緣屋 札幌元袓蝦湯拉麵 (信德中心)

營業中

休息中

前身日式咖喱店執左，轉為拉麵店主打係蝦湯底聞說幾多人排隊，今日食12：00就一於試試門面餐牌封面，大大隻字寫住蝦濃湯相信都係賣點枱上有不少調味料，右邊個款係蒜蓉醬左邊個款拉麵胡椒冇試，但都算幾特別，唔係好多拉麵店都有吧點左呢款醬油蝦濃湯拉麵有一塊叉燒，半隻糖心蛋，兩條烤過嘅粟米芯，及大量櫻花蝦望落個湯底都應該係充滿蝦油先飲啖湯，蝦咪果然好濃，湯底亦有少少辛辣，但都可接受叉燒只得一塊有點失望但食完確實口乾要飲好多水下次再試下其他款式拉麵又或者其他小食

新年假相對少人，不用等位拉麵的價位是中價，大概八十多塊面嘅硬度係適中但係靈魂在於湯底而我揀嘅鹽味湯底居然好淡，感覺亦太油，有點可惜。基於太淡，我都忍唔住加咗豉油。成個湯底嘅味即刻提升咗，所以我相信如果佢哋加番多少少鹽應該會好食好多

見佢新開就黎試下，叫左兩個麵，一個蟹肉薯餅第一個蟹肉薯餅賣相好燶唔靚又細件，食落成舊粉咁，冇薯味冇蟹味，就係食到洋蔥味，可能我食緊洋蔥餅啦第二個味噌蝦濃湯拉麵個湯飲落好香濃，但蝦味被味噌蓋過左，麵唔夠彈牙有口感仲好大陣鹼水味第三個鹽味蝦濃湯拉麵呢個湯果然比頭先味噌嗰個濃蝦味好多，第一啖飲落幾好味，可惜加埋啲麵食⋯啲麵超重既鹼水味就發揮佢地無窮既破壞力啦，將成個麵變到一碗粗麵版既港式雲吞麵咁，什麼蝦味乜味都食唔到，就係食到鹼水味

老公熱愛日式拉麵，所以每當有日本拉麵新開張，必定要來試試。今次都不例外，係Facebook 一見到呢間來自北海道的緣屋蝦湯麵，第二日即來。來到店面已經有條小人龍，等左十分鐘先入到去。入面雖然人多，但安排我地座sofa 位，尙算舒適。同其他拉麵店一樣，有齊拉麵胡椒粉，鼓油，蒜等，不過竟然無辣芽菜，失望。。。。同埋佢唔同其他拉麵店，無得選拉麵的軟硬度，湯的濃度，配料的多少等。叉燒蝦濃湯拉麵幾好味啵，有蝦的鮮味，顏色鮮豔，流心蛋又香又軟。焦香醬油濃蝦湯麵呢個麵賣相無咁七彩，味道都比較似豬骨湯底，如果一心想食蝦湯麵就唔好選呢的啦。

after a rather strenuous hike, my body was craving for something salty. read about a recently opened ramen shop, specializing in shrimp broth. so I asked the staff when this restaurant first opened and she informed me that it was last week.as with many things Japanese, the presentation was pretty. i chose salted rich shrimp broth to see hiw shrimpy the soup would taste. when it came to my table, i tried to get a sense by smelling the broth...it kinda smelled like wonton noodle soup, not much of

上環信德開左間日式拉麵，極具人氣頂，中午排左30分鐘，才有位。派位姐姐話若叫1）味噌蝦濃拉麵，或2）味噌叉燒蝦濃拉麵，會快點，15~30min。其它拉麵，要30min以上，甘當然係2選1啦。差$20，多3片叉燒，🤔叫(2)啦!這冇面硬度，面份量可選，只可選走葱否。😃 等待期間，見幾個廚師好似日本人， 立即對個湯底充滿期待。🍲 湯底真係好有蝦味， 味噌不是死咸， 恰到好處， 油脂亦唔算多，👍5片叉燒吾肥，面份量十分足夠，有2條筍，半只流心蛋，少许葱花及一堆櫻花蝦，$98+10%，大滿足😋

最近係facebook睇到某周刊介紹呢間過江龍拉麵店，主要以蝦拉麵爲主，剛好今晚要送家姐回澳門，大好機會吾係吾珍惜掛？到店時間約6時30分，需要等候大約10分鐘才有店員安排入座，同行有四大一BB，店員幫我地安排4人枱，額外再加咗一張凳，我地向店員查詢會唔會有BB凳，店員回答話只有沒有安全帶的BB凳。係呢方面，建議可以增加有安全帶嘅BB凳。😊😊好啦～返黎正題....拉麵🍜登場我地點咗三碗拉麵最後一碗係鹽味蝦濃湯拉麵，對比第一碗，味道較清新，如果鍾意淡口味建議揀鹽味蝦濃湯拉麵🍜當然唔少得香港限定櫻花蝦唐揚炸雞整體黎講，都值得前來一試，特別係拉麵控...可能會有意外驚喜喔~

試新野。叫咗最平$78嘅味噌蝦麵及餃子。湯底一流，味噌及蝦味都好濃厚，又唔會過咸。麵係傳統嘅粗麵，夠彈牙。好耐無試過飲湯飲到見底。餃子(無影相)方面相對普通，個底煎到有少許過硬。埋單連加一$117。會再來。

一間新開的拉面店, 主打蝦湯拉面, 記憶中好像出名的一幻拉面都是, 不知味道上能否比得上入座當天星期日, 晚上七點多, 人流不多, 一半入座我個人試左 1.蝦餃子 2.味噌蝦濃湯拉麵1. 蝦餃子不太感覺到蝦子味道, 不過煎得香脆, 扣分位是有些破皮2. 味噌蝦濃湯拉麵, 賣相不俗, 叉燒一片, 半隻蛋, 粟米心, 長蔥絲, 加些少櫻花蝦皮, 簡簡單單; 麵條是一種像波浪起伏有彎度的捲麵, 有些許鹼水味, 尚可接受; 嘗一口湯, 湯味濃郁,味噌和蝦鮮味和平相處, 咸度適中, 一口面一口湯, 基本上湯底已是主角, 最後見碗底, 下次必再來離開時和服務生閒聊數句, 原來剛開張三天, 師傅,用料都是日本來, 整體服務, 食物質素不錯, 值得推荐

店內不太多人，服務員已經「千叮萬囑」要等20分鐘！（如果有時間不趕，可以接受）拉麵冇特別！未打散！一舊舊！餃子大大粒，但冇囗感，仲有點凍！湯底，賣點是蝦湯，但原全冇蝦湯味，只有濃濃味精！湯不夠熱！唯獨可以讚好就是賣相！但賣相值唔值得$113（包括一罐汽水）值得嗎？