之前做會員食過午餐buffet 同 下午茶buffet都唔錯，今次試埋晚餐dinner
但有點失望了。。。

做緊星馬泰主題，因為我星期日食，人都幾多

對我黎講飲品最緊要，唔通真係飲水咩
有橙汁汽水啤酒任飲！

海鮮龍蝦、小龍蝦、麵包蟹、青口等等，好多選擇而且新鮮
而且龍蝦有埋芝士焗，多個選擇。

串燒唔錯，同午餐一樣有最愛燒牛舌心，牛肉串，呢兩樣必食
燒乳豬即切，好脆口唔錯！但安排好差，敗筆位(一) 文章之後講....
印度美食有拉茶飲，呢樣幾驚喜。
熱食基本野，都係buffet有果Ｄ，所以都唔多講。


甜品都幾特別，車輪餅要食，但有Ｄ甜品喺７點見過後，到食甜品果時就無再見到，果時大約８點半左右
難道要我７點前要拎住D甜品先？敗筆位(二)！

敗筆位(三)
因為人多，排隊排鐵板燒(鵝定唔知鴨肝/牛扒/羊架/三文魚/虎蝦) 排到癲
因為即燒關係，又咁多選擇，又唔限件數，每個企住等佢燒，酒店可以考慮下派牌仔
當然到甜品時間係無人排隊既。 敗筆位(一)
條隊中途係有其他熱葷，包括吸引既乳豬，因為出得唔密，而每豬得20片 以為排隊拎，點知有人插隊拎
敗筆位(四)
我最愛鵝/鴨肝，因為太多人排隊
預先入面廚房煮定，然後鐵板燒一燒
結果係又黑又硬又難食
我後段無人排隊再去拎，終於正常好多，真正即煎

見youtube有介紹，KKDAY又做優惠咁，咪去試下

180分鐘 蒸海鮮+任飲任食火鍋 = $328+$20醬油費   任食海鮮要另+$168 所以無加
收$20醬油費唔緊要，但得３款 (鼓油，蒜泥＋好似辣椒)
海鮮每人有龍蝦半隻，聖子一隻。鮑魚一隻，生蠔一隻，蝦兩隻，蜆幾隻 （望見個木兜有D唔開胃）
服務員都好服務，幫你蒸+計時+夾
海鮮都新鮮無霉，龍蝦都大隻彈牙

食完海鮮換個椰皇水粥底打邊爐，個湯底淡如水
食物選擇少都唔緊要，因為我主力食牛
澳洲Ｍ５和牛：薄切，有牛味，正常野 安格斯肥牛：呢個經典呀！雪硬到痴住個兜，點夾都係夾唔到，要落D湯去溶雪。以為只係一碟係咁，再叫！兜兜都係咁 肥牛唔掂，仲衰過快餐店邊爐牛。
叫墨丸又話無貨，大佬無野食啦喎
有點心叫，都係算啦
飲品櫃入面，最下層主力啤酒，其餘罐裝涼茶好多好多，好辛苦先前後搵到4罐可樂，再搵應該無

返到屋企網上搵番個menu，原來琵琶蝦／肉蟹 轉咗生蠔又唔出聲

除夕夜因為等倒數，所以夜晚即BOOK 21:45食放題
而喺香討見有人介紹，就試一試佢 御滿屋日本料理


因為除夕夜關係，$248加一 (2小時)

環境方面都係枱同枱好近，賺要賺到你盡果啲

飲品選擇比較特色: Hoegaarden, 梅酒, 清酒
其他都係一般野喇

坐底叫野食，我本人都係一個唔蝕底既人
一次會tick好多款，每款試少少咁
叫左10分鐘先有一碟... 10分鐘後先有一兩碟...
同一般放題店既弊病一樣，全場枱枱同一時間出同一款野
咁如果你無叫果款野，咁就等下一轉喇兄弟

食物選擇比較特色: 花膠
其他食物既味道又OK喎, 串燒物+羊架+炒蜆 都唔錯
刺身壽司味道就平平喇...

甜品方面，如果自命係勇者
可以試試佢個油浸窩夫...　成個窩夫都係油益味
另外，每人送一杯特色雪糕 (haagen-dazs, movenpick) 唔夠食的話雪糕櫃仲有道地綠茶雪糕

總括而言
味道ＯＫ喇，呢個價錢可以試其他放題囉
味道          👍👍👍 出餐速度👍
漏單情況👍👍
（👍👍👍👍👍最高）
 

月中已經糧尾... 唯有喺OPENRICE搵下尖沙咀$200蚊人均以下食店喇 就搵到呢間 羅勇泰國粉麵 ， 夜晚７點人唔多，所以唔駛等位。 兩個人叫左4樣野。 ＊泰式奶茶 - 搵番泰國既味道！佢應該為左配合香港人口味，所以無正宗泰式奶茶咁甜 ＊泰式鳳爪 - 唔係太辣夠哂我，配料都好足 ＊牛肉湯河 - 我本身叫金邊粉，但黎到都係河粉咁無所謂唔轉黎轉去。 我喺食評見好幾位都寫呢碗係 船麵，我諗佢地誤會左。 呢碟應該係一碟用好多材料餚成既 湯河，（而且MENU都係只寫牛肉湯河 ） 如果你用船麵心態去食呢碟湯河，當然湯底係唔同味。 ＊青咖哩軟殼蟹飯（可配油飯或炸米餅） - 價錢唔貴喎，都係88蚊，我見出面係100蚊起錶。（店主睇到呢度唔會突然加價） 味道唔錯，食到最後想加多碗飯！ 最後埋單$204，以為去尖沙咀食飯又多個選擇

見Facebook各大專頁都介紹呢間「叫幾多切幾多」牛排專門店，
梗係試一試佢喇！ 當晚十分大雨但無損我既熱情！夜晚６點去到。
見到條隊排排排排，排到上樓梯仲未完，再兜個靚灣終於見到龍尾。
職員好友善同我講排7x個
原來夜晚限賣80份，第80個會係ＬＵＣＫＹ　ＳＴＡＲ 免費升級SET (換來既係... 拎住個牌話俾人知我係龍尾賣哂喇!)
我等了又等，經過個半鐘既洗禮，見到佢寫住話每人限買一份!
問個職員都話係，即刻叫即將餓死既女朋友放棄張枱，過黎一齊買
點知前面個男士，一個人...買到兩份...
叫左300G肉眼SET + 300G牛柳SET
即切，當然佢無勁切到岩岩300G喇
所以埋單240蚊左右 等多10分鐘左右終於有得食！
Ｄ味好香！
餓鬼上身，本來食乜都好味...
點知個肉眼扒咬呀咬... 咬呀咬...  大佬呀! 我想吞呀!  靭到不得了...  牛柳較好，建議食牛柳或西冷
總結:  肉眼扒300G都係78蚊，出面都好難食到，將價就貨喇 但如果要排個半鐘去將價就貨...　自己諗喇！

深水埗咁多野食， 上Openrice又車仔麵又蝦子面又豬潤面咁... 花多眼亂都唔知邊間好， 唯有行到邊食到邊。 經過Bugerman之前已經好想試， 但見價錢唔多經濟咁...... 點知見到Lunch set都係58蚊有薯條有可樂! 唔駛諗即刻入去! 小店鋪位細細，有8個「面壁思過」位 Openkitchen即叫即整， 即煎煙肉、煎漢堡、炸薯條 等5-10分鐘有得食 總括而言，58蚊即叫即做 價錢經濟~ 下次我會試鵝肝漢堡!

話說琴日去美食展，其中一檔係食台灣野 個蚵仔煎吸引我過去，檔嘢叫 “程班長“ 一食之下十分好味，蚵仔大大粒，都係36蚊 之後我就上OPENRICE搵，原來喺荔枝角有店 今晚即刻上去食 原來喺工廠1樓，好似觀塘駱駝漆格局 7點去到已經好多人等緊位... 要等十幾張枱 不過流量好快，等左15分鐘有位(我2個) 店內簡約，幾張長枱 有啲長枱要 “面壁思過“ 好有台灣感覺 因為我得兩個人，有好多野想食，但無理由眼闊肚窄。 最後埋單都係164蚊。抵食! 仲要外賣一個紅豆芋圓，好好味

由於好耐都未食過片皮鴨... 今次一於上人Openrice搵下片皮鴨食肆 最後揀左「老掌櫃 」 食東北菜，價錢都適中 打電話訂位（記住留定片皮鴨） 訂7點，8點半還枱，感覺有啲急... 準時入座，見仲有幾張吉枱... 點知過多一陣就爆哂 主角出場! 皮有啲厚又有啲薄 鴨肥瘦都有 正體都唔錯 由於食過西環果間巴X，對羊肉念念不忘 所以叫左京燒羊肉 一入口好林，好騷好正 要趁熱食，凍左會變靭 排骨擔擔麵 個湯底好香，麵有咬口 因為叫左少辣，岩岩好 肉三鮮煎餃 有豬韭菜蝦仁加埋，不過同我想像中唔同 煎得過左火... 有點兒乾同硬 建議大家食蒸餃 最後叫左個拔絲蘋果... 但唔記得影相 味道一般無特別 總結而言，三個人食已經飽飽! 四百幾埋單，算係經濟實惠

收工口痕，特意去太安樓睇下有乜野食........

諗住試下雞蛋仔，見眼另一間 「蛋X」 劣評多多。於是試左「鴻記」............

18蚊一底雞蛋仔，22蚊一底夾餅?!.........

門口又多人等候.....

俾「北X雞蛋仔」仲要貴，心諗好食無所謂啦~~~

點知食第一粒已經中伏，味道怪怪，好似機械味道，以為係錯覺。食落完全無蛋味。錯哂

得個脆字，脆身間間都做到........

如果佢好似 「龍X」 買1送1 都無咁嬲

之前都搵大圍沙田附近有乜好食，

中西日泰菜鬼死咁多

搵搵下就搵到呢間 風車 ，

睇食評又OK咁，又有HAPPY HOUR!
最後就打去訂位DINNER

餐廳有BAR位有波睇，MENU有分SET DINNER / 散叫

HAPPY HOUR仲去到9點，叫左啤酒買１送１

埋單每人都係200蚊唔駛

以小店黎講，每度菜擺碟有心思，而且配料配搭得幾好，繼續努力！

之前我都食過幾間觀塘樓上西餐，得個環境，野又普通無特別，價錢又唔平