羅麥記 (V City) (已結業)

今日同老公個下午茶去左新開既v city度食，雖然上網睇個食評好差，但此終搬左黎附近住，老公話點都要試試既系羅麥記食左個豬扒包同個懷舊香蕉船，味道唔錯~~ 而且系裝修得甘有香港風味既餐廳食，真系食個感覺都一流!!!!個豬扒包，系兩食既~ 一次可以試兩種豬扒，真系幾特別xd 我緊係食炸個邊喇又幾脆~~ 老公食煎個邊都話唔食太柴皮都可以接受食完個豬仔包，就慢慢嘆個香蕉船~ 都幾耐冇食過啦!! 好似返番去同老公拍拖個個時期甘~ 

本身諗住開開心心食餐飯,點知食到成肚氣座位安排混亂,3人坐卡位,7個人都係迫埋一張卡位終於坐到低喇,諗住嗌野食喇,佢menu個度d送格離有d no.係度既. 本身以為講no.就可以落到單喇.點知個待應完全不了解個意思,仲話:我吾知個no.嫁喎係要講個菜名.等上菜時,女待應汁緊台時,一次過汁得太多,又拎吾到,就俾佢倒到家人一身都係,之後就叫左個經理過黎解決件事,點知佢就話咁小姐你想點呀?我地都算喇.話吾追究.之後我地食完野就即刻走喇.跟住等車番屋企個陣時,咁岩撞到個經理食住口煙同傾電話就話:我都著哂火喇,都問埋佢小姐你想點呀?我地望到佢.佢就即刻走左.講真.價錢又貴,服務態度差,D野好睇吾好食,就算裝修得幾有風味都好,依d野全部都係表面,內裹差到爆以後吾會再黎e度食野 

同下面既評語一樣，睇左咁耐openrice，呢次係第一次評價！忍唔住要劣評下呢間野！見個裝修咁靚，就比佢吸引左入去啦！價錢算幾貴！叫左個芝士雞扒撈麵，牛河，熱朱古力，凍奶茶芝士雞扒撈麵，好快就黎左，唔熱既，淡而冇味，阿信屋果隻芝士麵好食過佢十萬倍！牛河，等左好耐好耐先黎，味道都ok啦，不過60蚊！唔值囉~凍奶茶我冇試，我飲既係熱朱古力，食晒d野都唔黎，咁我就追下佢地，一追就即黎！"凍"既熱朱古力！呢間野既食物唔好食，價錢貴！服務差！就係食個裝修咁大把！唔會再有下一次！

琴日去完朋友喺屯門嘅屋企打機之後同佢去左搵野食，佢就提議去呢間叫羅麥記嘅餐廳食。離佢屋企都唔算遠，行左大概十分鐘就到。黎到之後都要等左一陣先有得入坐。呢間餐廳設計好靚，好有六、七十年代嘅feel，坐得都算幾舒服。由於喺朋友屋企食左d野嘅關係，就淨係叫左一個磚頭焗豬扒飯同埋一份麥SIR乳鴿仔。乳鴿黎先，我本身好中意食乳鴿，呢隻乳鴿亦都無令我失望。佢嘅肉好嫩，亦都好有肉汁，45蚊抵！之後就到個磚頭焗豬扒飯，原來係用方包皮黎圍住個飯，整到好似舊磚頭咁，都幾得意。食落都唔錯，豬扒唔會好乾，唔掛得知係十大必食之一。

屯門最近有好多新開既商場，好似我今次介紹既餐廳就喺新開既Ｖ　CITY地下。有晚同朋友就約左喺果度食晚飯，非常多人，不過等左３個字都入到去喇。餐廳既食物亦都好有六七十年化既冰室風味，以懷舊做招徠，六七十年代的日常用品全部搬到香港，就連廣告牌都唔放過，走進去，見到有穿著校服既侍應招呼我地，餐牌係學生手冊咁樣，枱櫈 都係六七十年代既樣（我估啦XD），之後就連食物都好舊時既感覺，除了磚頭飯或者紅豆冰奶茶之外，其餘例如撈麫、公仔麫果Ｄ，都係以方便快捷為首，食物好快上到枱（即使佢地寫明時間幾耐，盡會係快過呢個時間完成），呢樣野體現了舊時香港人講求效率既精神。

今日男友生日，特登去試下羅麥記喇！到達o個陣都多人排隊，我拎到o既籌，大約要等16張先到我！點知等唔夠半個鐘就已經有位，皆因有好多人拎完籌就走左！一坐底…發覺檯與檯都坐得close，想講下野都會比人聽到囉，覺得好尷尬！坐左十分鐘…都無人招呼我地！無餐牌、無水、無擺位，淨得張餐紙囉！食物到哂…但d伙計都無諗過比餐具我地！唔通諗住客人用手拎！？之後order食物，但所有食物都超快就到囉！【磚頭咖喱芝士蝦球焗飯】 明明寫住話要15-20分鐘架嘛…唔駛5分鐘就到！唔熱、裡邊無料、勁少汁、少飯，d麵飽肉勁多，唔怪得每檯都食剩哂喇！勁o徒！【羅麥雞翼撈丁】 普通鹵水雞翼+出前一丁，無特別，衰過自己整！仲要$50囉！呃錢！【羅sir乳鴿仔】 無味，唔知佢sell咩！不過真係乳鴿仔o既…BB鴿！             

長話短說, 間野裝修好有心細, 以懷舊做主題, 牆上畫有60,70年代的招牌、標語和圖畫, 侍應穿上有公司標誌的校服作為工作服, 餐枱、餐紙及MENU亦貼題, MENU設計成一本學校手冊, 十分有心思, 食物方面亦和主題相襯, 主要售賣冰室的食品, 但價錢一點也不平宜。以我所知, 此餐廳開張時係有一定的宣傳, 例如在飲食男女登廣告作介紹, 加上其獨特的裝修, 起了強大吸納新客的作用, 對一間新營運的餐廳, 起了一個很好的開始, 可惜的是,忽略了最重要的一環, 就是出品質素我曾光顧此餐廳一次, 點了一個麵包磚頭咖哩焗蝦飯和朱扒包, 即是以一個正方形的麵包, 將飯放到已挑空中間部份的位置, 再淋上咖喱汁和配料加以焗製, MENU上寫明需時20分鐘, 售價HK$85元點菜後不久,約8分鐘後, 侍應已送逹製作好的磚頭咖哩焗蝦飯, 比所需時間快了很多, 一吃之下, 發覺食品是凍的, 再吃之下, 發覺飯是硬的, 加上麵包中間位置甚小, 所放的飯並不多, 而所謂的蝦球, 體積細小, 不新鮮, 不爽口, 加上是「冧」的, 簡單來說, 此食品只是將一些已炒定的冰凍炒飯底加在麵包內, 然後在面加上已炸好的

用80年代香港風味作裝飾的餐廳，墊檯紙亦用上了當年的娛樂玩意，現都失傳的康樂棋作背景，經營者在設計方面頗用心機。菜牌清晰易明，用小學學生手冊作設計，懷舊色彩濃厚，先列餐廳推薦的十大菜式，附以大圖，都是小巧之作，不過價格偏貴，一隻雞翼也要十元。選了兩道十大菜式- 避風塘炒面及磚頭豬扒飯。避風塘炒面$55- 面底是街邊鼓油皇炒面貨式，預先大量製作保溫，上菜便即時加上魷魚，爆香之蒜粒椒絲件，誠意欠奉。磚頭豬扒飯$85- 將磚頭面包淘空一半，盛上炒飯底，豬扒舗面，淋蕃茄汁加芝士絲，入爐焗。是有創意，但師傅功夫刀架異常差勁。炒飯底，炒得相當差，蛋絲不足，飯底不乾透。豬扒是豬扒肉幾粒，泡打粉用得過量，豬扒軟身得完全失去豬應用的咬感。蕃茄汁是藥水汁，再加上淋身炒飯，泡打豬肉，難食至極。上菜時間，炒面5分鐘內送至，焗飯卻要等上一小時。

星期一同屋企人去VClTY行街食Tea，見羅麥記都幾多人食，睇下個餐牌，價錢都唔平，食物質素應該都OK卦，所以就一行四人坐入去。餐廳嘅懷舊裝修令人鈎起好多童年回憶，尤其個餐牌同張餐紙，未落Order，已經忍唔住不停影相。四人分別order咗雞翼撈丁，炒牛河，咖喱牛腩飯及唔記得咩魷魚，兩杯茶走，美祿及咖啡。四樣食物無樣掂，上枱嘅食物同佢地餐牌啲圖片相差超遠，雞翼撈丁淡而無味，好似食緊白烚雞翼咁；碟牛河得個甜字，味道完全唔掂；咖喱牛腩飯啲飯勁多，但只有4塊好細粒嘅牛腩及2小塊薯仔，從來未見過咁嘅賣相都可以拎得上得枱!!個碟唔知咩魷魚都係冇乜味，仲話係必食推介!!相信任何一間快餐店都比呢間嘢好食，仲要價錢一啲都唔平!如果唔想邊食邊鬧，就千萬唔好光顧呢間嘢，我哋真係好後悔之前無上openrice check下先!!

睇到雜誌介紹…已深深被吸引住…因冰室實在擁有太多與爸媽共餐之快樂片段…!!裝修,擺設,足以令人想當年…再睇埋手冊餐牌…即時令我諗起當年冒簽媽咪名…!!  今日下午茶時間先來一個“羅麥雞翼撈丁”($50+$5)“兒時啫喱”“雪花西多”($28+$6)“香滑奶茶”勁滿足~~~仲有個大大阿媽涼衫夾…勁想拎返去比阿媽…!!“撈丁”…味道適中带甜…麵没太淋…!!“啫喱”…一試冇妨…回味兒時難得之物罷…!!“西多”…一向係我飛彿…可能呢個係切開上蛋漿炸,炸面相對較多,另外又有沙糖同椰絲喺面…比要切開食嘅…感覺香口D…!!唔駛切多一份貼心感…!!“奶茶”…亦係My飛彿…每日最少要飲一杯…此處飲到慨一如其名“香滑”…!!So Good~~~由於今次係工作關係只係與同事同行…期待下次放假時帶媽媽來懷緬一下(肯定媽媽會好開心…懷舊麻…!!)只可惜爸爸未能同行…但我們心中有他…!!^^

平時真係睇OPENRICE多但寫食評就懶今次令我怕煩都要寫嗰日同個朋友諗住食LUNCHVCITY啲店又食得七七八八就去試依間羅麥記去到都幾多人排..諗住無死..應該OK等左唔算耐就入得裝修真係唔錯...好有GOD FEEL坐低就試下嗰度十大必食諗住叫佢個特飲咩粒粒冰系列點知個待應話所有粒粒系列都無當時只是中午1點算數...我個朋友就叫芝士雞排撈丁加忌廉紅豆奶茶我就避風塘炒麵順帶一提..餐牌啲名幾特別我個麵一來..呆左一陣...豉油王炒麵??!!??唔緊要..好食就得啦...食左一啖...淡味豉油王炒麵加幾粒魷魚重要收我HK$70我個朋友可能好小小..但真係唔係好食而又算貴食物價格同味道不成正比其實打字真係好煩...就寫住咁多..總括來說...去食野就免了..去影相就真係不錯...順帶一提..張餐紙係康樂棋有回憶

俾個裝修吸引了，吃個星期六下午茶. 心想茶餐廳類嘅野食點衰都有個譜。叫左個雞扒撈丁，呢四個字就形容左你個碟內有嘅野。我都唔expect有特別。見到外面塊牌寫住咩必食推介，就叫埋炒蛋同避風塘炒麵。22hkd嘅炒蛋，份量就係一個蛋撻面咁大嘅炒蛋加半塊多士。portion都唔緊要. 好食就開心啦。但不要想像是澳洲牛奶公司那種了...茶餐廳好食過佢... 必食推介幻滅。60hkd避風塘炒麵. 真係堅炒麵! 只有一些避風塘炒野上面啲脆脆同少過六條超微型魷魚條(細過幼過卡樂B蝦條). 六十蚊我唔expect有咩雜錦海鮮，但你見到純粹炒麵，完全係學校小食部質素，真係同個名同價錢唔配合。必食推介完全幻滅。相都無影，因為碟野一來你已經太失望。全部野散叫，又唔係平，完全唔值! 只可以說，吃一下裝修，還有，幸好待應同收銀姐姐好nice.

本來好有期待的，由於本人非常喜歡紅豆冰奶茶，見到佢竟然有得賣於是就幫趁。但是竟然說今日無，於是我再叫粒粒菠蘿冰，佢又話無，當時只是中午12時，有無咁早賣晒？最終點了蝦多士，焗豬扒飯，千層朱古力西多士，和熱奶茶。惡夢就如此開始了。千層朱古力西多士 - 唔明點解叫千層，只是得2層。蝦多士 - 不能入口，吃一啖已成口油，又無蝦味，只得油味，吃了一舊就想退貨。焗豬扒飯 - 衰過大家樂，竟然連一粒蕃茄都無，味道只是一般。不值58元。熱奶茶 - 夠滑，不過無茶味，又唔夠熱。我以後都不會再去

之前見到羅麥記既雜誌攻勢, 食物有好多款, 不過價錢都唔平! 開張時好多人所以隔左幾日先去, 而vcity又有電話攞籌, 所以用下新野又試新野!入到去見到裝修好懷舊, 墊枱紙好得意, 最特別係本MENU, 成本手冊咁, 真係好搞鬼!本來想叫佢地個紅豆冰, 但係好失望, 因為侍應話之前一日打風,所以送唔切貨, 跟住想叫菠蘿冰又係無, 最後叫左杯雜果賓治! 再加佢地個招牌之一既羅麥記辣雞翼撈面, 同叫多一個雪花西多!羅麥記辣雞翼撈面($50)--無辣味, 以為比錯野, 點知隔離枱既又係無辣味! 4隻雞翼剛剛好熟,唔冧! 豉油雞翼只係得甜味!雜果賓治($25)--多雜果, 有d橙汁味!雪花西多士($28)--麵包中間搽左d咖映醬, 但係得好少, 唔夠味, 雪花只係有少少糖霜同椰絲!總括來講, 以貴價食d無水準既食物, 真係無下次!

今天一早去了這裡食早餐，店內的擺放好有懷舊feel,我入到去好有七十年代feel，行入店裡感覺好舒服，我同朋友覺得不錯，我坐低左有一位好好嘅同事拎左一份餐牌俾我，我同朋友就叫左兩個港式早餐食，我好欣賞依個沙嗲牛肉公仔麵，因為公仔麵唔係好淋同埋好香沙嗲味，如果我係出面果d茶餐廳到食，一定有食唔哂！點解？因為太過難食！同埋我都好欣賞果杯熱奶茶，因為好有茶味，滑得黎又香，真係一定要再番轉頭，我可以用三個字黎形容(冇得輸)