影片
開飯介紹
提供平民價的西式美食，裝修懷舊，有文藝氣息。餐廳供應七十年代西餐，如懷舊鐵板餐等舊時港式西餐。
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
-
網上訂座服務暫停
【深水埗區】【紅蔥頭】同美女朋友喺深水埗搵嘢食，搵到入西九龍中心，都係冇乜 idea。諗住去美國冒險樂園冒吓險先，點知佢早收。玩都冇得玩之下，就喺美國冒險樂園對面嘅呢間「紅蔥頭」食吓嘢算數。見佢哋類似豉油西餐，乜都有得食，美女朋友應該都唔會有咩介意嘅。結果我哋都係睇中咗佢哋嘅鐵板王系列，套餐仲有埋餐湯、牛油法包同餐飲，餐湯都係好普通忌廉湯一碗。主食方面，佢叫嘅係 $153 嘅「鐵板西冷牛扒」，我就叫 $158 嘅「鐵板肉眼扒」，都係跟燒汁。其實兩者都差唔多，不過肉眼嘅肉質就好似滑啲咁解。嘢飲方面，佢哋都幾多選擇，美女朋友揀咗怡情飲品系列嘅「熱奶茶」，不過不失啦。而我就飲潮流特飲系列，要加 $18 嘅「檸檬草氣泡茶」。唔係講笑，以氣泡茶嚟講佢真係算幾難飲，唔知點樣可以整到佢得鋪甜，好恐怖。鐵板餐有八五折，埋單 $316.2 囉。。。（地址：深水埗欽州街37K號西九龍中心6樓601C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #深水埗 #紅蔥頭 #南昌 #鐵板王 #餐湯 #牛油法包 #餐飲 #鐵板西冷牛扒 #鐵板肉眼扒 #怡情飲品 #熱奶茶 #潮流特飲 #檸檬草氣泡茶 #1am1814 #1ambackup
繼續閱讀
最近去咗深水埗經典扒房「紅蔥頭」食Dinner，今次簡簡單單剩係Order咗一個二人套餐，餐廳環境寬敞，不論裝飾、餐具、裝潢都充滿小熊元素設計，好可愛，今餐嘅牛柳、芝士白汁焗青口、心太軟幾高質。*此餐廳收取加一服務費。二人套餐（單點$309），深海帶子拼醬燒汁牛柳，香煎帶子味道鮮甜，配以羅勒青醬食用，味道清新，牛柳肉質五成熟，口感厚嫩，牛味濃厚，配以醬燒汁食用，味道鹹香，配菜包括有車厘茄、紅蘿蔔、粟米、薯蓉。意大利魷魚墨汁意粉（跟餐$0），魷魚圈口感彈牙，墨汁意粉收汁不錯，主要品嚐到橄欖油、蒜蓉味道，略嫌調味較淡，建議配以Tabasco食用，味道酸辣。芝士白汁焗青口（跟餐$0），青口食落有鮮味，配以馬蘇里拉芝士、車打芝士食用，拉絲效果突出，芝士味道濃郁，薯蓉口感綿密，主要品嚐馬鈴薯的原味。2客歐陸式濃湯（跟餐$0），法式忌廉湯，口感Creamy，內有香料，略嫌飲落僅得忌廉味道，建議配以胡椒粉飲用，味道更佳。2客牛油法包（跟餐$0），表面鋪有蒜香香草牛油，口感酥脆。自家製心太軟（跟餐$19），即叫即製，表面鋪滿糖粉，心太軟口感外薄脆內流心，採用自家製75%濃度朱古力製作朱古力漿，略嫌朱古力蛋糕皮偏薄，配料包括有蜜桃、忌廉、朱古力醬。今日精選雪糕球（跟餐$0），曲奇味雪糕，配以有朱古力醬、彩糖針食用，味道香甜。凍草子莓莓（跟餐$16），採用檸檬、士多啤梨汁、橙汁製作，味道酸甜。凍薔薇之戀（跟餐$16），表面鋪滿玫瑰花乾，採用柚子蜜、玫瑰花茶製作，飲落充滿花香味道。
繼續閱讀
最近去咗位於西九龍中心紅蔥頭，呢度嘅菜都唔錯，法式香草牛油焗田螺肉，味道幾好，鐵板肉眼扒煎得啱啱好，內裡多汁嫩滑，食得過癮！意大利魷魚墨汁意粉彈牙有嚼勁，墨汁醬濃郁帶海鮮風味，層次分明又唔會太膩，雪糕球就清甜爽口，黑熊飲品造型可愛，味道清新。.二人套餐 - HK$183 per one.味道 ：😋😋😋環境 ：🍽🍽🍽🍽服務 ：🤵🏻🤵🏻🤵🏻🤵🏻抵食 ：🤑🤑🤑🤑5分滿分.紅蔥頭西九龍中心6樓601C.By IPhone 14 Pro Max2025.07 Photographs
繼續閱讀
連續幾日黑雨，今晚可以出嚟約朋友食飯了，就揀咗呢間抵食西餐紅蔥頭餐廳，環境優雅，氣氛浪漫！但可惜朋友同我都係男人，但一樣覺得羅曼蒂克。哈哈哈！1.羅宋湯酸甜夠喉，蔬菜夠淋，牛肉入味，熱辣辣一碗落肚，暖到入心，正！2.凱撒沙律菜葉爽脆，芝士碎夠香，沙律汁酸甜適中，配埋麵包粒，口感豐富好開胃！3.法式香草牛油焗田螺，螺肉彈牙，牛油香滲晒入肉，香草味提鮮，配埋薯蓉一齊食，夠晒過癮！4.鐵板肉眼扒煎到焦香，一刀切開肉汁爆晒出嚟，七分熟嫩，配黑椒汁夠晒惹味，正！5.香草忌廉龍利飯，龍利肉滑嫩無骨，忌廉汁稠香帶香草味，拌飯食超夾，一口接一口停唔到！5.心太軟外層微脆，一刀切開流心朱古力爆漿，甜而不膩，配雪糕食，冰火交融正到痹！下次再來吧！
繼續閱讀
今日嘅午餐選擇非常豐富，包括鮮茄豬扒炒鳥冬、唐揚炸雞扒飯同星洲炒米，每一道菜都有其獨特嘅風味。鮮茄豬扒炒鳥冬嘅豬扒煮得恰到好處，鮮嫩多汁，搭配炒至入味嘅鳥冬，令整體口感層次分明。唐揚炸雞扒飯則係外脆內嫩，雞肉嘅醃製恰到好處，配上香滑嘅飯，簡直完美。星洲炒米嘅口感滑順，麵條吸收咗香辣嘅調味料，非常下飯。飲品方面，冷凍草莓橙汁同鮮橙汁清新可口，為呢頓豐盛嘅午餐增添咗幾分清爽。最後，焦糖玉桂西多士配雪糕係必試嘅甜品，焦糖香甜，搭配冰淇淋嘅絲滑口感，令人心滿意足。整體而言，呢餐午餐唔單止美味，仲相當豐盛，令人難以忘懷。紅蔥頭 (深水埗)📍深水埗欽州街37K號西九龍中心6樓601C號舖
繼續閱讀