碎而我的蒜香特脆薯條,比鄰座的粗薯條幼弱, 但味真好, 有點像小時候hardees那種, 香香的, 幼幼的, 但又長

Just Hot Dog 一直隱藏在觀塘工廠區樓上，專做外賣生意。後來東廣場開了，Just Hot Dog就在東廣場地下多開了一間，除了外賣，還提供堂食座位。我沒有坐下來吃，只是order了外賣。香甜燒烤熱狗餐，附小食$35，汽水轉Mocha加約$6先來看看熱狗 - size ok，不過腸明顯不夠包長，味道甜甜地，沒什麼特別。小食要了洋蔥圈 - 洋蔥很幼，圈圈也頗細，麻麻地。加了$6的Mocha更是普通得很，全個餐感覺都是很普通。Just Hot Dog一向頗有名氣，這次一試覺得有點名過其實。