維港灣餃子坊 (已結業)

今日黎睇朋友踢波 完左就係附近食餃子 佢話平時都食開 有無味精靚湯 叫我試下見餐牌好多款餃子 煎餃湯餃 配湯麵都得 真係有d難選擇 問店員有咩推介 佢話韭菜豬肉餃多人點 確實好推介 一係成8隻都幾大隻 皮又薄料都足料 我用佢個老火湯黎食湯底配餃子食 味道濃郁 又多左種味道 好似食第2種餃咁 朋友話做完運動熱熱地就唔洗湯餃食煎餃 我叫佢揀芝士粟米餃 同佢換幾隻湯餃 試外無肉餃子如何 煎到岩岩好 幾香口 咬落去啖啖軟香芝士再有粟米甜味同咬口 朋友話唔係幾飽 可能佢做完運動啦 其實我好飽 佢再點蜆芥炸鯪魚球 嘩上檯大大粒 見佢熱辣辣食到咁滋味 抵唔住要試一粒 入面魚肉彈牙皮炸到少少脆口 點埋蜆芥 一流

今日去呢到附近教班 完左餓餓地見呢到有職員係到即場包餃子 感覺會好新鮮就入黎幫襯 友人話想食煎餃 估唔到佢揀呢款小朋友口味芝士粟米餃 佢話出面少有喎 煎得幾好 唔會好乾但又夠香口 內面芝士軟軟 粟米又有甜味同咬口 再配個鮮淮山蟲草雞湯 味道濃郁 一客6隻都幾飽肚 我就食韭菜豬肉餃 好薄皮 內面韭菜好香 食起黎都幾多汁 入面都好足料餃子好飽滿 一客仲有成8隻添 配埋老火湯 $39真係抵雖然好飽但係都想食啲熱氣嘢見到個餐牌有鯪魚球但個價錢都唔平 4粒$28 同朋友傾叫唔叫好 點知員工好搞笑咁話"呢個鯪魚球好好食㗎 重大個粒乒乓波 係細網球少少咋推介我哋要食下" 佢又真係無推介錯 熱辣辣 又足料內面彈口 仲要真係好大粒 整體食物都非常好食 滿意

耐唔耐都會諗係想食維港灣餃子 今次要咗個泡菜鮮肉煎餃同韭菜鮮肉湯餃 再要份口水雞口水雞最快送上 味道非常惹味 夠辣又夠香 調味香料帶出唔同香辣 雞份量都多 而且肉都幾嫩 叫杯銀菊露解下辣 唔會太甜 等左陣湯餃嚟咗 一碟八隻跟配是日餐湯畀你 當日蓮藕鱆魚湯熱辣辣好味道 湯餃時間煮得岩岩好 餃子皮厚度適中 入面好重韭菜味又足料 正之後就食泡菜煎餃 有六隻 煎得非常之香口入面泡菜味濃 入面泡菜唔會好細小 好多泡菜有咬口 餃子多汁 讚 員工有禮貌 餐廳坐得舒服 鐘意幫襯都係有原因

維港灣餃子店元朗多嘢食都唔係第一日既事，有平有貴任君選擇。今日同朋友行去元朗決心搵又平又有水準既平民小店。行行下見到呢間餃子店就入去試下，點知一試就令我搵食list增添一間。我同朋友兩個唔食得太多，total叫左三款餃子試下，分別係芫茜鮮肉餃，芝士粟米餃，同埋黑松露鮮肉餃。三款餃子各有千秋，但一樣咁好食！！！！先講下芫茜餃，茜味非常重，中意芫茜既你一定唔可以錯過。之後到芝士粟米餃。芝士味超級濃郁，加埋粟米既甜味真係無得輸。最後就係黑松露餃，黑松露味一樣濃郁，第一次食用黑松露做料既餃，有新鮮感！！！

今日同屋企人黎到元朗教育路呢頭既維港灣餃子坊度食午餐，呢度d餃子又好食又有特色，岩曬想食餃子又想試新野既你地啊！招牌三拼餃菠菜麵，有大白菜，香芹，韭菜餃子，每種的味道都唔錯，又新鮮，尤其係個菠菜面，真係好有特色，顏色又靚，加埋個濃濃既豬骨湯，味道好夾!呢個流沙鹹蛋鮮蝦餃，咸咸地，煎到脆一脆，鹹蛋味好香，流沙既感覺食囉好正!硯蚧鯪魚球就是鯪魚球點住個好鮮味既硯蚧醬汁黎食。芝士蝦丸都炸得好靚，外脆內軟!

第一次係呢度食餃子 單單係元朗就有2間分店了😊環境乾淨 舒服 餐牌方面 有淨湯餃 煎餃 湯餃面 好多選擇🔅每日都會配一個 老火湯 毫無味精👍🏻是日精選 赤小豆粉葛豬骨湯好清甜仲有粉葛食😆啱晒平時想飲煮家湯既我🤭飲品方面 自家製 銀菊露（$8）十分清甜！啱啱好舒緩 食餃子的飽肚感而且都好大杯 主菜方面 有野生松茸鮮肉湯餃 （$60）一共有6隻 入面超足料😍一咬開 已經多料到溜岀黎 d肉汁瀉岀黎tim啊🤣皮薄得黎 又唔易爛！掋👍🏻完全食得岀 個松茸既味道！配埋個新鮮豬肉 食完一粒 即刻feel到個肚好滿足🤤另一個我私心推介 就係三重芝士煎餃($68)中意食芝士既朋友 真係非試不可😋入面包含 巴馬臣芝士、馬蘇里拉芝士、車打芝士三種芝士 帶岀豐富既口感食落去，好味道得黎又唔會太濟🤓煎餃 好有獲氣 ，帶岀芝士既香🤩

中午經開元朗，同朋友見到食餃子話去試下蜂蜜柚子茶$8凍銀菊露$8兩杯都好好味吾會太甜養生既少女必揀香芋地瓜球$22實心既地瓜球好多料入面有芋泥同地瓜撈埋一齊，新鮮炸起～椒鹽花枝丸$22好有台灣既味道，如果再大粒啲就好啦～好多椒鹽係上面啖啖都有得食～蒜泥白肉$35呢個同譚仔有得揮！雖然蒜泥吾太多但都已經好入味都好大碟推介！終於到重點既餃子，韭菜鮮肉煎餃$39入面都好足料好新鮮，個皮都好蒲，我覺得下次可以再試吓其他了最後就嗌左成都口水雞，呢個份量多同埋唔算好辣應該大部份人都可以接受到，都唔算有好多骨啖啖肉買單兩個人千170幾蚊好抵呀

作為芫茜控的我，見到美食介紹元朗新開 餃子專門店 維港灣，全部都係特色餃，最緊要係有我最愛嘅芫荽鮮肉餃🥰🥰🥰裝修好新潮，有特色，以藍色為主調，牆身掛有很多得意公仔，圍繞着餃子🥟主題，可愛😻點咗芫荽鮮肉湯 8隻，仲有埋味精自家製靚湯！今天係粉葛湯，又係我喜歡飲的😍😍八隻大大隻，分量很久，芫荽味很濃，配鮮肉就最match，食兩隻飲下湯，正呀！😬😬芫荽控一定要嚟試其實餃子選擇很多，芝士黑松露、鮮蝦、鹹蛋，全部都係好有創意新穎👍👍當然都有傳統香芹啊香菇啊，大白菜🥟🥟🥟🥟另外朋友，就試咗滷水牛展湯刀削麵，湯底先甜，牛展有五大塊，生菜，秒殺！😂😂小食也有不少選擇，土匪雞翼，熱辣辣即叫即炸，肉質鮮嫩😋😋飲品有自家製銀菊露，絕對值得推介，媽媽的味道🤣🤣😁😁果然冇介紹錯、難怪好多街坊都係佢哋嘅fans😉

同男友晚餐諗緊食咩，見到夜晚呢間好多人食就入左來。餐廳以紅磚做背景，牆上有掛畫，有梳化椅，但有少少窄。我地叫左咸蛋鮮蝦餃，只是一般。但四拼湯餃的確好食，用料新鮮。老火湯真係好正，好好飲，冇味精。特別想講個芝士煎餃真係好好食！！！😎一定要食！！！😎會再返來幫襯呢間！！

簡單的餃子, 成為了近年的大熱, 大量餃子店百花齊放, 都主張自家制餃子+無味精靚湯, 讓大家可以外出都食到家的味道~而對於已出來工作, 一星期可能只有一兩天家常便飯的我, 確實很愛餃子和湯水, 所以每次見到餃子店, 都會想試試!剛好, 元朗又開了一間餃子專門店, 坐位舒適而且裝修都頗特別, 而且餃子種類眾多, 又有無味精靚湯, 那就不得不試了~招牌四拼湯餃-8隻《$42》※ 推薦指數: 5/5四拼中包括了白菜, 韮菜, 芹菜和芫茜~ 當中最特別的當然是芫茜餃, 但因為我有另外點了芫茜煎餃, 所以等等再介紹!另外3種都是平時食到的餃, 看圖已知內餡很多, 而且調味剛好, 食到食材的鮮味又不會過咸而最特別的是, 點餃子, 會另上一碗湯! 這個做法很少見, 但確實可以避免煮餃子的水令湯變稀, 值得一讚鹹蛋黃芥菜鮮肉湯餃 - 8隻《$45》※ 推薦指數: 4.5/5沒看錯! 是鹹蛋黃餃呢~~~鹹蛋黃配芥菜這個組合特別得來又很夾, 咸蛋黃的咸香加上芥菜的清香可惜是, 如果鹹蛋的咸香味再濃一點會更完美, 為此扣了0.5分~說了多次湯湯湯湯湯, 終於輪到湯了~ 每日的湯都不同, 而當日我有幸試到花

維港灣係元朗有兩間分店 我都去過幾次因為佢食餃子會配無添加味精老火湯今日我就要咗個新出三重芝士煎餃餃同埋香芹鮮肉煎餃湯係椰子雪耳雞湯 我哋仲要咗杯銀菊露等左陣芝士煎餃嚟咗 一碟五隻餃子都好吸引 被一重熱溶芝士覆蓋 上面蟹籽脆卜卜 好香又有口感 餃子內面仲有芝士 好邪惡 但好好味 跟配是日餐湯 飲得出好濃椰子味仲要好多材料 之後就食香芹煎餃 煎得非常之脆入面香芹帶出香味 餃子多汁 讚 食完飲埋杯銀菊露 感覺即時解熱氣 我見門口寫而家買2打以上生餃有8折 過兩日打邊爐做冬所以買埋兩打返去

今日幫襯o左一間恬靜o既小店。呢間中式餃子麵檔以手作餃子招徠，口號係「想餃就餃」，語帶雙關，帶點玩點性質。一般餃子都係菜呀、豬肉呀呢類o架o者，但見佢門口sell 緊流心芝士口味甚至流沙咸蛋，等我一於試下佢究竟好無食先~先叫個正常o既先，叫o左碗芫茜鮮肉湯餃湯麵($38)。本身我都幾好芫茜，如果去d 食粥、腸粉o個d 鋪頭都會叫佢加多d，有時要另外加錢添。佢呢個湯麵有5 粒湯餃，ok 飽滿，釀入o左幾多芫茜，十分之香，整體味道係唔錯o既~麵底有多個選擇，包括唔常見o既菠菜麵、銀針粉甚至讚岐烏冬，全部一樣錢。菠菜麵其實都想試下，不過因為個麵主要係朋友食，咁就佢揀番叫乜，佢寫o左個刀削麵。麵條偏薄而長身，浸淫o係豬骨湯之中，湯呈奶白o既顏色。一心入o黎試特色水餃o既我，點o左一客芝士粟米拼芫茜煎餃($42)，屬於雙拼，可以一次過試到多d 款式嘛。首先如果單叫一碟餃子(即係唔係湯麵)，佢會附送一碗是日靚湯。店鋪當眼位置寫住今日o既湯係野生山珍雞湯，飲落帶點中藥補品o既味道，唔識得exactly 形容，有少少似我老母煲俾我飲d 抗敏感湯水o既味道，實好滋潤。煎餃呢擺落口即刻能夠感受到佢股鑊氣，

今日輪到媽子帶我食好西， 教育路一條街沿途有好多美食， 今次去到以自家手作賣點既餃子店食好嘢🥢🥢店舖企理乾淨，牆身掛上富有趣味性嘅插畫 😙除咗餃子外，有其他麵食、小食， 種類多款夠曬多👍有六款麵食， 其中有菠菜麵同銀針粉比較特別😊招牌三拼餃菠菜麵 ~ 分別大白菜、韭菜、香芹各樣兩隻，大粒飽滿， 菜肉分明， 食到啲菜嘅本身甜味爽脆，湯頭濃郁冇乜味精，麵質正正常常， 加埋辣菜脯一齊食😋芝士粟米拼芫茜煎餃~ 芝士粟米🥟 芝士唔夠突出😆 芫茜🥟就冇得輸， 整體不太肥膩👍 配是日不加味精 野生山珍煲雞靚湯，味道濃沃天然🤤👩‍⚖ 坐得舒服,食材新鮮，皮薄餡靚，價錢合理 , 唔錯唔錯，媽子冇介紹錯， 期待下次再帶我食好西😆 支持自家製有heart小店💪💪💪

早前朋友係餃子坊叫外賣食過兩次外賣，認為食物唔錯，所以今次帶朋友專程拜訪。恰巧午飯時間12：30。但餐廳唔算太多人，還有很多空位，餐廳內只有3-4台客。餐廳位置唔算細，吋金尺土的香港下已經比起其他餐大很多。我推住bb車，因為bb比較細，所以需要躺在bb車。然而一入門口，職員態度已經不好，要求不可以帶bb車內進。我建議可以在4人檯拉開其中一張椅就可以了，大部分餐廳都會用這手法處理。我的bb車sizes很小，儘管放下去亦絕不影響他人。然而員工態度惡劣，無意給我們內進，還說現在是飯市，可能陣間會多人，用此理由拒絕招待我們。我和朋友兩個人，加埋bb車也是佔用三個位置。如果你話佔用三個位，每個位都有最低消費，bb都計，我都會願意俾。我地兩個都唔會係一人一碗3x蚊既麵就走既人，早前外賣都幫襯左接近千元張單。重點係員工態度惡劣，門口都有話事人定唔知老細見到都冇理。不能再去！即使食物好食，美味,但唔包容小朋友。食物雖好，但態度令我極度失望。如果話餐廳好細我都唔會強行入去食，但真係目測到有足夠的空間。門口未有人等位，我覺得都未至於有位都唔招呼我地。唔包容小朋友。如果你呢間餐廳係唔招待，不如門口貼個牌「小

之前去過元朗另一間分店食過餃子，今日經過呢條街，原來又有另一間分店。除咗餃子，呢度仲有其他麵食。今日唔係好想食餃子，所以我叫咗豬手麵。🐷🐷麵嘅種類其中有一種好特別，叫菠菜麵🍜未食過今次一於試吓，豬手麵一嚟到已經覺得好香，波菜麵本身冇咩特別味道。豬手炆得好淋，醬汁亦好好味，所以成碗面都係好好食。價錢又平，勁抵食！有時食魚蛋雲吞麵食到悶，都可以考慮下呢間。元朗真係好多好嘢食👍🏻👍🏻👍🏻