羅麥記 (奧海城2期) (已結業)

今日難得放假又唔想去咁遠食晚飯，知道屋企樓下商場開了羅麥記餐廳近近地就去試下。餐牌上樣樣都吸引，亦有介紹受歡迎的菜式，我哋就點了來試。羅麥汁牛河呢款醬汁都係第一次食，甜甜地香噴噴，牛肉咬落非常鮮嫩，一啲都唔油膩👍👍👍蝦多士多士炸得脆卜卜，面頭有一層薄薄的蝦肉，蝦肉爽口，咬落非常香口。羅麥雞翼同牛河醬汁差不多味道，亦都是甜甜地的但可選擇辣和不辣，雞翼煮得好入味，肉質非常之淋，好好味😋😋😋麥sir 乳鴿仔BB鴨肉質非常幼嫩，炸得好香口，食吾停口，不需要配搭任何醬料，鹹鹹香香，就咁食已經好好味👍👍👍懷舊香蕉船見到都特別開心，顏色七彩繽紛，兒時最喜愛食，都是一個特色的甜品🍮

陪我既大男孩去奧海城睇完高達展，行完一圈決定試下呢間懷舊冰室~ 門口取票等了10分鐘就有位，翻開餐牌，原來除左懷舊食品仲有唔少特色野每次去冰室我都必點紅豆冰，呢次特別d 試下紅豆冰粒粒咖啡。將紅豆雪成一粒粒冰狀，每一粒紅豆都煲得透切。咖啡甘味濃香，香中滲出紅豆的甜香，絕配！就算飲到最後都唔會覺得被冰粒溝淡~另一杯狂牛用上雜果、利賓納、爆炸糖、士多啤梨雪糕、梳打水調配出黎，彷如一杯西式既mocktail~ 店員放低既時候已經聽到ZiZi聲，喺士多啤梨雪糕上面爆炸糖既聲音，真係好治癒，好想keep住果種聲。急不及待既呷一口，感覺順暢！仲夾雜住爆炸粒彈彈下既感覺~西檸蜂蜜乳鴿仔乳鴿燒得外皮勁香脆，入口肉質香嫩四溢，有香濃既滷水味。蜂蜜用小杯裝住，食既時候輕蘸一下，味道更突出。磚頭焗豬扒飯　呢個真係好吸睛既做法，令我回想起小時候台式小食棺材板～蕃茄醬汁既濃稠剛好，酸甜味適中，無骨豬扒啖啖肉，炒飯底亦有蛋香。麵包盒香軟唔係實的的果種，加上蕃茄醬汁同吃都唔錯。羅麥雞翼撈丁呢個招牌雞翼用上瑞士汁，好濃郁好入味。每一條麵條沾上醬汁，軟硬剛好唔會太淋。不過如果汁多點會更好~懷舊香蕉船呢個真係好class

奧海城個轉變都幾大好耐冇食羅麥記 俾佢門口嗰個鐵板吸引左個裝修好新淨 又好懷舊 好似以前年代嗰啲茶餐廳咁 幾趣致 個餐牌又有好多款嘢食 揀咗好耐都揀唔到食咩又想試吓佢個辣雞翼 又想食下個墨汁魷魚太多選擇啦最後我哋叫咗一個可樂牛仔骨鐵板餐餐飲轉左黑牛 又係一個好懷舊嘅飲品個餐跟一個龍蝦湯 個味道好濃唔會好稀牛仔骨啲肉好林 一啲都唔韌一切就開好好味 下邊仲有好多薯條同蔬菜 都好足料另外仲叫咗好出名嘅蝦多士個多士好脆 連埋上面隻蝦再點下啲沙律醬好香口 仲有叫咗個避風塘鮮魷 上面好多椒鹽 熱辣辣好好味另外再叫杯忌廉紅豆奶茶 好特別 啲紅豆好多茶味比較濃埋單都係二百幾蚊 都算係幾抵食

今日去左大角咀上堂，之後去左奧海城行左陣，街，原來呢個商場幾多嘢行，又多衫買，又多野食。行到上1/F，比我地發現左依間茶記，好特色懷舊招徠，充滿六七十年代香港的氣氛，有種正宗香港的味道，依類型嘅茶餐廳越開越多。餐廳非常寬闊，還有好多卡位，職員👩🏻‍💼主動性高個Menu好特別有好多特色食物，而且圖文並茂，幾方便睇。但其實本身吸引我入黎，就係一個磚頭麵包。#磚頭焗白汁海鮮焗飯 🍞 $98感覺好特別，眼見好多台都有點又飯🍚又麵🍞麵包份量好多，外皮焗得酥脆，而且麵包係食到一絲絲。其實飯唔會好多，但係食到一半已經好飽。海鮮嘅份量都唔少，大約有四至五款。#蜂蜜炸魷魚鬚 $52由魚酥即叫即炸好香口，罪惡感大增，但配埋蜂蜜甜甜🐝地就減低左油膩感。#蝦多士 $60一客有五大件，炸得幾香脆，但略嫌蝦肉唔夠彈牙。#黑牛 $38以前細個去Pizza Hut，一定必點「黑牛🐂」，童年的回憶又湧上來。

今晚喺奧運站附近做完嘢，去奧海城見到「羅麥記」，所以嚟試一試，叫咗以下食物。避風塘鮮魷 $58因為MENU話係辣，詢問店員後佢都話好辣，所以叫咗小辣，跟住碟餸嚟到完全冇味，鹽味都冇，魷魚質地超硬，每一嚿都要咬好耐，完全唔好食，伏！蝦多士$68上面蝦滑被砍到超蓉，完全冇彈牙口感，超級淋，蝦蓉仲係得超薄一層，下面塊麵包都好似浸咗油咁，同吸咗油嘅海綿一樣，失望至極點。蠔油時菜 — 菜心 $32油菜只有生菜同菜心選擇，條條菜裡面都仲有花心，正常油菜一碟，全晚最正常嘅一碟。磚頭焗白汁芝士海鮮飯 $98剩係得個樣，唔夠汁，唔夠芝士，開始食之後發現得面層有汁(大概1cm 汁），之後𥚃面啲飯冇炒底，超乾，我食咗兩啖唔想再食，我哋食唔曬，影響胃口，超級失望。羅麥汁牛河 $68首先叫員工落單叫「兜亂」牛河，跟住見到員工企喺電腦前入單，因為嗰位員工唔識寫「兜䯆」，所以話我哋知牛河唔可以兜亂，咁大個女，我第一次聽中式餐廳員工話比客人聽唔可以兜亂炒牛河！Anyway，第一啖食落去個羅麥（SIGNATURE)汁，嘩，DL，好X甜呀，汁係甜嘅，牛肉片質地好淋㗎，四季豆正常，河粉好油！ 唔好食！菠蘿粒粒冰 $28首先