美味餃子店

營業中

休息中

次次行過都見好多人排隊，見今日得閒，所以都排埋一份，今日嚟到「美味餃子店」。煎雲耳椰菜肉餃 拼 韭菜餃（7隻，$43）個煎法係傳統屋企煎嘢食嘅邊方法，煎香個底同邊位，但中間就輕輕焙一焙。如果用日式煎餃或鍋貼嘅方法，落水同粉漿去煎，唔知會唔會淋身小小同個底再香口小小😆。因為好大隻，d餡都好多，所以再多汁水，一定要用碟墊住食，因為會滴汁。韭菜餃個味比較好食d，好香🤤🤤🤤。（湯）雲耳椰菜肉餃 拼 韭菜餃（7隻，43）個湯真係精華嚟，魚湯味🤤🤤超超超超超好飲。如果有湯嘅話，雲耳椰菜肉餃比起韭菜更加好食。因為為椰菜味比韭菜清小小，唔會搶走d湯味🤤🤤。因為d餃子好大隻好滿餡，基本上如果飲晒d湯+食晒d餃，就已經好飽。湯餃性價比高d，因為有個魚湯。我落完單之後聽到隔離枱想點韭菜餃，店員姐姐同佢講已經無晒韭菜，😂😂好彩早佢地一步落單姐。

餃子控注意！！自己先非餃子控。基於為食心，經常特登走嚟八下有無排長龍，結果次次都敗回食唔到。呢日渣車係附近兜到個錶位唔洗等，頓時覺得有啲運仔，咪行多幾步去睇睇有無人龍。行到去入座率8成立即去霸返個位先！柯打細碗餃子，即係7粒。係勁勁勁大隻，圖片匙羹放著只係3份之1隻，誇張啲講，有我半隻手板咁大隻。皮同餡料適中，如果要評價:再多啲啲餡充滿更好咬口，食完兩粒唔係膩，係飽！！ 淨低5粒點算好?! 幾經努力食清光。成碗湯都唔見肥油，皮唔算薄但絕對係滑，就算凍左都唔會痴埋一舊，夾一隻餃子會整穿皮嘅情況。枱面有兜辣菜寶配埋嚟食超正，入面除了菜寶仲有其他材料配埋餃子極香，另一番味道。PS.下午1點嚟食，飽到夜晚都唔想食飯。

見到有報導介紹先黎食，環境都幾窄，人流都多。叫左煎韮菜餃，餃子好大隻，但嫌佢煎得過左火， 有d好焦，皮厚，咬落去好多粉既感覺， 肉餡好食。中途叫左杯豆漿，都幾好飲。

每次經過太子都見到呢間美味餃子好多人排隊。今次係我見到最少人的一次，就排下隊試下佢。叫咗個雲耳椰菜豬肉湯餃。再叫咗個韭菜煎餃。首先講個雲耳椰菜肉餃。一碗總共有十粒。每粒餃子都大大粒脹卜卜，上湯配上生魚湯。一啖飲落去好明顯係無味精，熬足十個鐘的老火生魚湯。$46有十粒餃子仲有個三魚湯絕對超值。之後到個韭菜煎餃，一啖咬落去韭菜好新鮮。而且仲冠上，上湯煎，食落去唔熱氣。難怪出面門口咁多人。呢個價錢呢個質素絕對係性價比高。

成日都聽人講美味餃子店好好食試完覺得有點失望今晚排咗🔟分鐘到就入得見到門口Keep住都有人排🚶🏻‍♀🚶🏻一張枱坐咗9個人有少少逼🙊🥟雲耳椰菜肉餃 (10隻) $44餃子都幾大舊 漲卜卜咁 皮都幾薄 但個餡普普通通冇乜味 淨係食到咸咸地 湯底清清地都唔錯😇 枱面仲有啲辣菜甫🌶🥦提供 都幾辣㗎記住唔好落咁多🥟煎韭菜肉餃 (10隻) $43煎餃煎得幾好一啲都唔燶 韭菜味幾濃 個皮都有少少脆呀

以前係太子返工，隔一個星期都會食呢間既餃子，已經有兩年無食，呢間餃子店keep住係網上都有唔同媒體推介，每次見到都好想食，今日就迫個同事陪我由旺角行去太子食。我比較喜歡食湯餃，煎餃比較熱氣，所以無試過。叫了一個10隻韮菜餃 & 10隻雲耳椰菜餃share。每隻餃子都大大隻又包得實，我同同事都覺得韮菜餃相對再好味d，可能韮菜味香d！另外，個湯係最出色的，好有住家味道，我相信無味精，因為我次次成碗飮完都唔會口渴。還有，食餃子時可以加辣菜圃和醋，令到餃子更好味！

依家呢種非連鎖集團既小店真係賣少見少喇，我本身都鐘意食餃子，有時間都會同阿媽偷下師學黎包下自己食。今次呢間就叫左個湯既白菜肉餃，粒粒都脹卜卜，又足料同入味，個湯底又濃郁但係又唔會好口渴。另外再叫左個煎既韭菜餃，粒粒都煎到金黃色，咬落重脆卜卜咁，好味，加埋d惹味菜浦真係無得頂呀，價錢真係唔貴重好抵食添，40幾蚊真係可以食得飽我喇，係環境唔會坐得好舒服個隻，食開茶餐廳既我就當然冇問題喇，如果鐘意坐得舒服既朋友就可能未必鐘意喇。

lunch突然想食餃子，朋友介紹我一定要試下美味餃子店（近太子站），即刻出發過去食，去到條街，好容易就搵到，因為門口排左好多人，有十幾個人。鋪面比較舊式，最後因該唔想等太耐叫左外賣，等得唔算耐，但到我拎外賣既時候，排隊人數都有增無減。我叫左湯白菜餃十隻，佢比普通見既餃大起碼1/3，所以佢有7隻叫，因自己食量決定，另外佢個湯都不得了，係野葛菜煲生魚豬骨湯，少見湯底咁有心機。最後唔可以唔提佢個秘制辣椒醬，配餃子真係無得頂👍🏻😋

我最愛的餃子店，每次經過都必食必食我最愛的 煎韭菜肉餃🥟 超級大粒，絕對係足料，40蚊就有7粒大大粒，今時今日物價上漲，好難搵到咁抵食又好食，水準保持不變一如既往的好！重點係配埋豆瓣醬，一級棒！我發覺餃子同豆瓣醬係絕配，無論水餃定煎餃都係，絕對搵唔到第二樣比豆瓣醬更加適合的配料啦👍👍👍

韮菜拼椰菜木耳湯餃 細碗 ($43)Bookmark咗呢間 #美味餃子店 好耐終於去咗試！作為一個怕肥嘅餃子控🥟平時最怕食到啲懶係爆餡嘅肥豬肉餃子要係咁咬走啲肥肉食到好攰🤧呢到嘅餡調味不算太多每一啖都係crunchy嘅菜🥗肉嘅比例算少食多少少都唔怕好濟女仔嘅話嗌細碗7隻已經好夠！辣菜甫就試少少好了始終都係比辣油浸住🧐湯底唔係話好好好好好好好出色但我只求唔油同唔鹹所以還可以～減緊肥嘅都可以去食下😚

呢間餃子店一向出名今次機緣巧合下黎到終於知道點解佢咁受歡迎餃子嘅size可以用巨型黎形容十分足料 食落去好滿足試咗雲耳椰菜肉餃同韭菜肉餃個人覺得煎餃比湯餃好食一定加埋辣菜甫 !!!!我覺得係呢間店嘅靈魂冇咗辣菜甫肯定失色不少

一路都想試下呢間位於太子幾出名既餃子店，今日終於有機會食到。呢間餃子店可以選擇既種類唔多，只有三種味道，我地就揀左煎同湯既韭菜餃黎試試。-韭菜肉餃（10隻）$45肉餃算係幾大隻，但餡就韭菜佔多數，只係得少少豬肉，唔太夠喉。餃子皮算係幾厚但食落又唔會好重麵粉味。湯底係野葛菜煲生魚豬骨湯，飲落幾清甜、有少少似飲緊葛菜水咁，幾有誠意，但係就同啲餃子唔太match...-煎韭菜肉餃（10隻）$45餃子皮煎到金黃色脆卜卜，亦都唔會有太多油分。而餡就同湯餃一樣都係太少肉，調味方面亦都比較淡口，要加埋佢地自製既辣冬菜先有番少少味。-其實味道整體上ok，不過呢間餃子食落比其他餃子店較清淡，個人覺得唔夠濃，好就好在食完唔會太膩。總括黎講，我覺得唔太值得特登去試，不過如果想食金鳳又見太多人排隊既話，都可以過隔離街試下呢間😈

每次黎食都會有街坊黎排隊。不過唔係peak hour 一般好快都有位架。呢度既餃子真係好新鮮，調味亦剛好，肉鮮爽甜。有睇餐單既，都知佢地賣三款餃，形式就只有湯餃同煎餃。一到夜晚白菜餃通常都賣晒，剩番雲耳椰菜/韭菜餃。湯餃既話，個湯底係魚湯黎，飲落好下火，好順喉。煎餃就真係好香脆，最岩做野好辛苦，食啲邪惡野慰勞自己時order!真心正，上網都搵到老闆既發積史。實而不華，值得一試。註：無論食湯定煎餃，都要配菜輔辣醬，愈食愈滋味。我朋友好鍾意食辣醬，所以買左盒辣醬俾佢！60蚊架都要～

星期六晚，黎食好岀名嘅餃子！一去到，條隊排咗岀尖沙咀咁嘅款，最後決定外賣番屋企食，外賣都等咗3個字！嗌咗10隻韮菜湯餃，番到屋企開盖果吓，真心嚇親！餃子好大隻🤣，原本見40蚊得10隻，仲諗住小貴，見到實物果刻gur晒！女仔黎講，小編都算大食，食到第8隻已經飽到9成9，普通食量女仔，7隻足夠！外賣，店家有跟埋菜脯，加落湯度，辣辣的，好惹味！餃子本身其實無咩特別，勝在大大隻，大大啖咁咬落去，口感贏晒！總括黎講，係好食嘅！不過唔需要太埶咗去排長龍！有機會會再幫襯！

哩間雖然係睇上去平平無奇既街坊小店，但7點左右門口已經有條隊排緊了。既然係咁，只好買外賣拎走算了。等左15分鐘左右，都可以拎了。（無影到排隊情況添）韭菜肉湯餃——附有小份辣菜佢門口大大只字寫住“野葛菜煲生魚豬骨湯”，似乎湯係好有賣點。首先呷一口湯，係有D野葛菜清甜既味道，不過就應該唔係“野葛菜煲生魚豬骨湯”，只有野葛菜。或許只係我惗多左 XD主角韭菜餃子，應該係店鋪自製既，因為粒粒都大大粒。餡好足料，味道都調得幾好。如果女仔既話，點7粒既分量已經夠飽了，因為另外兩位女仔朋友，點左10粒，最後都係話好飽，然後食唔曬。哈哈。街坊小店，又抵又好味，值得支持！