緻 (已結業)

串燒定食，啲脆肉瓜燒到黑哂，兩面都係咁，唉...個兩串雞都係，本身平價貨，仲要燒到勁柴。得個蛋叫正常...認真aeon啲串燒都好過佢。啲好評除左係買番黎的我搵唔到其他解釋...

與朋友相約於澳南食午餐，係一眾西餐廳林立嘅地方我哋挑選咗呢一間日本菜餐廳。餐廳喺二樓位置，有一枱室外座位同室內用餐，室內設計精緻，有中高級居酒屋的感覺，令人十分舒服。午市套餐選擇多，套餐有齊沙律，前菜，湯，茶碗蒸同主菜，抵食又好味。串燒質素高 ，餐廳職員友善。絕對值得encore

第二次嚟呢間食串燒🍢都係咁高水準👍🏻👍🏻👍🏻👍🏻👍🏻日式柚子皮評分：⭐️⭐️⭐️⭐️⭐️酸酸辣辣咁好開胃好好食 估唔到柚子同雞皮咁夾味噌豬腸評分：⭐️⭐️⭐️⭐️⭐️一入口好酥脆 帶啲味噌 好好食松葉蟹冷蕎麥麵評分：⭐️⭐️⭐️⭐️⭐️蛋黃撈埋落麵到點啲麵食 松葉蟹真係好正櫻花蝦炒飯評分：⭐️⭐️⭐️⭐️⭐️櫻花蝦脆脆地配埋啲炒飯食 飯粒硬度適中以往出面啲炒飯都有啲咸 呢個唔會太重口味 炸物拼盤評分：⭐️⭐️⭐️呢個拼盤麻麻地 唔係咁特別一定要嗌味道一般 但都夠脆嘅蘋果檸檬薄荷烏龍茶評分：⭐️⭐️⭐️⭐️⭐️酸酸甜甜咁好開胃 拌碟嘅蘋果好好食 勁爽脆係有蘋果醋加檸檬汁嘅烏龍茶 勁好飲 柚子cocktail 評分：⭐️⭐️⭐️⭐️⭐️酸酸甜甜咁好易入口 燒日本帶子串評分：⭐️⭐️⭐️⭐️⭐️帶子面有啲蔥蒜炸過 加埋啲汁食 帶子好爽口呢餐食左咁多嘢都係$892 呢排做週年慶有8折👍🏻

堅好食，性價比好高，埋單人頭費270左右。好食過係日本食串燒。多春魚好有驚喜食左9串套餐,真係好食,之後再叫多個6串套餐。但原來佢地有個廚師推介MEAU掛左係牆,當時無為意到,走左先發覺,下次要試下。係間鋪遠左D，但相對黎講，清靜係極好的優點。服務態度都好好。滙豐信用咭仲有88折,好似另一間銀行有9折。未食過既快D去,無得輸。想食串燒都唔洗去市區,如果呢個水平去市區食,肯定排隊排到死,而且一定勁嘈。

同老婆happy friday 去左屋企附近既一間餐廳 7:30 左右到訂左位唔洗等 地鐵站行去大概8分鐘Drink: Sapporo draft beer 夠凍夠多氣 諗起去北海道既回憶主菜：combo 有雞軟骨 雞肉 免治雞肉 一串豬肉 整體黎講都好味 多蔥同香主菜：白鱔 次次去日式燒烤一定叫鱔 呢個燒到個皮脆 肉夠彈牙同多汁 好滿足 一定要試主菜：茄子 冇諗過咁好味 將一條普通既茄子🍆 燒到咁香 同埋特制既汁 一定要叫主菜：雞全翼 比起其他就相對普通 不過不失主菜：鰻魚茶漬飯 大推 鰻魚多汁又大舊 肉好結實 同埋好多舊 配上茶漬茶 真係一絕 同埋$78 兩個人share 兩個人五百幾蚊 整體來說有驚喜 會再去

今日喺屋企附近搵食想食低卡少少就一於揀日本菜嚟咗呢一間好多好評嘅餐廳好驚喜好滿足既一餐佢起Monterey既二樓都唔算容易搵㗎 舖頭雖然唔係好大但係裝修都幾靚價錢起將南嚟講唔算貴今日仲有八折添所以我哋就豪啲嗌咗套餐首先嚟既係日式煙鴨胸凱撒沙律勁大兜沙律菜好新鮮！煙鴨胸一啲都唔騷！！！仲好juicy添最欣賞佢係加咗啲米餅落去增加口感之餘仲增加咗個日式感覺再嚟既係精選刺身三點盛刺身好新鮮特別係北寄貝！出面好多都乾爭爭，但係呢度係好鮮甜食到北寄貝個種鮮味之後仲有茶碗蒸同麵豉湯正常操作啦好食嘅，但係相對其他嘢就好似冇咁驚喜茶碗蒸入面都冇乜其他料既呢個串燒盛合真係不得了真係比起出面嘅日本餐廳仲更加有誠意岩手雞肉串雞味係超濃！絕對食得出係日本雞所以佢冇乜點樣落調味料都好好食黑豚豬腩肉串呢個佢燒得好香口！仲要唔係好肥膩～好味！鵪鶉蛋串呢道菜都好好味鍾意佢啲汁令到鵪鶉蛋冇咁乾身日本翠玉瓜串呢個最好食係面頭嘅粉！！！令到翠玉瓜好香口惹味仲要係好Juicy最驚喜係梅子車厘茄串我本身唔鍾意食車厘茄但係我加咗啲梅子粉同埋燒得熟咗之後就冇咗嗰浸草青味人生第一次覺得車厘茄係好食好驚喜之後仲有松葉蟹肉蟹子茶漬飯都係

呢間串燒好好食，A4 和牛，汁燒白膳， 豬拖羅，燒帶子，都非常出色，如果開係銅鑼灣，尖沙咀，旺角，應該好難有位， 係我食過抵食串燒中最出色的一間，職員全部都好有禮貌，服務好好，講解又長盡，介紹了支白酒越後櫻也很不錯食完行出將南行下都係一樂事，附近重有Donki 添

:由於同朋友都住九龍東既關係 (食完可以早d返屋企😂) ，我地相約去將軍澳MONTEREY Place🤗環境唔錯，靜靜的一間小店， Service都幾好👍🏻我地叫左個2人餐佢既份量一d 都唔孤寒👍🏻,個salad 好大碗，有一下覺得食salad都夠飽了😂我地另外+$80 轉饅魚炒飯幾好食 好香，兩個女仔一日2碗仔都仲有一碗可以打包😂我地開加配左支sake 本身對跟餐加配既酒都冇咩期望但佢又出奇幾好飲😂又唔太dry, 又唔係太甜一路傾計 唔覺唔覺都飲晒成支🫣🫣但野食偏鹹，個麵豉湯 係飲一啖都即刻要飲水個隻 (本人同朋友超喜歡麵豉湯都被迫放棄😟)而串燒部份我唔太鐘意d串燒咁多7味粉🫣個菇d 7味粉真係多左d😅 第一啖咬落個下去真係鹹到hihi唔係講笑😂送既甜品以為2球都係雪糕原來係有一粒puff + 紅豆蓉 同大量既cream墊底🫣, 如果cream既部份轉埋做雪糕就更好啦🤣總結：同朋友放工一齊食下野傾下計係唔錯既選擇❤️但如野食既鹹度輕手返少少就會更好🤏🏻

我地兩個人叫左三樣野啱啱好 七至八成飽✨鰻魚炒飯 $128送到上黎仲冒晒煙 好有鑊氣 飯煙煙韌韌 有鰻魚汁包裹住 好食👍 仲有好多材料 有洋蔥 紅蘿蔔 青豆粒 唔少嘅鰻魚😋😋 推薦👍✨精選盛合 $208有牛舌芯 豬拖羅 雞柳 雞腿肉 雞頸 雞胸軟骨 我地一致都覺得雞胸軟骨最好食 用左黑椒調味 雞胸唔會好鞋 啲軟骨食落又好爽口 雞頸用左孜然椒鹽 雞腿肉有大蔥 雞柳有芝麻梅醬 牛舌芯落左鹽 全部嘅調味都好好食👍👍👍 唔想散叫又貴啲又唔知揀咩可以試下叫呢個😆✨吞拿魚蓉豆腐水菜沙律 $108吞拿魚蓉好香😋😋 豆腐粒都好香豆味又好滑 🥰 菜好fresh 配埋啲芝麻醬好好味🤤 想食得健康啲有啲菜可以試下總括黎講味道好唔錯 👍👍 服務方面侍應服務好好 一入黎為我地介紹佢地餐廳冇咖啡因嘅麥茶 然後差唔多每上完一道菜都會講唔該 最後又好貼心我地走嗰陣會提拎遮👍環境方面都坐得好舒服 枱與枱都有啲距離 裝修都別緻 味道❤️❤️❤️❤️💔抵食❤️❤️❤️服務❤️❤️❤️❤️環境❤️❤️❤️💔💰晚餐人均～$250✅再幫襯

將軍澳海濱附近有不少餐廳☕️🧋🥘🥗，越來越多人慕名而來。早前已聽說這間餐廳的日本料理不錯😃，所以就一於去嘗試下✌️一坐下，職員很有禮貌為我們簡單介紹餐牌上的食物🍱🍣🍙，然後倒麥茶給我們，夏天喝麥茶是解暑方法之一，餐廳對客人真窩心❤️！喝了幾口麥茶後，我們點了午市套餐，很快便送來。食之前請職員為我們拍照，職員都很樂意😊！拍照完，舊同事不小心弄翻了麵豉湯🤦🏻‍♀️，職員連忙抹乾淨餐枱和地板，又遞紙巾給舊同事抹乾衣服，很體貼🥰總括，餐廳日式佈置，環境算是寧靜（要看你隔離枱坐了什麼客人🤭），食物出色😋，職員服務態度優良👍，值得再去😘

將軍澳南岸係我最近鐘意覓食嘅地方，嗰度有好多新食肆，中、西、日、韓…… 嘅菜式，應有盡有。有d餐廳仲好有格調添！再加上周圍環境開揚，面對港灣大橋，令人心身舒暢，食慾大增。星期日傍晚又去到嗰度食個early dinner。我哋選擇咗位於Monetary Place 一樓嘅一間日本餐廳「緻」。喜歡嗰度位於一樓，環境清靜啲，冇樓下食肆咁多人。餐廳雖然細細哋，但勝在裝修簡單自然，和風味濃，而且啲侍應仲好有禮貌添！先來兩碟串燒，汁燒白鱔和鹽麴蔥牛舌芯。鱔肉肥美又彈牙，油脂豐富，魚皮焦濃香脆，以甜燒汁伴食，非常滋味。另一款厚切牛舌芯亦毫不遜色，外層少少煙韌，但中間就非常軟淋，生熟度控制得宜。兩碟串燒各有千秋。咁美味嘅串燒當然要飲番杯口感清爽優雅，而又深受日本人喜愛嘅冰凍Sapporo 日本啤酒啦！食日本嘢，刺身當然吾少得。當晚捨棄咗必叫嘅三文魚刺身，改叫富含DHA, 營養豐富嘅日本油甘魚刺身。刺身厚切八件多，油花分佈均勻，味道鮮甜甘香，魚味濃郁細膩。再來一個炸物拼盤： 吉列魷魚圈、青蔥吉列廣島蠔、蟹肉忌廉餅、唐揚炸雞和炸雞軟骨。一個拼盤有齊五種炸物只須百餘元可算超值！剛炸起便上枱，外酥內嫩，香脆可

之前同事介紹過呢間串燒店環境優美啲嘢好食，今日特登同朋友過嚟幫襯下先，呢間餐廳裝修靚，格調又好睇餐牌有好多選擇，而且以呢度嘅鋪租，景觀，裝修嚟講，價錢相宜前菜揀咗吞拿魚蓉豆腐水菜沙律，配料有紫蘇、青蔥、胡麻，啲沙律菜好新鮮爽脆，豆腐嫩滑，豆味濃郁，重點係吞拿魚蓉份量勁多而且新鮮，個沙律超好食！跟住呢個係炸物拼盤，有吉列魷魚圈（4件）、 青春吉列廣島蠔（2件）、 蟹肉忌廉餅（2件）、 唐揚炸雞（3件）、 炸雞軟骨，炸物炸到好乾身， 食落口一啲都唔油膩蟹肉忌廉餅皮薄餡靚， 唐揚炸雞雞肉嫩滑有肉汁$158有咁大碟，其實好抵跟住係極緻串燒盛合，精選盛合6本，$208，其中有1串係加拿大豬拖羅，1串係厚切牛舌芯，其餘4串係雞，師傅燒串燒燒到啱啱好， 一啲都唔會過燶，因為啱啱夠熟， 所以串燒啲肉都好嫩口，有肉汁又一啲都唔嚡調味惹味得嚟，又唔會太過重口味，最後係鰻魚炒飯，$128，以呢間餐廳嘅地段、裝修、食物質素同埋個份量嚟計，呢碟鰻魚炒飯$128勁抵！餐廳一啲都冇偷工減料， 碟炒飯有好多鰻魚喺裡面超足料勁好食總結：餐廳裝修靚，嚟拍拖或者同朋友傾計聚會一流，食物質素亦都好有水準， 服務質素亦都好，將

同朋友行開donki, 諗著去海旁行下但越落越大雨去附近商場避雨順便食啲野大家都攰攰地唔想諗, 就叫咗個套餐泡菜唔濃味, 幾清新開胃筍絲有點甜, 晒了芝麻喺上面更香黑魚子帶子刺身沙律, 帶子和魚子的份量很多而且新鮮, 加埋醋酸酸地好夾, 裡面仲有米通脆脆地口感幾好芝士玉子伴上櫻花蝦, 甜甜地幾香滑面豉湯濃而不咸, 海帶未煮到淋晒, 咁樣好啲咬口仲好杏飽菇大啡菇燒得啱啱好, 仲係好多汁, 調味唔會過濃蓋過本身味道燒五花腩好肥美, 雞汁又夠嫩, 配上孜然粉唔錯鰻魚本身夠肥加上都算厚切, 剛燒起都油脂味香到爆松葉蟹肉蟹膏炒飯, 第一口濃濃既蟹膏衝擊很大北海道石狩鍋, 鮭魚不是煮到好滑果種咁, 反而味道很突出朋友不吃葱和豆卜, 些才是精華吧食埋甜品大滿足, 但因為太飽, 都忘了味道...

將軍澳海濱有多唔同餐廳間唔中我都會同媽咪過黎chill下平日見到依間日式串燒都想黎試下今次同媽咪食個dinner❤️Joanne’s picks （5粒⭐️為滿分）特選盛合 $338 ⭐️⭐️⭐️⭐️CP值好高 9本精選串燒 加拿大豬陀拖羅厚切牛脷芯日本白豚五花腩美國牛西冷雞軟骨雞腿肉雞柳雞胸肉雞心鰻魚炒飯 $128 ⭐️⭐️⭐️.5炒飯唔會做得好甜 鰻魚燒得好香 緻 (將軍澳)📍將軍澳澳南海岸唐俊街23號MONTEREY Place 1樓6A號舖整體:⭐️⭐️⭐️.5環境:⭐️⭐️⭐️⭐️服務:⭐️⭐️⭐️⭐️#foodieJb @joanne.kny#hkfoodblogger #hkfoodie #iloveeat#winendine #dinninghk #tastofhk #discoveryhk

今日難得放假，所以去咗將南嗰邊嘆個高質日式午餐。午市定食種類很多，經過一番掙扎之後，揀咗兩款心儀嘅set lunch we。炸黑豚豬扒配鰹魚昆布湯蕎麥麵定食黑豚豬扒炸得香脆，肉質軟嫩，而且絕無油膩的感覺。蕎麥麵Q彈，鰹魚昆布湯清甜，入面仲有切成絲狀的黑木耳，大大提升了口感的層次。定食還包括沙律、前菜、麵豉湯和蒸蛋，性價比十分高！燒美國牛小排伴辣椒豉油蔥花醬丼飯定食牛小排肉質鮮嫩多汁，其辣椒豉油蔥花醬極之惹味，令人胃口大開，撈飯食超正！下次再來一定會吃！唔好睇小跟餐嘅沙律，沙律菜好新鮮，加有少許胡麻醬，非常清新！另外，蒸蛋同樣出色，食到蛋香，口感幼滑。豐富嘅午餐又點少得甜品呢！我和朋友一人一球雪糕球，分別揀咗cookie and cream 和抹茶味，兩個都好好味，而且雪糕底仲加咗脆卜卜嘅粒粒，超級好吃！