繼光香香雞 (已結業)

今晚行開旺角，口痕痕去買小食，之前食過依間叫繼光香香雞。之前印象係非常有水準，炸得好趣，好新鮮，好入味。所以今晚再去光顧。點知極利失望，價錢無變，依然係$35，有五件炸雞。今晚所見，已用排長龍等。果然有原因。今晚再次光顧，好快就有得食，約幾分鐘。個炸雞肯定是翻炸，因為雞翼皮是硬的，還有雞翼邊現深黑色，同埋好似索咗好耐油咁。肯定是翻炸，用難食來形容是最適合。個人肯定短時間內暫不會再光顧這間食店。即使店員態度還算友善。|

一直好鍾意食D台式小食架~~~~~~~早幾日係MK行行下好肚餓, 又見到成條街既人都拎住一包包小食就決定掃街解決喇!!!!係台灣食過繼光香香雞, 係HK開既我就未試過一於試試佢啦!!!!!!!!!!!!!!!!!!!!我地叫左份中SIZE 既香香雞, 仲有份杏包菇, 比錢個時比個員工SELL到試埋佢個新出既魷魚酥!香香雞真係有個磅係到計住個份量架!中SIZE 都幾大份下, 即叫即炸好香脆, 但又唔乾身杏包菇就相對失左少少色, 個皮LUM左DD但D菇好大粒!!!我最鍾意魷魚酥啊!!! 不過份量好少, 有D貴, 但真係好好好好好味炸得岩岩好, 個魷魚又易咬我地仲另外跟餐叫左2杯野飲TIM!

位於旺角的 繼光香香雞，是一間台灣炸雞過江龍。香港真的有太多間過江龍，來自五湖四海，吃也吃不完阿。這天去美容院前，特意在旺角站下車吃炸雞。香香炸雞 $50炸雞有三種份量可選，小$28，中$39，大$50，也可選辣度，分成大中小微辣正常。我選擇一份大的原味和一份中的中辣，炸雞即叫即炸，香氣四溢，令人食指大動。鮮嫩軟彈的無骨雞肉，甘香鬆脆，依然有肉的絲絲質感，惹味好食，又沒油膩感，欲罷不能阿。繼光香香雞 旺角花園街18號華園閣地下3號舖

Who would say no to the "Street food in Hong Kong"! Spa Chicken Fillet ( HK$32)This deep fried chicken was served with their secret additive spicy powder. They offer various spicy levels from 0% spicy to 100% spicy for you to choose from. The outer layer of crispy crust gives contrast to the moist and tender centre! It was best served fresh and hot, so don't be shy and gobble it up right away!Iced Tea (HK$10)If you by any items from the store, you can also add $10 for an iced tea. The origin

講到話係香港食炸雞，由第一次同事推介我食呢間就愛上左😝真心好食過大雞大！👉🏿✨香香炸雞 (小）Hkd 28 💸📌佢啲炸雞係超級酥脆！出面係脆到一咬都聽到聲，入面啲雞又唔會炸到乾水老晒，都仲keep到嫩滑！想食炸雞未試過呢間一定要試下！👉🏿✨蒜辣杏鮑菇 (小）Hkd 25 💸📌一直都未試過，估唔到炸菇又幾好食喎！上面充滿晒調味粉，好惹味，我另外仲叫左小辣，不過就覺得太辣啦！但即叫即炸都算好食～👉🏿✨塔塔甜不辣 Hkd 26 💸📌呢個好耐之前已經食過，今次就試吓呢個沙律醬，好似魚糕咁，煙煙unun，加埋沙律醬又係另一種風味！👉🏿✨胡麻脆雞翼 3隻 Hkd 23 💸📌呢個絕對要食！係咁多款入面最好食最有驚喜！佢係炸到超級脆，啲調味料又俾得好足，辣得好過癮喔☺️

繼光香香雞旺角掃街黎講少不免香口野 是日主要光顧台灣黎既香香雞 試左好幾款野食物同大家分享下香香炸雞首先黎香香雞一定要食雞 食雞一定要趁熱食 最好要啲辣味道會更加突出 唔食得辣既朋友可以考慮選擇微辣 於大中小微四種辣度當中標明只10%辣 又熱又辣先叫熱辣辣嘛 叫左份大二人share 雞肉份量唔少 肉質都fair 雞肉斬得足夠細 香香雞絶對係無伏之選澎湖花枝丸時下興食物名前加個地方名好似會pro啲 就如揚州炒飯唔係來自揚州咁 我都唔清楚係咪真澎湖出產 邊樹都好其實最緊要食物好食 份量方面有三或五粒任君選擇 食得出係跟椒鹽 咸而非辣 唔食得辣既另一選擇脆辣薯格新品上市 跟他他醬 薯格本身幾standard 點埋醬食感覺熱氣稍減 相對之下我對上次食既蒜味薯條印象更加深 可能係因為呢隻無得揀辣度令我覺得脆辣唔辣 想試新或薯格控或唔食辣既朋友可以考慮桂香酸梅湯利申本人對酸梅湯麻麻地 只係食香口野唔配杯凍飲真係過唔到自己 為免夜媽媽飲茶訓唔著所以叫左酸梅湯 先要讚下個價錢 三種供應飲品相信都平絶附近數唔到幾多間既台式飲品 經濟實惠解熱氣 味道方面我覺得同有飲過既酸梅湯有啲分別 濃d重口味d 係咪因

去得旺角最好緊係掃街，台灣黎既炸雞真係經常都會食，而且呢間雖然開左好多分店都依然保持到水準，仲都幾多選擇可以揀。店內最突出既當然係佢地既炸雞，可以見住係入面即點即炸，炸完之後仲會放出黎灑調味粉，用上磅計重量包無少俾你。去得旺角緊係要一路行一路食喇，叫左幾樣野每樣分開袋唔會撈埋一齊，雖然行左一陣但拎起手仲係熱辣辣架。必叫緊係招牌既《香香炸雞》($28)，叫左小份，當然最好係即叫即炸，所以要等一等，熱辣辣再灑上辣粉，個皮夠脆帶少少辣夠惹味。另一樣成日都會叫既《澎湖花枝丸》($18)，揀左三粒裝，另外有五粒裝可以揀，外皮炸粉唔厚身，花枝丸唔會好粉又夠爽口。今次第一次食《義式墨魚甜不辣》($24)，揀左海苔味外面黑媽媽，咬落個皮脆脆地入面煙韌，帶左少少墨魚香。食咁多野緊要叫番杯《水果冰茶》($15)，入面見到仲有啲水果絲係底，飲落唔會好甜，亦有陣水果香味，飲完解哂渴。店名：繼光香香雞地址：旺角花園街18號華園閣地下3號舖餐牌:

服務態度極差，廿幾蚊就買到人格。用我係老闆，廿幾蚊唔賣就唔賣既態度對客人。難道所有客人都係你員工知道咩野係有分大細份？🤔都係問多句，想買個野食姐，真係難以理解

行過旺角一帶，一路行一路看到一間間的小食店，選擇之多，真的不知如何下手。行過見到這間炸雞店，先聞到炸雞味道，便決定試試這𥚃的炸雞。香香炸雞（大）$50-炸雞份量分大中小，價錢分別是$28、$39和$50。炸雞還可以選擇辣度，可以選正常、微辣、小辣、中辣和大辣。大份有250g, 店員會小心磅到剛剛好然後撒辣粉並入袋。新鮮炸好的雞件鬆脆可口。Spa 雞排$32-這塊雞扒很大塊，成隻手掌咁大。辣度也可選擇，食一塊都飽哂！義式墨魚甜不辣（海苔）$24-這個墨魚食落一點都不似墨魚，似食麵粉條多啲！

今日心血來潮, 想喺旺角掃下街, 見到之前次次去台灣都食嘅繼光香香雞, 忍唔住叫咗好多款小食😁香香炸雞 (中) $39食繼光香香雞點都要叫香香炸雞啦, 仲有辣度可以選擇~~ 全部新鮮即炸, 炸到勁香脆!!蒜脆杏鮑菇 (小) $25😳估唔到呢個菇有驚喜喎!! 外脆內軟, 多汁, 好快比我KO曬🤪🤪澎湖花枝丸 (5粒) $29爽口彈牙的花枝丸😎義式墨魚甜不辣 (海苔) $24呢個第一次食, 外皮酥脆, 食落煙煙韌韌~水果冰茶 $15食完咁好味又咁邪惡嘅小食, 飲返水果茶好似冇咁熱氣👅

最近一直不在香港，也少了很多打食評。新的一年要勤奮一點了，哈哈。繼光香香雞，第一次吃是在臺灣。不愛排隊的我被那香味吸引住，居然心甘情願地走過去排了二十幾分鐘。過了一段時間，香港也開了分店，而且還越開越多，卻沒有了當初愛吃它的衝動，偶爾經過想起還沒吃飯才會買一袋來吃。而昨晚十點才下班，飢寒交迫之下，只想吃重口味又油分高的comfort food，上OR看到這家十點半才關門，連忙極速趕過去。叫小的又怕不夠飽，最後還是點了個中size。香香炸鷄（中）$39等了大概幾分鐘，炸鷄就弄好了！店員會先稱重，以確保份量維持均一，然後再按所點的辣度撒上辣粉再搖一下，就可以吃了咯~餓到不行的我，也懶得拍照，圖中是已經吃了兩三塊炸鷄了，哈哈。中size是大概200g左右。炸鷄不太油膩，但是味道很足夠，適合愛重口味的人。雖然不油膩，吃下去也不會覺得太乾身，反而心裏會暗暗告訴自己，其實也不是太不健康吧，哈哈。其實引起我寫這篇食評的契機是因爲店員實在太有禮貌了。雖然我在香港吃過幾次，但每次的服務態度算是剛好，不過不失，符合一般小吃店的標準。可是昨晚的店員非常有禮貌，我們在旁邊等待也一直微笑告訴我們再等一下就有了，

繼光香香雞係台灣引進，初初都廣受大家歡迎，我之前都係台北食過，當時真係好好食，但來到香港就變曬質！其實各位引進者點解要拆人招牌呢？雞好乾，一食就知係雞胸肉，而且炸到硬曬，無雞味之餘，仲有陣油炸味道！雖然加了調味粉，但都只有辣味，完全吸引唔到我！食完覺得喉嚨好乾！雖然包裝係幾好既貼心，用膠袋袋住防漏，但本質差就已經大罪了😑收費其實都算貴，同一個價錢我有更多小食選擇，希望只係旺角呢間係咁差！so sad

從以前只有台灣開左，香港冇既時候已經好鐘意食，每次黎到台灣都必食，而家香港越來越多分店，去到邊都食到啦！今次點了二樣，炸雞同杏鮑菇，同台灣既一樣咁好食，唔會太油，又有肉汁食落又唔會好似其他炸雞店一樣咁多炸粉，而且都是即點即炸，保持新鮮，另外，杏鮑菇都係呢到既出名之選，不過由於即點即炸，較少人點會等得比較耐，係等候既途中再買多杯珍珠奶茶就一流啦！

炸雞 小 $26.之前聽聞過佢係香港既分店係唔好食 所以試都冇試過 但今次真係有d改觀🙇🏻.價錢係有d貴但份量又唔算真係少得可憐既 都有6舊咁 但佢真係新鮮岩岩炸起 配上辣粉特別惹味😊 雞肉唔算鞋 但未見有肉汁 還不錯吃 係貴左少少蔥蒜薯條.話說好一排無到旺角掃街 本來想掃既主角唔係香香雞 不過一時口痕幫襯左佢一份薯條無記錯係有兩款味揀 價錢$20多啲 咁我就揀左蔥蒜 因為無咩食呢個配搭.本來都有啲驚會太dry因為無sauce 食落又覺得ok 可能係佢蔥蒜都落唔少 薯條見底都仲有淨.另外份量都合理 新鮮炸出黎熱辣辣幾香口 所以肚餓既在下食得幾滋味 大家可以一試.

如果大家平時食開豪乜乜而從來都未食過繼光香香雞，我推薦大家真係要試下佢既香香炸雞！以前第一次食係係元朗分店，食完第一次之後都令人念念不忘。香香炸雞即叫即炸，大約等六分鐘。雖然要等，但真係絕對值得！香香炸雞仲有得揀辣度同份量。嗜辣的我就揀左中辣同中份！我記得中份的份量係210g，但我真係覺得唔夠食！店員仲會用個膠袋袋住方便你拎。方便還方便，但真係有啲唔環保！炸雞的炸份好薄，每件都大大舊，而且隱隱約約仲有陣蒜味，我真係勁鐘意！不過最重要都係熱辣辣！即叫即整已經贏一半🤣 大件又惹味。但價錢都偏貴，小份的21元，中份的要39元！其實嗌份中既都夠食餐飯，但勝在惹味～下次想試埋花枝丸同佢既野飲！