美味廚 (已結業)

今日同肥B食LUNCH,見門口有SET LUNCH食,要等咪等囉,咁係門口己經諗定食乜,叫個阿姐先話今日無SET LUNCH,要下星期先有,咁你又唔寫清楚,咁都算,隔離叫得遲過我,(我叫排骨菜飯,肥B叫切雞菜飯),肥B個菜飯先,佢\勁慢食等埋我,都食到一半,隔離就差唔多食哂(佢\都係食排骨菜飯),但我個排骨菜飯都未,問阿姐,話D菜飯未熟,要等,OK!但唔夠5分鐘,連遲我15分鐘左右肥佬,都有得食,一定漏單啦,再問阿姐越問越走,半粒鐘後我個菜飯啦!好老實講,佢\D雞係滑,排骨夠\"林\"夠入味,菜飯OK,但比佢\玩一玩,已經無乜胃口,又唔係平過人,下次咪\"餃\"我!

專程黎食晏，和三位同事叫了兩個排骨菜飯，一碗菜肉雲吞，雞煨麵和素雞。我的雞煨麵幾好，除了雞肉，有蘑菇﹑荀﹑白菜。同事亦稱讚排骨好味。之於素雞，一向對腐皮無咩興趣，無評價。

好晏先放工，男友買定外賣接我，估唔到返到屋企仲暖。排骨甜甜地，菜飯比較油，但白菜夠，算是整得好的菜飯。

五個人叫了套餐B, 有四餸一湯, 還有甜品. 跟餐的白飯我們轉了菜飯(加$5)和擔擔麵(加$10). 還加了一客蠔餅.蠔餅: 幾好.. 蛋炒得OK. 小蠔味道不過不失.宮保蝦球: 蝦幾大隻. 而且放了很多腰果. 不過一點辣味也沒有.鮮菇玉子豆腐：　一般，　不是很特別的一味.炒時菜: 是清炒生菜. 菜有點黃，　看上去不很醒胃. 賣相差. 一碟雜亂無章的菜撻在一起算數. 零雞蛋!脆皮雞: 這個餸是全晚最好吃的一個! 面層的皮是脆脆的. 雞肉吃下去算叫滑, 不太乾身. 一整隻雞放上枱, 份量十分慷慨.豆腐牛肉羹: 一般. 不難吃但又不是很好吃.擔擔麵: 麻麻地. 麵本身不很幼, 很淋. 湯令人失望.　嘗不到有花生香，　而且很稀. 而且一點也不辣. 很難令自己想信當時吃的是一碗擔擔麵.菜飯: 我沒有試這個. 但看上去不油膩，　蠻好味似的.豆沙鍋餅: 這甜品做的不錯. 豆沙不太甜. 皮如果能再薄一點點，　煎得再脆一點點的話便更完美.我們到餐廳時已很夜，　將近晚上十一時. 但侍應阿姐們的服務仍然友善及週到. 抵給一個笑臉啦!

尋晚同兩個同事去食, 之前有個同事話去親銅鑼灣就一定要去呢間食, 出名0既係排骨菜飯, 所以0黎試下.我0地大約7:15去到, 好彩仲有位, 不過就好窄囉, 坐低就叫左地叫左3個set, 有排骨, 牛筋同燻魚, 仲有3個不同的湯, 再叫多一碟粉皮. 我個人覺得燻魚一定唔好叫, 一來好少, 得3舊仔, 仲要唔算太好味. 排骨ok, 但無想像中咁好. 牛筋反而唔錯, 好"林". 粉皮都唔錯, 但就太多油, 好唔健康.服務方面就似一般大排當, 好想你食完快0的走, 做多幾轉生意0個隻, 講0野語氣又重.我尋晚親眼睇住有幾對情侶入到去見到個場之後就轉身走, 我諗唔係好適合0的情侶食, 朋友食就ok.

一大班同事食lunch. 我order咗燻魚菜飯(送素雞or tea). 我choose咗素雞..燻魚好似紅燒魚柳, 我就幾鍾意食. 不過可能唔係人人都鍾意. 所以幾乎全部同事都係order排骨菜飯. 至於素雞, 其實只係腐竹.不過整得好好味(可能天時熱又係冷盤既關係)仲有大家order咗個麻辣豬耳share, 唔係幾啱我口味, 不過見大家食得好知味咁.

朋友最近弄璋，我準備送份禮物俾佢個細路。行到累累地，我同阿K去左呢度食晚飯，聽阿K講呢度個排骨整得幾好食，所以我就嗌左碗排骨擔擔麵，阿K就嗌左碗菜肉雲吞。排骨同擔擔麵分開上。擔擔麵極普通，唔夠花生醬，完全食唔到花生味。不過排骨就真係幾好味，排骨煎得好甘香，表層有少少脆，仲甜甜地。咬落去好鬆軟，肉汁豐富，值得一讚。至於菜肉雲吞清清地，食完比較油膩的排骨，再食清清地的菜肉雲吞，係不錯的配搭。我地兩個人只係食左六十蚊，會再來幫襯。

今日放假,我的男朋友帶我去呢間鋪頭食菜飯,因佢話細個係呢度成日食,佢話好好食,咁我就信佢一次..我們點了排骨菜飯套餐,包括一個蟹皇翅(排骨都OK,但我嫌佢太甜,而菜飯我自己覺得比較油,但都算好味,因為佢有好多菜)菜肉雲吞(我覺得好好味,因為佢係少肉多菜,好清新,唔覺油膩)上海粗炒(我覺得都係一般,因為佢底部係粗炒,而菜只係放係面, 好似分開炒咁,但佢都係勁多菜那種)

我吃了紅燒雞絲翅和排骨菜飯的套餐，個翅好好食，仲好過d酒樓，排骨都好好食，味道有點像叉燒，甜甜地，不過我唔鍾意食菜飯，白飯又唔夠香，這個要扣回少少分。唔知個翅可不可以散叫？

我和男友去了美味廚吃晚飯，因為聽男友的朋友說味道好。當我們到逹，看見只有幾枱有人，絕不是別人說的要排隊。我們點了琉乎里扣肉，還有點了火煱。我們已一早聲明，兩樣東西可以同時上，但他們也沒理會我們，當我們完完全全吃完扣肉後，才呈上火煱。我們點了四樣火煱料，但其中一樣竟然等了約半小時也未呈上。我十分生氣，立即說取消order。相隔十分鐘後，那碟材料竟呈上，我黑面，他們才拿走。我後來發覺，另一枱有成10人，他們便態度十分好，十分快。不得不提的是，我們坐了一個小時，竟然連茶也沒有。我們總算是消費共400大元的顧客。這樣的服務態度，真的十分令人氣憤。

20050716 9pm去完IKEA 買o野買得大包細包的, 同男友o黎呢度撞彩睇下有無位, 又居然星期六晚都有幾張吉檯wor!2個人吃兩個排骨菜飯, 講真, 呢度其他o野都唔掂, 除o左呢個天下第一排骨菜飯, 你想知佢有幾掂? 齋賣呢個o野$31蚊碗都夠交租就知佢厲害啦! 呢條街的租好鬼貴o架大佬! 男友第一次食, 覺得排骨好得, 話下次o黎食個豬扒包wor. 菜飯繼續勁多白菜, 呢樣都係第二度無得比的.凍豆漿早賣完, 也不打緊, 因為食完去惠康買芝士返屋企飲紅酒, yeah~

細細個媽咪就帶我去食, 食左咁耐都覺得佢ge排骨菜飯超好食!

食左呢間既排骨菜飯好多年. 味道一直無變過. d 排骨好味到無乜邊間做得咁好.賽螃蟹都ok, 若然一個飯食唔飽可以加呢道菜. 服務都唔錯ga. d阿姐幾好人.

中午有特價午餐﹐$35一個菜飯包飲品或小吃﹐唔使加一和茶錢。但係我唔想食飯﹐叫了三鮮煨麵﹐冇錯﹐又係三鮮煨麵。個麵$39元﹐但由於我不是叫特價餐﹐反而要加一同茶錢﹐埋單收我$44 之餘重叫我唔好自己去櫃台埋單。最後重好唔願意咁比左兩蚊貼士﹐食個麵要$46﹐椅子冇得挨﹐冇服務﹐中午質素差過晚市﹐又一次受騙﹗

有一段時間沒有幫襯因為物值低。豬扒菜飯雖然唔錯，但始終覺得唔值咁貴。最近路過發現午市套餐$3X 包一款小食或豆漿，即管試試豬扒菜飯有否退步。小食選了素雞，寧願叫豆漿。豬扒過腍，冇哂咬口，失望！晚市套餐賣一樣的食物，但要$4X ??