緣味小聚 (LADDER Dundas) (已結業)

又係見到you tube 廣告，某日見到抖音都有人探店，所以約上幾個姐妹去試下，上到9樓，個心離一離，7點，我哋第一台客，既然來到，就試下啦，然後要左個海鮮任食套餐，馬上有個好似經理嘅人攞左張牌過來，原來係sell現金券3000元，因為未試過味道，所以暫時唔會考慮，此時我哋先知所以海鮮任食需要購買佢哋現金券先可以加錢升級，有種上左賊船的感覺，我打電話book位問過海鮮任食套餐幾錢，店員答我加埋所有費用，一個人四百幾，已經冇曬心情食嘢，上來一隻半龍蝦，有一隻係生鮮，仲有一個半隻唔生鮮，生蠔三隻，得一隻生鮮，餘下兩隻壞嘅，叫左店員來，換左一隻比我哋，貝殼類不過不失，都有一隻臭嘅，其他任點的除左牛肉澳洲M5和牛可以食下，其他菜仲衰過兆萬，總之一分錢一分貨，中伏一次夠啦，店員服務態度幾好

一心諗住食海鮮蒸鍋，book左4位啦..一上到去環境都幾細，經理都叫好態度招呼..但發現..海鮮蒸完唔係用黎煮粥..海蝦係梅既，火鍋料仲衰過兆萬果啲😂感覺好伏衛生情況極差，就咁拎住啲野食搭lift落樓下6樓…阿姐態度同衛生常識好差，啲野食係個客頭頭度大叫邊個叫左..唔知以為自己去左左排檔😂真心唔好去，仲話買套票….買果個都係傻…絕對冇下次！

見youtube有介紹，KKDAY又做優惠咁，咪去試下180分鐘 蒸海鮮+任飲任食火鍋 = $328+$20醬油費  任食海鮮要另+$168 所以無加收$20醬油費唔緊要，但得３款 (鼓油，蒜泥＋好似辣椒)海鮮每人有龍蝦半隻，聖子一隻。鮑魚一隻，生蠔一隻，蝦兩隻，蜆幾隻 （望見個木兜有D唔開胃）服務員都好服務，幫你蒸+計時+夾海鮮都新鮮無霉，龍蝦都大隻彈牙食完海鮮換個椰皇水粥底打邊爐，個湯底淡如水食物選擇少都唔緊要，因為我主力食牛澳洲Ｍ５和牛：薄切，有牛味，正常野安格斯肥牛：呢個經典呀！雪硬到痴住個兜，點夾都係夾唔到，要落D湯去溶雪。以為只係一碟係咁，再叫！兜兜都係咁肥牛唔掂，仲衰過快餐店邊爐牛。叫墨丸又話無貨，大佬無野食啦喎有點心叫，都係算啦飲品櫃入面，最下層主力啤酒，其餘罐裝涼茶好多好多，好辛苦先前後搵到4罐可樂，再搵應該無返到屋企網上搵番個menu，原來琵琶蝦／肉蟹 轉咗生蠔又唔出聲

之前在YT見 到有介紹蒸海鮮+火鍋任食，人頭扣埋優惠之後$300有找！咁就去試一下！星期五晚收費$330/人 + $20醬油再+10%服務費即場買現金卷$3000，送$2000共$5000（每張面值$100 每次最多用30張）再有優惠，每人減$100。本身有龍蝦每人半隻：好食，彈牙，有膏蟹每人半隻：新鮮，有膏蝦：3隻 鮮甜，彈牙（可追加）蟶子：1隻 一般鮑魚：1隻 新鮮，正（優惠期內可追加）貝類：3隻 有海水味，不錯（可追加）蒸海鮮時有計時器計時避免蒸過老同服務員會幫手處理之後有任食火鍋或用火鍋配料繼續蒸但特別在有酒樓式山竹牛肉而其他配料都整體不錯！前菜的拍青瓜，醃蘿蔔很好食點心有驚喜：上枱時熱辣辣,值得encore

話說今日同朋友去咗FB上講述蒸海鮮，旺角緣味小聚，佢開12:00我哋11:43上咗去坐落後，睇下地方好細衹能夠放九張台， 阿姐好細心咁招呼我哋；又問我哋食乜嘢、早前朋友上嚟問過$344全包 咁我哋都同佢講海鮮放題$344個隻 一陣間阿姐就攞咗個粥底煲 過嚟 在攞啲海鮮過嚟包括有龍蝦，蟹，蝦、蜆，聖子、 鮑魚。龍蝦每位半隻 蟹每位半隻 追加食品有海蝦 ,鮑魚,蜆,鱸魚片;原本有蠔嘅但係佢賣曬冇貨.亦有其他 火鍋食品，和牛，安格斯牛肉，雪花肥牛 食品雖然多不過好多佢都會留單冇出同埋佢啲前菜呀小食嗰啲屁股酸蘿蔔呀貓魚呀手拍青瓜咁我哋落咗order佢都冇理到只有追單佢就話冇貨 等等………… 火鍋食品 有澳洲m5和牛任食安格斯肥牛任食西班牙黑毛豬任食蟲草花滑雞球入式手打牛丸 墨魚丸 龍蝦丸九記貢丸菜肉水餃鮮肉雲吞韭菜餃 萵筍片娃娃菜油麥菜烏冬出前一丁陳皮魚蛋 南瓜條蘿蔔片甜粟米金菇菜薯仔片 唐生菜冬瓜片 炸山根海帶鮮豆皮芝心丸蟹籽丸蟹膽丸罩護照 豆腐卜山水豆腐芝士腸 芋絲札響鈴 炸魚皮午餐肉 燒賣點心有蟹子蒸燒賣灌湯小籠包黑金流沙包健康紫薯包流沙合桃包小心流沙包蜜汁叉燒包潮州蒸粉果古法馬拉

終於都去到呢一間緣味小聚！！一入到去嘅時候，呢間餐廳嘅氣氛已經非常之有懷舊風味！而且有我最鍾意食嘅海鮮蒸鍋！仲要大部份嘅海鮮都係任食！今次可以食到飽啦！最先出場嘅就係呢個印尼琵琶蝦，超級大隻嘅琵琶蝦，蒸熟左之後顏色非常靚，賣相好好！而且重點嘅係呢個琵琶蝦嘅肉質非常有彈性，而且非常鮮甜！黑頭為之仲有少少蝦膏，食落去好爽！仲有扇貝超級大隻，而且鮮甜同埋好彈牙！我自己都另外再叫多咗幾隻！大蝦亦都好好食，呢度嘅大蝦真係超級大隻，而且蒸鍋整完之後，一啲都冇縮水！加咗少少豉油一齊食，真係超正！

事缘碌fb见广告海鲜蒸锅人均168几吸引，OP订位指定歺二人起五折咪试下，上去一眼睇得十张枱，超小窄，朋友睇得想走，不过订在位就试下了，店员不断介绍我们吃338元鲍鱼海鲜任食餐，酱料每位收费20元，一碟酱油只有辣椒，葱同蒜蓉俾你加入去，五折指定歺份量(第一图)适合女士，男士就要另加钱升级火锅放题(第二图)了，海鲜都几新鲜，火锅放题就麻麻了，饮品选择超少，大多是康师傅，二人买单576,睇晒全餐牌都无个人均168，质素麻麻，甘既价钱火锅放题走前少少去创興廣场大把选择

今日返工嘅時候突然之間好想食海鮮，於是就喺OpenRice度搵吓睇吓有啲乜嘢餐廳好介紹，就比我搵咗呢一間緣味小聚！見到啲相好似幾好食同埋性價比好高，於是就帶埋個好姊妹一齊去食飯啦！呢間餐廳而家做緊嘅都係任食嘅海鮮蒸，粥底火鍋任食，點心，小食任食！真係一間可以食到飽嘅餐廳啦！咁大個女都未試過去任食嘅海鮮餐廳！見到啲食材就覺得餐廳真係好有誠意！全部都係大大隻好新鮮！而且用蒸鍋真係可以知道啲食材新唔新鮮！整體來講都係非常有質素！點心方面都係好有水準，我自己好鍾意食呢度嘅蝦餃，呢度嘅蝦餃晶瑩剔透，而且外皮好薄！入面嘅蝦肉爽滑彈牙！仲要有粥底嘅火鍋，呢度嘅粥底湯底好香濃嘅海鮮味道！就係呢碗粥都已經差唔多值回票價啦！

有時候心血來潮都會好想去任食嘅放題餐廳，平時任食嘅日式放題同埋火鍋就食得多，今次就試吓呢一個任食嘅海鮮蒸鍋！早幾年如果想食海鮮蒸鍋真係好貴，所以都唔係好捨得食，今次見到呢一間可以任食，仲要係咁抵食！所以就可以帶埋屋企人一齊去試吓啦🤩海鮮真係一啲都唔吝嗇！全部都好新鮮，而且非常大隻！屋企人話如果自己買嘅食材都唔止呢個價錢😂龍蝦大大隻！而且仲要好多膏！蝦肉亦都係好鮮甜！仲有粥底火鍋可以食到，呢度嘅粥底好香！啲粥煲得好軟綿綿！仲有幾款特色嘅小食都好值得推介！呢一份黃金皮蛋真係好好食，鹹蛋黃嘅香味再加埋皮蛋嘅口感！真係食得好滋味！

之前一直都有聽過有人介紹過呢一間緣味小聚！但係自己一直都冇乜機會可以過到嚟食飯，今次終於難得可以帶到男朋友過嚟呢度一齊試吓啦！呢度而家主打緊嘅係180分鐘任食海鮮蒸鍋再加埋有港式點心同埋粥底火鍋！真係好爽😄呢一度嘅粥底火鍋真係好正，粥底非常香好入味！用嚟打邊爐真係好正，而且我都好鍾意呢一度嘅牛肉，任食嘅牛肉真係食到停唔到口！好有質素，好林同埋好香嘅牛肉味！另外當然唔少得要食呢度嘅海鮮蒸鍋啦！呢一度嘅海鮮都非常新鮮，用蒸氣去煮熟就食得到海鮮嘅原汁原味，而且呢度雖然係任食但係一啲都冇偷工減料！全部食材都好新鮮好大隻！可以話係一間性價比好高嘅餐廳！

呢一間喺旺角嘅緣味小聚！之前一直都聽過有好多人介紹，但係今次自己終於都可以過到去呢度食飯啦！因為預先book好咗枱嘅關係，所以我哋去到嘅時候就可以安排入座，非常貼心！餐廳嘅環境裝修好有氣氛，真係好有懷舊風味！重點黎啦，呢度可以任食海鮮蒸鍋，食完之後仲可以有火鍋打邊爐！再加埋無限任食嘅點心同埋小食！基本上都係一個非常足料嘅放題任食！我自己好鍾意呢度嘅海鮮，用咗呢個最原始嘅烹調方式，所以食到海鮮嘅原汁原味！非常鮮甜！蟹嘅蟹膏真係非常之多！非常好食先甜！另外，呢度嘅蝦亦都係非常新鮮彈牙，我自己都食咗好多隻🤣中式嘅點心方面，我自己都好鍾意食呢度嘅燒賣，餡料好充足，而且鮮蝦嘅味道好香！

今日約咗屋企人食飯，食早餐除咗食西式早餐之外，有時候我自己都會好想飲茶！因為好鍾意食點心，可以有好多唔同嘅款式食到❤️今次就帶咗屋企人去食呢一間旺角嘅緣味小聚👍🏻餐廳係非常之充滿懷舊嘅氣息，而且呢度嘅點餐紙都係好有傳統嘅風味，真係好特別！今次真係叫咗好多款唔同嘅菜式，其中一個真係好有驚喜嘅就係呢個重量級點心拼盤👍🏻👍🏻呢個點心拼盤入面嘅款式都好多，我自己好鍾意呢度嘅叉燒包，叉燒包嘅外皮好軟熟，而且個包好香！重點嘅係入面嘅叉燒真係好正，蜜汁嘅叉燒，再加埋滿滿嘅醬汁！同埋呢度嘅叉燒嘅份量都好多，係一個性價比好高嘅叉燒包😋另外仲有一個厚肉龍蝦飯🦞！呢個龍蝦飯真係超級大盤！相信四個人食都絕對足夠，而且呢個龍蝦真係啖啖肉，超級大隻！而且好新鮮，鮮甜味十足，所以令到呢個飯都好香嘅海鮮味道！

呢一間緣味小聚嘅5小時任食鮑魚海鮮蒸鍋，就咁聽個名都已經非常有霸氣！而且我自己真係冇聽過有一間任食嘅地方可以用五個鐘頭任食🤣🤣可想而知呢間餐廳係幾咁大方！！所以今日都同朋友過咗嚟呢度會一會佢😋呢個任食嘅鮑魚海鮮蒸鍋，首先出場嘅就係大大盤嘅海鮮盛盤😳材料非常豐富，而且呢度嘅店員都會好細心咁每一款海鮮較好咗timer，然後幫我哋整好晒俾我哋食！非常窩心😊我自己好印象深刻嘅就係琵琶蝦，呢一個琵琶蝦雖然冇得再追加，不過其實食半隻都已經好足夠！琵琶蝦嘅蝦肉非常厚，而且好大隻！基本上食半隻都分咗幾啖去食，呢個感覺已經好爽！仲要佢非常鮮甜👏🏻👏🏻另外就係聖子，就咁原汁原味用蒸鍋去整嘅海鮮真係好正，特別係呢個聖子，本身非常大隻，諗住蒸完之後會有少少縮水，但係竟然完全冇！而且呢個聖子好甜，好多肉！✌🏻

講到食點心 ，相信唔少香港人都係非常鍾意，而且食點心真係選擇好多，我自己今次就去咗呢一間緣味小聚！難得星期日可以同你屋企人出去食下飯，梗係要去飲茶啦！！呢間餐廳屋企人都非常鍾意，除咗款式都好多之外，氣氛都非常懷舊，好友風格！！今次我就叫咗一個非常重量級嘅點心拼盤！！而且仲帶咗好多唔同嘅點心，呢度嘅點心整體來講都非常啱我口味，除咗唔會好油但係分量十足之外，重點嘅係呢度嘅味道同埋材料十足！！呢個重量點心拼盤入面，我自己好鍾意食嘅就係呢個馬拉糕，馬拉糕嘅香味好好，而且好香嘅蛋糕味道，口感非常鬆軟，熱辣辣嘅馬拉糕真係食完落去之後有一種滿足感！

今日收工之後，去咗一間朋友介紹嘅呢一間緣味小聚😎朋友話呢度晚市嘅時候可以食一個5小時鮑魚海鮮蒸鍋任食嘅放題🤣🤣冇聽錯，真係5小時！！好誇張呀！未試過任食可以食五個鐘🤣🤣一於唔執輸，去試一試先！！首先，呢一個嘅任食鮑魚海鮮蒸鍋真係超級抵食，全部海鮮都非常新鮮大隻，而且性價比十足！有好多唔同款嘅海鮮可以任點！！🤣對於海鮮嘅愛好者來講，呢間餐廳一定可以滿足晒佢嘅願望！有琵琶蝦，鮑魚，生蠔，聖子，林林總總唔同款式嘅海鮮，任君選擇！！而且全部都係食佢嘅原汁原味，由於食材非常新鮮，所以食原汁原味嘅蒸鍋就真係最好不過！加埋少少自己配料嘅豉油調味，真係超爽超正！👍🏻👍🏻整體來講，呢間餐廳真係算性價比好高，款式種類好多！十分之值得推介！