影片
招牌菜
今日同朋友去踩單車，由大埔踩到大圍，還完單車，想話去食返d辣野刺激下。大圍美食咁多，食辣我一諗就諗起雞煲，不過朋友話附近有間烤魚好出色，仲話一食就會上癮，好難唔試試佢。入到餐廳，環境就差少少，d位比較窄，不過食物質素先最重要嘅。我地叫左個全條烤魽魚，辣度方面佢有大、中、小同BB辣，我地都算食得辣，叫左個中辣。個魚黎到，緊係即刻飲啖湯先啦，酸味好夠，辣味就差d，本身諗住都唔係辣喎個湯，老闆娘之後補句，愈滾就愈辣，你一陣就知。魽魚魚肉好滑身，好新鮮，而且無乜骨，岩晒我呢d懶人。湯底配料亦好足，蓮藕、蘿蔔、芽菜、豆卜等等，配料再加亦唔貴，之後我地仲叫左碟牛肉，不過真係愈食愈辣，但又好過癮，相都忘記左影。呢間小店，位置有少少偏，不過距離大圍站不遠，有機會會再去食。
繼續閱讀