影片
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
相關文章
好耐冇行西九龍中心啦，放假嚟到發現原來food court開咗好多小店，有一排無食韓國嘢又心思思想食下，其中見到呢間韓式炸雞店「HAHA CHICKEN」都好多人買，性價比幾高，所以就決定買返屋企同我屋企人開心share~😋1. 🐣皇牌芝士炸雞餐 ($51)2. 🐣原味炸雞餐 ($50)3. 🐣麻辣炸雞餐 ($51)總共有8個款式的雞，可以滿足不同客人的口味，可以單點或跟餐，每個套餐都是大約$50，便有3件雞，另外還配送飯和飲料，好扺食！😎即叫即炸，外皮炸到好酥脆，無骨炸雞啖啖肉，雞肉帶點嫩滑，芝士炸雞加上大量芝士粉，甜甜地最入味！😋 原味炸雞加了些香草，再配上蜜糖芥末醬一起吃，幾滋味！👍🏻😆 麻辣炸雞幾香麻香味，而且辣度無想像中咁辣，食開BB辣嘅人都會食到～😎👍🏻4. 🦑酥炸魷魚餐 ($57)有蒜香和芝士2款選擇，我選擇了芝士味，芝士味幾惹味，魷魚外層炸得酥脆，口感彈牙，套餐一樣可以配送卡邦尼飯或安東雞飯，幾抵食！👍🏻5. 🥘韓式辣炒年糕 ($61)醬汁甜甜辣辣，加入了口感煙韌的年糕和魚糕，辣得滋味！👍🏻
繼續閱讀
Food court中尋寶找到這間平民炸雞店, 總共有8隻款式的雞, 選擇都蠻多的, 可以滿足不同客人的口味 😊 可以單點或者跟餐, 每個餐都是$50左右, 有3隻雞件, 另外還有飯和飲料, 非常便宜。 Food court當然沒可能追求環境與服務質素, 所以正正常常便可以了。皇牌芝士炸雞餐 $51原味炸雞餐 $50如果單售3件雞塊就$40與$39, 芝士炸雞除了有芝士粉之外更可以加芝士醬, 加芝士醬與否隨自己口味喜好 😉 我本身重口味, 而且是芝士控就一定會加, 沒加芝士醬時會吃到芝士粉的一點甜味, 加了後芝士味就濃郁得多 🤩 雞肉嫩滑且juicy, 外面炸脆可口, 我還有點嫌佢側邊炸得有點過龍 😬 原味則加了少許香草, 不會太單調, 不過仍是芝士味較出色。蒜香酥魷魚 $74半份則$42, 有蒜香和芝士2款, 炸雞已經是芝士味, 為免重叠, 所以魷魚選擇了蒜香味。魷魚輕微煙韌, 口感跟平時吃的有出入, 我跟朋友都喜歡它的口感 😁 只加了少許炸粉, 不過太幼身的魷魚鬚偏硬。蒜香味不算突出, 反而吃到魷魚本身的鮮味。
繼續閱讀
😝嘻！我都算係深水埗地膽，住過深水埗三年嘅我，都經常去西九龍中心8樓美食天堂搵食！近期發現一間勁好食嘅韓國炸雞！自己覺得真係比起韓國仲好食，因為佢落勁多粉，炸雞炸夠脆！同埋非常抵食，好符合深水埗價錢物超所值！💯鐘意食炸雞嘅你真係要試吓，每舊都脆卜卜，三五知己聚腳攪party ，呢間炸雞係首選，除咗每一舊都沾滿味粉，仲要價錢超級化算！半隻無骨炸雞都唔洗$100丫！又勁好食！我大口妹勁推介👍🏼👍🏼👍🏼👍🏼👍🏼🈵▫️▫️▫️▫️▫️▫️▫️▫️▫️▫️▫️▫️▫️🍗芝士炸雞（半） $92呢個真係物超所值，成半隻雞有盒，都唔洗一百，舊舊雞都好大舊，仲要無骨，芝士粉勁濃！店主將每一舊炸雞都沾滿芝士粉，真係太香！好好食😋芝士粉真係必食推介👍🏼🍗甜辣炸雞餐跟卡邦尼飯配Zero $56🍗辣芝士炸雞餐跟安東雞飯配Zero $51勁抵食套餐，有三舊炸雞，會配韓國年糕，飯有兩款揀！古邦尼飯或安東難飯，分量亦有兩個，$26/大Large或$19/細Smal！▫️▫️▫️▫️▫️▫️▫️▫️▫️▫️▫️▫️▫️🍗芝士炸雞（半） $92🍗甜辣炸雞餐跟卡邦尼飯配Zero $56🍗辣芝士炸雞餐跟安東雞飯配Zero $51==$199/2，人均$99.5▫️▫️▫️▫️▫️▫️▫️▫️▫️▫️▫️▫️▫️▫️🔎網址: https://s.openrice.com/QrbS0RXCB00~uWCbtAw
繼續閱讀
西九龍中心food court張櫈斜咁，都無阻晚市人潮因為真係好多平靚正嘅嘢食，其中呢間炸雞真係飽到你瀡唔到滑梯晚市依然有set，一個餐有成三大嚿炸雞，仲有飯同飲品好夠份量又夠平，出面好少有咁平嘅價今次試招牌芝士味，芝味濃郁，外皮好爽脆，雞炸得好乾身鎖汁，肉質好嫩另外一個餐就要蒜香醬油味，醬汁多到完完全全包圍住啲炸雞，超級香甜又唔會浸腍啲炸皮，滲入滑口雞肉超正跟餐有兩款飯可以揀，卡邦尼飯聽落好特別卡邦尼汁撈飯又幾得喎，飯底煲得唔錯，好快就食咗大半兜飯另外一款係安東雞飯，醬汁係啡啡地，似燉雞汁，送飯都幾惹味跟餐加廿幾蚊有薯條，仲要係有味嘅，粟米湯味最獨特，又真係有湯味，撈落薯條又幾夾狂熱味即係微辣BBQ味，食落香噴噴，份量仲好多，廿幾蚊好抵加平時年糕係煲熟佢嚟食，炸年糕就比較少見，跟餐加幾條試吓，試吓跟芝士炸雞撈，脆皮煙煙韌韌咁，口感都幾好咬口
繼續閱讀
之前住喺呢頭附近都成日會去西九龍中心，因為除咗有嘢行有嘢買之外，上面仲有個food court好多嘢食又多選擇，今日經過就試咗呢間好抵又經濟實惠嘅炸雞店✨芝士炸雞套餐$52即使芝士覆蓋炸雞，肉質仍然可以保持鮮嫩多汁。✨酥炸魷魚套餐$58炸粉唔會太過厚身，簡單調味已經帶出味道。2個套餐每份都分別跟左2條炸年糕小食，而且可以自選安東雞飯或者卡邦尼飯，唔想食飯都可以加多一件雞，安東雞飯個味道，有啲似台灣嘅魯肉飯，另外包埋飲品。✨原味招牌炸雞（半份）$90個人都係比較喜歡原味招牌炸雞，最緊要係無骨啖啖肉，份量都多有成七件，另外跟埋個蜜糖芥末醬俾你一齊食，幾特別。而且要讚一下員工都做到無停手，但服務態度都親切有禮。
繼續閱讀